للي يشتغلون والمتخرجين , اسئلة عن وزارة العمل !

[moto l6]

سلام

عندي اسئلة عن وزارة العمل

الحين اذا اتخرجت , سيدة اخذ افادة التخرج واوديها لوزارة العمل ؟ لو بتعطل جم شهر !

جم يبليهم علشان يردون علي ؟ هم يعرضون علي اشغال يعني ؟

وش نظامهم و الخطوات يعني , ابي اعرف اكثر واي احسن اقدم للوزارة لو لشركة ؟!



​

 

[moto l6]

محد طب وزارة العمل يعني !:mellow:

 

[صاحبة الظل]

بعد ما تتخرج ان شاء الله بتسوي السي في و تكون شاملة كل بيانتاتك و معلوماتك
و راح توديها كل مكان شركات وزارات مؤسسات لين يتم التوفيق و تحصل على وظيفة
و تقدر مباشرة تقدم على تامين ضد التعطل على ما تحصل وظيفة هم بعد يدورون ليك شغل و بمشون لك راتب لمدة ست شهور

 

[UOB-BH]

الحين اذا اتخرجت , سيدة اخذ افادة التخرج واوديها لوزارة العمل ؟ لو بتعطل جم شهر !

​

مباشرة بعد نتيجة الفصل الثاني راح يعطونك افادة التخرج بدون تأخير، بس تروح التسجيل تآخذ ورقة إخلاء الطرف، او تقدر تسوي لها برنت من كمبيوترك،
هذي هي الاستمارة (الرابط يحتوي على صفحتين، اللي تهمنا هي الصفحة الثانية)
http://www.uob.edu.bh/uploads/175/19.pdf


اطبع الصفحة الثانية وهي تحتوي على 5 أختام لازم تحصل على توقيعهم، نبدأ جولة جمع التواقيع وهي كالتالي:

1- الأمن الجامعي: تروح مكتب الأمن اللي في التسجيل القديم (جنب المصاعد) يختمون لك.

2- المالية والموازنة: لما تطلع من مكتب الأمن بتلاقي نفسك جنب المصاعد، روح الطابق الثاني (قسم الحسابات والموازنة)، لما تطلع من المصعد تروح الممر على يسارك، ثالث مكتب على ايدك اليسار.

3- المكتبة: تطلع من مبنى التسجيل القديم وتروح للمكتبة أول ماتدخل المكتبة بتشوف الموظفين على يسارك، تروح عند أي موظف يختم لك.

4- الأنشطة الطلابية: تطلع من المكتبة وتروح إلى قاعة المطاعم اللي جنب المكتبة، من الدرج اللي جنب طاولات البليارد تركب الطابق الثاني وتسأل عن قسم الأنشطة الطلابية عشان يختمون لك.

5- ختم التسجيل: تطلع من قاعدة المطاعم وتتوجه إلى مبنى التسجيل الرئيسي، راح يختمون لك وياخذون منك الورقة مرة وحدة.


ملاحظة مهمة:
تأكد من الاجابة على الاستفتاء التالي، لأن اذا رحت للتسجيل وانت ما سويت هالاستفتاء ماراح يستلمون منك ورقة اخلاء الطرف، سو الاستفتاء الالكتروني أولا من الصفحة التالية (اليوزر والباسورد مثل اللي تدخل فيهم لحسابك في موقع التسجيل)
http://qaac.uob.edu.bh/aims/survey_se_login.php


بعدما تسلم ورقة إخلاء الطرف لقسم التسجيل تابع مع سكرتيرة قسمكم بالتيلفون، اذا قالت لك الافادة جاهزة تقدر تروح التسجيل تستلمها ومبروك التخرج ..

جم يبليهم علشان يردون علي ؟ هم يعرضون علي اشغال يعني ؟

وش نظامهم و الخطوات يعني , ابي اعرف اكثر واي احسن اقدم للوزارة لو لشركة ؟!

​

بالنسبة للبحث عن الوظيفة فهناك 4 طرق لازم تتبعها كامل عشان تحصل وظيفة بأسرع وقت:

1- وزار العمل:
تروح تاخذ من عندهم استمارة "باحث عن عمل" تملأها وترفق كل المستندات المطلوبة بما فيها افادة التخرج، وبعدما تسلمها راح يعطونك رقم ويطلبون منك تراجعهم كل فترة، بالاضافة انهم راح ياخذون رقم حسابك وبينزلون ليك 150 دينار شهريا طالما انته عاطل، وبنفس الوقت راح يبحثون لك عن وظيفة ويتصلون فيك اذا لقوا شواغر، أيضا يوجد جدول في وزارة العمل على لوحة الاعلانات يحتوي على الشواغر تقدر تشوف تخصصك اذا فيه شركة طالبه موظف تاخذ رقمهم وتتصل فيهم.

2- ديوان الخدمة المدنية:
أنا للحين ما قدمت هناك، لكن المفروض مجرد تتخرج تروح تقدم في ديوان الخدمة المدنية في منطقة الجفير (ورا مسجد الفاتح)، ديوان الخدمة المدنية وظيفته ادارة الشواغر في مختلف وزارات الحكومة، يعني لو أي وزارة تبغي موظفين راح تتواصل مع ديوان الخدمة المدنية وتاخذ من عندهم المرشحين.

3- التقديم الشخصي في الشركات:
عشان ما تعتمد على وزارة العمل وديوان الخدمة المدنية، تقدر تطبع لك مليون نسخة من الـ C.V وتطلع الصبح تفر على بعض الشركات تقدم فيهم خصوصا الشركات اللي تظن انهم محتاجين موظفين من تخصصك.

4- التقديم عن طريق الانترنت:
تقدر تقدم من خلال الانترنت عند عدد كبير من الشركات اللي توفر هالخدمة عن طريقة مواقعها الالكترونية أو عبر الايميل.

انته تسوي اللي عليك وما تدري باب الرزق بينفتح لك من أي طريق .. أتمنى لك التوفيق

 

[moto l6]

شكرا صاحبة الظل و uob.bh

واجد افدتوني

بعد باقي جم فصل على التخرج

الله يسهل لينا وليكم
​