عندك استشارة قانونيه دراسيه خطرت على بالك ... حياك مكتب uob-bh


نجمة تشرين

اا مشرفة سابقة اا
تاريخ التسجيل
13 أبريل 2010
المشاركات
9,196
العمر
28
الإقامة
في سماء القانون
المجموعة
أنثى
الدفعة الدراسية
2009
الكلية
كلية الحقوق
التخصص
قانون
السلام عليكم و رحمه الله و بركاته
اخواني الحقوقيين
:rolleyes2:

طبعا الكل منا طوال فترة الدراسه يخطر بباله يسأل سؤال عن كتاب
او سؤال شرح عن اي شي في اي منهج ياخذه
و احيانا يحتاج مساعده في البحوث اللي يتطلبها بعض الدكاترة

و لكثرة ازدياد الرسائل الخاصه اللي يرسلها بعض الاعضاء لان بنظرهم ما يستاهل فتح موضوع على سؤال عابر
و اهم يبون جواب سريع
و على اقتراح من العضوة وينك يا حنون بفتح مكتب نجمة الليل للاستشارات القانونيه بالمنتدى:nosweat:

قررت فتح هذا الموضوع
فاي سؤال تحس ما له داعي فتح موضوع عشانه
هني هذي مساحه لكم تسألون و تستفسرون و تطلبون شرح اللي يخطر ببالكم
اتمنى وضحت الفكرة

و ان شاءالله انا راح اجاوب على استفساراتكم او اي شخص يعرف الجواب ما راح يبخل عليكم

بنجمعكم كحقوقيين عشان تتناقشون بشؤنكم
في هذي المساحه
فهي لكم

...
:rolleyes2:

 

وينك يا حنون

Well-Known Member
تاريخ التسجيل
31 ديسمبر 2010
المشاركات
928
العمر
28
الإقامة
مدينة حمد
المجموعة
أنثى
الدفعة الدراسية
2010
الكلية
كلية الحقوق
شكراً على طرح الموضوع نجمة ..

ان شاء الله يكون هالموضوع ملتقى يساعدنة على كسر الحواجز اللي تمنع اي طالب من طرح اي مشكلة دراسية يواجهها ..

نننتظر التفاعل من زملاءنا في كلية الحقوق ..~
 

جنة علي

Well-Known Member
تاريخ التسجيل
23 أغسطس 2012
المشاركات
72
العمر
26
المجموعة
أنثى
الدفعة الدراسية
معلومة خاصة
الكلية
كلية الحقوق
أشكر جهودكم الحثيثه التي تساهم في رقي قسم كلية الحقوق

كل الشكر والامتنان لصاحب الفكرة والقائمين عليها ونتمنى أن نفيدكم وتفيدونا

لكم مني أرقى التحايا
 

وينك يا حنون

Well-Known Member
تاريخ التسجيل
31 ديسمبر 2010
المشاركات
928
العمر
28
الإقامة
مدينة حمد
المجموعة
أنثى
الدفعة الدراسية
2010
الكلية
كلية الحقوق
شعب الحقوق

شمسوين مع البرنسبل اني وحدة ضايعة لان توني ماخذة الكتاب و شفت سلايدات نجمة في المكتبة الجامعية ما يندرى ينفع ندرس منهم او لا

الكتاب مغيرينة ما يندرى هذا اصعب لو اسهل من اللي قبل ..

من شرح ارباب افهم شوي لان الفقرة يشرحها بأمثلة استوعب بس الكلام في السلايدات كلة كلامات جديدة علي ..

احس ما في وقت اترجم .. شسوي ...!

انصحوني ..!
 

نجمة تشرين

اا مشرفة سابقة اا
تاريخ التسجيل
13 أبريل 2010
المشاركات
9,196
العمر
28
الإقامة
في سماء القانون
المجموعة
أنثى
الدفعة الدراسية
2009
الكلية
كلية الحقوق
التخصص
قانون
انا ما اخذت المقرر من قبل
بس اخذت مواد بالانج وااجد
تبين نصيحتي ترجمي اول باول
الترجمه بتفيدج و بتفهميين المقرر عدل و بتساعدج في حفظ الكلمات
و منها بتفيدين غيرش بعديين

لا تقولين ما في وقت ..التأجيل مو في مصلحتش اي درس تاخذينه سيده رجعي ترجمييه

موفقه
:smile:
 

زَحْمـَة حَكِـي

Well-Known Member
تاريخ التسجيل
16 يناير 2011
المشاركات
76
المجموعة
أنثى
الدفعة الدراسية
معلومة خاصة
الكلية
كلية الحقوق
السلام عليكم ،
اني بعد عندي مشكلة مع البرنسبل ! او بالاحرى مو مع المادة نفسها ،
مشكلتي مع الدكتور .. أرباب ماعليه كلام و هو يحاول قد مايقدر يبسط لينا ويفهمنا
بس احسني مافهم كل كلمة يقولها بالذات ان طريقة نطقه الكلمات مختلفة :nosweat:
 

نجمة تشرين

اا مشرفة سابقة اا
تاريخ التسجيل
13 أبريل 2010
المشاركات
9,196
العمر
28
الإقامة
في سماء القانون
المجموعة
أنثى
الدفعة الدراسية
2009
الكلية
كلية الحقوق
التخصص
قانون
السلام عليكم ،
اني بعد عندي مشكلة مع البرنسبل ! او بالاحرى مو مع المادة نفسها ،
مشكلتي مع الدكتور .. أرباب ماعليه كلام و هو يحاول قد مايقدر يبسط لينا ويفهمنا
بس احسني مافهم كل كلمة يقولها بالذات ان طريقة نطقه الكلمات مختلفة :nosweat:
شي طبيعي لان الدكتور جنسيته هنديه
و لهجته مختلفه
فاكييد بالانج ما بتستوعبين كل شي
تبين تعرفين كل كلمه يقولها
حاولي تحظريين للمادة
كل درس بيشرحه انتي اقريه و جذي حتى لو كلمه ما عرفتين هو شنو يقصد ابها لان لهجته تصعب عليه الموضوع
انتي بتكونين عارفتنها و بتمششين ان شاءالله
بالتوفيق
:smile2:
 

وينك يا حنون

Well-Known Member
تاريخ التسجيل
31 ديسمبر 2010
المشاركات
928
العمر
28
الإقامة
مدينة حمد
المجموعة
أنثى
الدفعة الدراسية
2010
الكلية
كلية الحقوق
شعب الحقوق الموقر ..

شخباركم شمسوين مع مقررات الحقوق ..؟؟

شنو تأخذون من مقررات ؟؟

و من يدرسكم و شنو رأيكم في المقرر و الدكتور ؟؟

طبعاً اسئلتي هذي عشان كل طالب - طالبة يأخذ فكرة عن المقررات اللي للحين ما درسها و طريقة كل دكتور في تدريسها ..

في انتظار تفاعلكم ..~
 

وينك يا حنون

Well-Known Member
تاريخ التسجيل
31 ديسمبر 2010
المشاركات
928
العمر
28
الإقامة
مدينة حمد
المجموعة
أنثى
الدفعة الدراسية
2010
الكلية
كلية الحقوق
عن نفسي هالكورس اخذت 5 مقررات

- احكام الأسرة عند الدكتور احمد العطاوي : بالنسبة للدكتور شرحة لا باس به يحاول يربط موضوعات المقرر في الحياة العملية يضرب لينة امثلة و يسألنة عن رأينا يعني المحاضرة مو مملة

بس المقرر يبي ليه في البداية نحسة سهل لكن عن نفسي احس متوسط الصعوبة لان اهوة خليط من الموضوعات المتعلقة بالأحوال الشخصية من زواج و خطوبة و نفقة .. الخ و تقريباً كل نقطة في

كل موضوع فيها اكثر من وجهة نظر فقهية و هذا الامر شوي يغلفط و يحتاج تركيز ...


المقرر الثاني هو تاريخ البحرين الحديث مع دكتور خليل الكبيسي المقرر سهل بالمقارنة مع مقررات الحقوق لكن محتوى الكتاب احس مبالغ فيه و في الكثير من المعلومات الغير مهمة من وجهة

نظري اما عن الدكتور من خلال حضوري محاضراتة يشرح بالإعتماد على معلومات الشخصية حول الموضوع محور المحاضرة بالتالي يذكر الكثير من المعلومات و الانطباعات الشخصية غير

واردة في الكتاب و يكتفي ببعض المعلومات المذكورة في الكتاب ..

لي عودة ان شاء الله لإكمال الحديث و في انتظار اراءكم ..
 

وينك يا حنون

Well-Known Member
تاريخ التسجيل
31 ديسمبر 2010
المشاركات
928
العمر
28
الإقامة
مدينة حمد
المجموعة
أنثى
الدفعة الدراسية
2010
الكلية
كلية الحقوق
في نقطة في مقرر احكام الالتزام المدني الثاني ( 210 ) مو فاهمتنها بطرحها هني ..

في موضوع الوفاء مع الحلول عندنا نوعين من الوفاء مع الحلول

1- الحلول الاتفاقي

2- الحلول القانوني

الحلول الاتفاقي :

معناه الحلول اللي يتم بالاتفاق بين الغير و الدائن او بين الغير و المدين

اولاً : الحلول بالاتفاق بين الدائن و الغير :

في شرطين لصحة هذا الاتفاق :

1- الشرط الاول ان الاتفاق بالحلول واضح ما يعتيريه اي لبس او غموض .

2- الشرط الثاني اللي مو فاهمتنة ان يتم الاتفاق يكون على الحلول وقت الوفاء مع ثبوته بمحرر بتاريخ لا يلي وقت الوفاء هذا فاهمتنة بس يقول لينة بعدين ليش ما يصح الاتفاق على الحلول بعد

تاريخ الوفاء ؟

السبب لدرء التواطؤ بين الدائن على المدين على الاضرار بباقي الدائنين المتأخرين فقد يحدث ان يتفق الدائن و المدين بعد سداد الدين لدينه على حلول احد الاخيار غشاً منهما محل هذا الدائن

لتفويت حق دائن مرتهن تال في المرتبة عليه .

 

نجمة تشرين

اا مشرفة سابقة اا
تاريخ التسجيل
13 أبريل 2010
المشاركات
9,196
العمر
28
الإقامة
في سماء القانون
المجموعة
أنثى
الدفعة الدراسية
2009
الكلية
كلية الحقوق
التخصص
قانون
السبب لدرء التواطؤ بين الدائن على المدين على الاضرار بباقي الدائنين المتأخرين فقد يحدث ان يتفق الدائن و المدين بعد سداد الدين لدينه على حلول احد الاخيار غشاً منهما محل هذا الدائن

لتفويت حق دائن مرتهن تال في المرتبة عليه
سهلة
بس انتيين ما فهمتينها لان للحين ما اخذتيين درس التضامن و التضامم


اول شي افهمي وش معناة الحلول

معناتها ان يجي دائن مكان دائن ثاني يعني نستبدل الشخص

شوفي احمد متسلف من ((سلمان و عمران و علوان :nosweat:)) فذيليين كلهم وش نسميهم دائنيين
فلو احمد جه بيدفع السلف الا عليه الا هو الديين بيعطيهم حسب الاولويه
يعني هو متسلف 5 الاف
3 الاف لسلمان و 1.5 الف عمران و و نص الف لعلوان زين
فلما احمد بيجي بيسدد قيمه دينه
بيعطيهم كل واحد بحسب نسبته اوكي
لكن مو هو المفروض يكونون متفقيين ان يتم الحلول وقت الوفاء

يعني احين
سلمان هو اول مديين و عقبه من عمران
ذيليين عندهم حق امتياز ليش
لان المديين احمد وش مسوي ليهم عاطنهم سيارته رهن
يعني لو ما سددت ليكم عندكم السيارة تبيعونها و تاخذون بقدر نصيبكم
فنسميهم دائنين مرتهنين اوكي

اللحين يوم جه وقت الوفاء اللي احمد مع 3 دائنينه متفقيين عليه
سلمان قال لاحمد ان اللي ليي عندك في ذمتك ما ابيه اعطه اخويي جاسم
فهني بيحل جاسم محل سلمان و بيصير الدائن الا في المرتبه الاولى اوكي
و بيتوازعون المبلغ قسمه غرماء ((يعني كل واحد بنصيبه الا هم جاسم الا حل محل سلمان و عمران و علوان )) اوكي

لكن لو عقب تاريخ الوفاء طاف ما يصلح يجي سلمان يقول لاحمد بدلني باخويي جاسم
ليش لان في احتمال
ان سلمان ويا احمد قاعديين يغشون لان المفروض عمران دائن مرتهن عنده امتياز فمن يجي وقت الوفاء فهو يكون ليه الاولويه لو سلمان يبى يتنازل بدينه لاحد ثاني
فهني اهم احتمال بسوء نيه يبون يباعدون عمران اللي ليه حق امتياز في استيفاء دينه
و هم اصلا ما بينهم رابطه ديين عقب وقت الوفاء لان اصلا المبلغ اتسلم

فمن جذي عقب تايخ الوفا لا يجوز الحلول

فهمتيين عليي لو اشرح ليش مثال ثاني:smile2:
 

وينك يا حنون

Well-Known Member
تاريخ التسجيل
31 ديسمبر 2010
المشاركات
928
العمر
28
الإقامة
مدينة حمد
المجموعة
أنثى
الدفعة الدراسية
2010
الكلية
كلية الحقوق
ما فهمت صراحة

امبي نفس المثال بس على نقاط يعني


احمد ( مدين ) ل 3 دائنين ( علوان بملبغ = )

جذي يعني اقواس و اسهم عشان افهم فكرة المثال ..

و عقبها افهم ليش ما يصير الوفاء يتم في حالة اتفق الدائن و الغير على ان يفي الغير بالدين بعد مضي تاريخ الوفاء ليحل بعدها محل الدائن و يطالب المدين بالدين الذي سدده عوضاً عنه ..

ياريت نجمة تجوفين الكلام اللي كتبتة صح و لا في غلط ؟

تعبتش وياي ادري
 

نجمة تشرين

اا مشرفة سابقة اا
تاريخ التسجيل
13 أبريل 2010
المشاركات
9,196
العمر
28
الإقامة
في سماء القانون
المجموعة
أنثى
الدفعة الدراسية
2009
الكلية
كلية الحقوق
التخصص
قانون
ما فهمت صراحة

امبي نفس المثال بس على نقاط يعني


احمد ( مدين ) ل 3 دائنين ( علوان بملبغ = )

جذي يعني اقواس و اسهم عشان افهم فكرة المثال ..

و عقبها افهم ليش ما يصير الوفاء يتم في حالة اتفق الدائن و الغير على ان يفي الغير بالدين بعد مضي تاريخ الوفاء ليحل بعدها محل الدائن و يطالب المدين بالدين الذي سدده عوضاً عنه ..

ياريت نجمة تجوفين الكلام اللي كتبتة صح و لا في غلط ؟

تعبتش وياي ادري
ما تعبتيني اني هني عشان اشرح ليش:smile:
توقعت ما تفهميين اللحي بفهمش بالوان :smile2:

احمد هو المديين يعني (( احمد = متسلف 5 الاف دينار ))
سلمان دائن رقم 1 (( 3 الاف دينار عنده في ذمه احمد الماليه اوكي ))
عمران دائن رقم 2 (( 1.5 الف دينار ))
علوان دائن رقم 3 ((500 دينار ))


احمد وش مسوي
عاطي سلمان و عمران و علوان سيارته رهن يعني راهننهم السيارة
و قايل ليهم لين ما سددت انتون بروحكم ليكم امتياز ان تاخذون السيارة و تتقاسمون مبلغها قسمه غرماء على حسب دينكم اوكي ))


الوضع الطبيعي
ان سلمان لو يبى يجي احد (( الغير = سميناه جاسم اخوه )) يحل مكانه
لازم قبل ما احمد يسدد ليهم الدين يعني قبل وقت الوفاء اوكي



لكن عقب وقت الوفاء ما يصير سلمان يخلي اخوه يحل محله
ليش

الان يمكن احمد سدد المبلغ لسلمان
و بيصير عمران هو الدائن اللي رقم 1 يعني ليه اولويه في سداد دينه و ياخذ مبلغه كامل

يعني
جه وقت الوفاء و احمد ما عنده بيزات و ما رجع ليهم السلف
فوش بيسوون هم مو عندهم السيارة باعوها فما جابت ليهم الا 500 دينار
فلو كان سلمان وياهم

فبيحصل سلمان (( 300 دينار ))
و عمران ((150 دينار ))
علوان (( 50 دينار ))
هذي قسمه الغرماء


فلما يجي وقت الوفاء ما يصير سلمان يقول لا انا لا تعطوني اعطوا اخويي خلوا اخويي يحل مكاني
لان احتمال سلمان و احمد طابخين طبختهم ما يبون
عمران يصير مرتبه رقم 1


لان لو صار مرتبه رقم 1
بيحصل مبلغ اكثر بواجد مما بيحصله لو وياهم سلمان
فهم يتواطئون و يخلون اخوه و هو السالفه صوريه
يعني احمد ما بيدفع لجاسم السالفه بس جذي عشان عمران يحصل 150 بس

و الباقي في مخبه احمد
فهمتيين ؟؟
:smile2:
 

وينك يا حنون

Well-Known Member
تاريخ التسجيل
31 ديسمبر 2010
المشاركات
928
العمر
28
الإقامة
مدينة حمد
المجموعة
أنثى
الدفعة الدراسية
2010
الكلية
كلية الحقوق
فلما يجي وقت الوفاء ما يصير سلمان يقول لا انا لا تعطوني اعطوا اخويي خلوا اخويي يحل مكاني
لان احتمال سلمان و احمد طابخين طبختهم ما يبون
عمران يصير مرتبه رقم 1

لان لو صار مرتبه رقم 1
بيحصل مبلغ اكثر بواجد مما بيحصله لو وياهم سلمان
فهم يتواطئون و يخلون اخوه و هو السالفه صوريه
يعني احمد ما بيدفع لجاسم السالفه بس جذي عشان عمران يحصل 150 بس
و الباقي في مخبه احمد


ما فهمت هالجزئية ..

زين نجمة عندي سؤال :

احين الوفاء مع الحلول معناها الغير يحل محل المدين في تسديد دينه للدائن ..

لكن من خلال انواع الحلول شفنا ان الحلول الاتفاقي ممكن يتم بين الغير و الدائن

شلون جذي ؟؟

يعني احين الغير بيقول ل الدائن تعال نتفق انا وياك لما يجي وقت الوفاء ما تطالب مدينك تجي تطالبني انا ..

هذا اللي فهمتة صح لو لا ..


من مثالج بقول اللي فهمتة

احين احمد مدين ل 3 اشخاص

سلمان بمبلغ 3 الاف و عمران بمبلغ الف و 500 دينار و علون ب 500 دينار

احين الدائنين الثلاثة مو على درجة واحدة بمعنى ان كلمهم دائنين عاديين لا

عمران و سلمان دائنين مرتهنين بمعنى دينهم مضمون ب سيارة المدين احمد بمعنى ان اذا هو عجز عن الوفاء ليهم يقدرون يبيعون سيارتة لاستيفاء ديونهم

اما علوان لا هو دائن عادي ..

الدائن الممتاز سألت عنة الدكتور و قال لي هو الدائن اللي يمنحة النص القانوني الاولوية في الحصول على دينة مثل المطلقة ليها الاولوية في ان هي تحصل نفقتها من طليقها المدين لاكثر

من دائن قبل ما يسددة ديونة .

صح كلامي او غلط؟

زين نرجع للمثال

احين اتفق سلمان ( الدائن ) مع اخوه جاسم ( الغير )قبل موعد الوفاء ان انت يا جاسم لما يجي الموعد اللي بيسدد ليي فيه احمد ديني استلم البيزات بدل مني في هذي الحالة

طيب لو افترضنا ان هالاتفاق تم بعد حلول موعد الوفاء بيعتبر هالاتفاق باطل بمعنى ان بمجرد حلول موعد الوفاء لازم الدائن شخصياً يتسلم دينة .. لكن السؤال ليش ؟؟

جوابتيني نجمة ستين الف مرة و ما فهمت ..!!

في مجال يصيرون 61 الف مرة :99:

 

نجمة تشرين

اا مشرفة سابقة اا
تاريخ التسجيل
13 أبريل 2010
المشاركات
9,196
العمر
28
الإقامة
في سماء القانون
المجموعة
أنثى
الدفعة الدراسية
2009
الكلية
كلية الحقوق
التخصص
قانون
اي في مجال يصيرون 100 مرة

الا فهمتينه صح

و الا ما فهمتينه
الجزئيه الا فوق

التواطئ بين الدائن و المديين
لان يجوز ان احمد دافع السلف الا عليه لسلمان
بهالحاله
الدائنين بس بيصيرون
عمران و علوان
و عمران هو صاحب الامتياز

بس يجوز ان سلمان و احمد يحقدون على عمران و بينهم عداوة
فهني بيجذبون و بيقولون ان احمد للحين ما دفع مبلغ الدين لسلمان
و بنخلي جاسم يحل محله
عشان يتم
عمران في مرتبه متأخرة و نضيع عليه فرصه امتياز دائن مرتهن في المرتبه الاولى

اوكي

و ساعات يصير ان احمد ما ليه علاقه
سلمان و اخوه ما يطيقون عمران فلما بيجي وقت الوفاء يتفقون اثنيناتهم على الحلول
عشان عمران ما يتقدم مرتبه و يحصل المبلغ ماله
لان يجوز ان حقهم سقط بالتقادم و احمد حسن نيه ما يدري بهالموضوع
فيتفقون سلمان و اخوه عشان
عمران ما يحصل بيزاته
:smile:

اغير المثال احسن مو ؟
 

وينك يا حنون

Well-Known Member
تاريخ التسجيل
31 ديسمبر 2010
المشاركات
928
العمر
28
الإقامة
مدينة حمد
المجموعة
أنثى
الدفعة الدراسية
2010
الكلية
كلية الحقوق
التواطئ بين الدائن و المديين
لان يجوز ان احمد دافع السلف الا عليه لسلمان
بهالحاله
الدائنين بس بيصيرون

عمران و علوان
و عمران هو صاحب الامتياز

بس يجوز ان سلمان و احمد يحقدون على عمران و بينهم عداوة
فهني بيجذبون و بيقولون ان احمد للحين ما دفع مبلغ الدين لسلمان
و بنخلي جاسم يحل محله
عشان يتم
عمران في مرتبه متأخرة و نضيع عليه فرصه امتياز دائن مرتهن في المرتبه الاولى

اوكي


بشرح لج هالجزئية عشان تشوفين اللي فهمتة صح او لا احين حل وقت وفاء احمد بدينه ل سلمان اول الدائنين

و بالفعل احمد جة في وقت الوفاء و سدد دينة ل سلمان المفروض خلاص ان سلمان حصل حقة و مشى و بقى احمد مدين لعمران و علوان فقط

لكن ما حدث هو الآتي

احمد ( المدين ) تواطؤ اي اتفق مع سلمان ( الدائن الاول المرتهن ) ان يا سلمان انت خذ فلوسك و اسكت و قدام الناس اضل انا مدين ليك

سلمان ما فهم المقصد قال ليه ليش؟

قال ليه و الله يا خوك خايف ان يجي موعد وفاءي بالدين لعمران و ما يكفون بيزاتي و يقوم يحجز على سيارتي اللي رهنتها ليك و ليه و يبيعيها

فأحنة بنقول انت للحين ما اخذت بيزاتك و بنخلي اخوك جاسم ويانا في الطبخة ان انت تمللت من كثر ما تطالبني و سدد يا احمد و عمك اصمخ فبنخلي اخويي

جاسم يحل محلي و يصير هو الدائن و كل الحقوق و الضمانات و التأمينات تنتقل ليه يعني قدام باقي الدائنين السيارة للحين مرهونة لصالح اخويي جاسم
لكن عندي سؤال نجمة اذا كان اللي قلتة صح ليش يبون جاسم هو اللي يحل محل سلمان شالعبرة يعني ليش ما يضل سلمان هو الدائن؟
 

نجمة تشرين

اا مشرفة سابقة اا
تاريخ التسجيل
13 أبريل 2010
المشاركات
9,196
العمر
28
الإقامة
في سماء القانون
المجموعة
أنثى
الدفعة الدراسية
2009
الكلية
كلية الحقوق
التخصص
قانون
ههه
ليش يبون الغير يحل محل سلمان
هههه مو هذا سؤالش اصلا
ليش ما يجوز قانونا ان يحل الغير لما يصير وقت الوفاء
ليش يبونه لان يبون يخالفون القانون
و من جذي القانون يخاف هذي المخالفه
فحظر عليهم الحلول للغير وقت الوفاء
و هم يبون واحد ثاني يجي لان سلمان اساسا احتمال ان دينه استلمه
بس هم يبون يتحايلون على القانون بحلول شخص ثاني
 

وينك يا حنون

Well-Known Member
تاريخ التسجيل
31 ديسمبر 2010
المشاركات
928
العمر
28
الإقامة
مدينة حمد
المجموعة
أنثى
الدفعة الدراسية
2010
الكلية
كلية الحقوق
اها بقى كدا

ما عليه زايد الغباء حبتين

هالمثال ما مر عليي من قبل من جذي ضعت

نجمة بقول لج جم معلومة في مخي قولي لي صح او لا


- دائن ممتاز

- دائن صاحب ضمان خاص

- دائن صاحب ضمان عام

صح و لا لا ؟

سؤال اخر احين الدائن بشكل عام اذا اتفق مع الغير ان يسدد بدينة مكان المدين ملصحتة الآتي

الدائن ان خلاص حصل على حقة و و فر وقت و جهد في ملاحقة المدين قضائياً لمطالبة بسداد الدين

الغير عندي اكثر من احتمال :

1- اما ان سدد على سبيل القرض الحسن بمعنى ما يبة شي لله في لله

2- او ان سدد على سبيل القرض الربوي ان يحل محل الدائن و يرجع على المدين بالدين مع فوائد

3- او ان الدين مضمون بضمانات عينية و تأمينات فالغير متمطمئن ان بيحصل حقة من المدي بيحصلة
 

المتواجدون حاليا في هذا الموضوع (الأعضاء: 0, الزوار: 1)

أعلى أسفل