استفسار حقوقيه على الابواب

[بنت القاروني]

بغيت كتب الحقوق الفصل الاول شرط يكونون نظيفين يعني يندرس فيهم
بس بغيت اعرف الاسعار للكتب الجدد وبجم بتعطوني هالكتب

الانج 191

مدخل الى القانون 101

تاريخ القانون 102

حقوق الانسان 103

القانون الدستوري 106

وعندي بعد سوال يعني من وجهة نظر الحقوقيين الكبار الي هم انتو يعني
شنو افضل نشتري كتب جدد ونحتفظ فيهم وهل بنستفاد منهم في المستقبل او لا

ادري دوختكم بس سامحووني حقوقيه على الابواب ((جديده))

ومشكورين مقدما

 

[hamano_90]

مجموع سعر الكتب ما يتعدى 27 دينار
يعني لو تاخذين يدد أحسن لج بواايد
بس مادري سعر جم كتاب

أتمنى أكو ساعدتج

 

[بنت القاروني]

مشكور اخووووي
اكيد ساعدتني واتمنى اعرف اراء الاعضاء الباقين

تحياتي
بنت القاروني

 

[ماجد العنزي]

بالنسبه لاسعار الكتب :::

الانج 191 دينارين

مدخل الى القانون 101 7دينار

تاريخ القانون 102 5 دينار

حقوق الانسان 103 7 دينار

القانون الدستوري 106 6 دينار



برايي الشخصي انك تحتفظين بالكتب لانه رح تستفيدين منها في المستقبل (بالنسبه للمقررات الاحقة او في الحياه العمليه)


تقبلي مروري

 

[سبط القصير]

اولا : نرحب باختي بنت القاروني
خيو كتب الحقوق مقارنة بالكتب الثانية رخاص فالافضل انج تشترينهم وهم جدد افضل من انج تاخذينهم من عند احد .
والشغلة الثانية كل مرة يسوون معرض بيع الكتب اذا حبيتين تشترين من هناك .

لكن بشكل عام راح تكون الكتب اكيييد مو مثل الطبعة الجديدة
مثلا بعض الاحيان يغيرون الكتب وتتطرين مرة ثانية تشترين منهم
فالافل الكتب الجديدة.... اي اكيد رااح تستفيدين منهم حتى بعد التخرج

 

[بنت القاروني]

اولا: مشكورين شباب يعطيكم العافيه صراحه

صراحه افتخر اني بكون طالبه حقوق وسط هالفوج الاكثر من متعاون
كنت شوي متخوفه من الحقووق بس احين بقتحم هالتخصص وبقوه بعد خخخ


المهم على سالفه الكتب ان كنت متردده اني اخذ كتب يدد او مستخدمين بس احين
شوووركم وهدايه الله
بشتريهم بس بحاول قبل الكورس عشان اتصفح فيهم شوي واعرف شنو المضمون العام



اشكركم مرة ثانيه

بنت القاروني