أستفسار ...

[منبع الآداب]

أنا طالب مستجد تمهيدي . وبغيت أسأل من وين أشتري كتاب التمهيدي الانج لأن بس ذي المادة اللي عندي ومانزلت غيرها ( مافي مجال خلصوا المقاعد ) .اوصفوا لي المكان . لنفترض بأنني متواجد في مبنى s20 . فوين اتجه ؟! ثاني شي . انا وايد خايف من ذي التمهيدي . الامتحانات اللي تيي سهلة وشلون طريقتها . وعلى اي أساس تنحسب الدرجات . يعني مثلا امتحانات شهرية بحوث شي ؟! للعلم ان انه ضعيف في الانج بس موب ذاك الزود . أمشي الامور . ثالث شي . بصراحة الأخوان الله يهداهم أخنقونه من الزقارة . الإحساس نعمة . ياليت الجامعة تصدر قرار بمنع التدخين في داخل الحرم الجامعي لسلامة الطلاب . اسمحوا لي هذي يمكن تندرج في حرية شخصية . لكن ياأخي تشرب الزقارة أشرب بعيد عن الناس . في ناس مرضى وفي ناس مايقدرون يتحملون . يه !! من أول يوم الله يسامحهم شربزفي هالسم ذي واشكركم جميعآ . وعام دراسي سعيد بأذن الله .

 

[m.g.s]

أنا طالب مستجد تمهيدي .

هلا فيك اخوي

وبغيت أسأل من وين أشتري كتاب التمهيدي الانج لأن بس ذي المادة اللي عندي ومانزلت غيرها ( مافي مجال خلصوا المقاعد ) .اوصفوا لي المكان . لنفترض بأنني متواجد في مبنى s20 . فوين اتجه ؟!

البوك شوب اليديد مادري وين ان شاء الله الاعضاء يساعدونك

ثاني شي . انا وايد خايف من ذي التمهيدي . الامتحانات اللي تيي سهلة وشلون طريقتها . وعلى اي أساس تنحسب الدرجات . يعني مثلا امتحانات شهرية بحوث شي ؟! للعلم ان انه ضعيف في الانج بس موب ذاك الزود . أمشي الامور .

في امتحانات و واجبات عند بعض الدكاتره و بعض الدكاتره عندهم امتحانات بس
حسب الدكتور
اوريدي بيعطونكم خطة الفصل و تقسيم الدرجات

و لا تحاتي بالنسبة حق الانج
امتحانات سهلين حدهم و كل شي يعطونكم اياه في السكشن و التمهيدي ماياثر على المعدل كلش

ثالث شي . بصراحة الأخوان الله يهداهم أخنقونه من الزقارة . الإحساس نعمة . ياليت الجامعة تصدر قرار بمنع التدخين في داخل الحرم الجامعي لسلامة الطلاب . اسمحوا لي هذي يمكن تندرج في حرية شخصية . لكن ياأخي تشرب الزقارة أشرب بعيد عن الناس . في ناس مرضى وفي ناس مايقدرون يتحملون . يه !! من أول يوم الله يسامحهم شربزفي هالسم ذي

وايد طلاب يعانون من هالسالفة بس شنسوي
الله يهديهم و يخفون شوي اذا مب عشانهم عشان الطلاب اللي وياهم

واشكركم جميعآ . وعام دراسي سعيد بأذن الله .

العفو .. حاضرين اي وقت
عام دراسي سعيد للجميع ان شاء الله

بالتوفيق ​

 

[M.S.Z]

بالنسبة حق لكتاب هو مب اكتاب اهو اكتابين تحصلهم ب مبنى 18 تقريبا سعرهم 11 دينار ، وبالنسبة حق لختبارات في 3 اختبارات كل 4 اسابيع فيه اختبار واخر شي في الاختبار الفاينل ، وبخصوص لغتك بالانج ان شاءالله تتحسن مع الوقت لو تشد حيلك بتتحسن لغتك وايد، هههههههه وبالنسبة حق الجقاير انا انصحك اتروح المكتبة اقعد هناك راحه وهدوء واذا تبي بعد ارقد

 

[M.S.Z]

واذا احتجت اي مساعده كلمني انا طالب نفسك تمهيدي كلنا بنساعد بعضنا بعض

 

[Mahmood ©]

بالنسبة حق الكتاب مادري وين هل مرة راح يكون ، لأن هل الجامعة كل فصل تغير المكان
والتمهيدي كل الي اعرفهم قالو عنه سهل ومايحتاج مجهود كبير ، والتمهيدي تقدر تقول مو مهم لأن ماراح يدخل في ال GPA

وبالنسبة حق الجقاير الله يهديهم بس ، انا عن نفسي ادخن بس مو جدام الاوادم واخنقهم

 

[ابوحسين]

عندي استفسار ماهي عيادة اللغة الانجليزية

 

[Prince.11]

عندي استفسار ماهي عيادة اللغة الانجليزية

عيادة اللغة الإنجليزية هي موجودة في الطابق العلوي من مبنى الاورنتيشن ( s20 ) ..
و وظيفتها التقوية في الأشياء الضعيف فيها الطالب ..

الطالب و الطالبة يروح و يسجل في الأمور الضعيفة فيها ..
يعطونه وقت ويوم محدد، و يروح ليهم في كل مرة ..

تقدر تقول مثل المعهد شيء جدي ..