{ ماذا تقرأ الآن ؟ }

[Jouan7]

البحث عن العجائب .. اوششو

 

[رَحِيــلْ ،]

ثمّ اهتدَيت
د. محمد التيجاني السماوي.

 

[بنفسجيه.~]

من يوم كنت صغيرة على 13- 14 سنة كنت احب اقرأ .. و للحين خاطري اقرأ كتب و روايات خصوصا لما اشوف الموضوع و اوقات الفراغ واسعة في العطلة ..بس للاسف ما عندي الكتب اللي ابغيهم فاكتفي بقراءة الاشياء الخفيفة ​

 

[Waffa]

اقتراحين لقراءات صيفية ..

الكلاسيك Jane Eyre by Charlotte Bronte
Romance / نقد اجتماعي
يتحدث عن جين اير من طفولتها في بيت خالتها وولاد خالتها ومعاملتهم السيئة ليها، بعدين انتقالها لمدرسة وحياتها هناك عقب تروح تشتغل في بيت ناس،
تغيرها ونضوجها كإنسانة ومشاعرها تجاه الماستر في البيت الي تشتغل فيه، قصة جميلة وقصة حب غير عن المعتاد
الكتاب موجود في المكتبة الجامعة 100% وموجود منه تراجم عربية بعد
+ الكتاب موجود اونلاين وتقدرون تروحون لهالصفحة من الايباد وتسوون open in ibooks
http://www.gutenberg.org/ebooks/1260

The Woman in White by Wilkie Collins
غموض
هالقصة ليها اكثر من راوي، تبدا بالراوي الأول والتر الي يصادف مرة لابسة أبيض في الشارع وتسولف له عقب تختفي وهو في طريقه حق يروح يشتغل مدرس فنون عند بيت، وبعدين يحب الي يدرسها فيضطر يهد البيت عشان مايسبب لروحه مشاكل، بس المرة الي لابسة أبيض ترد تظهر في القصة وتتطور الاحداث وتربط الكل ببعض
الكتاب بعد موجود في المكتبة الجامعية بس ما اعتقد ان له تراجم بكثرة لان ما انشهر قد جين إير باللغة العربية
وبعد موجود اونلاين حق القراءة على الكومبيوتر او الايباد من هالرابط
http://www.gutenberg.org/ebooks/583


والي يبي/تبي نسخة pdf من الرواية بالعربي يطرش/تطرش ليي الايميل على الخاص
رواية جين اير عدد الصفحات مقارب لعدد الصفحات للرواية الاصلية بس ذات الرداء الابيض مادري ليش الكمية اقل بواجد مادري ليش (معني للأمانة ماقريت أي من التراجم)​

 

[yagmur]

كتاب شعر

 

[Waffa]

من يوم كنت صغيرة على 13- 14 سنة كنت احب اقرأ .. و للحين خاطري اقرأ كتب و روايات خصوصا لما اشوف الموضوع و اوقات الفراغ واسعة في العطلة ..بس للاسف ما عندي الكتب اللي ابغيهم فاكتفي بقراءة الاشياء الخفيفة ​

اعرف شعور الكسل عند القراءة، ساعات الكتاب الصحيح هو الي يرجعش للمود
جيكي تويتي القبلي في الموضوع يمكن يعجبونش الكتب

 

[رَحِيــلْ ،]

أنهيت كتاب اسمه أحجية أبدية
لكاتبة اسمها سهام محمد..

كتاب سيئ بالنسبة ليي
ما أدري جيفَه كمّلته :/
بس ما عجبني، فيه مبالغة، والكلمات صفراء ما عجبتني!

 

[زينبية العشق]

/



حاليًا في رواية قواعد العشق الأربعون

وهي رواية عن جلال الدين الرومي ، رواية صوفية يغوص في جعبتها الكثير من الأشياء من ضمنها العشق السرمدي للخالق ، ومن ثم يتبعه الحب الحقيقي.. الخ من الأمور الجميلة عكس ما يرسمه الذهن من افتراضات للعنوان


وقد كنت اقرأ قبل هذا كتاب مداد الصلاة للشيخ محمد الحمود ، هذا الكتاب يندرج تحت سلسلة مداد وهي من أعظم سلاسل الكتب التي قرأتها وأكثرها روحانية.​

 

[لغز العيون]

إن شاء الله برجع للقراءة عما قريب

 

[Stillness]

لا زلت مع ابراهيم نصر الله

في طيور الحذر

توقفت عن قرائتها لفترة و رديت رجعت

مادري شفيني خايبة :tears:​

 

[Remember Me]

​

 

[♥ Smile]

يمدحوونها واجد
ويحجون عنها
صار فيني فضول اقراها

بس هيهات اقرأ كتب الكترونية
ان لعيني عليَّ حق

ننطر احد يشتريه جان نتسلفه من عندهم < لچه P:

​

 

[Remember Me]

يمدحوونها واجد
ويحجون عنها
صار فيني فضول اقراها

بس هيهات اقرأ كتب الكترونية
ان لعيني عليَّ حق

ننطر احد يشتريه جان نتسلفه من عندهم < لچه P:

توي مبدي فيها وبأجلها لبعد الصيفي
الكتاب الحمدلله مو الكتروني
متسلفنه من احد المقربين
بدايته شيقة لحد الآن ​

 

[Mohammed_13]

غسان كنفاني - الصغيرُ يذهبُ إلى المخيم

 

[Narcissist]

في هالفترة قريت

Why men love bitches و الرجال من المريخ و النساء من الزهرة

غصبت على نفسي ان اكملهم خصوصا الرجال من المريخ و النساء من الزهرة
الشي الي ما عجبني في الكتابين انهم ياخدون صفات معينة و يعممونها على كل جنس
يعني اني كبنت لازم اكون احب الحجي و الطحنة و ما اسكت
و الرجال لازم ما عنده مشاعر او ما يعبر عن مشاعره
برايي الموضوع معقد اكثر من جدي و كل انسان له شخصيته الخاصة فيه و مو شي طبيعي انك تجي تعمم قاعدة على الكل و تبي الناس يتعاملون بهالطريقة في علاقاتهم
يعني اني شخصيا اعرف رجال من اهلي ما تنطبق عليهم القاعدة
واحد يصير ليي طريقته كل يتشره و كله يحب الناس تقدره و يزعل على اقل شي
و صفة التشره و الزعل دايما نجوف الناس تعممها على النسوان اكثر من الرجال
بالله عليكم لو وحدة زوجها فيه هالصفات (يزعل و يتحسس و يتشره) و تجي تطبق عليه المكتوب في هالنوع من الكتب النتيجة بتجي عكسية! لأن الصفات الي معممينها على الرجال ما تنطبق عليه

و ثاني شي حسيت الكتب واجد فيها تفرقة بين الجنسين!
يعني اني كوني بنت لازم اجي اغير من نفسي و شخصيتي و اتصنع عشان الرجال! و هالشي لاحظته في Why men love bitches
ويش يعني تبوني اتصنع في علاقتي ويا الشخص بس عشان ارضيه!
ليش ما نجوف كتب تقول حق الرجال روحوا و غيروا من انفسكم و شخصياتكم عشان ترضون زوجاتكم!
اصلا مو اساس العلاقة ان اني لازم اكون على طبيعتي و الطرف الثاني لازم يكون على طبيعته و نتقبل بعض بحسناتنا و عيوبنا!؟
اذكر اكثر جبتر اقرفني من Why men love bitches كان اسمه dumb fox ادا مو غلطانة
كانت وحدة من الامثلة ان لو مثلا اخترب الليت في البيت مو تروحين تصلحينه بروحش! سوي روحش غبية و ما تفهمين و خل زوجش هو يصلحه لأن ادا جافش و انتين تصلحينه بتنهز رجولته! WTH!
هالجبتر من كثر ما قهرني كنت اكتب تعليق و انتقاد على كل سطر

و هالكتب لو طلعوا من كتاب عرب ببلعها نظرا لطريقة التفكير الي هني
بس استغربت انهم من كتاب اجانب و اعتقد هالفكر اندثر عندهم و كان ايام الخمسينات و الستينات

و بالاضافة لهالشي كتاب الرجال من المريخ و النساء من الزهرة شيين ما يساعدون الواحد يدش جو الكتاب هو ان الترجمة سيئة واجد (طبعا ترجمة جرير ) يعني الي يقراه اشكره يعرف انه مترجم لهالسبب مو قادرة ادش مود الكتاب
+ الكاتب واجد كان يكرر في الافكار اول شي في كل جبتر يعيد و يزيد في نفس الفكرة! اوكي فهمنا ترى محنا اغبياء! و في كل جبتر يعيد الافكار الي في الجباتر الي قبل يعني تكرار*تكرار
هدي مشكلة الكتّاب الي يمطون في الحجي و يعيدون و يزيدون بس عشان يسوون كتاب فيه 400 صفحة
ترا والله مو عيب تسوون كتاب 100 صفحة و فيه الافكار باختصار!


عقب هالكتابين لاعت جبدي من هالنوع من الكتب و بحاول ابتعد عنهم
و بحاول ابتعد عن كتب ال self-help نظرا ان ما اذكر ان قريت كتاب من هالنوع و عجبني
مثل Who moved my cheese كتاب سخيف و مسوي ضجة على الفاضي
و قوة عقلك الباطن الي بعد فيه مشكلة التكرار و الترجمة السيئة و بعد بعض المبالغات في الكتاب الي اشكره الكاتب مألفنهم عشان يسوي اكشن في كتابه
ما ادري هل السبب ان اني ما اتقبل هالنوع من الكتب او السبب ان افكارهم غبية او مادري ويش الصراحة

المهم تمللت من ال non fiction و برجع لل fiction في الوقت الحالي
و سوري على التحطلم

​

 

[لغز العيون]

بدأت في قراءة كتاب شعر " وجع أبيض" لسيد محمد شبر
البداية عجيبة ​

 

[أكاونتية]

اني الصراحة ولا مرة في حياتي قرأت شي
بس الظروف أحياناً تخلي الواحد يغير من هواياته
ومن الفراغ في وقت العمل قررت أقرأ

حالياً قاعدة أقرأ " في ديسمبر تنتهي كل الأحلام "
والصراحة الفكرة ما اقنعتني لحد الآن
بنشوف النهاية شنوو .. ​

 

[زَ.]

رواية لأنني احبك

 

[مارد المصباح]

في هالفترة قريت

Why men love bitches و الرجال من المريخ و النساء من الزهرة

غصبت على نفسي ان اكملهم خصوصا الرجال من المريخ و النساء من الزهرة
الشي الي ما عجبني في الكتابين انهم ياخدون صفات معينة و يعممونها على كل جنس
يعني اني كبنت لازم اكون احب الحجي و الطحنة و ما اسكت
و الرجال لازم ما عنده مشاعر او ما يعبر عن مشاعره
برايي الموضوع معقد اكثر من جدي و كل انسان له شخصيته الخاصة فيه و مو شي طبيعي انك تجي تعمم قاعدة على الكل و تبي الناس يتعاملون بهالطريقة في علاقاتهم
يعني اني شخصيا اعرف رجال من اهلي ما تنطبق عليهم القاعدة
واحد يصير ليي طريقته كل يتشره و كله يحب الناس تقدره و يزعل على اقل شي
و صفة التشره و الزعل دايما نجوف الناس تعممها على النسوان اكثر من الرجال
بالله عليكم لو وحدة زوجها فيه هالصفات (يزعل و يتحسس و يتشره) و تجي تطبق عليه المكتوب في هالنوع من الكتب النتيجة بتجي عكسية! لأن الصفات الي معممينها على الرجال ما تنطبق عليه

و ثاني شي حسيت الكتب واجد فيها تفرقة بين الجنسين!
يعني اني كوني بنت لازم اجي اغير من نفسي و شخصيتي و اتصنع عشان الرجال! و هالشي لاحظته في Why men love bitches
ويش يعني تبوني اتصنع في علاقتي ويا الشخص بس عشان ارضيه!
ليش ما نجوف كتب تقول حق الرجال روحوا و غيروا من انفسكم و شخصياتكم عشان ترضون زوجاتكم!
اصلا مو اساس العلاقة ان اني لازم اكون على طبيعتي و الطرف الثاني لازم يكون على طبيعته و نتقبل بعض بحسناتنا و عيوبنا!؟
اذكر اكثر جبتر اقرفني من Why men love bitches كان اسمه dumb fox ادا مو غلطانة
كانت وحدة من الامثلة ان لو مثلا اخترب الليت في البيت مو تروحين تصلحينه بروحش! سوي روحش غبية و ما تفهمين و خل زوجش هو يصلحه لأن ادا جافش و انتين تصلحينه بتنهز رجولته! WTH!
هالجبتر من كثر ما قهرني كنت اكتب تعليق و انتقاد على كل سطر

و هالكتب لو طلعوا من كتاب عرب ببلعها نظرا لطريقة التفكير الي هني
بس استغربت انهم من كتاب اجانب و اعتقد هالفكر اندثر عندهم و كان ايام الخمسينات و الستينات

و بالاضافة لهالشي كتاب الرجال من المريخ و النساء من الزهرة شيين ما يساعدون الواحد يدش جو الكتاب هو ان الترجمة سيئة واجد (طبعا ترجمة جرير ) يعني الي يقراه اشكره يعرف انه مترجم لهالسبب مو قادرة ادش مود الكتاب
+ الكاتب واجد كان يكرر في الافكار اول شي في كل جبتر يعيد و يزيد في نفس الفكرة! اوكي فهمنا ترى محنا اغبياء! و في كل جبتر يعيد الافكار الي في الجباتر الي قبل يعني تكرار*تكرار
هدي مشكلة الكتّاب الي يمطون في الحجي و يعيدون و يزيدون بس عشان يسوون كتاب فيه 400 صفحة
ترا والله مو عيب تسوون كتاب 100 صفحة و فيه الافكار باختصار!


عقب هالكتابين لاعت جبدي من هالنوع من الكتب و بحاول ابتعد عنهم
و بحاول ابتعد عن كتب ال self-help نظرا ان ما اذكر ان قريت كتاب من هالنوع و عجبني
مثل Who moved my cheese كتاب سخيف و مسوي ضجة على الفاضي
و قوة عقلك الباطن الي بعد فيه مشكلة التكرار و الترجمة السيئة و بعد بعض المبالغات في الكتاب الي اشكره الكاتب مألفنهم عشان يسوي اكشن في كتابه
ما ادري هل السبب ان اني ما اتقبل هالنوع من الكتب او السبب ان افكارهم غبية او مادري ويش الصراحة

المهم تمللت من ال non fiction و برجع لل fiction في الوقت الحالي
و سوري على التحطلم

كتاب الرجال من المريخ النساء من الزهرة قريته بس اعتقد ان فكرته هي قاعدة عامة " لما قال خلنا نتخيل من البداية ان الرجال كلهم كانوا يعيشون في المريخ والبنات كلهم كانوا يعيشون بروحهم في الزهرة " حق يبين ان لكل جنس عادة له طبع خاص فيه بس شي طبيعي ان في الحياة تفاوت من شخص لشخص ثاني

عادة في امور تميل للجانب الذكوري اكثر بس ما يعني ان حواء تمارسه ! والعكس صحيح

والكتاب مثل ما كان يطلب من حواء تتفهم وضع ادم ،هم طلب من ادم في عدة مرات ان يتفهم وضع حواء

وصراحة شخصيا بعد قرائتي له لاحظت ان اغلب النقاط الا ذكرها الكتاب كنت بين فترة وفترة امارسها بدون ما افهم الفرق في التفكير بين الجنسين
​

 

[أكاونتية]

اني الصراحة ولا مرة في حياتي قرأت شي
بس الظروف أحياناً تخلي الواحد يغير من هواياته
ومن الفراغ في وقت العمل قررت أقرأ

حالياً قاعدة أقرأ " في ديسمبر تنتهي كل الأحلام "
والصراحة الفكرة ما اقنعتني لحد الآن
بنشوف النهاية شنوو .. ​

خلصت قراءته
الإسلوب مال الكاتبة عموماً حلو
بس وايد تتنطط في الأفكار
والنهاية كلش كريهة

بديت أقرأ " أنا سنية وأنت شيعي "
أسلوب الكاتبة ركيك ، واختي تقول لي لا تكملينها مو حلوة ​