أستاذي العزيز ,
أولاً أهلاً وسهلاً فيك في كليــة الهنـــدسة .. قبل ما نتكلم عن المواد احب أقول لك وأذكرك بالأختلاف بين الجامعة والمدرسة .. تذكر أنك في مرحلة جديدة يعني لازم تسوي تغييرات في برنامجك اليومي وفي علاقاتك وأصدقائك .. وقتك من ذهب , مذاكرة ليلة الامتحان إنساها لان أنت في كلية الهندسة ,, و أفضل شي تسوي لك قروب مع اللي معااك بحيث تدرسون مع بعض وتتساعدون في الربورتات والملخصات والنوتات .. وفي المذاكرة عليك بالنوتات والامتحانات السابقة .
آسف على الإطالة ..
بالنسبة للمواد
الفيز ..
الفيز هذي مادة مثل القوة والحركة بس هني شوي متعمقة أكثر وان بالانجليزي ,, حده سهل اذا تدرس ليه اول بأول وهذي مادة A بكل سهولة , ما عليك اللا انك تنتبه للدكتور وتدرس اول بأول وتذكر ان هذي مافي نقاط ولا تعريفات تحفظها يعني مذاكرتك اول بأول عبارة عن مسائل تقعد تحلهاا , تخيل شكثر سهل أخويي !!
نهاية أنصحك بدكتور محموود ناصر درسني وجداً حبيته وحبيت أسلوبه , ساعات يصير شوي مزاجي بس هو وااجد زين , وعندك سيد عدنان بعد فلته .
الكيم ..
بصرااحة ان الكيم هي عقدتي والمادة اللي ما حبيتها ولا بحبها حصلت فيها بي ,, بس ترى هي سهلة واذا تدرس ليها أول بأول بتحصل زين ما بتكلم وااجد لان مادة ما أحبه وفاقد الشيئ لا يعطي .. أنصحك بدكتور محمد سليم أختر .
الماث ..
الماث حده سهل عبارة عن التفاضل والتكامل بس الفرق ن هني جم شي زيادة وبالانج ,, مافي شي صعب كلش وهذي مادة A , ما يبي لك شي غير انك كل ما تاخذ دررس جديد تحل مسائل عليه وليلة كل امتحان تحل لك جم امتحان سابق وتدخل وتضمن الفل مارك .. و أنصحك بدكتور كفاح الهامي
السي إس ..
السي إس عبارة عن كمبيوتر برروقرامنق والشباب اللي قبلي ما قصروا تكلموا عنها بس ترى هذي جداً سهلة ومادة A بس يبي لها مذاكرة شوي ولازم تحط في بالك انها مثل السلسلة كل شي يتعلق باللي قبله يعني لا تغيب ولا تضيع ومن تضيع في شي سيده أسأل عنه لا تخلي الدكتور يدخل في درس وانت مو فاهم اللي قبله اما تسال الدكتور او تسال ربعك عقب المحاضرة ,, وعليك بدكتور فيصل القائد
والانج بكل إختصار , مثل اللي في المدرسة بالضبط
بالتوفيق لك اخويي واذا أحتجت أي شي بس خبرناا وإن شااء الله كل الخير والتوفيق
وآسف على الإطالة
:shinyC:
