G.P.A

[n-aldossari]

السلام عليكم..

شخبارك جميعا..

بغيت اسال شلون نقدر نحسب معدلنا

يعني هل ننتظر لين تنزل نتائج النهائي وبعدين نطلع المعدل

ولا يصير من نتايج المنتصف؟

اي وشلون نقدر نحول الدرجه اذا كانت من 40 الى من 100

وبغيت اعرف عن كل رمز يدل على اي درجة يعني ال A ,B,C+

ووو ممم.. بعد بغيت اعرف يصير اعيد مادة تخصص اذا كنت يايبه درجة مو زينه يعني حتى لو مارسبت فيها؟

وجم مادة نقدر نعييدها حتى لو ماكانت مادة تخصص


ادري اني ثقلت عليكم بس هاي حالة الطلبة الجدد

شكرا

 

[UOB-BH]

وعليكم السلام ورحمة الله وبركاته

* طبعا تنتظرين الى النهائي، لأن الامتحان النهائي يحصل على نصيب الأسد في توزيع الدرجات.

* نضرب الدرجة في 2.5

* تقدرين تعيدين أي مادة نجحتي فيها بشرط تكون درجتج أقل من C (يعني -C أو +D أو D)

* بإمكانج إعادة أي عدد من المواد طالما توافر الشرط السابق (سواء مواد تخصص أو غير تخصص)

*هذا هو توزيع الدرجات يبين حدود كل رمز من الرموز
A ==> 4.00 ==> 90-100
A- ==> 3.67 ==> 87-89
B+ ==> 3.33 ==> 84-86
B ==> 3.00 ==> 80-83
B- ==> 2.67 ==> 77-79
C+ ==> 2.33 ==> 74-76
C ==> 2.00 ==> 70-73
C- ==> 1.67 ==> 67-69
D+ ==> 1.33 ==> 64-66
D ==> 1.00 ==> 60-63
F ==> 0.00 ==> Less than 60


حساب المعدل الفصلي:
راح ناخذ مثال لتوضيح الفكرة، نفرض ان عندج 5 مواد وجائت شهادتج لهذا الفصل كالتالي:
مقرر 3 ساعات = A
مقرر 4 ساعات = -A
مقرر 3 ساعات = -B
مقرر 3 ساعات = C
مقرر 3 ساعات = +B


نشوف الرقم اللي يعادل كل رمز من الرموز مثلا A تساوي 4 ونضربه في عدد ساعات المقرر
نطبق الخطوة السابقة على جميع المواد لتكون النتيجة كالتالي
= ( 4.00 في 3 ) + (3.67 في 4 ) + (2.67 في 3) + (2.00 في 3) + (3.33 في 3)
= 50.68

الناتج نقسمه على مجموع عدد الساعات لجميع مواد الفصل وهي 16 ساعة "في مثالنا السابق"
المعدل الفصلي = 50.68 مقسوم على 16 = 3.17


حساب المعدل التراكمي:
طبعا الفصل الأول بيكون فيه المعدل الفصلي = المعدل التراكمي
ابتداءً من الفصل الثاني لازم نطبق الخطوات التالية لحساب المعدل التراكمي

للتوضيح لو فرضنا صار لج ثلاثة فصول بالجامعة ونريد حساب المعدل التراكمي للفصول الثلاثة
نضرب عدد ساعات الفصل الأول في المعدل الفصلي للفصل الأول + عدد ساعات الفصل الثاني في المعدل الفصلي للفصل الثاني + عدد ساعات الفصل الثالث في المعدل الفصلي للفصل الثالث
الناتج نقسمه على عدد الساعات الكلية للفصول الثلاثة

 

[SAMARAH]

معلومات تفيدناا وخصوصا انه احنا بأول كوورس

شكراا uob-bh

عساك عالقوه

وبالتوفيق للجميع ان شاء الله

 

[n-aldossari]

تسلم اخوي وماقصرت افدتنا والله =)

 

[MONMON]

مشكوور اخووي وماتقصر بس عندي سؤال اذا يبنه في ماده تخصصيه اقل من c لازم نعيدها ؟؟

 

[UOB-BH]

مشكوور اخووي وماتقصر بس عندي سؤال اذا يبنه في ماده تخصصيه اقل من c لازم نعيدها ؟؟

يعتمد على التخصص أختي، كمفهوم أساسي درجة C تعني النجاح لكن بعض الكليات يطلبون ان الطالب لازم يحصل على C فما فوق في جميع مواد (التخصص)، وبالتالي تعتبرين ناجحة بالمادة وتقدرين تدرسين جميع المواد اللي تعتمد على هالمادة، ولكن قبل التخرج لازم تعيدينها وتحصلين فيها على C أو أكثر، طبعا هذا الشي يتبع قوانين الكلية وليس الجامعة.

احنا بالهندسة لازم معدّل درجات جميع مواد التخصص مو أقل من C، يعني ممكن أجيب بمادة D وأعوضها بمادة أخرى حصلت فيها على A وهكذا ،، أهم شي لما الطالب بيتخرج يحسبون المعدل لجميع مواد (التخصص) ولازم يكون المعدل C أو أكثر ..

اذا أحد زملائج بكلية ادارة الأعمال بيفيدج عن قوانين كليتكم، أو تقدرين تستفسرين من قسمكم او من ممثل الكلية ..

كل التوفيق

 

[الانسحاب الهادئ]

 

[جروح باردة]

موضوع مندثر

 

[yagmur]

السلام عليكم..

شخبارك جميعا..

بغيت اسال شلون نقدر نحسب معدلنا

يعني هل ننتظر لين تنزل نتائج النهائي وبعدين نطلع المعدل

ولا يصير من نتايج المنتصف؟

اي وشلون نقدر نحول الدرجه اذا كانت من 40 الى من 100

وبغيت اعرف عن كل رمز يدل على اي درجة يعني ال A ,B,C+

ووو ممم.. بعد بغيت اعرف يصير اعيد مادة تخصص اذا كنت يايبه درجة مو زينه يعني حتى لو مارسبت فيها؟

وجم مادة نقدر نعييدها حتى لو ماكانت مادة تخصص


ادري اني ثقلت عليكم بس هاي حالة الطلبة الجدد

شكرا

حسب علمي
البزنز بس اول مقررر متطلب للتخصص الاساسي
لازم C وفوق
وادا اقل تاخدين اللي عقبه بس لازم تعيدين المقرر
ااما باقي المواد عادي D و اقل من C و C-


كلية العلوم .. لازم كل كل المقررررات فوق ال C ورفيقتي من جدي متاخرة ....
لان أي مادة تجيب اقل من C الفصل اللي عقبة تعيده يكون افضل من التاجيل

بس البزنز ما عندنا هالنقطه .... عادي
لو فوق ال C جان واجد ناس حولت و ما ظلت =) فماعتقد ان كل المواد ولا سمعت بهالشيء اسإأسإأ

 

[OMAR]

إذا مادة تحسين شلون نحسبها

نشيلها من الفصل الأول ونحطها في الثاني

لو نبدل الي في الأول بدرجة التحسين؟

الماده التحسين ... ترجع لنفس الفصل القديم .. الي اخذتي الماده اول مره فيه ... بعد التحسين ... وبحطون الدرجه الجديده سواء كانت افضل او اقل من الدرجه الاوليه

 

[OMAR]

وهل المفروض المعدل الفصلي للفصل الاول عقب التحسين يتغير؟

بشكل عام بنحسب مع الفصل الجديد ... بس هي بالاصل بترجع للقديم

 

[Lil-H]

@تمهل
ما بتتغير درجة الفصل القديم
تنحسب مع الفصل الجديد
وبالنسبة للتراكمي كل السالفة انه ينحسب بالدرجة الجديدة كأنك اول مرة تاخذيها بهالدرجة .. يعني يروح تأثير الدرجة القديمة(ما تصير محسوبة حسب الدرجة القديمة) ويحسبولك هذه المادة في التراكمي حسب الدرجة الجديدة