فَضّفَضة جَامِعِية ..

[Ms.Angel]

حلو لو التقي في الاعضاء من البنات هني
ماعرف احد ولا اعرف اشكالهم

ياريت لونعرف بعض

+100000000000000

 

[حلم أنثى]

+100000000000000

تصدقين هدي امنية عندي
ياريت يوم من الايام تصيبرر قبل ماتخرج
احبببتكم جدا قبل ان التفيكم

 

[Ms.Angel]

تصدقين هدي امنية عندي
ياريت يوم من الايام تصيبرر قبل ماتخرج
احبببتكم جدا قبل ان التفيكم

ليش تكون امنية السالفه سهله هههههه

ماعندي مشكله اشوف اي احد

 

[ايتن]

تقدرون تتفقون على مكان وتتعرفون على بعض لو كنتون حابين

 

[روؤحي فاطمية]

امس ما كان في شي

أحضر محاظرة أطنش محاظرة ..

أممم

أمس حضرة محاظرتين رحت وقت البريك ع طاولتنا بالكفتريا الا ما اشوف الا صبيان قاعدين ع طاولتنا >> طبعا دفعه 2013

بس قلت في خاطري لو مو من دفعه 2013 كان بيصير الهواش ع هالطاولة

طاولتنا تعودنا نقعد عليها وما نغيرها لانة المعروف ان الطاولة الينا ثلاث سنوات ما بدلنا هالطاولة

وطبعـا حزتها ما شفت ولا صديقة من صديقاتي بالكفتريا الكل انقررض لانة متعودين نشوف بعض بمكانا ..

وبس

 

[رَحِيــلْ ،]

أمس حليو و اليوم حليو هع < كل يوم بجي بقول ليكم قصة هههههههههههههههه

أول ما رحت حضرتي رحت صوب شؤون الموظفين ( عجيب لين أتغوى ههههههه أتصل لبت خالتي أو أختي و أغربلهم أو أناطط مني و مناك ) خليت بت خالتي تجي ليي هي اوردي صوبنا سكشنها هههههه ، دشيت البزنس التقيتها و رحنا هناكك

بس اليوم قابلنا دكتور الانج .. ما عجبتني طريقته يحسبنا فهيمين هههههههه
سكشنا ما فيه إلا صبيين و جنه واحد ثالث غايب ما ادري ( اسمحوا ليي شباب فكة ناخذ راحتنا هههه )

عطانا نشاط قاعدة نملي فراغات ، و ما شرح القاعدة الا آخر شي و كتبناها :/

تالي بقت نص ساعَة .. نزلنا تحت ف المبنى ف قاعة الأكل خخخخ ( لأن احنا فوق سكشننا ) اشتريت ليي فطاير بس ما أكلتها [ أوردي ما أعرف آكل إذا وااجد أوادم ] رحنا عن بناخذ كتب انج بنشتري ، بس مكتوب على الباب انه ف قاعة 18 :| ،

ركبنا الباص للمحاضرة 2 و الوقت المفروض احنا ف السكشن هههههه ، انطلق رحنا الآيتي هناك دورنا السكاشن طبعًا أني بروحي كنت ما أعرف أحد خخخ ، بس وصلت متاخرة و ما انشرح شي بس الدكتورة عطتهم عن تقسيم درجات المقرر .. سجلتهم و سجلت حضور و طلعت خخخخ

اتصلت ف بت خالتي طلع انها مبسطة ف قسم المطاعم خخخ ، رحت وياها و الله أعلم بدش المكان لو لا ههههه لأن المفروض أطلع من السكشن ربع ساعة و يجي باصنا و أرجع البيت هع

صار ليي موقف مناك ما حبيته عبارتن ، بس لا حول و لا قوة !! أهم شي انه آخر شي ركبت الباص و بيباي :$

في الآيتي حسيت بغربة و ما عجبتني الكلية تغوي الواحد مليون ألف بااب ههههههه ، في اس17 لا بأس الشعور ، البزنس يوم أدش چني هبلة خخخخ ، أما الآداب عزيزة و غاليَة ، أحسها وطن أرتاح نفسيًا فيهاا هههههههههه ..

 

[M7MDOGRAPHY]

يوم من الصبح ، كنت متملل أداوم .. بس قلت عن الكسل

وتذكرت إن اليوم نتايج تخصصنا ، وبعدين تغيرت نفسيتي للجامعة

ورحنا ، أنتظرت وأنتظرت وأنتظرت ..
وبعدين خلوني أدش فِ متاهة حق الصالة وسويت أشياء غبية وتغبنت والهبالة مبينة ع الفيس

وأخيراً ، طلع القبول وجان بسوي عرس ع خفيف بس قلت أأجل الوناسة ومع الشباب

وبعدها كان عندي محاضرة ن الدكتورة تشرح ، وأنا مفهي أفكر بتخصص "المستقبل "

وخلصنا ورجعنا البيت ..​

 

[حلم أنثى]

لكل منا قصة
وحكاية
مواقفه ايضا:::

 

[Dr.Hakim]

ندااااااااااااااااااااااء ندااااااااااااااء ....
يا بنات جامعتنا ................
أحنا مقدرين العبايات والحجابات الي عليكم
و مقدرين بعد انكم شايلين شنطة وزنها 100 كيلو
وندري أن أحنا أقوى منكم جسدياً
ولكن .. شمس البحرين واجد لطيفة .. وماتعرف ولد أو بنت :tears:

فــ أرجوكم .. أتوسل إليكم .. إذا جا الباص قعدوا ورا
وخلونا احنا الكم نفر الناجين بالجامعة نقعد قدام

لكم كثير الشكر والتقدير جميعاً
الله يقويكم ​

 

[ايتن]

اليوم نقهرت مثل امس اروح في شمس والحر اداوم وفنهايه اصير مرشدة سياحية حق دفعة 2013 ودكاتره ما يحضرون لنا او يكون علينا عملي في صاله يستخدمونها اي اليوم صار لي هلموقف وقفنا يم العلوم في الباص وكنت ويه بنات دفعة 2013وكان وايد صبيان يبون يركبون فقلت لهم خل نقعد وره حق يركبون مساكين حر مووووت المفروض كل البنات يسون جي مثل ما احنا نموت حر اهما بعد ارحمو من في الارض يرحمكم من في سماء اتمنى بكره احضر محاضرات ​

 

[حلم أنثى]

ندااااااااااااااااااااااء ندااااااااااااااء ....
يا بنات جامعتنا ................
أحنا مقدرين العبايات والحجابات الي عليكم
و مقدرين بعد انكم شايلين شنطة وزنها 100 كيلو
وندري أن أحنا أقوى منكم جسدياً
ولكن .. شمس البحرين واجد لطيفة .. وماتعرف ولد أو بنت :tears:

فــ أرجوكم .. أتوسل إليكم .. إذا جا الباص قعدوا ورا
وخلونا احنا الكم نفر الناجين بالجامعة نقعد قدام

لكم كثير الشكر والتقدير جميعاً
الله يقويكم ​

بصررراااحة جبتها على الجرح
كسرت خاطري واجد الشباب يتغربلون
البنات احيانا مايتفاهمون قعدوا وره وخلوه كرسين على الاقل للشباب
حق يعرفون ينتقلون بين البزنس والاي تي وغيره

 

[عصفوره ..]

خاطري احس بالحماس الجامعي او احس ان لي يوميات في الجامعة بس ابدا ..
كل يوم محاضره و بعدين مكان مافيه زحمه اقعد فيه وبعدين محاضره وبعدين البيت
و صديقاتي العزيزات محاضراتهم غير ..

ملله جدا يومياتي للجامعه , وين ايام الثنويه و اللعب في الساحه و التخطيطات الشيطانيه و تصبيغ المعلمات

اجمل مراحل الدراسه هي الثانوية

 

[M7MDOGRAPHY]

مَساء النُور ..


اليوم حليو نوعاً مَا


بس مشوار لكلية الآيتي متعب صراحتن .. فلاف مرات ضيعت


ولأول مرة أركب فِ الباص وشعوور جمييل إن مَ فِ هجووم من البنات كانوا شووي


ورحت محاضراتي للكلية ، وكنت مستمل وابي الوقت يخلص بسرعة، وبعدين رحنا اللاب


والمغامرات تبدأ :


دخلنا توزعنا ع الكمبيوترات ، والبنات خلصوا طاولتهم ، واقتحموا طاولتنا


والكمبيوتر إلا صار عندي مَ يشتغل ، قالت الدكتورة تابع ويه اللي صوبك < مَ تدري أن اذا صار الوضع جدي ، يبدأ الحشيش ..


وعموماً طافت نص ساعة ، وجان اتملل ، خديت تلفون إلا صووبي وجان ألعب "سآب وي" صوووت الموسيقى يصدح فِ أرجاء السكشن ، والكل يطالعنا ، فلت التلفون عليه وقلت كمل الموضوع .. وكأني مَ سويت شي




والكل يضحك .. بس أشوة دكتورتنا لطيييفة مَ قالت شي ​

 

[ايتن]

هههههههههه صادني هلموقف من قبل اشغل لعبه ويطلع صوتها

اليوم بعد حضرت محاضرتين من اصل 6
مادري متى بقررون يجون لنا هدكاتره

كسرو خاطري اليوم دفعة 2013
يوقف الباص يم التطبيقي وما ينزلون يفكرون بوقف عند الاورنتيشن ولين مشى قامو يصرخون طبعا يكون تباعد عن الكليه وروحون مشي
وقهروني ع شغله لين وقف الباص ما يتنظرون الاوادم ينزلون لا يبون يركبون انزين مابتحصلون مكان اله لين نزلو ؟؟ فكرو شوي
كذا مره اجوف هلموقفين اليوم

من الملل دخلت سكشن ويه رفيجتي في البزنز سكشن ماث فهمت شرح ودكتور كان طيب

ان شاء الله باجر يجون دكاتره لانه الوضع صار ملل نداوم على محاضره او ثنتين ​

 

[رَحِيــلْ ،]

احنا دكتور الدين شن هجوم علينا اليوم ، يقول لينا استخدام التلفون في السكشن [جريمة] يُعاقب عليها الطالب بالفصل هههههههههه .

 

[Dr.Hakim]

خاااااطري أفتر داخل الجامعة بسيكل ​

 

[أمواج]

شوي شوي يزداد الجد

الله يوفق الجميع

^___^

 

[عصفوره ..]

سبحان الله امس كنت اندب حظي في هالجامعه
و اليوم جاني شعور فرفشه
امشي و شاقه الحلق
يا ساتر عسى الايام الجاية خيير

 

[M7MDOGRAPHY]

شخباركم اليوم .. !

اليوم ممل شووي ، افادي يخلص هالكورس بسررعة ، نبي ندخل فِ التخصص ​

 

[زينبية العشق]

/

اليوم جميل رغم إن متعب نوعًا ما..

لما يبقى على المحاضرة خمس دقايق و الفاصل الزمني بين مبناي وكلية الآداب مشي "عشر دقايق" تقريبًا.. يكون تحدي في السرعة! طيارة

-

شوي شوي قمنه نتعود..
​