و الحل يعني !!

[مشاغب البلاد]

سلام عليكم

انا طالب جديد في الجامعه و الكلية يعني هالفصل اول فصل لي ومنزلين لي خمس مواد من ضمنهم

مادة حقوق الانسان و الدكتور عمر باخشب ،صراحة هلكنا هلاك لا خط ينفهم لا كلام ينفهم ولا شرحه ينفهم

يعني مثلا جاب لينا موضوع الاعلان العالمي لحقوق الانسان و ان في دول ما صوتت عليه مثل دول الاتحاد السوفييتي

و السعودية و جنوب افريقيا، ولكل بلد اسبابه و الدكتور عمر يشرح ويكتب الاسباب وما يذكر البلد ، يعني مثلا يكتب ان

الاعلان يتضمن قواعد رأسمالية وما يكتب قبل اسباب رفض دول الاتحاد السوفييتي !!

هذا نموذج من شرحه !!

+

يعطينا اشياء من برا الكتاب وحنا متوهقين يعني لو انه ينفهم لكلامه ولخطه جان كتبنا بس المشكلة ان محنا

عارفين ويش يقول و لا موجود الكلام في الكتاب !! ولما نقول ليه يقول التزموا بخطة المادة وحتى لو مو موجود ف الكتاب !!

.............

صراحة انا متخوف و هالدكتور شكله بطبعنا ما ندري ويش نراجع

ويش رايكم يا جماعة !!

 

[Wa7Eeda]

الله يساعدكم
الحق على روحك خوك

 

[Ali Hassan]

أنا ما أبغي أحبطك ، لأن خلاص المادة أخذتها و الحين لازم تجيب فيها تمام أو تنسحب منها ... بس سمعت بأن الدكتور يعطي درجات تمام ... يعني : حاول تدوّر لك ملخاصات و عندك هني المكتبة الجامعية و نزل لك كل شيء يفيدك ... و لو تحط إلينا رمز المقرر علشان نحاول نساعدك أكثر ... بس حاول ما تهمل في وقت المحاظرة ، لأن الدكاتره حتى لو بنجحك و بيعطيك درجة زينه بس شافك مو منتبه وياه و متملل على طور أعرف بأن الـ F (الرسوب) يحارسك ... و بالتوفيق إن شاء الله
​

 

[نجمة تشرين]

هذا الدكتور
قصه و واحد وش اقول

بس تبى نصيحتي اقعد على مجنونك لا يجيك الا اجن منه
دكاترة حقوق الانسان كلهم فشل تقريبا و هالدكتور في حقوق الانسان يعطي درجات
على ان ما في شرح
و لا تنسحب
بتاتا خلك على الخطه
و لا تخليي شي يكرهك في التخصص كله
شوف نتيجة اول مدتيرم و احكم عقبها
لا تنسحب و تندم
باجر بيحتكر ليك المادة
و بتبتلش بلشه

و حتى لو انسحبت منه اللحين ترى هو وراك وراك
محتكر مادة المنظمات و بالانج
جان انت بالعربي ما تفهم ليه
بنفس هالهجة و هالغة و بالانج و كل ربع كلمه قال ايش ايش ايش
اني بنتف شعري منه اصلا
لو يخلوني ادرسها منازل و لا احظر ليه
ساعات اخليه عشان احظر للمحاظرة الا عقب
هو في وادي و الطلبه في وادي
و جان حقوق الانسان يعطي درجات
الاورقنايزيشن يعطييك دي مع مرتبه الشرف يلعب في حسبتك
تدش و انت ما تدري بالدنيا

هو جذي مثل نار جهنم و ما منكم الا واردها



تم خيي تم في المقرر
عربي و بتحفظ و بتحصل درجات
نصيحة

 

[بنت غـزة]

دكتور عمر من الدكاترة الي ما يصححون الأوراق

والدرجات تنحط بالمزاج ،،،

لا تقول عملت منيح وبعدين تنصدم بدرجتك
ولا تقول زفتت وبعدين تفرح لدرجتك

الدكتور طيوب بس مع الأسف ما يقدر جهود الطلبة

لذلك ،، حظرت ولا ما حظرت انتبهت ولا ما انتبهت شاركت ولا ما شاركت انته نفس غيرك من السكشن

كل المطلوب منك سوي رفقة معاه ،، وخليه يعرف اسمك وبيحطلك درجة منيحة

بالنسبة للدراسة ،،،

المقرر سهل ،، ادرسه من الكتاب أو من أي ملخص ثاني ،، بس ما اعتقد في ملخصات الا لدكتور محمد الموسى وهاي الملخصات كانت فهم من الدكتور للطلبة

فعليك بالكتاب ،،،

عموما خليك كووول ولا تنسحب ،،
حتى لو كنت متفوووووق ،،


موووفق ،،

​

 

[نقاء الورد]

المادة حقوق الانسان يبي لها فهم لان ما بتقدر تحفظ كل شي
افهم المضمون واكتب بفهمك احسن لان اذا اعتمدت على الحفظ ما راح تحصل نتيجة
ودكتور لي يدرسك احسن من غيره لو عند مصراتي >> راحت عليك منه
وادرس القضايا لي يعطيك اياهم لان 100% راح تجي وحده مثلها في امتحان بس راح يغير الاسماء او شي ثاني بس نفس الفكره
وراح يكون نفس الجواب والدكتور يعطي ملخصات ادرس منها
.
.
بالتوفيق ان شاء الله

 

[yagmur]

تحمل الدكتور و شرحة و
خطة ... و لا تنسسسحب


واصل ... و ادرس عدل عدل بروحك و =) ان شاء الله تجتاز المااااادة بدرررجة زينة

 

[جنة علي]

الله يساعدك الحال من بعضه

حتى أحنا حقوق الانسان يدرسنا حازم جمعه , صراحة سكشن مو لدراسة للتعارف وسوالف
من بداية المحاضرة لنهايتها يقرا الاسماء ويسولف عن روحه .. نادرا ما يشرح

لكن طيب وزين ويكسر خاطري أني احضر المحاضرة أغير جو واسولف ..

وش انسوي بعد لازم نرضى بالواقع وجان نتخرج وأمشي على الخطة ما يسوى تنسحب

ووطد علاقتك وي دكتور جان يرتفع حظك ويخلي ليك درجة زينه

>>>ولو أني كلش مو بالعه تخصص بكبرة ساعات أحس بتفجر في محاضرة من أسلوب بعض دكاترة , وأتمنى لو كنت لابسه بوشية او برقع جان تتغطى تعابير الوجه والتأفف والتثاوب أو أخذ لي غفوة لان دكاتر ينومون وسكاشن باردة

مأساة من قلب


لكن ويش انسوي لازم نصمد ونتحمل ونصبر ونتخرج .. خلك ثبات

 

[red❤heart]

ااااه يا قلبي ههههههه طبعا هالدكتور يدرسني حاليا واني في ضيااااع مثل حالك
الكتاب كله احسه قراااه ويمشي ولا تنصدم المنتصف لحقوق الطفل
عالعموم هالمحاضرة ما اطلع بها بنفع 1 % ما يدري وين الله حاطنه
لا خط مفهوم ولا كلام مفهوم الله يجيرنا على هالصبر الجنة رويسي هههههه ​

 

[وينك يا حنون]

بالنسبة لمقرر حقوق الانسان احنة بعد اول كورس مرينة بهالتجربة

الكتاب صايرة كلة سرد فأنت المفروض تقرأ الموضوع و ترد تكتبة بأسلوبك في ملخص بسيط و نقاط ..

الدكتور علي المصراتي ايام اللي كان يدرسنة كان يشتكي من اسلوب الكتاب كلش ممل و اقترح على الجامعة ان يغيرون الكتاب و ما يندرى بيغيرونة او لا ؟؟

بس مثل ما اقول ليك خيو اقرأ الدرس و لخصة شوف شنو الاشياء المهمة من وجهة نظرك ..

و لا تحفظ المواد بالارقام افهم كل معاهدة او اتفاقية عشان تتكلم بالضبط ..

اذكر الاشياء المهمة الاعلان العالمي لحقوق الانسان و العهدين الدوليين و اعلان حقوق الطفل و في درس صاير ورى عن المحاكم الاوربية اذكر المصراتي جاب لينة مقارنة بين المحكمة الاوربية و

اللجنة الاوربية ..

و ادرس القضايا يعني في الامتحان يجيبون ليك قضية و عليها اسئلة :

- موضوع القضية : عشان تتكلم هل عن انتهاك حقوق الطفل هل مثلآ تتكلم عن انتهاك حرية التعبير يعني تحدد اي حق بالضبط اللي تم انتهاكة .

و بعدين ماذكر صراحة بس هم 5 اسئلة و اذا فهمت القضية و القرر بتقدر تجاوب ..

المقرر مو حفظ ترى لان بيتحظ شنو و بتخلي شنو ..

كل درس اعد صياغتة بأسلوبك و حتى اذا حسيت ان اسلوب الكتاب صعب عليك اكتب الدرس بأسلوبك انت بس شرط يعني بالعربي الفصحى عشان تكون الاجابة سهلة عليك في الامتحان ..

و لا تخوف روحك و لا شي ..

و بالتوفيق ان شاء الله ​

 

[بنت غـزة]

ع فكرة ،،

أي سؤال يقوله الدكتور في المحاضرة ويقولكم انه ممكن يجي ،،، فهذا 100 % رح يجي

حتى القضايا الي بيعطيكم اياها بعد 100% رح تجي ،،

ركز اكثر شي يعني اذا قال " ممكن يجي ايش هالسؤال بطبيعة الحال بالامتحان المنتصف او الفاينل "​

 

[Jouan7]

هههه..
الله يسسآعدك خويآ

 

[الرمش الجارح]

مقرر حقوق انسان مقرر ادرسه ذاتي أحسن .. ولا تتعب نفسك مع الدكاترة لأن لو شنو يسوون ما بتفهم لهم ..

ودكتور باخشب أهون من علي المصراتي بألاف المرات .. فاحمد ربك عليه ..

ومثل ما قلت لك ادرسه ذاتي لأن كله معاهدات واتفاقيات وكله تحفظ البنود مالهم ..

 

[amour]

بااااااخشب جنه بالنسبه لعلي المصراتي

عالاقل هاذا مايشرح ولا ينفهم له ...بس في ملخصات في كتاب تقدر تفهم كل درس بدرسه

درجااااااااته كلمن يقول انهاااا زينه