شنو حلمت اليوم؟!

[أمواج]

ههههههههه .. اخوي علي حسن .. احلامك ضحكتني .. و ذكرتني بحلم

- يوم اني صغيرة مرة حلمت انط من فوق الى تحت و ما يصيدني شي .. لما وصلت الارض شفت روحي زورو .. من جدي ما صادني شي .. اتحولت الى زورو

- مرة بعد حلمت اني ويا ابطال الديجيتال .. أهم شي الجملة " نداء الى قاعدة الديجيتال " بس ما اتذكر التفاصيل ​

 

[Jouan7]

امم فيش نوع من العدوانييه
بس لان البيئه و الفطرة و الديانه الا تعتنقينها مخلي ليش رادع فما تقدريين تطلعينها فتطلع ليش في الحلم
مثل الطفل لما تشوفينه يصرخ و يسب في نومه هذا تلاقيين خاطرة في الواقع يتجرأ و يطلع حرته في اخوانه بس ما يقدر
فيتراكم الموضوع ليه و يطلع في حلم

عطونا نماذج لما درسنا علم الاجرام و العقاب بس ما صدقت و كنت ابي تطبييق حي
و جيتين و الله جابش و صححتيين ليي نظريه
تدرين لو كان القانون يطبق بشكل صح
حتى لو كنتين عليش جريمه ((شر عنش))
حتى لو كانت جنحة
الاشخاص اللي يقيسونهم نفسيا بدرجة الخطورة
يخلونهم منفرد حتى لو كانوا جنح
لان الخطورة تختلف من شخص لاخر

ما عليش من كلامي
انتيين عندش ديين يحكمش
و هالشي بيكون للي كفار مو احنا

هذا هو خيةة .. اني من النوع العصبي جدا و لكن افككر الف مرة قبل لا اسوي الشيء و هالشيء يعطيني الوقت للهدوء و التفكير في عمل شيء بديل و لا يخلف اثر

 

[Jouan7]

توقف عقلي عندما حاولت تخيّل الموقف
​

لا تفكر مو زين ..

 

[natso]

شكلكم بتحلون الموضوع الى احلام رسوم
خلو الرسوم ( الأنمي) للأهلها وناموا وقولوا لينى احلامكم احسن ^_^

 

[أمواج]

اوكي بنتقل ليكم للأموات

حلمت مرة اني واقفة ويايي خالي في بيت ابويي العود و باب حجرة مفتوح
شفت ابويي العود قاعد في الحجرة
و الوضع عادي طبيعي , لكن مو قبل لا أتذكر ان ابويي العود متوفي
خفت و صرخت في الحلم
خالي عصب عليي يقول ليي ويش فيش
كنت ابغي اشرح ليه ان شفت ابويي العود في الحجرة
و بس قعدت​

 

[Jouan7]

نستودعكم الله ..
بروح اتعرف عل حلمتي الجديدة ..

 

[natso]

اكره انواع الأحلام الي تنام وانت تبى ترتاح، وفي الحلم تكرف وتجحت وتسوي اشغال تتعب، واذا قعدت تحس التعب مال الحلمة عليك
بل، نبى ننام نرتاح نقعد تعابى دبل ، اكره شيء

 

[hlwlw]

قولي الحلمة له

تخوف مادري كنت في قبر مادري ويش بس قبل انه يعني كنا رايحين الوفاق في بحر كرباباد وصار الضرب والركيض

 

[hlwlw]

عاد قولوا احلامكم ، تحلمون ولا تقولون ^_^

حلمتي تحققت اليوم

 

[purple.cs]

في حلمة مآ آنسآآهآ ..
بس مآ آحب آقولهآ لاحد و لآ حتى آتذكرهآآ ​

 

[لغز العيون]

حلمة لحين أذكرها كانت مخيفة نوعاً ما ..
كنت أني والبابا في السيارة و ندخل زرانيق ونطلع لين ما وصلنا إلى مكان فيه جبل عالي
عاد البابا اتسلق الجبل و وصل واني لحقت وراه بس ما قدرت أوصل
حاولت أجود يد البابا بس طحت و بعدين قعدت من النوم​

 

[أمواج]

امس الظهر حلمت ان فيه وحدة اعرفها
كانت تحمل سجين و اجي تبي تضربني ابها و اني اصد السجين بايدي
و تكرر المشهد أكثر من مرة
آخر شي ابويي جا و اخذ السجين من عندها
شفت ايدي فيها جروح و دم
رغم ان كذا مرة صديت السجين بس ما كان جروح واجد و لا دم واجد
جروح قليلة و قصيرة بعد و الم خفيف

حلم خزعبلاتي

 

[sanabsy 15]

امس الظهر حلمت ان فيه وحدة اعرفها
كانت تحمل سجين و اجي تبي تضربني ابها و اني اصد السجين بايدي
و تكرر المشهد أكثر من مرة
آخر شي ابويي جا و اخذ السجين من عندها
شفت ايدي فيها جروح و دم
رغم ان كذا مرة صديت السجين بس ما كان جروح واجد و لا دم واجد
جروح قليلة و قصيرة بعد و الم خفيف

حلم خزعبلاتي

حلم الظهيرة -إن لم تخنّي المعلومة- له مجال واسع في الصدقية ​

 

[أمواج]

حلم الظهيرة -إن لم تخنّي المعلومة- له مجال واسع في الصدقية ​

الله كريم ^_^

 

[Ali Hassan]

حلمت حلمة قبل أسبوع بأنني ما قدمت كويز الفيز و ظليت حزين في الحلمة لأن بجيب صفر
بس في الحقيقة طلعت الحلمه عكسيه و قدمت الكويز و جاوبته صح
​

 

[sanabsy 15]

حلمت حلمة قبل أسبوع بأنني ما قدمت كويز الفيز و ظليت حزين في الحلمة لأن بجيب صفر
بس في الحقيقة طلعت الحلمه عكسيه و قدمت الكويز و جاوبته صح
​

التوتّر له خصوصية في تشكيل الحلم، الخوف من شيء معيّن أيضًا كذلك​

 

[Ali Hassan]

التوتّر له خصوصية في تشكيل الحلم، الخوف من شيء معيّن أيضًا كذلك

صدقت فيها هذه ، كنت قبل لا أنام ما ظل سؤال فيزياء عندي إلا تمرنت عليه ، حتى أنني كتبت لي أسئلة مشابهه (من عندي)
-----------------
و حتى يوم كنت في الثانوي كان عليّ امتحان ريض و ظليت أدرس إلى الساعة 11 فحلمت أنني أقدم الأمتحان بس القهر بأن الأمتحان ما يخلص (كل ما أحل تطلع مسائل زيادة )
​

 

[sadeq91]

هالكم يوم احلامي تخوف .. كله ضرب وقمع و غيره .. لأن العكر قريبة مننا ،، و دائما اقرأ الواتسب و الاخبار قبل النوم ..

ليلة السبت الساعة 1 و نص الليل .. سلندر شلخ نومتنا تشليخ .. بس قعدت و رديت واصلت النوم ..

 

[sanabsy 15]

صدقت فيها هذه ، كنت قبل لا أنام ما ظل سؤال فيزياء عندي إلا تمرنت عليه ، حتى أنني كتبت لي أسئلة مشابهه (من عندي)
-----------------
و حتى يوم كنت في الثانوي كان عليّ امتحان ريض و ظليت أدرس إلى الساعة 11 فحلمت أنني أقدم الأمتحان بس القهر بأن الأمتحان ما يخلص (كل ما أحل تطلع مسائل زيادة )

نعم في فترة اشتداد مرضي وأبعد الله عنكم شر الأمراض، حيث كنت لا أستطيع الذهاب للجامعة وانسحبت لفصلين متتاليين، الهاجس الذي كان يسيرط عليّ هو عدم استطاعتي في إكمال الدارسة الجامعية، لذا كنت دائمًا ما أحلم أني لا زلتُ في الثانوية ولم أستطع تجاوزها ، لهذه الأمور نصيب كبير في تشكّل أحلامنا ​

 

[hlwlw]

البارحة حلمتي وقعة وقعة معاريس ووصلت مسيلات دموع ورحت السيارة بمشي اله مبططين التواير ووعفسة وحالة هرار ومرار شكلي واجد أفكر