اسأل مُجرب.. وَلا تسأل طبيب !

[رَحِيــلْ ،]

السلام عَليكم وَالرحمةة ..

المثل الشائِع اللي خليته كَعنوان لموضوعي
إلا هو : اسأل مجرب وَلا تسأل طَبيب !

-

الكل يمر بتجارب في الحياة وَيستفيد منها لبقيَّة حياته ..
وَالمثل راجع لحالة الأمراض
بينما تجارب الحياة مو بس للأمراض


هالموضوع خليته لتجاربتكم في الحياة بأنواعها ,

يعني مَثلًا ، كنت متعرض لمشكلة مُعيَّنة .. وَقمت حليتها بطريقتك ، مرة ثانية لو صادتك عادي الحل متوافر عندك !
هني في هالموضوع اكتب المشكلة وَالحل اللي سويته ..

سواء كانت المشكلة صحيَّة ، نفسية ، علمية ، عمليَّة ، فكرية ، اقتصادية ............إلخ


ممكن أحد يقرأ وَيستفيد لو تعرَّض للقضية نفسها



​

 

[روؤحي فاطمية]

شكراا لج ع الموضوع الراائع

سلممممت يداااج يعطيج العااافية

ليي عووووده ​

 

[ندآآء السمآآء]

فكرة جميلة ,,

لي عودة اكيد

 

[رَحِيــلْ ،]

روحي فاطمية + نداء السماء

أهلًا.. بانتظاركم ،
​

 

[قيد الأمل]

فكرة رائعة

 

[sanabsy 15]

أغلب المشاكل عادةً ما تكون شخصيّة، حتى لو تعلّق الأمر بمرض معيّن أو بداء معيّن، ومن الصعب أن نجد من يُطلق العنان لنفسه ويسرد ما اعتراه من مشكلات، وطبعُ الإنسان أنه يحاول قدر الإمكان نسيان السيّئ مما يصيبه، في العموم .. مقولة اسأل مجرّب ولا تسأل طبيب واقعيّة جدًا، ​

 

[♥ Smile]

موضوع جميل

خل احد يكتب تجربه اول عشان الباقي يتشجعون

راقدين
​

 

[sanabsy 15]

موضوع جميل

خل احد يكتب تجربه اول عشان الباقي يتشجعون

راقدين
​

يلا عليش التجربة الأولى

 

[UOB-BH]

ببدأ عشان أشجعكم ^_^ << في الدوام ويبغي الوقت يمر

كنت أمر بمشكلة وهي "العصبية" إلى المرحلة الثانوية، أفقد السيطرة على أعصابي ولساني مهما كان الطرف الآخر ولكن دائما أندم لما يمر الوقت
الحل اللي اتبعته كان الانفراد عن العالم لما أعصب من شي، أحاول قدر الامكان الابتعاد عن الشخص حتى تعدي لحظة الغضب، الحمدلله حاليا ما أعصب تقريبا وحتى لو تضايقت ماتكون عندي ردة فعل انفعالية، مجرد ألتزم الصمت عن الطرف الآخر

الدرس اللي تعلمته من هذه التجربة: لا تحاول الرد أو حتى التفكير عندما تنتابك لحظة غضب، انتظر أن تهدأ ثم اتخذ قرارك


شكرا على الموضوع الجميل

 

[♥ Smile]

يلا عليش التجربة الأولى

يلا دورك
قول وبقول عقبك


​

 

[سوار الحنين]

فكرة قوية ..

مو من فترة طويلة مريت بأزمة نفسيه مادري وش اسميها ، اكتئاب جنون مادري ! !
كله اصيح ومن غير سبب ومن اصير بروحي كله افكر في الماضي واسرح في خيالي وكلله متضايقه وحزينه ومغربله اللي حولي ! ينعكس جوي عليهم ! واتضايق اكثر ان اني قاعده اضايقهم !!
باختصار كنت ( سلبية لابعد حد ) ومادري وش اسوي في حالي ،، كنت ابي احل موضوعي بس ماكان عندي دافع ! واكتئب اكثر ان مافي احد اقدر الجأ اليه !! اني من النوع الكتوم ، صدق اهدر واجد بس مو اللي فداخلي ! ما اقول اللي احسه ولا اشكي ! اخاف ! كان يتعبني الموضوع ..
المهم قررت ان لازم اوقف هالشي خلاص وحاولت وحاولت ،شغلت روحي باشياء تفيدني وسويت لي جدول في مخي ومليت كل وقتي بانجازات واهداف ،،
واكتشفت اصلا إني كنت مو قاعده اسوي شي وحياتي تضيع كله بالتفكير المتشائم .. واقعد اخلق ليي هموم من خيالي ،، ما اقول ان الدنيا مافيها هموم وحزن وبلاوي بس لازم نتفاعل وياها بايجابيه ،، ونملي قلبنا تفاؤل وامل وحب ..
اضافة الى الجدول ركعتين يوميا بنية التقرب لله ،، وحاولت إني اذا اصير بروحي اتحجى ويا روحي واشكي ! ادري مجنونة بس واجد ارتحت من هالشي ،، صار صدري وسيع والحمدلله قلت ضيقتي واكتئابي ،،
دعواتكم إني استمر
الله يبعد عنكم الضيق والاكتئاب

طولت عليكم
وسلامتكم

 

[zanooob]

الأصدقاء القدامى الأوفياء ابداً مايتبدلون .. ابداً

للأسف كانت رحلتي للبحث عن الصداقه الحقيقه طويله جدا .. حتى الثانويه ..

فكان عندي خوف ان تنتهي صداقتنا في المستقبل او تكون حالها حال الباقي من ما سبق ..

و بسبب هالخوف سبب لي اسباب يمكن كانت مقنعه او لا , ان اقرر ان انهي احدها و استبدلها باخرى .!!

و اكتشفت بعدها ان كان اكبر خطأ يمكن كنت بسويه في حياتي ..

الصداقه تتطلب الصبر التضحيه و الانتظار و الاهم اعطاء فرصه اخرى لان مهما كان انت تعلم ان في داخل هذا الشخص الكثير لأجلك ..!

ولن تكتشف هذا الا من خلال معاشرتك لغيره فترى الفروق ..

 

[محمدونا]

المثل القائل ( لكل مشكلة حل ) صحيح .. بس المشكلة احنا ما نطبقه

لما تصير اي مشكلة نضخمها داخلنا و نقعد نرهب روحنا اكثر منها

لان ببساطة ما ( حاولنا ) التفكير في حلول لها .. وان فكرنا تكون بلا تركيز

و اظن ان اصعب المشاكل هي العائلية

" ساعات الناس تتلخبط بين المشاكل و البلاء "
المشاكل هي الي انت تجيبها لروحك

اما اذا شفت روحك ان البلاوي و المصايب جايه عليك بدون سبب انت فعلته

فهذا بلاء و هنيئا للي يحصله .. البلاء يسقط الذنوب


والله يبعد عنا و عنكم كل مشاكل ..​

 

[روؤحي فاطمية]

إني قلت بررجـع ي رححيل وورجعت ..

السالفة كلها أهي تخصصي .. والكل ينااشبني عليه لاني وحدة مو طويلة الساان وكلة ساكتة وتخصصي يتطلب العكس .. ويفكرون
أنة من اسهل انواع التخصصات ..

أأمم ما ابي اهذر واااجد بس السالفة اني مع بنت عمي اصغر مني بسنة ودائما تستشيرني في بعض الامور ..

سالتني عن شنهو التخصص الا يناسبها قلت لها ما ادري لانه ما ادري وش ميوولش وقدراتش وما ابي افرض عليش شي ..

سالتني وتخصصش احسة سهل وليس صعب والدرااسة بالعرربي >> رديت عليها اسالي مجررب بعدين تكلمي

دخلي التخصص وجربية وشوفي وذوقي الويل الا ذقناه لانة ادا اندمجتين بالشي بتحسين فية واهو صح معظم الدراسة بالعربي

الا هناك مقررات بالانجليزي ’ وكونها تتطلب جهد لا يغررش انه بالعربي تراه صعب فاذا تحبين التخصص تقدرين تتعايشين
فية وتكملين تخصصش بكل سهولة ... والكمية بالامتحاان واااييد .. واحنا نتعبب وااايد .. >> قاهرتني جربي وبعدين اتكلمي

 

[رَحِيــلْ ،]

بالنسبَة ليي واجهت مُشكلة إنِّي كنت أستحي واجد
ما بقول حياء ، لكن بتكلَّم عن الخجل ، لأنَّ الحياء مطلوب في البنيَّة

هالمشكلة كانت قديمة وياايي واااجد !
أول شي واجهتها لما كنت أخاف من شي اسمه عرض على أيام المدرسَة ، خصوصًا لَمّا سوو إنه الطالب لازم يسوي مشروع ويعرضهه
في البداية ، كانت تجيني نوع الرهبة وَأرتبك نوعًا ما ، بس تدريجيًا لما اتعودت اتأقلمت
قمت أتأقلم بحيث أحرك إيدي قدر الإمكان مع الكلام اللي أقوله + أبتسم أثناء الكلام + كلما حسيت روحي مستحيَّة أرفع صوتي أزيد

ومشت الأمور ..

بَس مع نهاية الثانوي كان لازم أسوي مقابلة البعثات ، وَأني كللللش ما قد دشيت مقابللات !!
وجان يطلع إنهم مقسمينه 3 لجان ، وَاللجنة اللي بدش عليها أني أول وحدة
قبل لا أدش قريت ليي آيات وَأدعية وجدي
واتوكلت على الله ورحت .. حاولت أتبع الأسلوب نفسه ، معنِّي كنت أقلِّب في الحروف ويبين إني ارتبكت في البداية ، وشيّرت في بعض الأسئلة
بس كنت أبتِسم وَأستمر في تحريك ايدي ، ليما مَشت أموري في النهاية بشكل لا بأس فيهه

وسوو لينا مقابلة من جهة ( إلهام ) ما أدري وش سالفتها وَمشت تمام ! ، وَما جت مقابلة الجامعة إلا وَخلااااص
أحين أحس عادي لو دشيت أي مقابلة شخصية خاصة بالعمل أوْ الدراسة

وَبعد أزيدكم .. قبل كلش ، كنت أتوتر لين أقابل ناس جدد وَأظل ساكتة خخخ ..
وَحتى قبل الجامعة ساعات أشيّر لما أطلب ليي شي من مطعم مثلًا أوْ بشتري من محل .. < للحين تدق عليي ساعااات :/

وَأحين أشوه ، بَس صارت ليي سالفة الابتسام عادة .. يعني ما يصير إنِّي انحرجت من شي أو استحيت من شي وَ ما شسمهه !






​

 

[روؤحي فاطمية]

بالنسبَة ليي واجهت مُشكلة إنِّي كنت أستحي واجد
ما بقول حياء ، لكن بتكلَّم عن الخجل ، لأنَّ الحياء مطلوب في البنيَّة

هالمشكلة كانت قديمة وياايي واااجد !
أول شي واجهتها لما كنت أخاف من شي اسمه عرض على أيام المدرسَة ، خصوصًا لَمّا سوو إنه الطالب لازم يسوي مشروع ويعرضهه
في البداية ، كانت تجيني نوع الرهبة وَأرتبك نوعًا ما ، بس تدريجيًا لما اتعودت اتأقلمت
قمت أتأقلم بحيث أحرك إيدي قدر الإمكان مع الكلام اللي أقوله + أبتسم أثناء الكلام + كلما حسيت روحي مستحيَّة أرفع صوتي أزيد

ومشت الأمور ..

بَس مع نهاية الثانوي كان لازم أسوي مقابلة البعثات ، وَأني كللللش ما قد دشيت مقابللات !!
وجان يطلع إنهم مقسمينه 3 لجان ، وَاللجنة اللي بدش عليها أني أول وحدة
قبل لا أدش قريت ليي آيات وَأدعية وجدي
واتوكلت على الله ورحت .. حاولت أتبع الأسلوب نفسه ، معنِّي كنت أقلِّب في الحروف ويبين إني ارتبكت في البداية ، وشيّرت في بعض الأسئلة
بس كنت أبتِسم وَأستمر في تحريك ايدي ، ليما مَشت أموري في النهاية بشكل لا بأس فيهه

وسوو لينا مقابلة من جهة ( إلهام ) ما أدري وش سالفتها وَمشت تمام ! ، وَما جت مقابلة الجامعة إلا وَخلااااص
أحين أحس عادي لو دشيت أي مقابلة شخصية خاصة بالعمل أوْ الدراسة

وَبعد أزيدكم .. قبل كلش ، كنت أتوتر لين أقابل ناس جدد وَأظل ساكتة خخخ ..
وَحتى قبل الجامعة ساعات أشيّر لما أطلب ليي شي من مطعم مثلًا أوْ بشتري من محل .. < للحين تدق عليي ساعااات :/

وَأحين أشوه ، بَس صارت ليي سالفة الابتسام عادة .. يعني ما يصير إنِّي انحرجت من شي أو استحيت من شي وَ ما شسمهه !






​

لاحظظظت علليش اوول ما تعرفت علللليش

بشوشــة الووجهه

ربي يحفظــك

 

[رَحِيــلْ ،]

لاحظظظت علليش اوول ما تعرفت علللليش

بشوشــة الووجهه

ربي يحفظــك

هههههه

جميعًا إن شاء الله ، الله يحفظكم ..
​

 

[♥ Smile]

صاادق تعال اخذوو دورنا
​

 

[sanabsy 15]

ببدأ عشان أشجعكم ^_^ << في الدوام ويبغي الوقت يمر

كنت أمر بمشكلة وهي "العصبية" إلى المرحلة الثانوية، أفقد السيطرة على أعصابي ولساني مهما كان الطرف الآخر ولكن دائما أندم لما يمر الوقت
الحل اللي اتبعته كان الانفراد عن العالم لما أعصب من شي، أحاول قدر الامكان الابتعاد عن الشخص حتى تعدي لحظة الغضب، الحمدلله حاليا ما أعصب تقريبا وحتى لو تضايقت ماتكون عندي ردة فعل انفعالية، مجرد ألتزم الصمت عن الطرف الآخر

الدرس اللي تعلمته من هذه التجربة: لا تحاول الرد أو حتى التفكير عندما تنتابك لحظة غضب، انتظر أن تهدأ ثم اتخذ قرارك


شكرا على الموضوع الجميل

أنا هالمشكلة مو محصل ليها حل، جربت أسوي مثلك وفادتني في الكثير من المواقف، بس فيه مواقف ما أقدر أتحمل لازم أبي شي أطلع حرتي فيه أنا أنفجر

مع إن الا يعرفني ما يتوقعني أعصب بهالسرعة ​

 

[رَحِيــلْ ،]

يلا دورك
قول وبقول عقبك

يلا عليش التجربة الأولى

صاادق تعال اخذوو دورنا

بتتعازمون على الموضوع أكيد بنآخذ دوركم ! ،

​