سؤال جدا مهم بالنسبة لي فأرجو الإجابة

[التفوق]

السلام عليكم

عندي سؤال جدا جدا مهم بالنسبة لي و أحتاج إجابته ضروووووري

آنة توني متخرج من الثانوي و طلع لي قبول في الجامعة بس المشكلة إني ما بقدر أدرس أول فصل لضروفي الصحية القاهرة فآنة قلت أثبت القبول عن طريق دفع الرسوم و تالي قبل الدراسة أنسحب و أأجل فصل دراسي واحد و أواصل الدراسة في الفصل الثاني. فشرايكم؟؟

أرجو من ذوي الخبرة المساعدة

 

[دموع أنثى]

بصراحة ماعندي فكرة عن ده الموضوع
بس ماحبيت اادخل وماكتب ليك شي
تمنياتي لك بالشفاء العاجل , بالتوفيق ان شاء الله
وان شاء الله الاعضاء مابقصرون

 

[التفوق]

شكرا على الرد بس آنة محتاج لهالإجابة ضروري و اللي يعرف لا يبخل علينا

 

[ندآآء السمآآء]

سلامات و ما عليك شر
الله يعطيك الصحة و العافية

بالنسبة لسؤالك ، صديقتي اللعام ثبتت قبولها ( كانت اورينتيشن ) و ما داومت لا الفصل الأول ولا الفصل الثاني
بدون ما تقدم على أي انسحاب ،، راجعتهم عشان تدخل هالكورس تبدي دراسة ،، قالوا لها نحتاج بعض الأوراق لأنها مثبته كـ طالبة عندهم
و بتدخل الكورس الجاي بإذن الله تخصص على طول و سجلت مواد ..
فـ يعني اعتقد المسألة مشابهة لك ،، و اهم شي تثبت قبولك

بالتوفيق ​

 

[التفوق]

شكرا على الرد بس اللي أفهمه إني أهم شي أثبت القبول و تالي مب لازم أقول لهم إني بنسحب ؟

 

[ندآآء السمآآء]

اي اهم شي ثبت قبولك ،، بس يفضل تراجعهم عشان تعرف اذا في اجراءات مضمونه او شي بحيث انك تداوم الكورس الثاني
بس حالياً ثبت قبولك ​

 

[التفوق]

ألف شكر و إذا في أي عضو من أعضاء هالمنتدى عنده أي معلومة لا يبخل علينا

 

[منبع الآداب]

ماعليك شر . الله يعطيك الصحة والعافية اخوي
حبيت انقل لك تجربتي . بس انصحك انك تراجع الجهة المعنية بالجامعة . وانشاء الله خير

انا السنة الماضية تخرجت دفعة ٢٠١٢-٢٠١٣ ودفعت مبلغ التسجيل 10د.ب واستلمت الرصيد والرقم الجامعي . لكن بعدها ماواصلت لضروف خاصة . وحبيت أقعد ارتاح بالبيت شوي سنة وحدة . فما كملت بقية الاجراءات نهائيا . ومرت السنة على خير . الحين هالسنة ذي حبيت اتقدم لجامعة البحرين . فطبيعي ان ابدأ كل الاجراءات من جديد من اول خطوة . دفعت مبلغ التسجيل وتم قبولي ولله الحمد في الرغبة الأولى اللي تقدمت لها . وتمكنت من دفع الرسوم الدراسية وقمت بتثبيت قبولي . والآن في إنتظار إنهاء بعض الاجراءات وبدأ اليوم الجامعي الجديد ١٥-9على حسب اعتقادي . موفقين جميعآ .

وانشاء الله مشافى معافى يارب العالمين .