المهم عدنا
اول شي المقابله ما عندي خبرة فيها
على ايامي سيدة دشي تخصص
المواد في الكلية
في البداية راح يتدرجون لج من النظري لين ما توصليين دراست تطبيقات عملية و كلما تكبريين بيخف عليش لود الحفظ
اوكي لان اكثر شي يجي فهم و قضايا
امم ما علينا بالحقوق
هالكلمة دائما اقولها لانها اساس كل شي
لازم تفهمييين
لازم تفهميين
لازم تفهميين
كل مقرر لازم تحبين دراستة تفهميينه عدل تتخيلين لكل شي فيه مثال على الواقع
عقب حفظي و بهالطريقة الحفظ بس بيكون من قراءة الكتاب انت فاهمة بتسترسليين بكل الافكار الرئيسية بتكتبين كل شي
و لا تحاتيين ان نصا و ما اعرف شنو ترى كلش الوضع عادي
بس عرفي المصطلح اللي لازم تعرفينة و اسلوبج هو اوردي ما راح يتغير عن اسلوب الكتاب الا تدرسينه لان قرائته تعطيش الاسلوب القانوني الكافي بحذ ذاته
اول كورسات يمكن تلاقيين صعوبة بس لا تيئسيين
الدراسة اول بأول شي اساسي
لا تقولين ما وراي كوزات اسايمنتات بعيش الفله
لا من ترجعيين بيتكم ادرسي المحاظرة الا كتبتينها مع الدكتور او اقري الدرس الا شرحة
ما تحتاجيين تحظيير الا نادرا
لا تسويين مثل اغلب الطلبة قبل الامتحان بيوم يدرسون و يقدمون
حتى لو نجحوا بس معلوماتهم تطيير و ما يقدرون يبنون اساس قوي
فتلاقينهم يتعثرون
الحقوق مثل الرياضيات الا تاخذينه سنه اولي تحتاجينه عشان سنة ثانية و ثالثه و رابعه
كله متابع بعضة
فلازم تبنين اساسش القانوني صح
الدكاترة منهم الشديد في التعامل و منهم اللين و الطيب
منهم اللي حقاني و منهم الظالم مثل اي دكتور في اي كلية
لكن انتي الا بينش و بينهم الدرجات اثبتي نفسش بنفسش
و لا تخليين عثرة جزء اول لمقرر تخليش تكرهيين قانون بقدة
مثلا في دستوري اول ما توفقتين و جبتي زين
لا تقوليين اكره الدستوري و الثاني بعد ما بجييب زين
كلش لا
قولي انا اقدر و بتشوفيين انش متميزة في الثاني
رايي بالحقوق
هذا حلم الطفولة و حققته
الحقوق متنفس للحياة
يفهمش انتي وين عايشة
و شنو الاغلاط و الفساد اللي في هالمكان
القانون جميل
الأسئلة بالحقوق منها المقالي
و منها القضايا
و منها تفسير قانوني
و اشياء واجد
كل دكتور هو بنفسه بيعطيش خلفية عن سألته و شلون يحب الطالب يجاوب
بعد شي لازم تعرفينة
لا تعتمدين على رايي احد بدكتور
غلطة عمرش اذا بنيتين راي على دكتور انتي ما جربتي
الفاشل بنظر غيرش ممكن يكون افضل دكتور بنظرش
انتي جربي و احكمي
المواد مو كلها بالعربي في منها بالنج و تحتاج تركيز و فهم صحيح الطلبة ما يقصرون و كل سنة تطلع ترجمات
بس نصيحتي ترجمي لروحش
و انتبهي للدكتور زين
لا تخافيين الدكاترة ممكن يراعون الطلبة لضعاف بالانج شوية لكن يبون يشوفونه يحاول ..
بس انتي اجتهدي و بتلاقيين
اما ما تجتهديين بتلاقيين التعثر موجود
موفقة عزيزتي
سواء انضميتي لقوافل الحقوقيين او لاي قافلة ثانية
و اي سؤال
مثل ما اقولها لغيرش اقولها لش
انا موجودة لا تترددين
