التحضير لاختبار القبول للتحويل إلى الهندسة المعمارية؟

[M.M.A.A.]

السلام عليكم،

أنا من دفعة 2013 وحق الفصل الثاني، بغيت أغير من مدني إلى معماري وقالولي إن اختبار "القدرات" (أو القبول) باتشر الخميس. اللي أبي اعرفه اهو اشلون أقدر احضر حق هاي الاختبار؟ مابي تغشيش!!! بس بغيت أعرف الفكرة و(شلون بتكون الأسئلة) إذا أحد منكم ايعرف أو امسوي من قبل.

شكرا مقدما!

 

[noorj94]

السلام عليكم،

أنا من دفعة 2013 وحق الفصل الثاني، بغيت أغير من مدني إلى معماري وقالولي إن اختبار "القدرات" (أو القبول) باتشر الخميس. اللي أبي اعرفه اهو اشلون أقدر احضر حق هاي الاختبار؟ مابي تغشيش!!! بس بغيت أعرف الفكرة و(شلون بتكون الأسئلة) إذا أحد منكم ايعرف أو امسوي من قبل.

شكرا مقدما!

أنا سمعت أن الاختبار السبت مو الخميس .. مين قالك انه الخميس ..
أنا بحول تصميم داخلي بس ما حد كلمني و يوم سألت قالولي السبت ..

 

[Numbers]

و عليكم السلامة ورحمة الله ..

امتحان القبول اختيار متعدد .. عن مساحات الاشكال الهندسية .. علاقة المساحة بالمكان , تأثير الألوان على المساحة ..
و والبقية رسم ثلاثي أبعاد , كان في سؤال تكون زخرفة هندسية من الأشكال الاساسية بدون تكرار , وآخر رسمة لمنظور بيت أنت تصممه من الجهة الأمامية ..

السنوات اللي قبلنا كانوا يرسمون معلم من معالم البحرين .. أعتقد كانوا يدخلون مقابلة .. لازم تكون عندك خلفية عن المهندسين المعماريين أسمائهم , عمل من أعمالهم .. على دفعتنا ما كان عندي مقابلة ..


موفق أخي ...

 

[مَلاذ]

الامتحان اللي عطونا مو اختياري كلش
كان اول صفحه نكتب اسماء لشكال هندسيه
وفي بعد نسوي من الخطوط الافقية والراسية اشكال زوايا ومدري شنو
وكان في بعد شكل واحنا نكبره
وفي اشكال هندسية واحنا نسوي منها تصميم هندسي
وفي رسمه نقلدها بالتظليل
ونرسم معلم من معالم البحرين
طبعت ذي اللي عطوني بداية هالفصل يس للاسف م انقبلت وحولت مدنية

 

[noorj94]

إذا احد يعرف شي عن التصميم الداخلي متى موعد الإختبار هل هو كان اليوم ولا بيكون السبت ؟؟ لأنهم ما دقو !!

 

[M.M.A.A.]

مشكورين على الرد.

الحمدلله سويت الاختبار وكان سهل، ما عدا بعض الحسابات بس أهم شي اني كتبت طريقة الحل. الحمدلله!

يابولنا سؤال نرسم خطوط بطرق معينة ولازم اتكون سيدة مرتبة بس مايصير تستخدمون مسطرة، في بعض أسئلة يبون رسم، تكبير، إعداة رسم، وتسمية بعض الأشكال، وكان سهل الحمدلله.

 

[noorj94]

مشكورين على الرد.

الحمدلله سويت الاختبار وكان سهل، ما عدا بعض الحسابات بس أهم شي اني كتبت طريقة الحل. الحمدلله!

يابولنا سؤال نرسم خطوط بطرق معينة ولازم اتكون سيدة مرتبة بس مايصير تستخدمون مسطرة، في بعض أسئلة يبون رسم، تكبير، إعداة رسم، وتسمية بعض الأشكال، وكان سهل الحمدلله.

عفوا ممكن تقول وش جا بالاختبار ؟؟!

 

[مَلاذ]

انتي ما نجحتي بالاختبار و حولتي مدني بنفس الكورس يصير ؟؟!

اي بنفس الكورس