الجاهلية والغباء XD

[المهندس عبدالله]

صار خاطري أقصه وأخليه سيده
أحسه شكله جدي يزعجني x__x

عجيب لين تقصينه بالطول يستوي حركات (سحر ):

 

[غريبة الدار]

ههههههههههههه
من السوالف الي أذكرها مره كنت أطالع مجلة ماجد جان أجوف حلاوة المحلبية بالتمر حبيت أجربها وأمي وأبوي ما كانوا في البيت
لكن طلعت فاشله ومو حلوه وشكله بعد مو حليو فقمت افكر اذا جوا أمي وأبوي أو احد من اخوني وشافوه بعيبون وبيطنزون علي وب فشلوني ففكرت شلون أتخلص منها وأخفي الأثار لا يكتشفون اختراعي فقمت ودفنته في زراعتنا ولا كأني سويت شي

يالله خل نقرا سوالفكم ونضحك بعد

 

[لغز العيون]

ههههههههههههه
من السوالف الي أذكرها مره كنت أطالع مجلة ماجد جان أجوف حلاوة المحلبية بالتمر حبيت أجربها وأمي وأبوي ما كانوا في البيت
لكن طلعت فاشله ومو حلوه وشكله بعد مو حليو فقمت افكر اذا جوا أمي وأبوي أو احد من اخوني وشافوه بعيبون وبيطنزون علي وب فشلوني ففكرت شلون أتخلص منها وأخفي الأثار لا يكتشفون اختراعي فقمت ودفنته في زراعتنا ولا كأني سويت شي

يالله خل نقرا سوالفكم ونضحك بعد

بل ..دفنتينه مرة وحدة خيو

 

[لغز العيون]

أتذكر كنه نتصل لبيوت وااجد من تيلفون البيت و ننتظرهم يقولون نعم و نقطعه في وجهم
حركات جهال صدق ​

 

[المهندس عبدالله]

أتذكر كنه نتصل لبيوت وااجد من تيلفون البيت و ننتظرهم يقولون نعم و نقطعه في وجهم
حركات جهال صدق ​

كان رقمنا مشابه لرقم "المنهل" وعاد الناس تتصل بالغلط لينا واحنا نرد ونغربلهم غربال

 

[غريبة الدار]

بل ..دفنتينه مرة وحدة خيو

أخفاء ل أثار الجريمة

يعني ما كان ينفع أفلتها في الخمام لأنه بيشوفونها وبيكتشفون
وكانت نوع ما الطبخه غليظة وثقيلة ما ينفع أكتها في المغلسه لأنه يمكن ما تنزل وتسد مجرى الماء

 

[قمَر]

اول ما تعلمت اكتب اسمي كتبته من اليسار لليمين فصار ينقرأ دبع عاد جودوها علي للين ما تعقدت من حالي .. كنت اعتقد انه الشخصيات اله في الرسوم حقيقية وانهم بجون وبيخطفوني ومحد بشوفني مرة ثانية وامي بتصيح علي يا الله على الغباء مو طبيعي بعد كنت افكر انه في خيار في التلفزيون يخلينه نطصل بفضائيين ولاكنت ادور عليه للين ما خربت التلفزيون
ايام سبيستون كنت اتخيل روحي اعيش في كوكب اكشن ما اقدر اقول شي بعد دبحني الغباء
كنت ولا ازال اعتقد ان الارقام والرياضيات ليست من صنع البشر انها من صنع المريخيين #مزحة#لحد_يصدق
اشوفكم ترا تضحكون علي

ذكرتني بعبوود أخويي
أول ما تعلم يكتب اسمه بالأنجليزي
كان يقول لو زين اسمي علي! بس ثلاثة حروف

صار خاطري أقصه وأخليه سيده
أحسه شكله جدي يزعجني x__x

نفس الشعور دايما إذا أشوف شي جدي أنزعج من منظره
وأذكر كان عندي شنطة غسلتها وصار السير مالها جدي ومت أمبي أعدله ما رضا يتعدل

 

[المهندس عبدالله]

أول ما أخذت قلم أبو طقة (حبة)، كان عندي شعور لما أطلع راس القلم إن أنا قاعد أجهز أبرة ولا بعد أرفعه نفس في الأفلام لين بيضربون واحد أبر وتطلع قطرة من السائل اله فيها
إعترفو كم عقل إجرامي.. أقصد طبي فد في المنتدى

 

[أمواج]

أتذكر يوم احنا صغار فيه ماتم حلييو كله معلقة فيه القطع الي يجيبونها من بره يعلقونها بالمواتم منقوش عليها رسومات و كلمات .. كنت اتخيل ان في الليل عقب ما يصكون الماتم تطلع الاشياء من الرسومات و تتحرك ..مثلا قربة الماي الي فيها سهم يطلع منها الماي .. و كنت كل خاطري ادش الماتم الليل واشوفهم

 

[علي البلادي]

في دالية ورى بيت أبوي العودة كان في الليل منظرها مخيف بالنسبة لي وانا صغير وما أدري ليش كان عندي إعتقاد ان هذي هي نار جهنم
وساعات أشوف اجياس خمايم أتخيلهم في الظلام كأنهم اوادم لابسين دفيف

 

[أمواج]

اتذكر في سادس ابتدائي بيوم من الايام كنت مريضة والصبح ودوني المستشفى وعقب المستشفى رحت المدرسة

بس الي صار ان زادت حالتي بالمدرسة فودوني الاشراف اتصل لبيتنا يجون ليي

فلما اتصلت لابويي اكلمه استحيت اقول له "بابا" .. كان في بالي ان بس الجهال الصغار يقولون بابا وان اذا سمعوني بيضحكون عليي .. فقلت له ألو أبويي

يبين ليي ذيك الحزة الوالد قال هذي من أثر المرض اتغيرت مصطلحاتها

 

[غريبة الدار]

يوم كنت طفله قبل سنوات يعني في بالي أنه المره لازم تتحجب عن كل الرجال بس عادي يشوفونها أخوانها وأبوها وزوجها بس
وما كنت أدري أنه عادي بعد ولاد الأخت والأخوان والخيلان والأعمام ...الخ
فكنت إذا أشوف خالتي ما تتحجب قدام أخواني استغرب وأقول لروحي المفروض خالتي تتحجب عنهم وليش أمي ساكته عنها وما تقول ليها شي

عقب كبرت وصرت خاله واستوعبت كلام الله اللي قاله في القرآن
واكتشفت أنه أني الغلطانه مو خالتي
في أحد كان يفكر نفسي وما يدري !!!

 

[لغز العيون]

يوم كنت طفله قبل سنوات يعني في بالي أنه المره لازم تتحجب عن كل الرجال بس عادي يشوفونها أخوانها وأبوها وزوجها بس
وما كنت أدري أنه عادي بعد ولاد الأخت والأخوان والخيلان والأعمام ...الخ
فكنت إذا أشوف خالتي ما تتحجب قدام أخواني استغرب وأقول لروحي المفروض خالتي تتحجب عنهم وليش أمي ساكته عنها وما تقول ليها شي

عقب كبرت وصرت خاله واستوعبت كلام الله اللي قاله في القرآن
واكتشفت أنه أني الغلطانه مو خالتي
في أحد كان يفكر نفسي وما يدري !!!

لا ما فكرت جدي خيو

 

[بَتُول]

تذكرت الحل السلمي الا أخترعناه أني و أخوي الصغير عشان نحل الحرب على من له الحق إنه يتحكم ف التلفزيون

- بروح و بجي
ه العبارة لازم أقولها إذا بتباعد عن التلفزيون حتى لو للدقيقة و إلا بصير هو المتحكم

و ما يسمعونا البيت في الروحة و الجية إلا نقول : بروح و بجي لا تفر/ين القناة

أذكر مرة كان هو مو موجود أصلًا و خفت يجي و ياخذ الدور و أني بعيد ف كتبت ( بروح و بجي ) على ورقة و خليتها على التلفزيون .. صك الملكية

و رغم ها الحل الدبلوماسي بعد كنّا تتهاوش على قلت أو ما قلت( بروح و بجي ) و ف النهاية يجي أخوي الكبير أو أختي و يفرون على القناة إلا يبونها هم و نسكت ثنينا

 

[إيقاع]

يوم كنت طفله قبل سنوات يعني في بالي أنه المره لازم تتحجب عن كل الرجال بس عادي يشوفونها أخوانها وأبوها وزوجها بس
وما كنت أدري أنه عادي بعد ولاد الأخت والأخوان والخيلان والأعمام ...الخ
فكنت إذا أشوف خالتي ما تتحجب قدام أخواني استغرب وأقول لروحي المفروض خالتي تتحجب عنهم وليش أمي ساكته عنها وما تقول ليها شي

عقب كبرت وصرت خاله واستوعبت كلام الله اللي قاله في القرآن
واكتشفت أنه أني الغلطانه مو خالتي
في أحد كان يفكر نفسي وما يدري !!!

أني كنت أشوف زوج خالتي يسلّم على نسوان أولاده (يصافحهم باليد) وساعات يقبّلونه.. وكنت أحسبه رجال مو زين مسكين .

 

[Jouan7]

كنت افكر الناس كلها تفكر مثلي طلعو لا والله طايفيني بأشواط .. و توي استوعب بعض المواقف ان مو مثل ما فهمتها .. خساره كان ليي رد ثاني

 

[o n e]

شفت هالموضوع وجي على بالي اشارككم بهالقصة الطريفة

لما كنت في صف احتمل الرابع ..
في الهدة كنت انتظر الباص عند مبنى شوي قريب من المدرسة ..
فكنت اجلس وراويت واحد من الي وياي اني اقدر امشي على الطوف واحلق عالياً و اتشقلب للخلف ..
فشافني البعض وخبروا البعض ان في واحد يعرف يقلب ..
فهكذا استمرت الامور الين ماقاموا ناس يجون يشوفون ويعبرون عن اعجابهم.
ويعطوني ربابي اقلب ليهم

 

[لغز العيون]

أتذكر كنت أحسب إنه القروص يدخل الجلد و احنه نخلي عطر علشان نقتله من جدي أحس بالحرق
بعدين و عقب فترة اكتشفت إنه القروص يقرصنه و يمشي ​

 

[o n e]

الله يسلمكم
لما كنت في الابتدائي ..
كان عندي جهاز راديو شكله طويلي . .

وكنت مستانس ابه ..
بس اتخلص البتاري وهذا الشي ضايقني ..
فلما فتحته من الداخل شفت في وايرين موصلين محل البتريين . .
لسان حالي يقول ليش ماشيل هالوايرين واوصلهم في كهرباء المنزل علشان احضى بتجربة طويلة الامد ؟!

فشلت الوايرين وجبت قلم ودخلتهم داخل ..
وكنت مركب السماعات في ادوني ومترقب يشتغل ..
واشغل السويتج
انجان ماشوف الا نوع الشرار يطلع . .
وتالي اختفى
لولا الفيوز عفر لكان جبت العيد . .

وولد خالتي كان مبيت وياي والسويتج الا طلع منه الشرار كان صوب محل الي ينام فخاف ينام اهناك ..

 

[أمواج]

في بيتنا كان فيه زراعة
عاد مرة من المرات كنت افكر اسوي حديقة العاب و ملاهي للنمل
جبت علبة و حطيت فيها رمل واغصان وورد واكل للنمل
المهم رتبتهم واني اتخيل الملاهي وبدأت مرحلة صيد النمل واحطهم في العلبة
لكن شكله النمل ما عجبتهم حديقتي وصاروا يطلعون منها

قصتي ويا الملاهي ما تخلص اهني
كنت عند مساحة الدرج في الصالة اسمي المكان لعبة ارنوب بطوط
واني ويا @رَحِيــلْ ، نبتكر الالعاب وانسوي مساحات صوب مسجلة و صوب للتمثيل وصوب الى اللعب وعادي جدا نجيب مرقد نحطه عالدرج ونتزحلق عليه او نجيب شنط بتواير نتزحلق عليهم .. كان عندنا بخيالنا المكان صج حديقة ملاهي

كنت بعد اتخيل ويا روحي ان البيت مقسم الى اقسام و كل قسم الى شخص معين من خيالي بعد وان اذا بطوف الى قسم مو قسمي لازم ادفع قيمة .. القيمة كانت ان اختار غرض من قسمي واوديه القسم الثاني .. واذا انتقلت للقسم الثاني يصير ليي و الشخص الي فيه يروح لقسمي الاول

كان خيالي واااسع بشكل مو طبيعي