شارع ابوك ؟!!!

[موتو]

بسم الله الرحمن الرحيم
اللهم صل على محمد وال محمد
ـــــــــــــــــــــ
يا ترى لماذا يقوم البعض بالقيادة في المسار الايسر رغم بطئ سيرة
وعندما تكون أنت مستعجل بالرغم من جميع الاشارات (يطنش ) ويستمر بالسير ببطئ؟

احيانا يتصرف الانسان ( ثقالة دم ) وأحيانا ( حماقة وتكبر ) يضن أن الشارع ( شارع ابوه وأهله ؟!!)
( اعتذر عن الكلمات القبيحة لاكن أحيانا قد يكون الانسان في عجلة من أمره وتشاهد إنسان بليد أمامك)
حيث احيانا افكر ان اقوم بالذهاب امامه واقود بأبطئ منه حتى يشعر بما يقوم به من .............
شاركنا برأيك ...

لا تنسى ذكر الله : لا اله الا الله " ​

 

[m.g.s]

خلك مثلي
اذا مستعيل عندك خط الطوارئ و احسن حل

بس حاسب اذا كان احد مبركن او شي ​

 

[موتو]

خلك مثلي
اذا مستعيل عندك خط الطوارئ و احسن حل

بس حاسب اذا كان احد مبركن او شي ​

للأسف الحين خطوط الطوارئ كلها كبات حمرات
اسعدنا تواجدك

 

[وائل تيتانك]

طرح رائع موتو

ورئي ان هذا سلوك سلبي جدا للغايه

وايضا مستفز وعندك حق فهناك من لا يراعي شعور

الاخرين والادها من ذلك عندما تعاتبه يصيح في وجهك

وكئنك انتا المخطئ ولا اعلم السبب ولكن هذا من الممكن

ان يكون يرجع الي البيئه التي نشئ فيها

او انه لا يبالي وماذا تفعل مع شخص مجرد من الاحساس

ولكن هل تعلم ؟ هئولاء لا يزعل منهم ولكن يزعل عليهم

لانهم ببساطه لا يوجد لديهم شعور ومن فقد الاحساس صار شخص

ميت في وجهة نظري لان كل شئ في حياتنا يحتاج الي الاحساس


حتي الايمان يحتاج ان يكون لدي احساس لكي اشعر به

شكرا جدا موتو علي الطرح الرائع والممتاز


اخوك وائل​

 

[نجمة تشرين]

اني عن نفسي ما امشي بسيد اليسار لاني بطيئه


لكن على بطئي و انقهر لما يجيك واحد في اليمين و يمشي 40 انقهر قهر
هذا حاله حال الا يمشي سيد يسار و سرعته 90

بس الا اعرفه يعني ابوي قال ليي لما واحد يمشي جذي هذا عنيد و يبى يتحجج او يباش تدعمينه عشان يصلح سيارته على حسابش
فحطي بالش عدل منهم

مرة كان واحد يمشي استغفر الله حتى 20 زين و اخر شي لما تجاوزته الا كان يكتب في الفون ماله و الكل يضرب عليه هرانه و هو ابد و لا كأن احد وياه
هذا ما يقهر

و لكن ما يصير تعالج الغلط بغلط اكبر منه و تروح قدامه تمشي بطيء انت تنتقد فعله تقوم تعيده نفسه هزلت


مأجورين

 

[hlwlw]

فيه أنواع ناس عدهم برود ولا يفتكرون نفس اله يوقف سيارته في الشارع والناس تهرن وهو على مهله يجي ليها
وفيه ناس عناد ويازعم حركات طالع فيها وفي ناس نفس ماقلت يحسبون شارع ابوهم

السياقة يبغى ليها نفس طويل وهذا اله نحتاجه
اني ماقدر صراحة اتحكم في غضبي في السياقة

 

[3looy2jz]

ههه تونا راجعين من المنامة , في الطريق يمكن 3 سيارات ماخدين يسار وعلى راحتهم ولا كأنه احد وراهم
اديم ليهم اضرب هرانة مايتباعدون .. آخر شي اطلع عليهم هاده درس ليهم

والله السعوديين رجال في هالسالفة بس يشوفك قربت سيده يتباعد بدون آي اشارات (مجرب)​

 

[عآفك الخآطر]

والله انا من اول ما اطلع من الجامعه لين النفق الثاني اجود يمين ونص اسرع من اليسار
وبعدين امشي يسار اصرف لي

تعودت ع جدي

 

[jacksparrow]

سامحني على هالكلمه بس اغلب الناس الى يسوقون سرعه متهورين
ليش تسوقون اكثر من 100 ؟ قاعدين في ديره نفس البحرين صغيره
وادا كان على هالمشكله تقدر تروح يمين تتجاوزه وتواصل سيرك

ياريت تكون فيه عواقب عدله على الى يسرعون فوق 100 ورايح

 

[تراب]

وعندك الصبح الكثير منهم يمشي في السيد الوسطي اقل من 90 ليش؟؟؟ عشان يبقى في نفس السيد عشان يدخل الجامعه من فوق الكوبري لان اليمين يتنهى عند الكوبري

رجاءً لحد يمشي في النص اقل 100
عندكم اليمين امشو على راحتكم

 

[Ali Hassan]

:: طبعًا أنا بتكلم عن نفسي أثناء السياقة ::

عمري ما طفت الـ 90 في الهاي وي ، و في شوارع الديره غير الـ 30 ما أزيد !

و طبعًا أنا ما عليّ من إلا يتجاوزني و ما عليّ من الناس إلا يطقّون هرانة

ليش ؟؟
:: بقول لكم الأسباب إلا أنا أفكّر فيها ::

أنا في شارع الديرة و أمشّي 20 أو بالكثير 30 ، أوكي ؟؟؟؟ إنزين ، الديرة ما فيها جهال ؟ ما فيها شيّاب ؟ ... ما فيها ناس تمشي و أحتمال تطلع على الشارع فجأة ؟؟؟
فلو كانت سرعة السيارة 40 حسب ما الكثير يمشونها ، فويش بسوي لو دعم جاهل أو عجوز كان يمشي و قتله ؟؟؟ (بصير جدي أو جدي ؟)

حتى مرة من المرات ، كانت حمامة مريضة في الشارع ، و كل ما أطق هرن ما تمشي و لا تتباعد من الشارع ... فنزلت من السيارة و باعدتها (و إلا وراي دبحني من الهرانه و بعدين تجاوزني و هو يهدر عليّ) ، بس أنا ما عليّ منه و ما أخلي في رقبتي طير قتلته علشان واحد فاضي ...

بالنسبة إلى الهاي وي : صحيح أنّ ما في جهال ! بس في ناس غيري يمشون في الشارع قدّامي
فلو مثلا : واحد أنفجر الإطار الخاص بسيارته ، أو ضرب بريك فجأة لأي سبب كان .
فويش بستفيد أنا المسرع إذا دعمته و ضررت نفسي ؟؟؟ ... و غير أنّ المرور بيحسب الدعمة عليّ ( لأنني مسرع و لم آخذ مسافة أمان )

بس إذا مكتوب لي أدعم أو أندّعم في هذا اليوم فما بيتغيّر الوضع ... و لكن الأحتياط واجب ، و الباقي على الله

:: و لا تنسون بأن السياقة فن و لباقة ، و ليس سرعة و حماقة ::
​

 

[Ali Hassan]

فيه أنواع ناس عدهم برود ولا يفتكرون نفس اله يوقف سيارته في الشارع والناس تهرن وهو على مهله يجي ليها
وفيه ناس عناد ويازعم حركات طالع فيها وفي ناس نفس ماقلت يحسبون شارع ابوهم

السياقة يبغى ليها نفس طويل وهذا اله نحتاجه
اني ماقدر صراحة اتحكم في غضبي في السياقة

عجل أحط إليش بأنش في كل شهر دعمة إذا بعدش على هااا التهوّر و السرعة ، إلا إذا الله هداش من كثر الدعمات

​

 

[Ali Hassan]

بسم الله الرحمن الرحيم
اللهم صل على محمد وال محمد
ـــــــــــــــــــــ
يا ترى لماذا يقوم البعض بالقيادة في المسار الايسر رغم بطئ سيرة
وعندما تكون أنت مستعجل بالرغم من جميع الاشارات (يطنش ) ويستمر بالسير ببطئ؟

احيانا يتصرف الانسان ( ثقالة دم ) وأحيانا ( حماقة وتكبر ) يضن أن الشارع ( شارع ابوه وأهله ؟!!)
( اعتذر عن الكلمات القبيحة لاكن أحيانا قد يكون الانسان في عجلة من أمره وتشاهد إنسان بليد أمامك)
حيث احيانا افكر ان اقوم بالذهاب امامه واقود بأبطئ منه حتى يشعر بما يقوم به من .............
شاركنا برأيك ...

لا تنسى ذكر الله : لا اله الا الله "

أقول موتو : لا تجي وراي عجل ، لأن أحتمال تصيدك جلطه مني
​

 

[نجمة تشرين]

:: طبعًا أنا بتكلم عن نفسي أثناء السياقة ::

عمري ما طفت الـ 90 في الهاي وي ، و في شوارع الديره غير الـ 20 ما أزيد !

و طبعًا أنا ما عليّ من إلا يتجاوزني و ما عليّ من الناس إلا يطقّون هرانة

ليش ؟؟
:: بقول لكم الأسباب إلا أنا أفكّر فيها ::

أنا في شارع الديرة و أمشّي 20 ، أوكي ؟؟؟؟ إنزين ، الديرة ما فيها جهال ؟ ما فيها شيّاب ؟ ... ما فيها ناس تمشي و أحتمال تطلع على الشارع فجأة ؟؟؟
فلو كانت سرعة السيارة 40 حسب ما الكثير يمشونها ، فويش بسوي لو دعم جاهل أو عجوز كان يمشي و قتله ؟؟؟ (بصير جدي أو جدي ؟)

حتى مرة من المرات ، كانت حمامة مريضة في الشارع ، و كل ما أطق هرن ما تمشي و لا تتباعد من الشارع ... فنزلت من السيارة و باعدتها (و إلا وراي دبحني من الهرانه و بعدين تجاوزني و هو يهدر عليّ) ، بس أنا ما عليّ منه و ما أخلي في رقبتي طير قتلته علشان واحد فاضي ...

بالنسبة إلى الهاي وي : صحيح أنّ ما في جهال ! بس في ناس غيري يمشون في الشارع قدّامي
فلو مثلا : واحد أنفجر الإطار الخاص بسيارته ، أو ضرب بريك فجأة لأي سبب كان .
فويش بستفيد أنا المسرع إذا دعمته و ضررت نفسي ؟؟؟ ... و غير أنّ المرور بيحسب الدعمة عليّ ( لأنني مسرع و لم آخذ مسافة أمان )

بس إذا مكتوب لي أدعم أو أندّعم في هذا اليوم فما بيتغيّر الوضع ... و لكن الأحتياط واجب ، و الباقي على الله

:: و لا تنسون بأن السياقة فن و لباقة ، و ليس سرعة و حماقة ::
​

كنت اقول عن روحي بطيئه و جبانه بس طلعت ضعووف قدامي:sly:
بس صراحه السرعه الا حاطنها
حتى لو تحاسب اي
في ديرتكم على افتراض مثلا الشوارع ضيقه 40 زين انت تتحكم في السرعه بحسب المكان هني في جهال في مدرسه ممكن احد يطوف لو لا مو كل مكان 20 بل يدور الراسla:6
عاد الهاي وي ههههههه اني 90 و اوصل 100 بس ارد اخاف و ارجع 90 ((في نداء بداخلي يقول شسويتي يا بنيه ))
اما ما تطوف 90 مصيبه
السيارات مو على بعض في الهاي وي بينهم مسافات طويله شدعوة واحد بينفجر التاير بيمديك تخفف
و سالفه الحمامة لو اني من الي وراك جان طلعت و كفختك بعد مو بس بتحلطم
حمامة بتطير بروحها انت وش ليك مشت لو لا
احد يضرب عليها هرن و يحسبها بتطيير

مأساه انت لا تجي الجامعه بسيارة بتسبب ازمة للطلاب و خصوصا الا خلقهم ضيق
اذا بتمشي 20 بل اصلا يدور الراس و تجي اللوعه
مشي سيكل في ديرتكم واجد احسن

مسامحة بس ما قدرت ما اعلق

 

[Ali Hassan]

و سالفه الحمامة لو اني من الي وراك جان طلعت و كفختك بعد مو بس بتحلطم
حمامة بتطير بروحها انت وش ليك مشت لو لا
احد يضرب عليها هرن و يحسبها بتطيير

أقول ليش مريضة (ما تقدر تطير و لا حتى تمشي ، دايخة)
حتى يوم حملتها و وديتها على الرصيف ما مشت شيء ...

مأساه انت لا تجي الجامعه بسيارة بتسبب ازمة للطلاب و خصوصا الا خلقهم ضيق
اذا بتمشي 20 بل اصلا يدور الراس و تجي اللوعه
مشي سيكل في ديرتكم واجد احسن

على الأقل أحاسب مو نفس غيري يعفس روحه و يعفس غيره و يااااه
و من قال أنا بجي أبركن عند كليتكم ؟؟
الحمد لله عدنا باركات واااااااجد عند الـ IT (من كثرهم ما تدرين وين توقفين)
​

 

[hahss]

مو مهم لو تأخرتون عن اشغالكم اهم شي سلامتكم

ويش لكم بالسرعة

 

[sanabsy 15]

السلام عليكم، أتمنى تغيّر عنوان الموضوع أخويي وبعض الكلمات في مقدمة الموضوع، جذي مو قاعدين نحل مشكلة، لو أنا واحد من الي تقصدهم والله أعاند أكثر، شنو شارع أبوك وأهلك، طبعًا أنا أتوجه ليك من باب الطلب والرجاء مو باب الأمر، وعشان لا أتعدى على موضوعك ما حبيت ألمسه، بس أتمنى يتعدّل أخويي ويكون ألطف، الكلام الطيب هو الي يأثر في الإنسان، والشي راجع ليك في النهاية

بخصوص صلب الموضوع، مو مشكلة حتى لو كان الواحد يجوّد سيد اليسار وما يمشي بذيك السرعة، يخلي عيونه على المنظرة، من يجوف سيارة جاية بسرعة أكبر من سرعته، ياخذ السيد الثاني ويخليها تطوف ويرجع لليسار - إذا كان الهاي وي مو مزدحم - أو يتم على السيد الوسطي أو اليمين لأن أوردي مثل السرعة هي

تحياتي، ​

 

[the life]

بالنسبه لهالموضوع واجد تكلمنا فيه
بس قبل لا تقول شارع ابوه و تطق عليه هرانه ومادري شنو ما فكرّت ان انت بهالحركات يمكن تربكه وتخليه يطلع ع السيد الثاني بدون ما ينتبه وتتسبب في حادث ويكون هالشي في رقبتك طبعاً ( كل شي وارد )
خصوصاً قريب الجامعه مرة صادني حادث ع طريق الزلاق نمشي قريب الاشاره جان اللي قدامي تطق بريك وكلنا طقينا بريك
وقفت سيارتي واني اقول الحمدلله ما كملت كلمتي جان تجي وحده حدها تسوق وتطخ فيني وتتسبب في حادث 4 سيارات اني وهي و سيارتين قدامي بعد
هاه شرايك الحين ؟ لو انها تمشي مثل الناس حتى لو متأخره مو احسن لها من خساير تصلح لها 3 سيارات وسيارتها ودّعت طبعاً تكسرت تكسير
من بعد هالحادث صرت امشي بهدوء و ركاده واخلي مسافه بيني وبين اللي قدامي مو قليله بعد
اني اسرع حتى فوق الـ 100 لكن مستحيل اضايق احد ع الشارع لاني مااحب احد يضايقني
حتى لو مشيت يسار واني اسوق 100 او 110 محد له حق يجي يضايقني عشان اتباعد وهو يمر
يبي يمر في سيدات ثانيه يطلع عليها ’ اوقات اتباعد واوقات لا
لان فوق هالسرعه اعتبره جنون مهما كان السبب

هذا رأيي ​

 

[بلوس]

انا مرات تجيني حالة اسوي روحي قانوني اجوف الافتات جم مكتوب ومشي مثلهم الهايوي مكتوب 100 امشي مئه في سيد اليسار
وساعات تجوفوني مستجن ..
​

 

[Ma7RoMa]

اولا حدود السرعه في البحرين معروفه انها ما تتجاوز ال100 (اسمع من يتكلم)
اهو صح انه ساعات في ظروف تخلينا نزيد عن عالسرعه لكن يبه مو كل يوم ريس عالهاي ويه
اطلع من وقت عشان توصل من وقت
ثانيا .. المفروض الي على سيد اليسار لو كان يمشي بالعدال لازم ينتبه للسيارات الي وراه سريعه ولا عاديه
واذا في سياره مسرعه او سياره تأشر عليه المفروض تقوم عن السيد
لكن السياره الي جايه فلت المفروض بعد تفكر .. هل للسياره الي قدامه جانس او لا ؟؟
هل انت تقدر تتجاوز هالسياره بدون ما تزعج العالم ؟؟
صاير شي بس أنت ما تجوفه من السياره الي جدامك ؟؟
الموهم .. اطلعوا من وقت عشان ما تتأخرون .. وخلكم هادئين وانتوا تسوقون .. عن العصبية الزايده