فَضّفَضة جَامِعِية ..

[المهندس عبدالله]

تعبت و تمللت من الدرجات المتدنية في أكثر المواد اله أنزلها خصوصاً مال التخصص
خاطري أحصل A بل A+ لدي رغبة شديدة في فهم التخصص بعمق و ف نفس الوقت أحصل درجات مرتفعة و بعدها أتخصص في المستقبل
3 سنوات من دخلت الجامعة و كنت متخوف و متردد في أشياء واجد لكن ما حسيت بطعم الدراسة
حتى ف هالصيفي و للأسف مع سهولة المواد مو قادر أركز عدل ف محاضرة و أخطاء بسيطة تنسف الدرجات
أعتقد حان وقت إني أركز زين و أصحصح زين و أضبط كل أموري صح حق أصل للقمة و أنا قدها بإذن الله

تقدر بس يبي ليه جدية وتخصيص وقت مناسب..

 

[غريبة الدار]

عندي مجموعة من المجلات اسمها (بعد المدرسه ) فيها مواضيع جميلة والأسلوب فيها حليو حصلتها لما كنت قي الثانوي

اعتقد اني حاليا احتاج مجلة أو كتاب باسم (بعد الجامعة )إن كان موجود بالفعل أوممكن تكون فكرة زينة حق التنفيذ

واحد من الموقف اللي صادتني لما كنت في السنة الثانية لي في الجامعة كنت بطلع من الكلية و طالعه لي في وجهي وحده من الزميلات اعتقد أنها هنديه وطلبت رقمي علشان تباني أساعدها في الأون لاين اسايمنت مال Math104 أني فهمت على كلامها بالأنج بس ما عرفت أكلمها وأرد عليها بالأنجليزي وما خلتني إلا يوم عطيتها رقمي مرت فترة طويله وليومنا هذا ما كلمتني عاد حاليا صادني فضول أعرف عنها أكثر وعن تفاصيل حياتها وإذا كانت عايشة هني لو كملت دراسه ورجعت بلدها ......الخ

 

[غريبة الدار]

الأسبوع الأوال
الدوام كان فقط 3 أيام وعقب إجازة تاسع وعاشر
جميع الدكاترة اللي يدرسوني هالفصل أول مره أجرب وياهم وإن شاء الله تكون تجربه حليوه ولطيفة
واحد منهم حدد لينا موعد امتحان المنتصف الأوال والثاني
وجدول تستات الكلية للحين ما نزلوه
يعني ما ندري إذا كان موعد الأمتحان بناسبنا لو لا


وللمره الأولى من دخلت الجامعة دكتور يسجل حضور بهالطريقة اللي تضيع الوقت
يبي ليه يجي لينا قبل موعد المحاضرة بربع ساعة أو 10 دقايق عشان لا يضيع الوقت على تسجيل حضور ..

اليوم من بعد سنة تقريبا حطيت لي ستيكر جديد على البطاقة (صاير فيه 3 ألوان رصاصي وأصفر وأحمر )
كنت بروح اطبع قبل لا أمشي في مكتبة الجامعة شفت الزحمة وعقب غيرت رأي

 

[غريبة الدار]

احس الوضع صاير
أنه الدكاتره يمثلون انهم يشرحون
والطلاب يمثلون انهم فاهمين


الدليل جيكوا درجات الطلاب

 

[Jouan7]

اشتاق لتلك الأيام التي أركض فيها من مبنى لمبنى آخر لكي لا أتأخر و يتم طردي.

 

[لغز العيون]

اشتاق لتلك الأيام التي أركض فيها من مبنى لمبنى آخر لكي لا أتأخر و يتم طردي.

ذكرتيني بالذي مضى و بالتحديد أيام جامعة البحرين
كنت أمشى بسرعة فائقة يعني شوي و أركض لو يصير من كلية العلوم إلى كلية الاداب لانه المحاضرات وره بعض
الحمدلله كنت أوصل في الوقت أو أتأخر خمس دقايق بس

 

[Msha3r Ensan]

دائماً أكرر نفس الغلط في كل فصل بس إلى متى
لو بس أقدر أضبط نفسيتي و أفكاري إنجان زين
لازم خلال العطلة أطبق تمارين زيادة التركيز و ضبط المشآعر و الأفكار

 

[غريبة الدار]

تقريبا باقي شهرين و5 أيام


ما في مخرج طوارئ يوديني ل آخر يوم في الفصل

 

[Msha3r Ensan]

لا إله إلا الله دكتور عارف قاصف طلاب السويل و الفاونديشن في التصحيح
أصدقائي المقربين حصلوا على 2.5 من 25 و الأفرج 12 من 25
أما أنا بصراحة ما درست زين و لازالت أكرر نفس أخطائي في كل فصل بس إلى متى

 

[غريبة الدار]

و فجآه حسيت بالسنوره لاصقه فيي خوفتني


طلعت المحاضره مكنسله
جان زين بعد الثانيه تتكنسل فيي نومه وامبي اراجع ل التست

 

[بَتُول]

من بداية الكورس و أني أحاتي هالأسبوعين ..
الله يعديهم على خير

 

[غريبة الدار]

و فجآه حسيت بالسنوره لاصقه فيي خوفتني


طلعت المحاضره مكنسله
جان زين بعد الثانيه تتكنسل فيي نومه وامبي اراجع ل التست

سحبت على المحاضره
أوردي ما أحسني أفهم ل الدكتور

جا لينا دكتور ثاني بدال دكتورنا وعطانا أوراق الأمتحان مسجرين بطريقه غلط (من تحت )
السكشن كان صغير نسبيا مقارنه بعددنا

يوم الأثنين والأربعاء محاضرة 9:30 وتكمل 10:45 صايره لي نفس ال.......
في هاليومين يكون عندي تستات الساعه10:50
الفرق بينهم(المحاضره والأمتحان) بس 5 دقايق

مره توترت الدكتوره تشرح تشرح واني مو قادره استوعب هي ويش تقول بس احارسها تكمل وكالحين أجيك الساعه عشان أقوم ل التست لا يطوفني ولا أتأخر
كنت بستأذن منها بس ما حصلت فرصه ولا حبيت أقاطعها وما شفت أحد قام عشان أقوم وراه
ما صدقت متى كملت

اضطريت اتغيب عنها مرتين (أسبوع ) عشان أقدر أكمل مراجعه وعشان اقدر أتواجد في مكان الأمتحان في الوقت المناسب
خلاص عقب قلت ل روحي ما يسوى علي أسحب دام الدكتوره تسجل حضور

باجر بتكون عندي شغله برى الجامعه أتمنى أني ما أطول أو أتأخر وأقدر أوصل قبل موعد المحاضره
خلاص بعد ما أمبي أغيب عن هالمحاضره بالذات مو مستعده ل انذرات أو حرمان من النهائي

دفتري ضاع رغم أني بس أكتب وما اقرء منه ولا أعتمد عليه اعتماد كلي بس مضايقه علشانه إن شاء الله أحصل لي شي عشان أدرس منه ل النهائي أو وحده تتبرع تساعدني وتعطيني نوتاتها أو الأشياء المهمة ل النهائي

 

[غريبة الدار]

انتشر خبر في وسائل التواصل عن تعذيب وقتل قطه
ويعطون مكافآة مالية للي يعرف الفاعل

وللعلم ما أدري من متى صارت هالسالفه بالضبط عرفت عن طريق المصادفه من السوشل ميديا (تحديدا الأنستقرام) وللعلم أنه لتو بس رجعنا نداوم من بعد إجازة العيد الوطني

وكأنها مكيده أو السالفة فيها أن ...........
شفت صوره وما أنكر المنظر بشع
من ليه قلب يشوف شي مثل هذا ويقعد يصور وينشر ؟؟؟؟!!!!

إذا عرفوا الفاعل الحقيقي ويش بتكون عقوبته بالضبط

قريت أنه(طالب مختل عقليا ) إذا كان صدق جدي نفس ما وصفوه !!!!!
فشلون يسجل ويقبلونه ويصير واحد منا (طالب جامعي )

 

[غريبة الدار]

هالفصل شكله ما بيكمل إلا طالعه روحي

قدمت تست من تاريخ 28 -11-2018 ودخلنا شهر جديد ولحد الأن ما أدري كم درجتي

أسال الدكتور عن الدرجه طلع اللسته ويدور اسمي
بس ما في !!!
اسمي وين ؟ درجتي وينه ؟
أني مقدمه التست ولا بعد أحس أجاباتي صح والدرجه زينه !!!
وهو بعد المفروض شافني كان موجود في وقت التست

هي مشكلتي لو مشكلته أنه يضيع الأوراق ؟!

اللهم أني لا أسألك رد لقضاء ولكن أسألك اللطف فيه
يا مسهل الأمور

 

[Msha3r Ensan]

كل فصل نداوم يعدي اول اسبوع و نص الدكاترة ما شرحوا شي و لا جوا حتى , مادري ليش نداوم عجل !!
و اكثر شي يقهر اسأل السكرتيرة عن الدكتور اله يدرس سكشنا تقول دكتو فلان بن فلان أروح لفلان بن فلان يقول يدرس بس سكشن 3 و سكشن 1 و 2 للحين ما حصلوا إليهم دكتور

 

[غريبة الدار]

View this content on Instagram

View this content on Instagram

تكنسلت محاضرتنا

الحمد الله اني جيكت التلفون قبل لا اروح

 

[غريبة الدار]

في عندي ماده كلش لا نوتات لا امتحانات سابقه لا تي بي لا سلايدات كلش........ الدكتوره تشرح من سلايدات بس ما ترضى تعطينا
أمرنا لله ما لينا إلا الكتاب

قبل تست 1 شفت بنيه عندها جبترين مال التست خذيتهم من عندها وطبعتهم من مكتبه برى الجامعه
بعد تست 1 أمبي أحصل لي وحده استعير منها قمت أسال
عاد آخر وحده عطتني محاضره والخلاصه من كلامها (روحي اطبعي من مركز التصوير ) في الجامعه كان اسمها سابقا مكتبة علي بابا وفعلا رحت
عاد يسألني الكتاب كامل
أي
وانتظر الكتاب
وعقب طلع مو كتاب بمعنى الكلمه وإنما الجبترين الأولين تبع تست1 مسجرين بروحهم و الجبترين مال تست2 بروحهم ومال الفاينل مسجرين بروحهم اني فكرت بيعطوني اياهم كلهم وي بعض
قلت دام طلع جدي هو الحين قدمت مال تست1 واوردي اكو صايرين بروحهم اقول ليه برجعهم وما أمبيهم
قام يقول انه خلاص طبعهم واني قايله ليه الكتاب كامل


خليت مال تست 1 في البيت
ومال تست 2 أحملهم وياي وقت المحاضره عشان أحدد الأشياء اللي تقولها وساعات أنسى أحملهم

وبما أنه الحين كملنا محتوى تست 2 وبنبدي في محتوى النهائي جيت أدور جباتر النهائي بس مو محصلتهم

 

[Msha3r Ensan]

و الله خسارة كبيرة لقسم الهندسة المدنية أن يتم إنهاء خدمات هؤلاء الدكاترة
سكا و عطية و شناعة
ألحين من بدرسنا كونكريت تو

 

[المهندس عبدالله]

و الله خسارة كبيرة لقسم الهندسة المدنية أن يتم إنهاء خدمات هؤلاء الدكاترة
سكا و عطية و شناعة
ألحين من بدرسنا كونكريت تو

كنت أفكر أدرس ماستر في جامع البحرين... كنسلت

 

[Msha3r Ensan]

كنت أفكر أدرس ماستر في جامع البحرين... كنسلت

أدرس ذاتي و ريح روحك
و اذا سوووا إنعاش رد فكر