الزواج المتعدد في القرآن والمجتمع

[Waffa]

حتى لو النسوان عددهم 10 ادبال على عدد الرجال .. ما بتقتنعون بالزوجة الثانية والثالثة


لأنكم اصلاً ما تؤمنون بشي اسمه تعدد الزوجات


ولا عليكم من الشرع يحلل او ما يحلل


وخلينا واقعيين
وقت اللي يكون الشرع في صالحكم ترضونه، واذا مو في صالحكم ولا تعترفون ابه


وحتى لو كان لأسباب جنسية،، الرجال بياخذهم بالحلال مو مغتصبنهم


بعض النساء ما عندهم معيل،
وخل نفترض ان بنت ولد عمها اللي يعيلها
يتزوجها مو احسن ليه؟ اوريدي بيصرف عليها،، وعلشان الزوجة ما تشك بزوجها لأنه يعيلها ومو متزوجنها!


اللي ينكر تعدد الزوجات، يعترض على القرآن .. اللي هو كلام الله


​

هدا مو اسلوب نقاش انش تحتكر الموضوع من الاخر انتون غلط وماتفتكرون للدين وتاخدون الي يعجبكم وانتهى، مو هادي من الاساس سالفتنا،
انته جبت سبب للزواج المتعدد واني ناقشتك فيه، ادا كان يبي ياخد الثانية لاسباب جنسية فهني اني مابقدر اناقشه لان كان واضح في هدفه، بس لحد يجي يقول العنوسة والنساء اكثر من الرجال وغيره لان مايدش المخ، هدا كان قصدي، اني كان ردي على هالنقطة بس
اما سالفة ادا وحدة ضد الزواج المتعدد او لا هادي مسألة راي شخصي، ادا كان رايها جدي فكيفها التعميم عمره ماكان يساعد الحديث
ومحد نكر تعدد الزوجات ارجع للموضوع، بالضبط دي نقطة النقاش، ان الزواج المتعدد مسالة اكبر من مجرد حلال وحرام وانتهينا، والقران يشدد على هالشي بسالفة العدل، ومدام الشي مو هالقد سهل، فمالفروض الانسان العادي الي يهتم لدينه مايقوم ياخد الثانية لسبب تافه لان فيها مجازفة كبيرة،

 

[ولد القمر]

هدا مو اسلوب نقاش انش تحتكر الموضوع من الاخر انتون غلط وماتفتكرون للدين وتاخدون الي يعجبكم وانتهى، مو هادي من الاساس سالفتنا،
انته جبت سبب للزواج المتعدد واني ناقشتك فيه، ادا كان يبي ياخد الثانية لاسباب جنسية فهني اني مابقدر اناقشه لان كان واضح في هدفه، بس لحد يجي يقول العنوسة والنساء اكثر من الرجال وغيره لان مايدش المخ، هدا كان قصدي، اني كان ردي على هالنقطة بس
اما سالفة ادا وحدة ضد الزواج المتعدد او لا هادي مسألة راي شخصي، ادا كان رايها جدي فكيفها التعميم عمره ماكان يساعد الحديث
ومحد نكر تعدد الزوجات ارجع للموضوع، بالضبط دي نقطة النقاش، ان الزواج المتعدد مسالة اكبر من مجرد حلال وحرام وانتهينا، والقران يشدد على هالشي بسالفة العدل، ومدام الشي مو هالقد سهل، فمالفروض الانسان العادي الي يهتم لدينه مايقوم ياخد الثانية لسبب تافه لان فيها مجازفة كبيرة،

ما قلت أنتون غلط ولا قلت أنا صح
كتبت كلامي حسب ردودكم

انا مو شايف نقطة محددة مركزين عليها حق أناقش فيها

توش في الردود اللي قبل تقولين -بما معناه- أن ما أبي زوجة ثانية تدخل في حياتي وحياة زوجي

يعني حتى لو الرجال يبيها لغرض جنسي ما بتقبلين
مع إن غرضه واضح


وهالشي يثبت إن الزواج المتعدد مرفووض جملةً وتفصيلاً..


أختي تناقضين روحش بروحش..

البنية ليها رأيها في هالموضوع اكيد ،، بس مو تقول ليه لين فكرت تتزوج عليي بخرب الدنيا وبفضحك وبروح بيت أهلي وما ليي شغل فيك
،، وخلك ويا زوجتك الجديدة!!

​

 

[sanabsy 15]

أنا اكتشفت مهما الصبي يكون عادل ومتوازن في كلامه ويعطي كل شي حقه البنات ما بيرضون، يجوفون الي يبونه بس، اكتشفت هالشي من خلال بعض المواضيع، إذا أكتب شي في صالحهم يستانسون وإذا أكتب شي فيه عليهم (رغم ردودي دائمًا متحيزة ليهم) أطلع من الملّة

لكن هالمرة ما بعطّل، تناقش في وي!

الله يعطي كل وحدة متعصبة ضرّة ​

 

[sanabsy 15]

بسم الله الرحمن الرحيم، حظش إني فاضي ومستمل الحين أدري تتقبّلين النقاش، أهم شي ما أنسب أنا بس، بسم الله وبالله وعلى ملة رسول الله

مافي شي اسمه "معروف" عدد النسوان اكثر من عدد الرجال، يعني الحين تبون تقنعوني النسوان في العالم 4 مرات اكثر من عدد الرجال؟ معن نسبة ان يكون الجنين ذكر او انثى هي 50/50 بالتساوي؟ شلون يعني؟ فماجوف فيه دليل على هالحجي معني اوريدي سامعتنه في كتاب دين، وحتى لو نسبة النساء اقل اليوم، باجر الرجال تصير اكثر، والي عقبه يصيرون قد القد، اشفرقت!

إختي انتين تتكلمين في شي الله أنزله، شنو أفهم من جملة إن تبون تقنعوني إن عدد البنات أكثر من الرجال بأربع مرات؟ على هالمنطق من وين قلتين إن نسبة أن يكون الطفل بنت أو ذكر 50/50؟ هالشي في علم الغيب عند الله .. إختي العزيزة، الله ما خلق الدنيا والكون وأنزل أحكام عشان جذي بس هرار، الكون متكامل الكون نظام دقيق، تخلّصي في البداية من شبح الزوجة الثانية الي بتجي فوقش (الله لا يقوله حق لا أنسب) وفكري بعقلش، أحكام الإسلام صالحة لكل زمان ومكان، أيام الحروب الي بعشرات الآلاف الرجال يطلعون في حروب، من هالبلد 50 ألف والبلد الثاني 50، فرضًا ماتوا 40 ألف .. لو قلنا إن عدد الرجال متساوي مع النساء هني صار خلل، مثل ما قال ولد القمر وهذا بس تفصيل لفكرته، انتين كبحرينية تقولين إن فرصتش في الحصول على زوج 100% بحكم مجتمعنا، طيب الي في بلد ثاني مجتمع جدًا فقير، الي مثلًا الله ما عطاها ذاك الجمال وين تروح؟ المطلقة؟! الأرملة؟! تموت لو تنتحر لو وش تسوي؟ لو تتخلصين من العاطفة والله يوضح الشي بسهولة وسلاسة،

ثانيا ماعمري جفت احد بياخد على مرته حط في باله ان بياخد عشان يصلح المجتمع، كل واحد عنده اسبابه الشخصية،

انتين ما جفتين خيو غيرش جاف، هالملايين المسلمين كلهم عرفتين إنهم ماخذين زوجات ثانية حق لعبة؟ الظن بهالقدر مو زين

واخر شي، اني كأني مابرضى زوجي يصلح مشكلة عوانس العالم على راسي لان كل واحد ليه خص من نفسه ومشاكله وماعليي من احد ( حتى لو هالشي ممكن يبين اناني بس هدا الوقع ومحد يقدر ينكره، بيتي وزواجي واني مكلفة فيه ومو مكلفة في احد غيري! )

ههههههه هذه القمندة غيورة البنية، هذا الاقتباس هو مركز القضية بكبرها، لا توصلش الغيرة تشككين في حكمة الله

الي ناوي يصلح المجتمع وياخد اربع عشان الاسباب الي ذكرتها فخل ياخد 4 وحدات عندهم نفس الهدف الي هو القضاء على العنوسة عشان لايصير زعل وخراب بيوت ولا ياخد وحدة ويعشمها بالحب وهالسوالف

نعم في زمننا أغلب الرجال ما يقدرون يعدلون حتى بنسبة بسيطة، لكن هالشي ما ينقض الحكم نفسه وهو تعدد الزوجات، لأن الخلل في النفوس ومو في ذات الحكم، (أقوليكم حقانيين احنا بس الله كريم)

عمومًا حتى الزوجة الثانية لما تجوّد الرجّال تسعى وتسعى وتسعى عشان يكون الرجال ليها بروحها، والمَرَة ما يعرف سرها إلا الي خلقها، والفقير ضايع بينهم

ودي اقتنع ان ممكن شخص ياخد 4 وحدات لاسباب غير جنسية بس صعبة خوك

منهو هالبطران الي بياخذ أربع، والله ما عنده سالفة في ظل التقشّف والتنتّف والإفلاس الظاهر والبيّن

وترى جذي بس النقاش حق ضحك ^^​

 

[sanabsy 15]

ادا كان يبي ياخد الثانية لاسباب جنسية فهني اني مابقدر اناقشه لان كان واضح في هدفه

وين الحرام؟

انزين لوي ما تعترفون قولوا غِيرة وخلاص ​

 

[Jouan7]

اصلا احين مو نفس اول
احين وحده و يالله يقدر عليها

 

[sanabsy 15]

بس لحد يجي يقول العنوسة والنساء اكثر من الرجال وغيره لان مايدش المخ، هدا كان قصدي

الإيمان بالله يقتضي الإيمان بأحكام الله، بغض النظر عن كل الأسباب (الي تجوفينها ما تدش المخ) يتحتّم عليش تؤمنين بأن الله حلّل تعدد الزوجات، الله يعين رسول الله شلون كان صابر أنا شوي وبتجيني أعصاب

اما سالفة ادا وحدة ضد الزواج المتعدد او لا هادي مسألة راي شخصي،

رأي شخصي؟ يعني عادي كل واحد ينتقي الحكم الي يبيه ، فيه نظرية الحين متّبعة عند الغرب، يقوليش تخلّصوا من مسمّى الإله (والعياذ بالله)، وبدوا بنظرية أن كل إنسان إله ذاته، لأن العقل البشري قادر على حل جميع المشكلات، فكل واحد يجوف الي يعجبه ويسويه لأن عقله يقوليه هذا الصح وذاك الغلط،


​

 

[sanabsy 15]

اصلا احين مو نفس اول
احين وحده و يالله يقدر عليها

وحدة؟ الحين قبل لا تجي هالوحدة بعد هو منتهي

جان تتطمّن وفاء، ما بتجيش ضرّة يا خيو صلي على النبي بس وادعي الله لا الله يسلّط عليش ضرّة عقابًا :sly: (فلم رعب له)​

 

[Jouan7]

وحدة؟ الحين قبل لا تجي هالوحدة بعد هو منتهي

جان تتطمّن وفاء، ما بتجيش ضرّة يا خيو صلي على النبي بس وادعي الله لا الله يسلّط عليش ضرّة عقابًا :sly: (فلم رعب له)​

اي و الله فلم رعب
الا بخلي حياته فلم رعب

 

[red❤heart]

طبعا ولا مرة في الدنيا تتوقع وش بتسوي اذا زوجها تزوج عليها يمكن تقول اقتله ازنطه بس لما يتزوج ماتدري وش ردة فعلها
اللي يمكن عنده عذر ان يتزوج زوجته ما تجيب عيال ولو ان المفروض يتصبر عليها ويعالجها مثل ما هو فيه اشياء وهي صابرة عليه
اللي طالع بطلعه يتزوج ويطلق واللي يطبق الاية بحذافيرها اربع بالضبط ياخذ هذا الناس نظرتهم اليه بهيمة والمسامحة على الكلمة يعني
اوكي يبي ياخذ ياخذ بس مو مجبورة اعيش مع شخص ابو 4 الله ما قال شرعا تقبلين ان يتزوج عليش اطلقي
وبعد شغلة الحين الشياب المتشببين يبون 18 سنة احترم عمرك وشيبتك واستح تلاقي واحد ف الخمسين ومراهق ويركض ورا البنات
واللي راضية ان زوجها يعرس عليها هذي ما فيها غيرة ولا تحبه اصلا ف بالها فكة منه هذي كيفها خل يتزوج عليها درزن​

 

[red❤heart]

الله من يوسع على امة محمد قالوا بناخذ 2 3 4 عندك بيزات زايدة اصرفها على اعيالك لو عرس لك فقير لو يتيم​

 

[CHARMING EYEZ]

أحس الموضوع انقلب هواش هههههه
مجرد احساس
اتفق في أن أحكام الإسلام صالحة لكن زمان ومكان من دون الحاجة حتى للتعمق في أسبابها ,,

يعني ليش شرب الخمر حرام ؟
ليش أكل الخنزير حرام ؟
ليش الزواج بأربع حلال ؟
وليش بس أكثر عدد أربع ؟؟
ليش تعدد الزوجات مو تعدد الأزواج ؟
كل شي له مقتضى وحكمة إلهية بدون الخوض بالأسباب من ترمل وحروب وعنوسة وغيره

 

[red❤heart]

شرع الله محد يخالفه والشرع حلل اربع لكن الشرع ما الزم الزوج ياخذ اربع
الحين فلان فلانة ترضون ابوكم يعرس على امكم ؟ جدكم يعرس على جدتكم ؟ عيالكم بيرضون تعرسون على امهم ؟ ترضاها على بتك ؟ ترضاها على اختك
ليش اذا قالت باخذ رجل يباني ثانية بتطلعون روح روحها لان المعيشة اللي بتعيشها ما تدرون وش هي
ليش تقصون على روحكم وتظلمون باسم الشرع الشرع بعد ما يرضى بالظلم​

 

[احمد فتيل]

الموضوع عجيب صراحتن

اللهم زوج كل اعزب لا سيما من خصصناه بالدعاء ( انا و سنابسي :ح )

تعدد الزوجات حلال ... وبعض النساء بسبب الغيرة وهالأمور يصلون للمحظور و يحرمون ما حلل الله

حكمه واضح ... حلال مع العدل ..الخ

 

[sanabsy 15]

اللهم زوج كل اعزب لا سيما من خصصناه بالدعاء ( انا و سنابسي :ح )

خلف جبدي فتيل،​

 

[رَحِيــلْ ،]

فِي هالشّي ما أقدَر أحرّم على كيفي ، لأنّ الشرع عاطِي الرّجال إشارَة خَضرَة لحد الرّابعَة ..!
بَس لازم ليه سبب مقنِع ، لا وَ ياخذ رايي بعد ..
+ إذا مستعد يعدِل وَ الأهم مستعد يتحمَل الغيرَة عاد هُو وَ كيفه ! :sly:
​

 

[Waffa]

ما قلت أنتون غلط ولا قلت أنا صح
كتبت كلامي حسب ردودكم

انا مو شايف نقطة محددة مركزين عليها حق أناقش فيها

توش في الردود اللي قبل تقولين -بما معناه- أن ما أبي زوجة ثانية تدخل في حياتي وحياة زوجي

يعني حتى لو الرجال يبيها لغرض جنسي ما بتقبلين
مع إن غرضه واضح


وهالشي يثبت إن الزواج المتعدد مرفووض جملةً وتفصيلاً..


أختي تناقضين روحش بروحش..

البنية ليها رأيها في هالموضوع اكيد ،، بس مو تقول ليه لين فكرت تتزوج عليي بخرب الدنيا وبفضحك وبروح بيت أهلي وما ليي شغل فيك
،، وخلك ويا زوجتك الجديدة!!

​

ماناقضت روحي، لما اناقش بصورة عامة غير عن لما اناقش بصورة شخصية، اني شخصيا اي مستحيل اقبل اكون وحدة من ثنتين او ثلاث او اربع، بياخد عليي مابقعد ليه، هدا قراري الشخصي وكيفي، في احد يقدر يقول ليي عارضت شرع الله؟ هو بياخد واني بهده، ثنينا كيفنا!
لما اجي اناقش اني ما اناقش اني شبسوي، اناقش بشكل عام، وادا في احد ناقض نفسه فهو انته، توك تقول اول رد ان ادا الاولى مو مقصرة مو عدلة ياخد عليها، والحين تقول ادا اخدنا مفروض ماتعترضون لانكم تعارضون شرع الله ..

 

[ولد القمر]

ماناقضت روحي، لما اناقش بصورة عامة غير عن لما اناقش بصورة شخصية، اني شخصيا اي مستحيل اقبل اكون وحدة من ثنتين او ثلاث او اربع، بياخد عليي مابقعد ليه، هدا قراري الشخصي وكيفي، في احد يقدر يقول ليي عارضت شرع الله؟ هو بياخد واني بهده، ثنينا كيفنا!
لما اجي اناقش اني ما اناقش اني شبسوي، اناقش بشكل عام، وادا في احد ناقض نفسه فهو انته، توك تقول اول رد ان ادا الاولى مو مقصرة مو عدلة ياخد عليها، والحين تقول ادا اخدنا مفروض ماتعترضون لانكم تعارضون شرع الله ..

تقولين ما اقبل احد يدخل في حياتي وحياة زوجي
وعقب تقولين لين خبرني ان غرضه جنسي بيكون هدفه واضح
والحين كررتين وتقولين اني ما اقبل اكون وحدة من الثلاث

تقدرين تحددين محور لكلامش من بين هالعبارات؟

ردي الأول على افتراض غير، وردودي البقية على فرضيتش

ولكل مقام مقال
​

 

[Waffa]

تقولين ما اقبل احد يدخل في حياتي وحياة زوجي
وعقب تقولين لين خبرني ان غرضه جنسي بيكون هدفه واضح
والحين كررتين وتقولين اني ما اقبل اكون وحدة من الثلاث

تقدرين تحددين محور لكلامش من بين هالعبارات؟

ردي الأول على افتراض غير، وردودي البقية على فرضيتش

ولكل مقام مقال
​

ليش تفترض اني لما اتكلم فاني قاعدة اتكلم عني شخصيا وعن زوجي شخصيا؟
لما قلت لين قال غرضه جنسي كنت اتكلم عن اي رجال في العالم الي بيجي بيقول انا باخد الثانية لهالسبب بيكون رجال واضح محد بيقدر يناقشه في هالسبب، غير لما واحد يجي يقول انا باخد الثانية لان النسوان ازيد من الرجال، هدا الثاني من حقي اقوليه، جيه انته حسبتهم؟
فهمت عليي؟ في الحالتين الي قاعدة اتكلم عنه حالات عامة مو زوجي واني شايلة روحي من الصورة كلش..
بس من ناحية شخصية مابرضى زوجي ياخد عليي ولو اخد عليي باخد روحي وبطلع من البيت، على ويش الاعتراض بالضبط؟ مايحق ليي اتخذ قراراتي بنفسي؟

في الاخير خل مانشخصن الحوار واجد

 

[Waffa]

بسم الله الرحمن الرحيم، حظش إني فاضي ومستمل الحين أدري تتقبّلين النقاش، أهم شي ما أنسب أنا بس، بسم الله وبالله وعلى ملة رسول الله



إختي انتين تتكلمين في شي الله أنزله، شنو أفهم من جملة إن تبون تقنعوني إن عدد البنات أكثر من الرجال بأربع مرات؟ على هالمنطق من وين قلتين إن نسبة أن يكون الطفل بنت أو ذكر 50/50؟ هالشي في علم الغيب عند الله .. إختي العزيزة، الله ما خلق الدنيا والكون وأنزل أحكام عشان جذي بس هرار، الكون متكامل الكون نظام دقيق، تخلّصي في البداية من شبح الزوجة الثانية الي بتجي فوقش (الله لا يقوله حق لا أنسب) وفكري بعقلش، أحكام الإسلام صالحة لكل زمان ومكان، أيام الحروب الي بعشرات الآلاف الرجال يطلعون في حروب، من هالبلد 50 ألف والبلد الثاني 50، فرضًا ماتوا 40 ألف .. لو قلنا إن عدد الرجال متساوي مع النساء هني صار خلل، مثل ما قال ولد القمر وهذا بس تفصيل لفكرته، انتين كبحرينية تقولين إن فرصتش في الحصول على زوج 100% بحكم مجتمعنا، طيب الي في بلد ثاني مجتمع جدًا فقير، الي مثلًا الله ما عطاها ذاك الجمال وين تروح؟ المطلقة؟! الأرملة؟! تموت لو تنتحر لو وش تسوي؟ لو تتخلصين من العاطفة والله يوضح الشي بسهولة وسلاسة،



انتين ما جفتين خيو غيرش جاف، هالملايين المسلمين كلهم عرفتين إنهم ماخذين زوجات ثانية حق لعبة؟ الظن بهالقدر مو زين




ههههههه هذه القمندة غيورة البنية، هذا الاقتباس هو مركز القضية بكبرها، لا توصلش الغيرة تشككين في حكمة الله



نعم في زمننا أغلب الرجال ما يقدرون يعدلون حتى بنسبة بسيطة، لكن هالشي ما ينقض الحكم نفسه وهو تعدد الزوجات، لأن الخلل في النفوس ومو في ذات الحكم، (أقوليكم حقانيين احنا بس الله كريم)

عمومًا حتى الزوجة الثانية لما تجوّد الرجّال تسعى وتسعى وتسعى عشان يكون الرجال ليها بروحها، والمَرَة ما يعرف سرها إلا الي خلقها، والفقير ضايع بينهم



منهو هالبطران الي بياخذ أربع، والله ما عنده سالفة في ظل التقشّف والتنتّف والإفلاس الظاهر والبيّن

وترى جذي بس النقاش حق ضحك ^^​

اني ماعترضت على كلام الله، اني اعترضت على الإتيان بأسباب لتفسير حكم الله ان النسوان اكثر من الرجال معن هادا شي قابل ان يتغير كل جم سنة، وهدا حجي اوادم مو حجي الله فالحمدلله ماعترضت على كلام الله ..
ثانيا، سالفة 50/50، بالعقل والعلم، الوحدة يا تجيب بنية يا صبي، ما ادري ليش احسكم قاعدين تحاولون تكفروني تقبل الرأي الغير شائع كلش معدوم ..
ردا على كلامك المطلقة والارملة اني قلتليك، ادا هو يبي يساعد وهي تحس انها محتاجة زوج ومرته الاولى مرتاحة من الموضوع الله يسهل ليهم، اني وين اعترضت على الشي بكبره؟ اني مابمشي العالم على كيفي، كل الناس تسوي الي يناسبها، بس من حقي اجي واقول ادا الاولى مو مرتاحة الشي مايعجبني، وانته المفروض تشيل من بالك اني لاني صبي بفكر بتحيز لجنسي وحط في بالي، ادا انته تحب وحدة اشقد يقهر ويحر الشي انك تجوفها مع واحد غيرك، تره الشي بالضبط نفسه، لا اكثر ولا اقل، الشي يحر، فادا الوحدة مو عاجبنها اني اكيد بتضايق عشانها وبحس فيها، متى صار ممنوع نحس؟ مو بس "البنية" غيورة، الانسان مهما كان بنية لو صبي، يغار على الي يحبه، هدا حجي مافيه خلاف اعتقد
وبعدين، ليش المطلقة والارملة مو انسانة وتقدر تعيل نفسها؟ او خلاص لانها مطلقة وارملة يعني المجتمع كارهنها ورافضنها وبتعيش منبوذة وماتقدر الا برجال يحميها ويستر عليها، تره هي في الاخير انسانة ومو لازم تعرس مرة ثانية، تقدر تواصل حياتها بروحها ادا هي مرتاحة، وادا تبي تتزوج بعد بكيفها بس دي نقطة خارجة عن الموضوع ..
ادا الواحد مفتكر لشرط "العدل" الي القران اكد عليه مابياخد الثانية ومرته الاولى الي بينهم عيش وملح مو مرتاحة للسالفة، هدا كل الي قاعدة اقوله، ماعترضت على كلام الله ولاشي