موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

تخصص الاعلام، الكورس الجايْ

الحالة
مغلق و غير مفتوح للمزيد من الردود.
لوسمحتون اني دشيت اعلام لحبي الشديد للصحافة بس مادري ليش احس روحي متخوفة شوي
فأحب انة احد يساعدني في تضبيط الجدول بالخصوص اني امبي اربع مواد ومهم بالمسبة ليي انزل عرب 110 هالفصل بس الاخت تقزل انة يتعارض فأحس روحي متوهقة

مشكرين على مساعدتكم لينة والله يعطيكم العافية ويوفقكم انشاء الله

تحياتي
عاشقة روح الله
 
اي سوووي جذي خيتو وتوكلي على الله


شكله الدين يتعارض اوف اخترب جدولي :nosweat:

لازم اندور مادة مشتركة ثانية

الماث بيكون اوكي ويا باقي المواد الا هم 110 و 120 و130 و150 ؟؟
 
أختي ذبول الورد
مقرر mcm150 عبارة عن تقديم لعناصر الإعلام الجديد
فلذلك هناك من خلال المقرر برنامج لكل عنصر
-الصورة يستخدم برنامج الفوتشوب
-الصوت برنامج ادوبي ادشن
-الفيديو على حسب الدكتور فهناك ادوبي بريمير والسانبوث
-هناك برنامج تصميم المواقع ادوبي دريم ويثر .
كل عنصر يعطى عليه امتحان نظري وامتحان عملي على البرنامج
فتحتسب الدرجة من هذه الامتحانات
فلذلك لا يوجد امتحان نهائي للمقرر
أما بالنسبة it نأخذه في أيام الأزمات أو لتخفيف الضغط الدراسي
فما دام أنتين لا تجدين مقرر غيره وتريدين 5مقررات
توكلي على الله
أما بالنسبة لمقررات الفصل الجاي
أنا قلت سابقا
mcm110 >mcm120 <>mcm150
هي المقررات الأساسية
ويرجع اختيار بقية المواد لكم
مع أني اقترح mcm201 بدلا من mcm130
لكن ما دام الجدول قد يفرض عليكم اختيار أحد هذين المقررين فلا تأخذون مع الدكتورة مها الراشد لأنها أسلوبها قد لا تتحملونه وأنتم توكم خارجين من التمهيدي
أسلوبها أكثر جدية بعني راح تتعبون
وبالتوفيق لكم جميعا
 
سامحوني خليتكم ورقدت :nosweat:

ذبوول حبيبتي انا قتلكم من قبل نفس كلامي ونفس كلام الي ردوا عليكم 110 و120 هم الاساس وبينزلون لج اوردي ،، اما نصيحتي لج 130 و150 مع بعض صعبة دام توج وانتي فكري انج تبين معدل عالي من البداية عشان ماتخافين بعدين هاي رايي الشخصي لأن 120 و110 كله شغل وتغطيات وتحرير بس متعــــة!! و130 اذا لا قدر الله ورحتي عند دكتورة مها بتتأزمين لانها وايد شديدة فخلي اختيارج بين 130 او 150 و150 عملي وايد ونظري يعني مابيكون الكورس خفيف عليج خلج من البداية مثبته معدل حلو عشان ماتعبين بعدين ومع 2 مشترك ،،، الIT أجليه للصيف هاي نصيحتي لج خذي اسلامك مع د. زيين او eng111 ترا حده سهل اخذيه مع ميسوون بتستانسين عليهاا

يعني ملخص هالهذرة الي قلتها لج جدولج بيكون جذي اريح لج
ISlamic 101
mcm110
mcm120
mcm150 او mcm 130
و لو تحطين mcm 140

وطالعي الامتحانات اذا تتعارض مع المشترك او التخصص وحاولي لو تحذفين مادة اعلام وتحطين بدالها مشترك

لا تآخذين 150 مع 130 دامج ماتعودتي على الضغط للحين بس اذا انتي قدها مافي مشكلة والقرار راجع لج فكري بال gpa بعد.. مب تخويف بس الاحتياط واجب

لوسمحتون اني دشيت اعلام لحبي الشديد للصحافة بس مادري ليش احس روحي متخوفة شوي
فأحب انة احد يساعدني في تضبيط الجدول بالخصوص اني امبي اربع مواد ومهم بالمسبة ليي انزل عرب 110 هالفصل بس الاخت تقزل انة يتعارض فأحس روحي متوهقة

مشكرين على مساعدتكم لينة والله يعطيكم العافية ويوفقكم انشاء الله

تحياتي
عاشقة روح الله


وبالنسبة لأختي عاشقة روح الله،،،:blushing: حبيت نكج ههههههههه

لا تتخوفين ودام انتي صحافة يعني انتي وياي :cupidarrow:
تبين تنزلين 4 مواد نزلي
mcm110 مع الجندوبي عشان يحببج في الصحاافة
Arab 110
وأخذي mcm140 أو mcm 130 دام 120 بيتعارض لج مع العرب
Islamic أو اي شيء مشترك
أخذي ثنتين اعلام و2 مشترك:rolleyes2:
 
نسيييييت أقول شغلة لكل الي عندهم استفسار :icon30:

mcm110 الجندوبي الأفضل واذا قدر الله عند عدنان لا بأس بس بتضطرين تحفظين عنده.
mcm 120 عبدالناصر هو الأفضل بس انا درسني عوض هاشم هو وايد اوكي لكن درجات شوي شديد وال A شوي صعبة
mcm130 ليلى الصقر او السكشن الثاني بس مها الراشد للي يحب الشدة يتفضل عندها بس هي ترا ممتازة
mcm140 هبة هي ممتازة وتعطي درجات وايد للي يشتغل عندها ويكون اول بأول معاها والحضور معم عندهاا وايد
mcm150 د.أماني ثم أماني ذووق ... عسسل .. د. ممتازة والله صج ماخذيت عندها بس تعاملت وياها وسمعت وايد عن شرحها ..:blushing: وكله أدعي لهاا
 
مشكورة حبابه اعلاميه على النصايح
ماتقصرين
بس الحين اني فكرت ان انزل اعلام 110 و120 و130 و150 مع الهستوري
اوكي
تحسين ان الهستوري تمام مع مواد الاعلام عادي
لان ماحبيت انزل المواد المشتركه الحين باخذهم صيفي احسن
اخف ليي
شنو نصيحتش ليي؟؟



وماانسى الاخ لحن الصدى
والله نصايحكم فادتني واجد
وماتقصرون كلكم خير
الله يوفقكم يارب
 
مشكورة حبابه اعلاميه على النصايح
ماتقصرين
بس الحين اني فكرت ان انزل اعلام 110 و120 و130 و150 مع الهستوري
اوكي
تحسين ان الهستوري تمام مع مواد الاعلام عادي
لان ماحبيت انزل المواد المشتركه الحين باخذهم صيفي احسن
اخف ليي
شنو نصيحتش ليي؟؟



وماانسى الاخ لحن الصدى
والله نصايحكم فادتني واجد
وماتقصرون كلكم خير
الله يوفقكم يارب

خلاص سوي المقتنعه فيه لا الهيستوري مايضر واوكي مع مواد الاعلام بس خيتو انا قتلج من قبل 130 و150 ضغط ترا:rolleyes2:
 
اني احس روحي محتارة وكل مرة افكر بشكل

بس آخر شي فكرت فيه وخلاص اقتنعت منه بس بعد ابغي رايكم

اذا صار وقدرنا انعدل فالجدول

بنزل 110 .. 120 .. 150 .. 130 ..ماث 105 (( احصاء )) اوكي ؟؟
 
مشكورين كلكم وبالأحص إخت اعلامية حتى النخاع
( تسلمين كلش ذق)

بالنسبة لي فكرت انزل
عرب 110 واعلام 110 واسلامك و ومحتارة بين اعلام 130 و140
فشنو تنصحوني وهل بيكون جدولي اوكي اولاء؟
وادا أحد عنده اقتراح ثاني أهلا وسهلا فيه

تحياتي
عاشقة روح الله
 
اختي ذبول الورد
الهيستوري مقرر حفظ اعتقد خذيه لأن راح يكون أول امتحان راح تحصلين مجال للمراجعة الا اذا قدراتك في الحفظ مش اوك خليه للصيفي عشان لا ينزل معدلك من أول فصل
واختاري الدكتور الزين عندك تمام همام زين ومحمد حرب بعد اوك وعندك محمد عيسى بعد يقولون انه زين
اختي عاشقة الجلاكسي
مقرر الستات 105 ما جربيته بس اذا كنت اوك في الرياضيات خذيه واذا كنت خريجة المسار العلمي راح يكون كلش سهل عليك
اختي عاشقة روح الله
اعتقد تخلي mcm150 بدل mcm130-140
هذا المقرر كلش سهل العملي على استهخدام البرامج والنظري سهل
وأيضا تخلي اعلام 120 بدل العرب 110
راح يساعدك على معرفة الأساسيات لكتابة الإخبارية للاذاعة والتلفزيون
وأيضا راح يخليك تتخصصين بشكل أسرع اذا خلصتين مقررات المستوى الأول
بالتوفيق لكم جميعا
 
اني احس روحي محتارة وكل مرة افكر بشكل

بس آخر شي فكرت فيه وخلاص اقتنعت منه بس بعد ابغي رايكم

اذا صار وقدرنا انعدل فالجدول

بنزل 110 .. 120 .. 150 .. 130 ..ماث 105 (( احصاء )) اوكي ؟؟


عاشقة الجالكسي حبي نزلي جدولج جذي بس نصيحتي لج لو تآخذين 140 بدال 130 والاحصاء اخذيه انا خذته الكورس الي طاف بالانجليزي وكان حده سهل ولو اني ادبي انتي اخذيه بالعربي لانه بالانج شوي معقد انا خذته في الامارات بالانجلش عشان جي صار لي سهل:blushing:
 
مشكورين كلكم وبالأحص إخت اعلامية حتى النخاع
( تسلمين كلش ذق)

بالنسبة لي فكرت انزل
عرب 110 واعلام 110 واسلامك و ومحتارة بين اعلام 130 و140
فشنو تنصحوني وهل بيكون جدولي اوكي اولاء؟
وادا أحد عنده اقتراح ثاني أهلا وسهلا فيه

تحياتي
عاشقة روح الله


:confused: عرب 110 لا تآخذينه مع د. مريم البنعلي بعدي كل البعد واعلام 110 الجندوبي ممتاز واسلامك وايد فيه دكاترة اوكي منهم أحمد العطاوي واعلام 140 يا هبة مسعد وهي ترا وايد اوكي في الشرح كتبي شرحها بتيبين a او ليلى الصقر أو انا افضل تآخذين 120 اعلام عشان تخلصينهم مثل ماقال أخوي لحن الصدى ^_^ وتوكلي :rolleyes2:
 
مشكورة خيتو اعلاميه على النصايح
ماتقصرين تعبناش ويانا
اخوي لحن الصدى يعني تحس ان الهستوري مو صعب اذا باخذه مع باقي مواد الاعلام
؟؟
اني احسه اول امتحان وبقدر براجع ليه قبل كم يوم يعني
بس يعني اني خايفه يكون مايناسب اخذه مع المواد اليي اخترتها
من جذي اخذته وباقي المواد المشتركه باخذهم في الصيفي اخف واسهل
يلا مشكور اخوي ماتقصر
الله يوفقكم يارب
 
مقتبس من لحن الصدى; اختي عاشقة روح الله اعتقد تخلي mcm150 بدل mcm130-140 هذا المقرر كلش سهل العملي على استهخدام البرامج والنظري سهل وأيضا تخلي اعلام 120 بدل العرب 110 راح يساعدك على معرفة الأساسيات لكتابة الإخبارية للاذاعة والتلفزيون وأيضا راح يخليك تتخصصين بشكل أسرع اذا خلصتين مقررات المستوى الأول بالتوفيق لكم جميعا[/QUOTE:
مشكور أخ \ت لحن الصدى على النصيحة

واوجه شكري كذلك للأخت إعلامية حتى النخاع

بس أني فضلت إني آخذ عرب 110 لانة الكل يقول سهل واني الحمدلله رب العالمين كلش أوكي في العربي ونفس الشيء في الدين لانة احس انة بقدر أكون معدل مضبوط في البداية ومقرر اعلام 120 يتعارض مع العربي واني مواد الاعلام مااعرف شنو طبيعتهم ورغم اني حابه هالشيء بس اخاف ما اجيب فيهم درجات أوكي لذلك مصرة على العرب 110 واسلامك وباخذ بعد اعلام 110 بس المقرر الرابع احب اعرف تنصحوني بأي مقرر بالضبط اعلام 130\140\150

أعرف تعبتكم بهدرتي لكن
جزاكم الله خيرا

تحياتي
عاشقة روح الله
 
اختي عاشقة الجلاكسي
مقرر الستات 105 ما جربيته بس اذا كنت اوك في الرياضيات خذيه واذا كنت خريجة المسار العلمي راح يكون كلش سهل عليك

اخوي لحن الصدى

بالاول شكرا على ردك
اني ماكنت علمي اني كنت توحيد مسارات تجاري .. بس اوكي فالريض ومن المواد الا احبها واجد
من جدي مفكرة انزله احين الفصل الجاي احسه بتكون مادة خفيفة عليي وكأول فصل ممكن ترفع من معدلي




عاشقة الجالكسي حبي نزلي جدولج جذي بس نصيحتي لج لو تآخذين 140 بدال 130 والاحصاء اخذيه انا خذته الكورس الي طاف بالانجليزي وكان حده سهل ولو اني ادبي انتي اخذيه بالعربي لانه بالانج شوي معقد انا خذته في الامارات بالانجلش عشان جي صار لي سهل

شكلي باخذ بنصيحتش لان شكله يتعارضون مع بعض
فبيكون جدولي بهالطريقة .. 110 ،120 ،140 ،150 ، احصاء 105
جدي يكون جدولي اوكي ؟؟


لحن الصدى .. اعلامية حتى النخاع

مشكورين والله يعطيكم العافية .. نخدمكم في الافراح ان شاء الله
ومسامحة متعبينكم ويانا
 
أختي عاشقة روح الله
نزلي mcm150
أول لأنه سهل وثانيا راح يرفع معدلك في البداية
بس خليك مركزة مع الدكتور عندما يشرح خطوات استخدام البرامج
البرامج المستخدمة في هذا المقرر
-الفوتشوب
-أدوبي أدشن
-أدوبي بريمير
- أدوبي دريم ويفر .
أختي ذبول الورد
الهيستوري كما قلت ليك هو مقرر حفظ فأنتي وقدرتك على الحفظ
وبالتوفيق لكم
 


بليز احد يساعدني


اني في بالي انزل ذلين المواد

mcm 110
mcm 120
mcm 130
mcm 140
mcm 201
ومبادئ حاسووب

واسمعكم كلكم اتقولون mcm 150 زين بس انا اخاف انزله وابتلش ايقولون تصميم مواقع وهالسوالف فـ في بالي اقوول ان آخذ مبادئ حاسوب أول على الاقل تكون عندي خلفية شووي عن الكمبيوتر مع اني اعرف استخدم الفوتوشوب وهالسوالف بس متخوفة منه:sad_1: اصحاب الخبرة شرايكم ؟؟

والشغلة الثانية

الحين شلوون يعني بنسجل ؟؟
جيكت اسوي جدول من الجدول الدراسي لان ادري ان احنا ما يصير حقنا الكتروني لكن بس حبيت آخذ فكرة عن المواد وشلون انزل احس دار راسي .. يعني الحين بكره في تسجيلنا شنو بنسوي والمكان زحمة واحس بضيع :in_love:

:blush-anim-cl:​
 
أختي نفسي عزيزة
ما شاء الله عليش داخلة بقوة لكن ..
أولا ما اعتقد أن يخلوك التسجيل تآخذي 6مقررات

ثانيا اعتبر أنك تآخذي mcm130.mcm140 .mcm201 انتحار
ثالثا mcm150 لا يحتاج أنك تآخذي it كتحضير ليه
لأن مقرر mcm150 هو أساسيات يعني أشياء بسيطة حتى تكون عندك فكرة وبعض المهارات
وأما بالنسبة لتصميم المواقع mcm150 يعطيك بعض الأساسيات عن التصميم في الأدوبي دريم ويفر .بينما مقرر mcm250 راح تتعمقين في التصميم
لذلك أنصحك أنك تأخذي
mcm110
mcm120
mcm150 بدل mcm140
ولك الخيرة بين mcm130 و mcm201
إضافة إلى أحد المقررات المشتركة
أما بالنسبة للتسجيل
هناك لدفعة 2009 حذف وإضافة على الموقع تقدري تضبطي جدولك قبل ما تروحي للجامعة
 
مرحباااااااا يا اعلاميين

شخباركم؟؟

انا طالبة بزنز بس بغيت نصيحكم

افكر اسجل مقرر mcm150

كمقرر اختياري ،،عجبني فيه اكثر شي انه مافيه امتحان نهائي لاني ناوية اخذ 6 مواد

كنت ناوية اخذ ITBIS 105 بس شكلهم كنسلوه علينا الحين :schmoll: ،،كنت مسجلته مبدئي بس الحين للكل ما نزل ،، حزة الحزة يورطونا :tears:

طولت عليكم ادري :nosweat:

المهم طبيعة المادة mcm150 سهلة او صعبة؟؟

اقدر امشي فيها او تعتمد على مقررات سابقة في الاعلام؟؟

ابغي ارفع معدلي اللي طاح في الارض :tears:
 
أهلا بيك عذبة المشاعر
مقرر mcm150 هو مقرر مهارات الملتميديا 1
ينقسم المقرر إلى عدة برامج لعناصر الإعلام الجديد
المقرر من المستوى الأول ولا يسبقه أي مقرر اعلام متطلب
أنا أخذت المقرر عند الدكتور طارق الورثلي
المقرر ينقسم إلى جانب نظري وجانب عملي ولا يوجد له امتحان نهائي
1-عنصر الصورة يستخدم برنامج أدوبي فوتوشوب
2-عنصر الصوت ويستخدم برنامج أدوبي أدشن
-عنصر الفيديو يستخدم برنامج أدوبي بريمير
-تصميم الصفحات الويب يستخدم برنامج أدوبي دريم ويفر
وكل برنامج يسبقه جانب نظري عن العنصر الإعلامي
وبعد الإنتهاء من البرنامج يعطى امتحان يتكون من جزء نظري على المقدمة للعنصر وجزء العملي على البرنامج
وتجمع درجات الامتحانانت لتكون الدرجة النهائية
الجانب النظري وخطوات العملية لاستخدام البرامج للدكتور طارق الورثلي في هذا الرابط
https://www.uob-bh.com/forum/showthread.php?t=4199
 
الحالة
مغلق و غير مفتوح للمزيد من الردود.
عودة
أعلى أسفل