داعمين سيارتي و شاردين .... !!!

[Princess of Persia]

السلام عليكم شعب

جحوااال ؟

اليوم آنه في الجامعه آتناطح ويه هالتسجيل لي وقت متاخر أشوي وجان آحصل حل لمشكلتي مع التسجيل...

المهم طلعت الباركات مستانسه ... وأركب السيارة والا اتطلع أصوات وتلف بصعوبه ... أحين لما نزلت اكتشفت انه سيارتي مدعومه و شلخوها تشلخ
ومحد موجود في الباركات بعد....

دورت مني مناك محدددد حتى مو هادين ورقه او شي ....

أحين ذي داعم السيارة وشارد ارتاح ضميره يعني ؟
الله لا يوفقه ان شاء الله ... وباجر بنجيك كاميرات الجامعه جان انصيدهم

طبعا هالسالفه صارت اشكثر للطلبه مو يديدة ... حسبي الله عليييهم

 

[UOB-BH]

اذا ماحصلتوا اللي دعم والسيارة تضررت واجد تقدرون تسجلون الحادث ضد مجهول، تدفعون 50 للتأمين وبيصلحونها على حسابهم

ملاحظة: لازم تكتبون الحادث بإسم شخص أكبر من 25 سنة.

 

[التماس دعا]

انا بعد سوو لي ايام الامتحانات ..
حكوا السياره .. وماجفت ولاورقة :s

الله يسامحهم

 

[Ma7RoMa]

واجد يسونها في الجامعة .. بس وش نسوي .. الله كريم
اعتقد تروحون مركز الشرطه تبلغون عن الشي عشان يسوون لكم تقرير وتالي تروحون التأمين تدفعون 50 دينار ويصلحون لج الضرر
وبالتوفيق عزيزتي .. في الحديد ولا في العبيد

 

[♥ Smile]

بسيطة حبيبتي

لاتتكدرين


فدووه​

 

[Bent Madrid]

اني بعد صادتني مرة وصلحت السيارة ب 70 دينار ماجفت لا ورقة ولاشي
رحت للسكورتيه مال الجامعه ولا سوو ليي شي​

 

[Princess of Persia]

الله كريم

 

[S p y e r]

هذي فايدة مجلس الطلبة فيهم الخير
إحنا مانجوف إلا يسوون إجازات ما جفنا شي جديد
هني ناس تضرر وتنباق وتتكسر سياراتها ويشردون بدون ما يتحاسبون
هل وضع كاميرات مراقبة في الباركات مكلف لهالدرجة ؟؟؟؟؟؟؟؟
الحين الجامعة تتكفل على قولتها بـ 96% من تكاليف الطالب
هذي مو تكاليف طالب ، هذي تكاليف تحسين مظهر للجامعة والأمن بشكل أخص

أنا خاطري أعرف بس هالكلام شلون نقدر نوصله لإدارة الجامعة عشان ياخذون هالأمر بعين الإعتبار ؟
يوم صارت الأزمة حطوا أسوار دار مادار الجامعة !!! والحين كاميرات للباركات ما يقدرون !!!
مهزلة صراحة هالإدارة ..

معوضين أختي​

 

[ولد القمر]

اذا تخبرون السكورتية عن حادث في السيارة ..
يقولون كذا طالب يجي يخبّرنا ان صايدنه حادث..

بدال ما كل مرة توصلهم شكاوي .. خل يحطون كاميرا او سيكورتية يراقبون الباركات ..


وفيها فوائد واجد..
اولاً: محد بيبركن غلط
ثانياً: لو صار حادث ما بيضيع حق احد
ثالثاً: بتقل الشكاوي ​

 

[رحيق ورد]

الموضوع متكرر اكثر من مرة وناس واجد يعانون من هالمشكلة
الموضوع مايرتبط بمجلس الطلبة او السكورتية او كاميرات المراقبة
الموضوع يرتبط بالطلبة نفسهم
الي يشوف نفسه مو قد سياقة السيارة ماله داعي يطلع فيها بطل ويجي بالسيارة خل يدور له مواصلات ولما يحس انه مهيأ نفسيا ومعنويا وكل شي ..يجي يشرفنا بسيارته في الجامعة بدون دعم اي سيارة
وخصوصا مال سنة اولى يعني توكم متخرجين وماخدين الليسن يعني للحين ماصار عندكم خبرة في السياقة ع طول ركبتون السيارة وجيتون بغض النظر عن حوادث الباركات..طريق الجامعة بكبره مايخلى من الحوادث بكل اسبوع تقريبا وخطير بشكل مو طبيعي
يعني لو كان الشخص الي دعم السيارة عنده ضمير فاكيد بخلي رقم
والي ماخلي رقم ولا ورقة اعتذار عالاقل هذا كلش بايع الدنيا وعباله انه عايش بروحه ومحد يقدر يحاسبه
ياريت كل شخص يخلي على نفسه رقيب
رب العالمين يعلم بكل شي فاذا هرب من دعمه وشرد مابيهرب من حساب الاخرة


والله يعوض الي اندعمت سياراتهم

 

[S p y e r]

الموضوع متكرر اكثر من مرة وناس واجد يعانون من هالمشكلة
الموضوع مايرتبط بمجلس الطلبة او السكورتية او كاميرات المراقبة
الموضوع يرتبط بالطلبة نفسهم
الي يشوف نفسه مو قد سياقة السيارة ماله داعي يطلع فيها بطل ويجي بالسيارة خل يدور له مواصلات ولما يحس انه مهيأ نفسيا ومعنويا وكل شي ..يجي يشرفنا بسيارته في الجامعة بدون دعم اي سيارة
وخصوصا مال سنة اولى يعني توكم متخرجين وماخدين الليسن يعني للحين ماصار عندكم خبرة في السياقة ع طول ركبتون السيارة وجيتون بغض النظر عن حوادث الباركات..طريق الجامعة بكبره مايخلى من الحوادث بكل اسبوع تقريبا وخطير بشكل مو طبيعي
يعني لو كان الشخص الي دعم السيارة عنده ضمير فاكيد بخلي رقم
والي ماخلي رقم ولا ورقة اعتذار عالاقل هذا كلش بايع الدنيا وعباله انه عايش بروحه ومحد يقدر يحاسبه
ياريت كل شخص يخلي على نفسه رقيب
رب العالمين يعلم بكل شي فاذا هرب من دعمه وشرد مابيهرب من حساب الاخرة


والله يعوض الي اندعمت سياراتهم

شلون ماله علاقة بالسكيورتية ولا مجلس الطلبة ؟
مو مجلس الطلبة هم اللي ينقلون إقتراحات الطلبة نفسهم لتطوير الجامعة بما فيها ؟
مو السكيورتية المفروض يكونون المركز اللي الواحد يلقى حقه فيهم ؟ سواء flash memory أو أي مقتنيات أخرى
كذلك حوادث السيارات ، تكون ملكيتهم تأثرت بالحادثة وتضررت والمفروض الأمن يكونون مسؤولين عن سلامة جميع السيارات

على أقلها يرقمون سيدات الباركات مثل المطار ويحطون كاميرات وإذا أي طالب تعرضت سيارته للضرر يروح يراجعهم
يقولهم ترى سيارتي تضرر في الممر كذا والوقت مابين كذا وكذا وهم بدورهم يكشفون له عن السيارة المتسببة

الإنسان مو معصوم ، والسياقة تحتاج تركيز طول الوقت ، حتى انا الحين ممكن أسوي حادث مع أني دخلت السنة الثالثة من أخذت الليسن
أبسط مثال : الـ لفت ، مو إحتمال يتعطل ؟ ليش حاطين فيه زر للطوارئ ؟
إحنا نجي نسأل الحين ، الباركات مو تصير فيها حوادث ؟ ليش ما يخلون كاميرات عشان ما يضيع حق أحد ؟​

 

[marwa94]

وايد غلط هاي الشي لازم يحطون كاميرات

 

[rH]

شلون يمشوون بدون ما يحطون رقم بلآ ضمير

انا قبل جم يوم حكيت سياره وحده مايبين عدل موقفه في باركي و كله تهاوش فينا و قعدت انتظر ف الشمس ساعه و شي ما قدرت امشي بدون ما اجوفها

 

[بســــــكوتــــــة!]

الموضوع متكرر اكثر من مرة وناس واجد يعانون من هالمشكلة
الموضوع مايرتبط بمجلس الطلبة او السكورتية او كاميرات المراقبة
الموضوع يرتبط بالطلبة نفسهم
الي يشوف نفسه مو قد سياقة السيارة ماله داعي يطلع فيها بطل ويجي بالسيارة خل يدور له مواصلات ولما يحس انه مهيأ نفسيا ومعنويا وكل شي ..يجي يشرفنا بسيارته في الجامعة بدون دعم اي سيارة
وخصوصا مال سنة اولى يعني توكم متخرجين وماخدين الليسن يعني للحين ماصار عندكم خبرة في السياقة ع طول ركبتون السيارة وجيتون بغض النظر عن حوادث الباركات..طريق الجامعة بكبره مايخلى من الحوادث بكل اسبوع تقريبا وخطير بشكل مو طبيعي
يعني لو كان الشخص الي دعم السيارة عنده ضمير فاكيد بخلي رقم
والي ماخلي رقم ولا ورقة اعتذار عالاقل هذا كلش بايع الدنيا وعباله انه عايش بروحه ومحد يقدر يحاسبه
ياريت كل شخص يخلي على نفسه رقيب
رب العالمين يعلم بكل شي فاذا هرب من دعمه وشرد مابيهرب من حساب الاخرة


والله يعوض الي اندعمت سياراتهم

 

[بســــــكوتــــــة!]

الي توه مطلع ليسن لايمشي للجامعة لان زحمة والباركات ضيجة وسيارات الناس مو بلاش عشان تنحك وتنخفس, واذا حكيتو سيارة او شي حطو نوت او نطرو الشخص مو تمشون في كل مكان مو بس فالجامعة انتو مسؤولين جدام الله والقانون

 

[Mahmood1]

الي توه مطلع ليسن لايمشي للجامعة لان زحمة والباركات ضيجة وسيارات الناس مو بلاش عشان تنحك وتنخفس, واذا حكيتو سيارة او شي حطو نوت او نطرو الشخص مو تمشون في كل مكان مو بس فالجامعة انتو مسؤولين جدام الله والقانون

باجر اكيد طابور السيارات بيمتد من الهايوي إلى داخل البوابة، كل سنة في أول يوم دراسة لازم تصير هالحركة، باجر بتغربل اووف

 

[بســــــكوتــــــة!]

باجر اكيد طابور السيارات بيمتد من الهايوي إلى داخل البوابة، كل سنة في أول يوم دراسة لازم تصير هالحركة، باجر بتغربل اووف

اول اسبوع كريييه باقي لك كورس؟