عطوني حل لمشكلتي؟؟!!

[um mayoom]

سلام عليكم

بدخل بالموضوع دايركت

اني مو طايقه الدكتوره جيسي واكرها كررره بسبب اسلوبها الخايس (( اسفه على هالالفاظ بس غصبن عني))

تدرسني بثلاث مواد ومن كرهي لهالدكتوره ما احضر لها محاضرات وفاتتني دروس اشكثر بسبب تعاملهاا معاي واللحين طاف نص الكورس وما اظن يغيرون لي الدكتوره واني ما اقدر اواصل معاها شسوي والله تعبااااااااااانه عطووني حل

 

[UOB-BH]

ما أعرف الدكتورة فـ يمكن ما أحس بمدى المعاناة اللي تحسينها، ولكن بشكل عام:
- احضري لسنر عند دكتور ثاني بعدما تتفقين معاه
- اخذي النوت تبع المادة من أي دكتور او طالب أو من أي منتدى جامعي
- استعيني بزملائج يشرحون لج على الأقل بداية كل درس وطريقة التعامل مع المقرر (حفظ / فهم / متابعة / ......)
- اسألي في المنتدى عن الامور المفتاحية اللي شرحها ما يستغرق وقت ولكنه يوضح لج الدرس.
- بعدما تفهمين المقرر "جزئيا"، روحي للدكتورة المكتب اسأليها عن النقاط اللي مو واضحة عندج وعشان تاخذ عنج فكرة انج تتابعين معاها =)

 

[c o d e]

وعليكم السلام

احس فيج !
كان دكتور واحد ومقرر واحد , وما كنت اطيق هاليوم بسببه
ادخل المحاضرة وانطر متى بس اطلع !
ما لج الا تسوين مثل ما قال صادق
وحاولي ولو مرة وحدة تحضرين في الاسبوع
هالدكتور اللي قلت لج عنه على قد ما شسمه شسمونه من القهر , بس عن جد تحسين عقب ان الضربة اللي ما تقتل تقوي !

 

[أشواق الروح]

سلام عليكم

بدخل بالموضوع دايركت

اني مو طايقه الدكتوره جيسي واكرها كررره بسبب اسلوبها الخايس (( اسفه على هالالفاظ بس غصبن عني))

تدرسني بثلاث مواد ومن كرهي لهالدكتوره ما احضر لها محاضرات وفاتتني دروس اشكثر بسبب تعاملهاا معاي واللحين طاف نص الكورس وما اظن يغيرون لي الدكتوره واني ما اقدر اواصل معاها شسوي والله تعبااااااااااانه عطووني حل

وعيكم السلام ورحمة الله
بالعكس خيو .. آحسها طيوبة بتعاملها
هي داك الكورس ماكانت تدرسني ومن تشوفني تبتسم وهالكورس تدرسني وتعامله جدا تمام
أتوقع من كلامش اوفس انتين مو؟
حاولين تحضرين لأن في اسايمنتات تتسوى في اللكجر وعليها درجات
وشنو هي المواد اللي طافتش ؟
اذا بغيتين أي مساعده فيهم وأني أدرسهم يمكن أقدر أساعدش
ومثل ماقالوا حاولين تروحين لها الاوفس تتفاهمين معاها

موفقة

 

[دموع الحُرية]

إن شاء الله بس ما كرهتينها من كثر ما تسمعين عنها كلام إنها مو زينة !

أول ما أخذت عندها الكل ذمها ,
هي صدق إن ساعات تقهر ..
بس الواحد يقدر يمشي وياها ,
أني درستني بس Mgta 140

أني أقول ..
حاولي تحضرين ,
حتى لو كان تعاملها وياش مو أوكي
حاولي إن ما تعطينها وجه
بس أهم شي إن بعدين ما ترسبش في المادة !
خصوصًا إن مواد هالتخصص - الأوفيس - سهلين بس يبي لهم حضور عشان تفهمين المقرر

أنصحش تشوفين لش أحد يساعدش من نفس السكاشن إلي وياش
أو خلي أشواق تساعدش ما بتقصر أكيد

 

[ifta92]

أتفقي معها على أن تحضري ويا دكتور ثاني أحسن

أو مثل ما قال UOB_BH


مع تحياتي :.الأميرال.:​

 

[Ali Hassan]

مثلا ما قالوا ليش :
و من وجهة نظري : و الله أنا أشوف المشكلة منش إنتين ، لأن المفروض حتى لو ما تطيقين الحصة (ما تغيبين) ، و بعدين بيتراكم عليش الغياب و في النهاية (WF) !!!
​

 

[سما ليل]

الدكتور درستني كذا مقرر وحتى مشروع التخرج كنت عندها
الدكتوره حبوبه صدق ساعات مانفهم ليها بس نعطيها كلمه من مني ومناك وتفهم لينا

هي تحب تشوف الطالب مجتهد ويحضر وما يسولف وقت الشرح
نصيحه مني حضري وياها وحاولي تكونين طيبه وياها عشان لاتخلي وياش العداوه اكثر

لان هي ما بتخسر اي شي انتين اله بتخسرين

والمقررات مثل ما تعرفين سهله بس يبي ليها تركيز


موفقه

 

[um mayoom]

اشكركم كلكم على ردودكم الطيبه واشكر كل من يحاول يساعدني فيكم بس بسوي اللي قلتون لي عليه وربي ولي التوفيق
:n