استفسار عاجل !! بخصوص جدولي ..

[Elegant Girl]

السلام عليكم

شخبااركم ؟

وشخبار جدوالكم

طبعاَ ضبطت الجدول ع المواد والاوقات الا ابيهاا .. بس طار الجدول ولا حصلت شيء من الا ابيه !!

المهم اني كنت بنزل mgt236 بدل mkt263
ع اساس الكتف بس مايرضه ينزل !!
هل هو لازم له متطلب سابق؟!

فاضطريت انزل ماده غير ولان كل المواد كلاشات رضيت بالامر الواقع ونزلت
econ 340 مع fin220

بحاول اني ادرس اول باول .. بس ابي رايكم هل يصلح هالمادتين مع بعض ؟
مع العلم اني ما اخدت ايكون 248

وجدولي حالياً بكون ::

qm353
econ340 \ fin220
hist121
eng146

الاوقات اوقات مجانين بس قلت بحاول ويا الدكاتره اغير السكاشن .. تتوقعون عادي ؟
ساعدوني رحم الله والديكم

 

[أزهار الخلود]

هلا عليكم السلام
امم اوك الحمد لله
هاي المنجمنت متطلبه السابق اهو MGT230
اذا للحين ما اخذتينه ما تقدرين تنزلين بزنز الكتف
نفس حالتي انتين يوم كنت ابي انزله


امم ع حسب انتين تقدرين توفقين بينهم او لا
بطبيعة كل شخص يعني لأن ما اقدر اقول لج
ايي او لا لأن طبيعة كل انسان وفهمه تختلف
يعني ساعات اني احس روحي ما اقدر ع مادتين
نفس اليوم بس اذا اضطر الأمر آخذ ولازم تكون
وحدة من المواد ع الأقل مراجعة للفايننل قبل علشان
يسهل عليج جذي


وبالنسبة لآخر سؤال
ف بعض الدكاترة اذا كنتين ام دبليو وتبين تحضرين
يو تي اج عادي عندهم بس البعض ما يرضون
حاولي خية تعدلينه من الحين اوقاتج افضل
بالتوفيق

 

[التعاون]

سمعت ان 236 كنسلوها على الي تخصصهم اكاونت وفاينس

 

[Elegant Girl]

مشكوورين ع آرائكمم
وواتمني اشوف اراء الاعضاء الباقي

 

[asairy]

QM353 .. المقرر طويل ويبي له تآخذين براكتس على التمارين وجذي ..
HIST121 .. يبي له متابعه .. لأن لا تنسين اهو الكتاب كامل للفاينل ..
ENGL146 .. الماده سهله وخفيفه لجدولج ..
FIN220 .. أول مقرر فايننس وحلو بسيط فيه قوانين ..
ECON340 .. المادة سهله دراستها بس شوي امتحاناتها يبي لها ..

شوي صعبه احس انه اثنينهم مع بعض ف نفس اليوم .. حاولي تشوفين لج ماده ثانيه تناسب جدولج ..

 

[ولد عمران]

QM353
حسب الأهمية, المادة واجد مهمة (خاصة لطلبة الفاينانس) و تاخذ قليل من QM250 جانب الفهم و شوي من جانب العملي, و البقية اشياء جديدة على الطالب. حسب ما قلت المادة نقدر نقول عنها متوسطة او صعبة لبعض الطلبة, و تحتاج متابعة و دراسة مستمرة.

FIN220
أساسيات الفاينانس, مقرر بسيط و خفيف, و راح يكون شي جديد على طالب إلا ما درس اي شي عن الفاينانس ابداً في حياته, على بساطة المادة, لكن لا يتساهل الواحد فيها لانه من بعد هالمادة الواحد راح ياخذ مواد تعتمد عليها إلا اهمي FIN320, و بعدها هالمادة راح نستمد منها في كل المواد ( فقط لطلبة الفاينانس)

ECON340
بعد ما درسنا ECON141 و ECON140 النظري, و درسنا MATHS104 و غيره, نجي نطبق إلا درسناه بالعملي في مقرر يدمج هالمقررات. راح تتدرسين اشياء يبين عليها جديدة لانه طريقة دراستها بتكون مختلفة عن قبل. المقرر حلو و فيه عملي واجد, و يحتاج متابعة.

HIST121
ما خذيته

ENG146
ما خذيته في عمري