فَضّفَضة جَامِعِية ..

[غريبة الدار]

اليوم سويت امتحان تجريبي عجبني وكان سهل

شسمه تدرون انه جامعة البحرين حتى ويا الكورونا بعدهم مستمرين نفس كل سنه في (المسابقة الرامضانيه )
اكتشفت هذا الشي لما دخلت على الأيميل الجامعي

ولا بعد مو بس جدي مسوين مسابقات غير
ل الخطاطين
و مسابقة التصوير الفوتوغرافي
ومسابقة الرياضية الثقافية
يعني حسيت أنه في طلبه واجد واجد ما يدرون عن هالشي فحبيت أقول ليكم
يمكن يوصل هالكلام ل شخص مو داري بالجامعه ويشارك ويستفيد

 

[o n e]

نزلت الدرجات مبدئياً لكن مادخلوا في المعدل والنقاط . .
وحدة 92.2% 8 كردت . .
والثانية 88% 8 كردت . .
كما يبدوا راح اتكون A مع B+ والله العالم, إلا إذا صار كيرف بس ماتوقع ..
الحمدلله

حسبت المعدل ماتغير الا قليل جداً للأعلى , كان3.73 صار 3.742


يبدو لي إن بنزل مواد صيفي ثيوري لتجنب الحفظ في الفصول القادمة . .
الفصل الجاي الله العالم به لعل أتوقف فصلين لسبب, لم أتخذ هذا القرار بعد.

 

[غريبة الدار]

اعترف اني منقهره من فلانه واحسها ظلمتني ماخذه ماده اختياريه على اساس سهله وترفع لي المعدل آخير شي تصمني ب الD وقبل النهائي بفتره لما رحت ليها بتأكد من الدرجات قامت تزفني وتصرخ علي(لاني ما عجبتها من بداية الفصل ) وما سمحت لي اشوف شي او اتاكد هي سالفه طاف عليها سنه اذا مو اكثر

 

[Msha3r Ensan]

نجحت ف كل المواد اله اخترتهم للمسار الأول و لو مال الفاونديشن عطانا وقت زيادة شوي إنجان ما غيرتها ل مسار ثاني
يبقى عليي 25 ساعة بشكل غير رسمي للتخرج بدون ساعات التدريب و الفاونديشن
الحمد الله حمداً كثيراً

 

[o n e]

باجر آخر يوم تسجيل والدفع للصيفي ..
وللحين ماتخذت قرار . .
أنزل أو مانزل ..
شنزل . .

 

[أمواج]

باجر آخر يوم تسجيل والدفع للصيفي ..
وللحين ماتخذت قرار . .
أنزل أو مانزل ..
شنزل . .

توني اتكلم مع اختي ان الصيفي فرصة صار للطلبة في وضع التعلم عن بعد .. ياخذون المواد المملة ومافيها عملي واجد يفتكون منها ومن حضور محاضرات مملة

موفقين اخي

 

[o n e]

الأونلاين كلما جي ليه يصعب ويصعبونه خصوصاً في بعض المواد . .
والشروط strict واجد , كثير من الطلبة عانوا منها . .
الحضوري ماصار جدي . .


الله المستعـــان . .

 

[فتاه الامل]

احتاج اتخرج و بشدة

 

[evan]

من فترة امتحنا امتحان عربي منتصف , والدكتور غلط وعطانا بدل 40 سؤال عطانا 210 أسئلة , ف تكنسل الامتحان

وامس انعاد , والدكتور طلع حرته فينا وجاب أسئلة من المريخ

وطبعا الدرجة كانت ( اللهم سترك )

 

[غريبة الدار]

الله يرحم ايام جامعة البحرين
دكاتره يغيبون وبريك ساعه الواحد يقدر يتمشى ياكل واسترجه ومصلى مكان الواحد يقدر ينام ويرتاح . لما تخرجت من الجامعه وجربت جامعه ثانيه


الحين ما يغيبون واذا غابوا جابوا لينا معلمه (خانم) غير تعطينا الدرس
قبل يخوفوني ويحسسوني مسويه ذنب لو جرم كبير اذا تأخرت في البريك وقالوا حق الناس ( أنه تأخرت وباقي الزميلات يحارسون أو دخلت متأخر وقطعت عليهم ) الحين قسمونا ل صفين وتغيروا المعلمات ما قاموا يقولون هالكلام

 

[evan]

الكلية حلوة والدكاترة ممتازين بس الفترة الاخيرة حسيت ان الدكاترة بس يبغون يخلصون الدرس بسرعة ويمشون ويخلون الباقي علينا من الكتاب

 

[غريبة الدار]

الله يرحم ايام جامعة البحرين
دكاتره يغيبون وبريك ساعه الواحد يقدر يتمشى ياكل واسترجه ومصلى مكان الواحد يقدر ينام ويرتاح . لما تخرجت من الجامعه وجربت جامعه ثانيه


الحين ما يغيبون واذا غابوا جابوا لينا معلمه (خانم) غير تعطينا الدرس
قبل يخوفوني ويحسسوني مسويه ذنب لو جرم كبير اذا تأخرت في البريك وقالوا حق الناس ( أنه تأخرت وباقي الزميلات يحارسون أو دخلت متأخر وقطعت عليهم ) الحين قسمونا ل صفين وتغيروا المعلمات ما قاموا يقولون هالكلام

قريت التعليق
عدنا موضوع سخنراني في البحرين يتسمى (برزنتيشن )
كان عن حق الناس ولكني بسبب الأعمال والمتطلبات الكثيره ما استعديت(قاعده احس روحي في دوامه ) انتقلت مؤخرا لصف جديد لانه صفي السابق قرروا يمشون سريع سريع وهذا شي يفوق طاقتي وقدرتي
على أساس يكملون وتبدي اجازتهم ول التقديم على جامعات ثانيه والسفر وغيره
المهم اليوم كان المفروض عدنا برزنتيشن بس لانه ما في باصات( مواصلات الجامعه ) قرروا يكون دومنا ودراستنا اون لاين يوم السبت والثلاثاء
الاحد والاثنين اجازه ول الله الحمد
دخلت النت وبحثت والحمد الله حصلت اشياء زينه وجاهزه
سويت كوبي وارسلتها على الوتساب ل رقمي الثاني ونسيت اصلا أنه عدنا اليوم سخنراني
ف ما عدلت على الكوبي بيست ولا اضفت شي بالعاده يعني
ابحث واجمع معلومات وعقب اكتب وعقب اترجم واعدل اذا حسيت في شي خطاء وهذا كله يحتاج وقت

دخلت على برنامج المحادثات وبدينا الحصه الاولى
والثانيه والثالثه تبدي الساعه عشر هني صار وقت اللي اقعد ولدي وسويت الريوق وصلنا الرابعه والاخيره واللي هي حصة المختبر وعدنا سخنراني اعتذرت من المعلمه وخبرتها أنه ما كتبت شي بشكل جيد وما استعديت بسبب الواجبات الكثيره ووو.... وطلبت منها مهله ل بعد الامتحان يوم الاربعاء
جا دور فلانه المعلمه تنادي تنادي لأكثر من مره ولكنها ما ترد شكلها دخلت البرنامج تسجل حظور ونامت
اني شفت جدي خذيت منها إذن وقلت لروحي انجرب وانشوف النتيجه بما اني السخنراني قبل ما قلت ل هالمعلمه الجديده
ورحبت في مبادرتي وما كان عندها مشكله فتحت التلفون الثاني سميت بالله وقريت اللي سويته كوبي قبل وفي النهايه ختمت بدعاء
والحمد الله رغم اني ما كنت مستعده بس المعلمه قالت واجد زين ( خيلى خوب ) واستانست

كنت داخله بقول خساره ما عدنا نفس منتدى جامعة البحرين ل جامعتي الحاليه جان استفيد واحصل اجابات ومساعدات بس قريت تعليقي السابق وحبيت اقول ويش صار اليوم

 

[غريبة الدار]

ول الله الحمد اقدر اقول اني كملت الجزء الصعب(ست كتب في اللغه ) وبقى علي الاصعب أو الاسهل ما ادري (پايان نامه ) العيد والوقف بعرفه كان قريب واحنا للحين وأمي أكثر شخص كان شايل همي وتسألني كملتين ؟ خلصتون ؟ وكان جوابي في كل مره للحين
اخذنا قرار نسافر يوم الاثنين وبسبب الامتحان اجلنا ل الثلاثاء
يوم السفر الثلاثاء 8ذو الحجه كان آخر يوم امتحان ورحنا الصف نحارس المعلمه واني احاول استغل الوقت واكرر اكرر عشان احفظ المطلوب لحد ما خلاص حسيت تأخرت رحت ل الاداره أخبرهم عدنا امتحان معلمتنا لحين ما جت
سألوا عن اسم معلمتنا اتصلوا ليها قالت تفكر الامتحان باجر وهي في البيت بتجي
يا ربي ويش هذا ! رجعت الصف وظلينا نحارس لين وصلت كان في موضوعين نكتب عنهم رساله رسميه و نوصوف بيت صديقنا كتبت اللي حفظته بسرعه وسلمت الورقه اول وحده وبالعاده اتاخر بس هالمره لانه عدنا سفر
واحنا في الطريق فتحت التلفون والا رساله من المعلمه تقول لي أنه ما نجحت لازم اروح اعيد الامتحان
من الجيد أنه يعطون فرصه ل إعادة الامتحان
فخبرتها اني اصلا مو موجوده و مسافره بس ارجع اكلمهم عشان اعيد رجعنا يمكن عقب اسبوع او تسع ايام يوم عيد الغدير بعد يوين لو ثلاثه كنت احس مزاجي متعكر وما لي مزاج ل دراسه ولا امتحانات و مو مستعده بس قلت ل روحي انه لمتى ااجل وصادف أنه كان أول يوم ابدي فيه درس القرآن اتصلت وقالوا لي تعالي باجر فعلا رحت قبل الوقت طلعت واني مستانسه واحس بشعور الراحه والخفه من رد فعل المعلمه واضح أنه اوكي ونجحت بعد الامتحان اخذت ولدي ورحت ل الحديقه أو البستان القريب من الجامعه وأكلنا اسكريم
والحين اتمنى الله يعطيني الطاقه والرغبه وابدي في كتابة الپايان نامه

 

[الدكتور يعقوب حلول]

من حقنا نعرف درجتنا

آحدى الزميلات طالبة في كلية الهندسه

انتظر 2:

خدمات طلابية
حل الواجبات
حل اختبارات (كويز _ ميد _ فاينل)فل مارك
حل الواجب
حل المشروع
بحوث باللغتين منهجية متكاملة
عروض بوربوينت متميزة
عمل مشاريع التخرج
حل تقارير وتكاليف
تلخيص مقررات
تصاميم هندسية
لطلب المساعده تواصل https://wa.me/qr/7NVIQSONFR4WC1