عليكم السلام
حياتك الجامعية كيف تصفها ..؟
حيـآة صعبة بعض الشيء يلزمنا الاصرار و الثبات والتحدي
تتطلب تركيز وتنظيم وقت وجهد اكبر
بس مافي شي يجي بسهولة ، لازم نواجه هالصعاب ونحقق هدفنـآ عشان نحس بحلاوة النتيجه
وما هو مفهوم الحياة الجامعية عندك ..؟
بيئة مختلفة تماماً عن اللي عشناه بالمدرسه
لكن مع الوقت تعودنا عليها ( ومو ع كيفنا اصلاً
) لان اذا ما تعودنا الحين نتعود بعدين اذا اشتغلنا < من ناحية كونها بيئة مختلطه
يمكن احنا ما نحبها لكن اذا تخرجنا منها ان شاء الله اني متأكده راح نشتاق لهالايام
وهل هناك ضرورة لما يعرف عن الحياة الجامعية من افعال واقوال متعارف على انها من طلبة الجامعة .. ؟
لآ ، عمرها المسميات والالقاب ما تحدد تصرفات الشخص واخلاقه
سواء كان طالب وزير مدير استاذ دكتور ..
هل ما هو ممنوع على الطالب والزميل مقبول عند الاستاذ ..؟
في جامعه البحرين
- ومن خلال دراستي سنتين ونص تقريباً في كلية البزنز -
للاسف .. نعم
من وجهة نظرك .. أيهما أجمل ايام المدرسة ام ايام الجامعة .. ولماذا ..؟
المدرسة اكـــيد
الجامعه فرقت شملنـآ
صرت ما اشوف البنات اللي كانو وياي في المدرسه الا بالصدفه
كنا نتجمع نقعد نسولف نلعب نطلع هبالنا
في الجامعه يا الله يا الله نشوفهم نسلم واحنا رايحين للمحاضره نبي نلحق بس
الجامعه لها مكانه بعد لانها غير عن كل المراحل ،، عقبها بفتك من شي اسمه دراسه ووجع راس
بس مو نفس المدرسة
السنة الدراسية الاولى .. ما وصفك لها وهل واجهتك صعوبات فيها ..؟
امممم
حسيت روحي وحيده
مع ان عندي اخت لحقت عليها كورس واحد بس هي في كلية واني في كلية حتى ما كانت تعرف اماكن السكاشن وتدليني
كانت محاضراتي ورى بعض وامشي يعني ما قعدت استكشف شي كلش
لدرجة اني دخلت سنتي الثانيه واني توني قاعده اكتشف اماكن فيها ههههه
بس كان جهدي كله مركز ع دراستي والحمدلله النتيجه مُرضية كانت
ونختم بموقف أثر فيك بحياتك الجامعية ..؟؟
مواقف واجد
بعضها سعيده
بعضها حزينه بما فيه يوم الهجوم ع الجامعه
بعضها تحسسك بانك غبي *ـ* وقت اللي تدرس تدرس وتنصدم
تختلف المواقف ولكن يبقى اثرها داخلنـآ سواء كانت ذكرى حزينه او سعيده راح نتذكرها
يسلمووو ع الموضوع قاسم ^ـ^
// موضوع جميل 
