موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

استفسار عن تخصص حقوق

مفتاح الهدى

Active Member
تاريخ التسجيل
28 أكتوبر 2012
المشاركات
44
المجموعة
أنثى
الدفعة الدراسية
2012
الكلية
كلية ادارة الاعمال
التخصص
محاسبة
السلام عليكم ورحمة الله و بركاته
حبيت استفسر عن تخصص حقوق هل هو سهل لو صعب ووين مدى الصعوبة و كم مقرر تكون دراسته بالغة الانجليزية
و ابي اعرف الخطة الدراسية لتخصص حقوق ضروري و شنو مجالات العمل الي فيه
هل في مواد مشتركة بين تخصص حقوق و اكاونت
 
هلا خيو

مانقدر نقولش التخصص سهل او صعب

بس في كلمه ماشيه ان الحقوق سهل طبعا بتلاحظين ان اللي يقولون التخصص سهل مايدرسون هالتخصص اصلا ويحسبون انه سهل بس لأنه اغلب مواده بالعربي ويقولون انه حفظ وهالهرار وهالنظره سطحيه بس هالتخصص يحتاج جهد وتركيز وفهم بعدين حفظ بس طبعا كل شي بجهدش وبحبش له بصير حليو وبتمشين فيه يعني حاله حال التخصصات الثانيه

الاخت ريد هارت حطت الخطه وفيها 132 ساعه وفي الخطه 10 مواد بالانجليزي

والمواد المشتركه بين الاكاونت والحقوق عربي وهيستوري وواتوقع اذا عندكم جنيرال الكتف مادري ويش وخذتين حاسوب105 فهو تبع خطة الحقوق

وفي الموضوع اللي فوق في القسم نجمة الليل حاطه بعض مجالات العمل اعتقد ^^

وبالتوفيق
 
عزيزتي كل تخصص بالجامعه يحتاج الى رغبه
اصعب تخصص بتشوفينه سهل اذا كان رغبتش
عندش رغبه تفضلي الحقوق مفتوح:smile:
ما عليش من كلام اي احد القرار قرارش و اذا انتي مقتنعه خلاص
كل شي في الجامعه يبى ليه ما في شي سهل بس بالجد و المثابرة احنا نخلي الشي سهل
اتوقع جاوبت من قبل نبذه مختصره عن هالموضوع فاقتبست لج الكلام
تقدرين تستفيدين من الموضوع المثبت اول تخصص حقوق تفضل ..مفيد جدا :smile2:

المواد في الكلية
في البداية راح يتدرجون لج من النظري لين ما توصليين دراست تطبيقات عملية و كلما تكبريين بيخف عليش لود الحفظ
اوكي لان اكثر شي يجي فهم و قضايا

امم ما علينا بالحقوق
هالكلمة دائما اقولها لانها اساس كل شي
لازم تفهمييين
لازم تفهميين
لازم تفهميين
كل مقرر لازم تحبين دراستة تفهميينه عدل تتخيلين لكل شي فيه مثال على الواقع
عقب حفظي و بهالطريقة الحفظ بس بيكون من قراءة الكتاب انت فاهمة بتسترسليين بكل الافكار الرئيسية بتكتبين كل شي
و لا تحاتيين ان نصا و ما اعرف شنو ترى كلش الوضع عادي
بس عرفي المصطلح اللي لازم تعرفينة و اسلوبج هو اوردي ما راح يتغير عن اسلوب الكتاب الا تدرسينه لان قرائته تعطيش الاسلوب القانوني الكافي بحذ ذاته

اول كورسات يمكن تلاقيين صعوبة بس لا تيئسيين

الدراسة اول بأول شي اساسي
لا تقولين ما وراي كوزات اسايمنتات بعيش الفله
لا من ترجعيين بيتكم ادرسي المحاظرة الا كتبتينها مع الدكتور او اقري الدرس الا شرحة
ما تحتاجيين تحظيير الا نادرا

لا تسويين مثل اغلب الطلبة قبل الامتحان بيوم يدرسون و يقدمون
حتى لو نجحوا بس معلوماتهم تطيير و ما يقدرون يبنون اساس قوي
فتلاقينهم يتعثرون
الحقوق مثل الرياضيات الا تاخذينه سنه اولي تحتاجينه عشان سنة ثانية و ثالثه و رابعه
كله متابع بعضة
فلازم تبنين اساسش القانوني صح

الدكاترة منهم الشديد في التعامل و منهم اللين و الطيب
منهم اللي حقاني و منهم الظالم مثل اي دكتور في اي كلية
لكن انتي الا بينش و بينهم الدرجات اثبتي نفسش بنفسش

و لا تخليين عثرة جزء اول لمقرر تخليش تكرهيين قانون بقدة
مثلا في دستوري اول ما توفقتين و جبتي زين
لا تقوليين اكره الدستوري و الثاني بعد ما بجييب زين
كلش لا
قولي انا اقدر و بتشوفيين انش متميزة في الثاني


رايي بالحقوق
هذا حلم الطفولة و حققته
الحقوق متنفس للحياة
يفهمش انتي وين عايشة
و شنو الاغلاط و الفساد اللي في هالمكان
القانون جميل:blush-anim-cl:

الأسئلة بالحقوق منها المقالي
و منها القضايا
و منها تفسير قانوني
و اشياء واجد
كل دكتور هو بنفسه بيعطيش خلفية عن سألته و شلون يحب الطالب يجاوب


بعد شي لازم تعرفينة
لا تعتمدين على رايي احد بدكتور
غلطة عمرش اذا بنيتين راي على دكتور انتي ما جربتي
الفاشل بنظر غيرش ممكن يكون افضل دكتور بنظرش
انتي جربي و احكمي
:smile:

المواد مو كلها بالعربي في منها بالنج و تحتاج تركيز و فهم صحيح الطلبة ما يقصرون و كل سنة تطلع ترجمات
بس نصيحتي ترجمي لروحش
و انتبهي للدكتور زين
لا تخافيين الدكاترة ممكن يراعون الطلبة لضعاف بالانج شوية لكن يبون يشوفونه يحاول ..
بس انتي اجتهدي و بتلاقيين
اما ما تجتهديين بتلاقيين التعثر موجود


موفقة عزيزتي
سواء انضميتي لقوافل الحقوقيين او لاي قافلة ثانية

و اي سؤال
مثل ما اقولها لغيرش اقولها لش
انا موجودة لا تترددين
:smile2:

مثل ما قلت لغيرش اي سؤال انا موجوده هني عشانكم لا تترددين :rolleyes2:
موفقه:smile2:
 
السلام عليكم ورحمة الله و بركاته
حبيت استفسر عن تخصص حقوق هل هو سهل لو صعب ووين مدى الصعوبة و كم مقرر تكون دراسته بالغة الانجليزية
و ابي اعرف الخطة الدراسية لتخصص حقوق ضروري و شنو مجالات العمل الي فيه
هل في مواد مشتركة بين تخصص حقوق و اكاونت


عليكم السلام والرحمة
من نآحية السهولة والصعوبة يعتمد من شخص لآخر
اني كنت طالبة حقوق لمدة فصل واسبوعين كان ممتع الدوام في الكلية
والمواد كانت كبداية جداً سهلة بس تحتاج حفظ وفهم بنفس الوقت علشان تاخذين A بسهولة
متى ما تفهمين الدرس خلاص ساعتها يصير كأنه قصة وسهل :smile:
في مادة اتوقع هي القانون التجاري , ومن ناحيية الانجليزي على حسب معلوماتي ان 10 مواد
مجالات العمل واسعة مو مجرد محاميية في المحكمة , تقدرين تكونين في شركات
او تدخلين في النيابة , عن نفسيي كنت حابة ادخل في التجارة :shiny:
بس شاءت الظروف والاوضاع النفسية والعقلية وغيرت التخصص ,
لكن رأي الشخصي لازال ان الحقوق تخصص جداً جمييل وممتع
:RpS_wink:


​
 
اني على ابواب تخرج
الحقوق ماكان طموحي كنت ابغى طب اطفال
ولكن دخلت حقوق لسبب مغاير
اول كورسين حسيت المواد مادري شلون يمكن اول مره ادرس هالكم الهائل 500 و 300 ص
بس عقب اول سنه ينضج التفكير عن الحقوق ويحس الشخص ان هالتخصص مثير
ودايماا اذا مجرد تقرا مو تحفظ تفهم خصوصا طريقة الدراسه تساعد
مثلا اني وحده مستحيل اكتب واني ادرس للامتحان
بس كليتنا حتى بالفهم ممكن تمشي فيهاا
يعني لا تصدق الي يقول كله حفظ مستحيل
حتى ااالانجليزي اذا مب حافظ بس فاهم تمشي

مع الكورسات المتقدمه حتى لو ماكان رغبتك بتحب التخصص من مواده
والدكاتره اذا يتكلم ع حقوقناا وعن عملناا الستقبلي وشلون بنغير امور كثيره تتحمس اكثر للتخرج
ماعليك من الي يقول بتخرجون ما بتحصلون وظائف الي خلقناا ما نساناا
الله يكتب كل شي
اذا بنتخرج ما بنتحرك على روحناا اكيد ما بنحصل
بسس بصراحة لو رجع الزمن ورا
مئة بالمئه بختار تخصصي
 
اني على ابواب تخرج
الحقوق ماكان طموحي كنت ابغى طب اطفال
ولكن دخلت حقوق لسبب مغاير
اول كورسين حسيت المواد مادري شلون يمكن اول مره ادرس هالكم الهائل 500 و 300 ص
بس عقب اول سنه ينضج التفكير عن الحقوق ويحس الشخص ان هالتخصص مثير
ودايماا اذا مجرد تقرا مو تحفظ تفهم خصوصا طريقة الدراسه تساعد
مثلا اني وحده مستحيل اكتب واني ادرس للامتحان
بس كليتنا حتى بالفهم ممكن تمشي فيهاا
يعني لا تصدق الي يقول كله حفظ مستحيل
حتى ااالانجليزي اذا مب حافظ بس فاهم تمشي

مع الكورسات المتقدمه حتى لو ماكان رغبتك بتحب التخصص من مواده
والدكاتره اذا يتكلم ع حقوقناا وعن عملناا الستقبلي وشلون بنغير امور كثيره تتحمس اكثر للتخرج
ماعليك من الي يقول بتخرجون ما بتحصلون وظائف الي خلقناا ما نساناا
الله يكتب كل شي
اذا بنتخرج ما بنتحرك على روحناا اكيد ما بنحصل
بسس بصراحة لو رجع الزمن ورا
مئة بالمئه بختار تخصصي​


:smile2:​
 
عودة
أعلى أسفل