ورشة الصيانة الصوت لا يعمل ~

[Miss 3r3d]

السلاام عليكم




الصوت ما يشتغل صار لي شهر على هالحاله ~~

الايقونات غير مفعلة X~X



ارجو مساعدتكم


​

 

[c o d e]

تأكدي من الواير اذا موصل بالهارديسك أو لا

وهل ايقونة الصوت مختفية من صوب الساعة على الشرط تحت
هل هي وحدها المختفية أو في شي غير

 

[Miss 3r3d]

السلام عليكم "
الواير موصل بس ما يشتغل الصوت "
حتى اللي حتى الساعه مختفي بعد"
ماهو العمل الان؟؟؟

 

[c o d e]

مرة صادني جذي , ايقونة الصوت وايقونات غيره بعد كانوا مختقين

شوفي هاللنك , ان شاء الله يفيدش

http://www.mydigitallife.info/2009/...ith-disabled-or-grayed-out-check-box-options/

 

[sadiq6210]

وعليكم السلام ورحمة الله وبركاته

المشكلة حسب الواضح بالصورة في الـ Sound Drivers
اظاهر سويتي الكمبيوتر فورمات وماركبتي درايفر الصوت

عموما، اذا كان عندج سي دي الماذربورد تبع جهازج تقدرين تسوين install الى لدرايفرات
اذا السي دي مو موجود، أحتاج الى بعض المعلومات عشان نبحث عن لدرايفرات في الانترنت

1- نزلي هذا الملف، سوي له Extract بتحصلين على Tool اسمها siw_2 افتحيها
https://www.uob-bh.com/upload/getlink.php?id=780

______________________

عشان تفتحين الملف لازم يكون عندج برنامج الـ winrar اذا ماكان عندج تقدرين تنزلينه من:
https://www.uob-bh.com/forum/downloads.php?do=file&id=371
______________________


2- بعدما نفتح الـ Tool من على اليسار نختار Hardware >> MotherBoard مثل الواضح بالصورة

3- اعطيني صورة (print screen) من المعلومات اللي ظهرت لج على اليميين


4- ندخل My computer وفي أي مكان فاضي نضغط Right click ونختار properties
من الأعلى Hardware وأخيرا نضغط على Device Manager
اخذي صورة من الـ window اللي بتفتح لج عشان نشوف لو في درايفرات ثانية مفقودة غير الصوت نسوي لهم install كلهم دفعة وحدة.

______________________

تقدرين ترفقين الصور في المشاركة او ترفعينهم من مركز رفع الملفات
https://www.uob-bh.com/upload
______________________


يتبع >>

 

[sadiq6210]

معلومة اضافية لازم نتأكد منها، هل تستخدمين Built-in Sound Device أو External Sound Card
اخذي نظرة على الجهاز، هل هو مشابه للصورة الاولى او الصورة الثانية ؟



الصورة الاولى: Built-in Sound Device لاحظي اللي داخل المستطيل الأخضر




_______________________________________________________________

الصورة الثانية: External - Separate Sound Card

 

[Miss 3r3d]

السلام عليكم "
قمت كما طلبت مني مله
واليك الصور "







شكله جهازي راحت عليه​

 

[sadiq6210]

وعليكم السلام

موديل الماذربورد ASRock P4VM800 - Built-in Sound Device مثل الواضح بالصورة




تفضلي أختي نزلي الملف التالي (25 ميجابايت)
http://download.asrock.com/drivers/VIA/Audio/C-Media_XP64_XP_2K_ME_98(AC97Integrate003).zip


سوي له Extract بتحصلين على فولدر اسمه C-Media_XP64(AC97Integrate003)
داخل هالفولدر نفتح الملف اللي اسمه setup.exe
نشيل علامة الصح عن الخيار الثاني مثل الواضح بالصورة ونضغط Next




الحين اضغطي كله Next عشان نكمل باقي الخطوات ولما تكملين وتضغطين على finish سوي ريستارت للكمبيوتر، بعد الريستارت بتلاحظين ظهور icon السماعة بجنب الساعة وبإمكانج تشغيل الملفات الصوتية بإذن الله.


_________________________

صيانة سريعة:
- بعدما يشتغل الصوت، عطيني صورة ثانية من الـ Device Manager ولكن بعد الضغط على علامة الزائد + الموجودة بجانب علامة الاستفهام الصفرة أو بجانب الـ other devices

- من الـ Device Manager اضغطي باليمين على الـ PCI Modem اللي جنبه علامة (تعجب) واختاري Disable لأن لدرايفرات ناقصة وانتي ما تحتاجين الـ Modem Card

 

[Miss 3r3d]

السلام عليكم "
ما ادري بس سويت نفس الخطوات المكتوبه
والصوت اشتغل لي بس فيه شي واحد
ما قلت لي اسوي ((- من الـ Device Manager اضغطي باليمين على الـ PCI Modem اللي جنبه علامة (تعجب) واختاري Disable لأن لدرايفرات ناقصة وانتي ما تحتاجين الـ Modem Card

فطلع لي X عليه


وهذي الصورة​

 

[sadiq6210]

الحمدلله ،،

الحين كل لدرايفرات شغالة عندج بدون مشاكل، بالنسبة لعلامة الـ x
هذا اللي نبغيه وشي طبيعي ظهور الـ x، لأن المودم انتهى زمانه وما نحتاجه فـ ما يحتاج نبحث عن تعريفه.

 

[Miss 3r3d]

اووكي الحين فهمت
مشكور ويعطيك العافيه