قانون اعتماد الدرجة الأخيره بعد اعادة المادة بغرض التحسين

[أمواج]

السلام عليكم

أردت فتح الموضوع بغرض الاحاطة بموضوع ما ربما قد تعرض له الكثيرون في الجامعة
و هو " اعادة المادة بغرض التحسين للدرجة "

الجميع يعلم أن قانون الجامعة يفرض الدرجة الأخيرة التي يحصل عليها الطالب في دراسته للمادة
سواء كانت أعلى من السابقة أو أقل , و اذا ما رسب الطالب يتوجد عليه اعادة المادة للمرة الثالثة لاجتيازها

فيا ترى ما هي الدوافع التي تجعل بقاء هذا القانون ؟ و هل من ايجابية حياله ؟
هل تعرضت لمثل هذه الحالة ؟ اذا كانت اجابتك نعم , ما هو شعورك ؟

~ بانتظار اجاباتكم ~​

​

​

 

[Human rights defender]

تعرضت لهذه الحالة
كنت منزل مادة عرب المشترك لان ماعندي مواد كنت ابغي احول وانا ماخد مادة العربي من قبل بس ماخدنها جدي حق يكتمل جدولي ومرة وحدة اجيب احسن
لكن درجات المنتصف كانت موو ااوكي وماسويت زين تالي دريت بالقررا الجديد ان ياخدون على الدرجة الاحدث
فخفت ارسب
ودرست عدل وجبت درجة احسن من القبلية
بس القرار مو اوكي

 

[saronian]

يعني مثلا لو اخدت ماده هالفصل و جبت فيها d+ و انحسبت ف المعدل ، لما اعيدها تحسين و اجيب فيها A ، تنشال الدي بلاس و يصير معدل جديد ؟! يعني المعدل مال الفصل الي فيه الماده هادي يتغير ؟!

 

[MisS Soft]

القانون مو لمصلحة الطلاب !
مفروض يغيرونه
اني عندي مواد افكر اعيدها بس للاسف متأخرة حدي مو ناقصة تأخير زيادة
بس بصراحة يعني لو اعيدهم ما اتوقع احصل درجة اقل
لان اوردي الدرجة زفتة من الزين وقاصفة المعدل :tears:

يعني مثلا لو اخدت ماده هالفصل و جبت فيها d+ و انحسبت ف المعدل ، لما اعيدها تحسين و اجيب فيها A ، تنشال الدي بلاس و يصير معدل جديد ؟! يعني المعدل مال الفصل الي فيه الماده هادي يتغير ؟!

اي تنشال الدي بلاس ينحط مكانها أي =)

 

[أمواج]

يعني مثلا لو اخدت ماده هالفصل و جبت فيها d+ و انحسبت ف المعدل ، لما اعيدها تحسين و اجيب فيها A ، تنشال الدي بلاس و يصير معدل جديد ؟! يعني المعدل مال الفصل الي فيه الماده هادي يتغير ؟!

اي تنحسب الدرجة الأخيره في الفصل الجديد الي اخذتينها فيه .. السابقة تنحذف من المعدل

 

[التعاون]

يمكن تسوي الجامعة جذي حتى ما يزيد عدد الطلبة الي بعيدون المواد
لان الطاقة الاستيعابية مالت الجامعة محدودة بس لما يخلون جذي ناس وايد تخاف وما تجازف

اتوقع جذي

انا اتمنى لو يتغير ان تأخذ الدرجة الاعلى بس اذا رسب الطالب يعيدها

 

[saronian]

اي تنحسب الدرجة الأخيره في الفصل الجديد الي اخذتينها فيه .. السابقة تنحذف من المعدل

انزين ادا كانت هالماده بس اهي ف المعدل يعني كانت مع الاورينتيشن ، المعدل بس على هالماده يعني ينشال و ينحسب معدل الفصل الا عقبه اهو اول معدل ؟

 

[أمواج]

انزين ادا كانت هالماده بس اهي ف المعدل يعني كانت مع الاورينتيشن ، المعدل بس على هالماده يعني ينشال و ينحسب معدل الفصل الا عقبه اهو اول معدل ؟

اي نعم

 

[عاشقة الزهراء]

بس اني قدمت مادة تحسين بس الدي ما انشالت من الشهادة

يوم رحت التسجيل قالوا هو جدي القانون

كلش مو زين هالقانون

 

[أمواج]

يمكن تسوي الجامعة جذي حتى ما يزيد عدد الطلبة الي بعيدون المواد
لان الطاقة الاستيعابية مالت الجامعة محدودة بس لما يخلون جذي ناس وايد تخاف وما تجازف

اتوقع جذي

انا اتمنى لو يتغير ان تأخذ الدرجة الاعلى بس اذا رسب الطالب يعيدها

بالنسبة لي سابقا خذيت مادة CHEMY101 "مادة 4 كردت" و جبت فيها دي و بنفس الكورس صار عندي انذار
الكورس الي بعده قلت بعيدها عشان ترفع المعدل , لكن للأسف رسبت فيها و صار عندي انذار ثاني
الحين لازم أعيدها للمرة الثالثة .. طبعاً متعقده منها .. الله العالم متى بفكر اعيدها

يمكن بالفعل ماكو سبب لهالقانون إلا عشان الطالب ما يفكر يعيد مواد
بس بعد الطالب ما بفكر اعيد مادة الا لسبب من هالاسباب
- يرفع المعدل
- يحس انها مادة ما تستاهل تضيع درجاتها بمعدله
يعني الطالب مو مستعد يضيع كورسات هدر بدون سبب, ما بعيد إلا مضطر اوردي .. فما يحتاج التخويف بهالقانون

ما فيه اي ايجابية للطالب ان تنحسب الدرجة الأخيره الأقل ,, بالعكس سلبيات فيه

أتمنى كذلك يتغير القانون و ياخذون على الدرجة الأفضل
أو على الاقل يعدلون بالقانون و يشوفون طريقة ثانية للتقليل من عدد الي بعيدون

 

[التعاون]

بالنسبة لي سابقا خذيت مادة CHEMY101 "مادة 4 كردت" و جبت فيها دي و بنفس الكورس صار عندي انذار
الكورس الي بعده قلت بعيدها عشان ترفع المعدل , لكن للأسف رسبت فيها و صار عندي انذار ثاني
الحين لازم أعيدها للمرة الثالثة .. طبعاً متعقده منها .. الله العالم متى بفكر اعيدها

يمكن بالفعل ماكو سبب لهالقانون إلا عشان الطالب ما يفكر يعيد مواد
بس بعد الطالب ما بفكر اعيد مادة الا لسبب من هالاسباب
- يرفع المعدل
- يحس انها مادة ما تستاهل تضيع درجاتها بمعدله
يعني الطالب مو مستعد يضيع كورسات هدر بدون سبب, ما بعيد إلا مضطر اوردي .. فما يحتاج التخويف بهالقانون

ما فيه اي ايجابية للطالب ان تنحسب الدرجة الأخيره الأقل ,, بالعكس سلبيات فيه

أتمنى كذلك يتغير القانون و ياخذون على الدرجة الأفضل
أو على الاقل يعدلون بالقانون و يشوفون طريقة ثانية للتقليل من عدد الي بعيدون

بالضبط
يعني لو يقترح هل مقترح لمجلس الطلبة حتى يطرحونه على ادارة الجامعة

 

[أمواج]

بس اني قدمت مادة تحسين بس الدي ما انشالت من الشهادة

يوم رحت التسجيل قالوا هو جدي القانون

كلش مو زين هالقانون

الي اعرفه انها تبقى بالشهادة و يبين انش عايدتنها
لكن ما تنحسب بالمعدل

 

[طاهرة]

التحسين يرفع المعدل لو جبت اكثر ؟

 

[أمواج]

التحسين يرفع المعدل لو جبت اكثر ؟

اي التحسين يساهم في رفع المعدل , اهم شي لا تاخذين مادة الا ضامنة انش ترتفعين فيها

 

[zakiya]

هل الجامة ولا شي فيها عدل
حتى السمبوسة مالهم مكسر يا دافع البلاء

 

[القبر المجهول]

هذا القانون صدق المفروض يتعدل مثل ما قالت الأخت أمواج . لكن انا بالنسبة ليي هذا القانون أرحم بواجد من القانون اللي كان في سنة 2003 و ما قبلها .
لأنه قبل كانوا ياخذون متوسط المواد فالطالب لو مثلا جاب F أول مرة و جاب مرة ثانية A لو شنو يسوي ال A ما بتنحط ليه و بياخذون متوسط الدرجتين و اقسمونها على 2 فتصير ليه C .
http://www.alwasatnews.com/282/news/read/316873/1.html