اي حاليا يدرسوني بس العبرة في النتيجه
على حسب الدكتور
كلّه عن المجتمع وروّاد علم الاجتماع
و تحب المشاركة و التحضير .. و بس 
الدكتور محمد عبد البديع ما درست عنده للحين ..
أما بالنسبة لـ دكتور نادر ، فـ من خيرة الدكاترة لـ علم الاجتماع
من حيث الشرح ما يفوت نقطة بدون ما تفهمها ( طبعاً اذا بتركز وياه ) أي شرحه وافي ، درجاته يمكن ما ترضيك في المنتصف لأن امتحاناته
المنتصف ساعات تكون شوي شوي شوي صعبة و غالباً النهائي اسهل بواجد من المنتصف ، امتحانه يعتمد على الكتاب أكثر من لسلايدات
لذلك الكثير يواجه صعوبة كونهم يدرسون من النوتات و يكتفون بهم !! اما البحث ، فـ من اول يوم يعطيك ورقة فيها اسماء كتب تختار كتاب منهم
و تسوي له مراجعة ، يعني مو تلخص الكتاب ـ و لكن تقرأه بتمعن و تكتب فيما لا يقل عن 5 صفحات ، يعني الشغلة سهلة خصوصاً ان الكتب مو شي دسم واجد ، هذا بالاضافة إلى انك راح تعرض البحث و تسلمه بـ اوراق ( و يساااااااعد وااااجد في الدرجات بالنسبة للبحث بشكل خاص ) .. و اهم شي تعاامله جداً لطيف ..
و بس اعتقد شخلته ليك شخال
دكتورة أحلام ، جديدة توها أول كورس تدرس و لكن اتنبأ ليها بـ ابداع جديد في التدريس ، يعني المنتصف مالها ابداً ما كان صعب
و عندها بروجكت فقط مافي بحث ، يكون في شكل مجموعة ، و على حسب المقرر اللي بتدرسه عندها ، يعني عندي وياها 161 ، شرحنا الرواد في مجموعات لا يزيد عدد المجموعة الوحدة عن 3 اشخاص ، أما عن درجاتها فـ للحين ما شفنا خير أو شر و لكن بما ان الكتاب يبين من عنوانه ، بـ إذن الله تكون الدرجات زينة ، معاملتها حليوة و خفيفة ظل و محاضرتها ابداً غير مملة و يعني الدكتورة حبوبة بس تكون حبوب وياها ، عاادي جداً تسحب تلفونك و هي تشرح و انت تحوس بالتلفون
مقرر 161 يتكلم عن بداية علم الاجتماع و شلون صار هالعلم ، يعني بداياته و تاريخه و رواده و الخ من هالامور اللي تعتبر أساس لـ طالب علم الاجتماع ، مقرر سهل و حليو بس فيه حفظ واجد ..
مقرر 181 موضوعه علم الانسان ـ يدرس طبيعة البشر و شلون تتكون الجماعات و شنو طقوس كل جماعة و الخ من الاشياء اللي تتعلق بـ الانسان و علاقته بمن حوله ..
مقرر 221 ما اخذته للحين ..
بالتوفيق
