فيدووني بإقتراحاتكم ...

[red❤heart]

الله يوفقش خيوتي ويكتب لش الا فيه الخير والصلاح ...

 

[وردة البحر]

الله يوفقش خيوتي ويكتب لش الا فيه الخير والصلاح ...

آميــــــــن

 

[السراج]

السلام عليكم ورحمة الله وبركاته

التحويل يتم بداية الفصل الدراسي .. ولكن على أساس إنج تكونين قدمتين طلب من قبل
يعـنـي النـتـيـجـة تكون في بداية الفصل
هذا اللي حصل لي .. قدمت على التحويل أثناء الفصل الأول والنتيجة كانت في بداية الفصل الثاني

وإذا درستين هالفصل 16 ساعة بكون المجموع 46 ساعة وليس أكثر
وبالتالي بكون في إمكانج التحويل ( إذا كان الشرط إن الساعات لا تزيد عن 46 ساعة ) ..

ولكن لا تعتمدين على هالكلام .. روحي التسجيل وتفاهمي معاهم
يمكن تقدرين تحولين هالفصل

دمـتـم بـعـيـن الله ،،​

 

[وردة البحر]

السلام عليكم ورحمة الله وبركاته

التحويل يتم بداية الفصل الدراسي .. ولكن على أساس إنج تكونين قدمتين طلب من قبل
يعـنـي النـتـيـجـة تكون في بداية الفصل
هذا اللي حصل لي .. قدمت على التحويل أثناء الفصل الأول والنتيجة كانت في بداية الفصل الثاني

وإذا درستين هالفصل 16 ساعة بكون المجموع 46 ساعة وليس أكثر
وبالتالي بكون في إمكانج التحويل ( إذا كان الشرط إن الساعات لا تزيد عن 46 ساعة ) ..

ولكن لا تعتمدين على هالكلام .. روحي التسجيل وتفاهمي معاهم
يمكن تقدرين تحولين هالفصل

دمـتـم بـعـيـن الله ،،​

مشكور اخووي على المعلومات
إن شاء الله بروح التسجيل وبسألهم

 

[بنوتة كيوت]

موفقين ​

 

[وردة البحر]

موفقين ​

 

[وردة البحر]

 

[ادم]

ابي مساعدة .. أبي أغير التخصص الى علاج طبيعي

اني دفعة 2010 أول كورس حقوق اورينتيشن وثاني كورس انسحبت وأبي غير التخصص الى علاج طبيعي شنو الأجراءات وشنو المواد المشتركة بين الحقوق والعلاج الطبيعي.

 

[Mohammed9]

الأجراءات
1- تكملين 12 ساعة
2- معدل لا يقل عن 2

 

[ادم]

ابي مساعدة

أني دفعة 2010 حقوق أول كورس اورنتيشن وثاني كورس انسحبت وابي اغير التخصص الى علاج طبيعي ,شنو الأجراءات وشنو المواد المشتركة بين التخصصين .

 

[ولد القمر]

ما دام انش ما بديتين للحين في التخصص .. يصير تغيرينه ..
والمفروض التقويم مال الجامعة فيه سالفة التحويل من تخصص لثاني ..


بس اهم شي قبل التحويل تشوفين معدلش التنافسي وتخصصش في الثانوي (علمي،تجاري،توحيد مسارات...)
.. اذا كانوا مناسبين او غير مناسبين لـ التخصص اللي تبين تنتقلين اليه ..

واذا ما صار مجال مثلاً ..
حاولي قد ما تقدرين تنزلين المواد المشتركة العامة .. مثل الهستوري والعرب ووو .. علشان تقدرين تحولين عقب بدون ما تخسرين اي مادة ..


​

 

[estrilla]

بغيت خطة مواد العلاج الطبيعي ..

سلام ...
بغيت خطة العلاج الطبيعي
او الي يعرف مواد أول فصل ...

 

[..Ruqaya]

استفسار ..العلاج الطبيعي

السلاام

لو سمحتون ابي استفسر عن هالتخصص


دراسته شلون بالعربي لو انقليزي!!

وهل هو من التخصص المطلوب ولا ماليه مستقبل

وصعب لو سهل
واشياء اللي تعرفونهاا

ومشكوورين

 

[aneen alzahraa]

اهلا خيّة

اني تخصّص علاج طبيعي ،
فيه مقررات عربيّة ، لكن أكثرها انجليزي طبعاً ..

المقرر يحتاج جهد كبير منش ، خاصة ان المناهج الي ناخذها ياخذونها الي بجامعات مصر ،
و في مقررات ياخذونها الي يدرسون طب مثل الاناتومي ..
و للأسف مع الدكاترة الي موجودين عندنا ، كل الاعتماد يكون عليش ..
بس التخصص ممتع و قريب من الطب ،
خاصة ان من بداية السنوات يطلعونش للمركز ، لأن في مقررات تعتمد على التدريب ..
بالنسبة إلى مستقبله ،
فالكل يقول ان في نسبة كبيرة للعاطلين من هالتخصص ،
بس في مشاريع يقولون بيفتحونها عما قريب خاصة بالعلاج الطبيعي ،
و الواحد على ما يدرس و يتخرج تتغير اشياء واجد ،

أي استفسار ثاني حاضرين ،
و موفقة

 

[..Ruqaya]

مشكورة اختي ماتقصرين

بس انتين قصدش ان من البدايه طلعوش على المركز

يعني واجد فيه عملي ؟

واني داخله تجاري
بيصير عليي صعب تحسين !!

 

[aneen alzahraa]

المركز في حوالي الكورس الثالث اذا ما كنتين ماخذة تمهيدي تروحين ،
اني للحين في مادة لازم اخذها عشان اروح للمركز ، يعني على الكورس الجاي ان شاء الله ..
هو بحكم ان المواد العلمية مثل الفزكس / الكمستري / البيولوجي فيه واجد ،
لهالسبب يكون في عملي و لازم بكل كورس لابات ..
بس العملي برا هو لمادة الاناتومي بس مثل ما قلت لش مو ببداية الكورسات طبعاً ..
اذا كنتين داشة تجاري و عندش ميول و خلفيّة علميّة ،
و تحسين انش بتقدرين تعطين في هالمجال حتى لو كان بعيد عن التجاري ،
فأنصحش تدخلينه ،

و على كلٍ موفقة

 

[سما ليل]

استفسارات عن العلاج الطبيعي ، هل من يفيدني ؟؟؟

السلام عليكم

عندي بعض الاستفسارات عن العلاج الطبيعي

اامممم
عندي اسئله واجد عن هلتخصص


اول شي اني سمعت انه هلتخصص فيه مقابله،:mellow:


لكن هل تعتمد المقابله على القبول ؟؟

يعني لو ما سويت اوكي بلمقابله ما يخلوني اواصل؟


شنو طبيعة الاسئله اله تنسال بلمقابله ؟؟ وهل تكون بلعربي او بلانج

تقريبا كم دكتور يكون موجد داخل قاعه المقابله؟؟



الشي الثاني:

الدراسه تكون 4 سنوات لكن كم ماده تكون بلكورس ؟؟؟

وهل مواد التخصص كلها بلانج ؟

تقريبا تبقون الى الساعه كم بلجامعه ؟


هل المواد فيها لابات في الجامعه ،
يعني هل الماده الوحده يكون فيها نظري وعملي لولا
واذا كان فيها لابات وين تكون

​

سمعت انه في مواد ناخدها تكون في المستشفيات لانها عمليه ؟؟
وهل الجامعه توفر للطلبه المواصلات للمستشفى لو لا؟؟

لما ناخذ مواد التخصص هل تكون بس في التربيه لو في سكاشن بلعلوم ؟

سمعت انه بعد المواد المشتركه نتخصص ، شنو التخصصات الموجوده ؟؟
ومتى يصير نتخصص باي فصل ؟؟

لما يجي وقت التخصص هل يعطونا رغبتنا او يعتمد على المعدل التنافسي؟


ثالث شي :

هل سعر المواد مثل باقي التخصصات او يختلف ، اذا يختلف كم يكون سعرها؟؟

هل كل ماده نحتاج فيها كتاب او بعض المواد يعطونا سلايدات ؟

وكم سعر الكتب تقريبا (كتب التخصص مب المواد المشتركه)

هل المواد تعتمد على الحفظ ام الفهم واي هم اكثر

يحتاج التخصص للغه قويه ام لا؟؟:mellow:


هل المصطلحات صعبه عدل لو لا؟:tears:
​

الدكاتره اجانب لو فيهم عرب؟؟



كنت ابحث ولقيت خطه للعلاج الطبيعي بس مادري هل هي فعلا المعتمده ام لا
هذي الوصله؟؟؟
http://www.uob.edu.bh/uob__files/600/Programs/BSc%20PT%20Plan.pdf



اممم اتمنى تفيدوني
ويمكن في اسئله بعد بس احين رايحه عن بالي


​

​

 

[aneen alzahraa]

السلام عليكم
و عليكم السلام خيّة
عندي بعض الاستفسارات عن العلاج الطبيعي
بحاول اجاوب الاسئلة ان شاء الله بما أنّ تخصصي هو العلاج الطبيعي ، و ان شاء الله اقدر افيدش

اامممم
عندي اسئله واجد عن هلتخصص


اول شي اني سمعت انه هلتخصص فيه مقابله،:mellow:
اي نعم ، في مُقابلة

لكن هل تعتمد المقابله على القبول ؟؟
تعتمد على قبولش بالتخصص نعم ،
كان في بنات مقدمين ويانا و ما انقبلوا لأنهم ما اجتازوا المُقابلة تبع التخصّص

يعني لو ما سويت اوكي بلمقابله ما يخلوني اواصل؟
ان شاء الله بتسوين خيّة و بيقبلونش

شنو طبيعة الاسئله اله تنسال بلمقابله ؟؟ وهل تكون بلعربي او بلانج
اول شي يسألونش عن نفسش و هيك ، سؤال واحد بس بالانجليزي و هو ان تعرفين عن نفسش ( سهل يعني )
بيسألونش ان لو توظفتين مستقبلاً و بيعطونش حالات بيقولون لش عادي تتفاعلين معاها ، غالباً يعطونش شي يكرّهش بالشغلة اهم شي قولي انش عادي ، و انش ما دخلتين التخصّص الا عارفة هالشي و حابة تعطين فيه و من هالكلام يعني ،
في بعد أسئلة علميّة و انتين و حظش ، السؤال الي جاني هو شلون تحدث الجلطة الدماغيّة و اسبابها و الحمد لله اني كنت عارفة و متذكرة ،
في كم بنية سألوهم من ويش يتكون الجهاز العصبي و عن الخلايا اللمفاوية ..

تقريبا كم دكتور يكون موجد داخل قاعه المقابله؟؟
كان دكتور واحد الي هو رئيس قسمنا د. محمد عبد الله و وياه دكتورة ثانية عراقية ،
كانوا يحاولون يشيلون جو التوتر ، و حليوين و طيوبين !


الشي الثاني:

الدراسه تكون 4 سنوات لكن كم ماده تكون بلكورس ؟؟؟
بحط لش الخطة الدراسيّة و تقدرين تشوفين ،
تخصّصنا الي يضيف المواد لينا هو رئيس القسم و ليس احنا ،
يعني الكورس الي فات كانوا 4 مواد ..
للكورس الجاي نزل ليي 5 مواد ..

وهل مواد التخصص كلها بلانج ؟
اني المواد الي نزلها ليي لحد الان مشتركة مع تخصصات ثانية منها الرياضة و غيرها ،
الكورس الجاي ان شاء الله ببتدي بمواد التخصص ، و أولها الاناتومي و هو انجليزي ..
و اعتقد المواد كلها بتكون انجليزي ..

تقريبا تبقون الى الساعه كم بلجامعه ؟
هالكورس كان يوم الثلاثا مزحوم عندي ، لأن عندي لاب تبع الكمستري كان إلى 3 و نص ،
بس الدكتور كان يخلينا نخلص و نطلع ، يعني عالثلاث و ساعات قبل نمشي ،
المواد الي نزلها ليي للكورس الجاي بتأخر فيها بسبب اللابات ،
بيكون دوامي في يومين الى 3:40
و يومين ثانين الى 3:30
بس غالباً هالمواد يتعاونون الدكاترة و ما يخلونا نتأخر ،
نخلص و نمشي

هل المواد فيها لابات في الجامعه ،
يعني هل الماده الوحده يكون فيها نظري وعملي لولا
واذا كان فيها لابات وين تكون
اي خيّة ، مُعظم المواد لابات + نظري ..
و اللاب غالباً يكون يوم واحد و غالباً أيضاً يخلونه بوقت متأخر من النهار .. لهيك تشوفينّا نطول ..
اللابات طبعاً يحدّدون لش وين تكون على حسب المُقرر ..

​

سمعت انه في مواد ناخدها تكون في المستشفيات لانها عمليه ؟؟
وهل الجامعه توفر للطلبه المواصلات للمستشفى لو لا؟؟
اي عزيزتي ،
و هذا الأمر الممتع بالنسبة ليي ^^
في ويانا السنة الثالثة اشوفهم يروحون المركز يومين بالأسبوع اعتقد ،
يعني على الكورس الثاني من هالسنة ان شاء الله بيكون دورنا احنا !
و المواصلات على الجامعة ...

لما ناخذ مواد التخصص هل تكون بس في التربيه لو في سكاشن بلعلوم ؟
ههه احنا ترى مسمة كليّة التربيّة
موادي الكورس الجاي كلها بالعلوم !
و الكورس الي طاف مادة وحدة و هي السيكولوجي اخذتها بالتربيّة ،
يعني معظم المواد في العلوم

سمعت انه بعد المواد المشتركه نتخصص ، شنو التخصصات الموجوده ؟؟
ومتى يصير نتخصص باي فصل ؟؟
ما فهمت معنى السؤال !
تخصص العلاج الطبيعي أساسي و ما له تخصص فرعي !
و المقررات الي بينزلونها لش بتكون بالبداية مُشتركة ،
بعدين تخصص ..

لما يجي وقت التخصص هل يعطونا رغبتنا او يعتمد على المعدل التنافسي؟
على ما يبدو هالسؤال تابع للي فوق ،
بعد ما فهمته ..

ثالث شي :

هل سعر المواد مثل باقي التخصصات او يختلف ، اذا يختلف كم يكون سعرها؟؟
على حسب الكتاب خيّو ،
اني لحد الآن ما اشتريت كتاب من البوك شوب ،
لان دكاترتنا يا يعتمدون على النوتات او البوربوينتات ، و السيكولوجي كان ملزمة عطوني اياها الي متخصصين علاج طبيعي قبلي !

هل كل ماده نحتاج فيها كتاب او بعض المواد يعطونا سلايدات ؟
مثل ما قلت لش فوق ،
مو كل مادة تحتاجين الكتاب فيها ..

وكم سعر الكتب تقريبا (كتب التخصص مب المواد المشتركه)
هذا الكورس الجاي برد عليش ان شاء الله
هل المواد تعتمد على الحفظ ام الفهم واي هم اكثر
في مواد تعتمد على الحفظ مثل السيكولوجي و اكيد ما يخلو من الفهم ،
و في مواد تعتمد على الفهم مثل الماث و الفيزكس و الكمستري ،
يعني في و في !

يحتاج التخصص للغه قويه ام لا؟؟:mellow:
اني داشة التخصّص و لغتي مو قوية وااجد ،
بس أي كلمة جديدة على طول اترجمها و احاول احفظها ،
الكورس الجاي عندي مقرر انج تبع الفيزيوثيرابي ..
و ان شاء الله يكون سهل !

هل المصطلحات صعبه عدل لو لا؟


لحد الآن ما مرّت مصطلحات صعبة عليي ،
اتوقع يمكن بالاناتومي الجاي بنلاقي جم كلمة

​

الدكاتره اجانب لو فيهم عرب؟؟
مممم
في عرب و في اجانب ،
متعددين الجنسيات ،
بحرينين / مصريين / هنديين ... الخ


كنت ابحث ولقيت خطه للعلاج الطبيعي بس مادري هل هي فعلا المعتمده ام لا
هذي الوصله؟؟؟
http://www.uob.edu.bh/uob__files/600/Programs/BSc%20PT%20Plan.pdf

شوي و بحط لش وصلة الخطة !


اممم اتمنى تفيدوني
ويمكن في اسئله بعد بس احين رايحه عن بالي

موفقة خيّو ،
أي سؤال حاضرين ..
اتمنى اكون افدتش ،
موفقة يا رب .. و نسألش الدعاء​

​

 

[aneen alzahraa]

و هذا اللينك تبع الخطة

https://www.uob-bh.com/forum/showthread.php?t=27161

 

[estrilla]

السلام عليكم
عليكم السلام ورحمة الله

عندي بعض الاستفسارات عن العلاج الطبيعي

اامممم
عندي اسئله واجد عن هلتخصص


اول شي اني سمعت انه هلتخصص فيه مقابله،:mellow:

اي في مقابلة وكانت كلش عادية مثل ماقالت العضوة أنين الزهرا ...

لكن هل تعتمد المقابله على القبول ؟؟
اي تعتمد وخصوصا هالسنة بيقللون عدد المقبولين في التخصص
لان اللعام قبلوا طلبة بعدد كبير وصار عدنا مشاكل
خصوصا لين نشتغل العملي السكشن ما يشلينا


يعني لو ما سويت اوكي بلمقابله ما يخلوني اواصل؟
إنشالله اتسوين زين
اللعام في طلبة ماقبلوهم

شنو طبيعة الاسئله اله تنسال بلمقابله ؟؟ وهل تكون بلعربي او بلانج

الأسئلة الي سئلوني ايها كلش عادية
سئلوني شلون بتتصرفين ويا المريض ويعطونش أمثلة
وأسئلة علمية مثل من ماذا يتكون جسم الإنسان

الأسئلة الي سئلوني إياها كانت كلها بالعربي

تقريبا كم دكتور يكون موجد داخل قاعه المقابله؟؟

مثل ما قالت العضوة أنين الزهرا
كانت دكتورة من قسم الرياضة د. أنعام
وأستاذ من قسم العلاج الطبيعي - أ. محمد عبدالله

الشي الثاني:

الدراسه تكون 4 سنوات لكن كم ماده تكون بلكورس ؟؟؟
الخطة الحالية غير معتمدة .. راح اتكون تعديلات عليها
علشان اتكون مقبولة دوليا
يمكن ما تكون 4 سنوات

وهل مواد التخصص كلها بلانج ؟
اي راح اتكون كلها بالإنج ماعدا بعض المواد غير التخصصية

تقريبا تبقون الى الساعه كم بلجامعه ؟

الفصلين الي طافوا كنا نقعد اايام الى 12 وايام الى 3:30
بس الدكتور الي درسنا يقول لينا الكورسات الي جاية يمكن نقعد الى 3:45 على طول
لان راح انكون الصبح في المستشفيات وباقي الدوام في الجامعة

هل المواد فيها لابات في الجامعه ،
يعني هل الماده الوحده يكون فيها نظري وعملي لولا
واذا كان فيها لابات وين تكون

اي بيكون فيها لابات وبتكون البعض في نفس الكلية والبعض في المستشفيات
أغلب المواد بيكون فيها عملي ونظري
أول مادة تخصصية أخذته كان فيها عملي ونظري بس كان العملي في الكلية
​

سمعت انه في مواد ناخدها تكون في المستشفيات لانها عمليه ؟؟
وهل الجامعه توفر للطلبه المواصلات للمستشفى لو لا؟؟
اي في مواد في المستشفيات ... بس بخصوص المواصلات مادري

لما ناخذ مواد التخصص هل تكون بس في التربيه لو في سكاشن بلعلوم ؟
في مواد في كلية التربية وفي في كلية العلوم

سمعت انه بعد المواد المشتركه نتخصص ، شنو التخصصات الموجوده ؟؟
ومتى يصير نتخصص باي فصل ؟؟
في تخصص لأمراض لجهاز العضلي الهيكلي ( يشمل العظام والمفاصل والعمود الفقري والأوتار والعضلات والغضاريف )
وفي لأمراض لجهازالعصبي (الدماغ والأعصاب والنخاع الشوكي )
وفي لأمراض الجهاز الدوري ( القلب والشراين والأوردة )
وفي لأمراض المسنين
وفي لأمراض الأطفال
وفي لأمراض الجهاز التنفسي ( االرئتين والقصبة الهوائية والعضلات التنفسية )
وفي تأهيل الأم قبل وبعد الولادة

بس بالنسبة متى نتخصص مادري

لما يجي وقت التخصص هل يعطونا رغبتنا او يعتمد على المعدل التنافسي؟


ثالث شي :

هل سعر المواد مثل باقي التخصصات او يختلف ، اذا يختلف كم يكون سعرها؟؟
ما عندي علم بالنسبة لأسعار كتب التخصصات الثانية بالنسبة الى اول كورس ما احتجنا نشتري كتب كنا نطبع سلايدات او ملازم الدكاترة مسوينهم , أما الكورس الثاني اخذنا اول مادة في العلاج الطبيعي (أساسيات العلاج الطبيعي) مطلوب فيها ثلاث كتب سعرهم كامل كان 62.5 دينار, غير سعر الادوات الي نستخدمهم ومعاهم ملابس العملي

هل كل ماده نحتاج فيها كتاب او بعض المواد يعطونا سلايدات ؟
اعتقد هذا يعتمد على مدرس المقرر

وكم سعر الكتب تقريبا (كتب التخصص مب المواد المشتركه)
جاوبت عليه في السؤال القبلي

هل المواد تعتمد على الحفظ ام الفهم واي هم اكثر
الأناتومي يعتمد على الحفظ لانه عبارة عن تشريح(أسماء العضلات والعظم والمفاصل والاعصاب) وأجهزة الجسم , أما مواد العلاج الطبيعي فهي تعتمد على الفهم اكثر
يحتاج التخصص للغه قويه ام لا؟؟
بصراحة اني لغتي مو قوية لذلك الزود ومشية , الكورس الي طاف اغلبه كله برزسنيتشن , ما كان يخوف بصير عندش شي عادي

هل المصطلحات صعبه عدل لو لا؟ المصطلحات بتتعوديهم عليهم لانهم بيتكررون

الدكاتره اجانب لو فيهم عرب؟؟ الي دروسونه مواد العلوم وعلاج الطبيعي كلهم عرب, عموما طاقم التدريس مال العلاج الطبييعي كلهم بحرينين ما عدا واحد مصري

اذا كان عندش اي استفسار عن التخصص أسألي



​

​

​

​