طلاب الحقوق ,, ارجوا الإفاده ...

[d7oomy]

مرحبا طلاب كلية الحقوق


انا طالب في جامعة الملك فيصل اللي بالسعودية


وابي احول إلى جامعة البحرين كلية الحقوق

بس انا ما اعرف شنو هي الشروط العامه للتحويل والشروط الخاصه بالكلية

وهل يعادلون لي المواد اللي درستها أو لا ؟


وكيف الدراسه فيها هل هي بسيطه او معقده ؟؟ وكم ساعه ادرس عشان اتخرج ؟؟ وكم سنه اقدر اخلص الدراسه

وهل الدراسه باللغه العربية أو بالأنجليزية ؟؟ <<< وإذا كانت باللغه الأنجليزي هل هناك سنه تحظيرية ( سنه تأسيسية للغه الأنجليزية )) لأان عندنا بالسعودية كلها باللغة العربية ما عدا الكليات العلمية مو مثل الدراسه بالبحرين


وهل الدراسه بجامعة البحرين برسوم دراسية أم لا ؟؟

وما هي اسماء الجامعات الخاصة برسوم دراسية في ممكلة البحرين ؟؟ وهل فيها كلية الحقوق ؟؟


ارجوا الأجابه على هذه الأسئلة ولكم الشكر

أخوكم

عبدالرحمن

 

[بنت القاروني]

امم الي اعرفه ان جامعه البحرين ما تستقبل طلبه غير البحرينيين الا عن طريق الابتعاث( يعني اذا بعثه من الدوله)
بس كاني سمعت جامعه دلمون فيها حقوق
واتمنى يفيدونك الاعضاء الباقيين

 

[d7oomy]

مشكووره أختي على الإيضاح


وانا ان شاء الله بقدم بعثه عن طريق الحكومه


ولكن ابغى

جامعات اهلية ( برسوم مالية )) في كلية الحقوق


وجامعة دلمون هذي كيف دراستها بأي لغه وكم سنه وإذا ممكن تعليمات مفصله عنها



وشكرا

 

[بنت الجردابي]

جامعة دلمون باللغة العربية ولذلك اكثر الطلبة ينسحبون من جامعة البحرين ويتجهون لجامعة دلمون علما ان جامعة دلمون مكلفة جدا بمعني غالية السعر بالكورس الواحد..
واعتقد انها اربع سنوات وبالنسبة الى الرسوم الدراسية بجامعة البحرين ( في شي الحين ببلاش ) ! طبعا المقرر الواحد ب 24 دينار بحريني يعني 240 ريال للمقرر الواحد
وبحاول ابحث عن الموضوع لازودكم بمعلومات اكثر..

تحياتي :بنت الجردابي

 

[hamano_90]

هلا فيك السمي
انا باقولك المعلومات اللي متأكد منها فقط
اذا حولت الي الدراسة بجامعة البحرين راح يعادلون لك المواد اللي فوق الجيد
والدراسة في جامعة البحرين بالعربي
بس راح تاخذ كل كورس مادة وحده في اللغة الانجليزية
ما أنصحك في جامعة دلمون لان التعليم العالي ما يعترفون في شهادتها مؤقتا
لين ما جامعة دلمون تصحح أوضاعها لان عليها مخالفات
وكذلك الجامعة الخليجية نفس الحكاية
يعني القصد من كلامي ان جامعة البحرين أضمن شي من ناحية الأعتراف بالشهادة
لان ما عليها مخالفات
واما شروط التسجيل والتحويل أتمنى الأخوان يساعدونك فيها

 

[d7oomy]

مشكورين على المعلومات بس بلنسبة لجامعه البحرين الدراسه بدون رسوم يعني لازم تكون الجنسية بحرينية أو من أم بحرينيه


طيب كيف التحق فيها (( رد أختي بنت القاروني لازم التحق بالبعثه )) هل في امكان ادخلها بدون بعثه ؟؟؟


بنت الجردابي
انتظر بااقي الملعومات منك


وإذا ممكن رابط جامعه البحرين

انا عندي رابط لجامعه البحرين http://www.uob.edu.bh/ هو نفس الجامعه اللي تتكلمون عنها ؟؟ لان هذي في التقويم الأكاديمي الأيام اللي يتم ارجاع الرسوم فيها
تعبتكم معي

 

[سبط القصير]

اهلا وسهلا اخونا
الله حيا.... قهوة يا صبي

بالنسبة لللشروط العامة :
أن يكون حاصلاً على شهادة الثانوية العامة، أو ما بمعدل تراكمي لا يقل عن 70%، علماً بأن القبول يتم وفق المعدل التنافسي وبصورة تنافسية.
أن لا يكون قد مضى على حصوله على الثانوية العامة، أو ما يعادلها مدة تزيد عن سنتين دراسيتين.
أن يؤدي اختبار القدرات العامة الذي تجريه الجامعة :
- باللغة العربية للمدارس الحكومية.
- باللغة الإنجليزية للمدارس الخاصة.
أن يجتاز بنجاح أي اختبار، أو مقابلة شخصية يراها مجلس الجامعة.
أن يكون لائقاً طبياً.
أن يكون حسن السيرة والسلوك.

لكن اذا كنت غير بحريني فلازم اما ان تكون والدتك تحمل الجنسية البحرينية او بعثة غيره ما اعتقد تنقبل
لان شروطهم
آلية قبول الطلبة غير البحرينيين

يتم النظر في القبول الذي سيتم بشكل تنافسي وفقا لنتائج اختبارات القبول وسياسة القبول المقرة من مجلس الجامعة. ويتنافس الطلبة غير البحرينيين بمختلف فئاتهم على المقاعد المخصصة لغير البحرينيين، ما عدا أبناء البحرينيات فيتنافسون مع الطلبة البحرينيين.

فئات الطلبة غير البحرينيين:

أبناء البحرينيات: يعامل أبناء البحرينيات، لأغراض القبول، معاملة الطلبة البحرينيين في جميع الكليات.
مواطنو دول مجلس التعاون الخليجي: يتم قبول الطلبة الخليجيين من خريجي مدارس مملكة البحرين فقط سواء الحكومية أو الخاصة، على أن يكون الطالب قد درس جميع سنوات المرحلة الثانوية في مدارس مملكة البحرين. ويعاملون، لأغراض القبول، معاملة الطالب البحريني الجنسية ولا تتجاوز نسبتهم 2% من مجموع المقبولين ويقبلون تنافسيا في ضوء شروط القبول الخاصة بالطلبة البحرينيين.
الطلبة العرب: يتم قبول الطلبة العرب من خريجي مدارس مملكة البحرين فقط سواء الحكومية أو الخاصة، على أن يكون الطالب قد درس جميع سنوات المرحلة الثانوية في مدارس مملكة البحرين. ويعاملون، لأغراض القبول، معاملة الطالب البحريني الجنسية ولا تتجاوز نسبتهم 1% من مجموع المقبولين ويقبلون تنافسيا في ضوء شروط القبول الخاصة بالطلبة البحرينيين.
الطلبة غير العرب: يتم قبول الطلبة غير العرب من خريجي مدارس مملكة البحرين فقط سواء الحكومية أو الخاصة، على أن يكون الطالب قد درس جميع سنوات المرحلة الثانوية في مدارس مملكة البحرين. ويعاملون، لأغراض القبول، معاملة الطالب البحريني الجنسية ولا تتجاوز نسبتهم 1% من مجموع المقبولين ويقبلون تنافسيا في ضوء شروط القبول الخاصة بالطلبة البحرينيين.
أبناء الدبلوماسيين: يعامل أبناء الدبلوماسيين، لأغراض القبول، معاملة الطلبة البحرينيين ويقبلون تنافسيا في ضوء شروط القبول الخاصة بالطلبة البحرينيين.
ملاحظة هامة: لا يتم قبول أي طالب يقل معدله التنافسي عن معدل آخر طالب بحريني تم قبوله في نفس التخصص.

لكن في سالفة التحويل من جامعة الى جامعة اعتقد الوضع يختلف
وبالنسبة للرسوم تكون زيادة عليكم مو مثلنا المادة 24 دينار

 

[d7oomy]

يعطيك العافية سبط القصير وتعبتكم معي ما قصرتوا


وانتظر المزيد من المعلومات عن التحويل من جامعه لجامعه

 

[بحريني والروح نجدية]

تسجيل حضور

 

[d7oomy]

انتظر ردودكم


انا محتاجكم لا تردوني

ابي معلومات زياده

لأاني بحول وما ابي اندم اني حولت و اتفاجئ بأشياء ما اعرفها من قبل

 

[بحريني والروح نجدية]

معلومة جديدة عليك : ( في عندنا مقررات يتم تدريسها باللغة الانكليزية ) !
شكلك بتغير رايك !
هههههههه
تقبل مني

 

[d7oomy]

معلومة جديدة عليك : ( في عندنا مقررات يتم تدريسها باللغة الانكليزية ) !
شكلك بتغير رايك !
هههههههه
تقبل مني

هذي مو مشكلة بالنسبة لي


انا ادرس مقررات عندنا بالأنجليزي 5 مقررات تقريبـاً


انا مصمم اني التحق بجامعه البحرين بس افيدوني بمعلومات اخرى ( زياده )

 

[d7oomy]

بالنسبة للدوام اجازتكم الجمعه والسبت يعني الدوام من الأحد إلى الخميس


السؤال هنا >>>> هل كل يوم في دوام ولا ايام وايام ؟ والمقرر الواحد كم محاظره في الأسبوع ؟؟

 

[ماجد العنزي]

بالنسبة للدوام اجازتكم الجمعه والسبت يعني الدوام من الأحد إلى الخميس


السؤال هنا >>>> هل كل يوم في دوام ولا ايام وايام ؟ والمقرر الواحد كم محاظره في الأسبوع ؟؟

هلا اخوي محمد ,,,
الدوام في الجامعه من الاحد الى الخميس
فيه مقررات تكون المحاظرة الاحد والثلاثاء والخميسUTH وفيه مقررات تكون ايام الاثنين واالاربعاء MW

 

[بحريني والروح نجدية]

على الاقل يجب ان تحضر ثلاث ايام في الاسبوع

 

[d7oomy]

طيب مشكووورين تعبتكم معي يزياده

وابي منكم الطلب الأخير

لأني ان شاء الله الأسبوع الجآي راح اجي الجامعه بنفسي واشوفكم واشوف الجامعه

 

[بحريني والروح نجدية]

شنو عاد الطلب الاخير ما فهمنا ؟!

 

[d7oomy]

شنو عاد الطلب الاخير ما فهمنا ؟!

نسيت أكتبه سوووري



ابي مكان الجامعه بالظبط في اي حي واي شارع

 

[gentleman]

هلا اخوي
المكان شارع بوكوارة - المنامة - مدينة عيسى
وشكرا

 

[قلب بحرينيه]

نسيت أكتبه سوووري



ابي مكان الجامعه بالظبط في اي حي واي شارع

الجامعه خلف " مدينة حمد "

وبالقرب من الفورملا ون

بس الافضل انك تسأل هناك ويوصلونك

لكن فيه لافتات توصلك هناك

بس الافضل انك تسأل اذا جيت البحرين وتخليهم يوصلونك




في آمان الله ..