استفسار عن تخصص أدب انجليزي (طبيعة المواد + سوق العمل) .

[Good-Boy]

لدي استفسار عن تخصص اللغة الانجليزية ... هل موادها ريدينغ و رايتينغ و ليسينينج أو فيها مواد حفظ؟ و هل خريج بكالريوس لغة انجليزية لديه فرص عمل كمدرس و مترجم فقط ام هناك مجالات أخرى؟

 

[محمد1995]

مثل ما قلت اخوي فيها ريدنغ و رايتنغ و ليسننغ ، و بعد راح يعطونا اشعار بالأنجلينزي ( مادري اذا حفظ ) .. و بعد راح يعطونا روايات و العديد من المسرحيات اللي كانت بدايتها كتب .. يعني اذا انت تحب الأنجلينزي و زين فيه و حاب تطوره تقدر تدخل هل الأختصاص اذا تبي

بخصوص العمل و كما سمعت : ان راح تقدر تشتغل مدرس اذا درسة سنة وحده زيادة في كلية المعلمين ، و راح تدرس يا المرحلة الأعدادية او الثانوية .. و الترجمة بعد مطلوبة في وزارة الأعلام و احتمال كبير انهم راح يشغلونك . ( هاذي اللي سمعته )



​

 

[MOODA SITRA]

امم اني ماعندي خلفية كافية عنه بس مثل ماقال محمد بالضبببط واسمع ان هووو مطلوووب وبشدة بس الوظيفة سوق العمل متغير بين فترة وفترة وبس بالمنطق ان حاليا اكثر شي يبون تخصص أدبي والانج حلووو في كل مكان احسه مطلوب بس الرزق على الله واشجعك عليه ادا تحبه ولغتك اوووكي ومووفق

 

[Prince.11]

تخصص الانجليزي راح يشمل كل الامور الي ذكرتها
راح يكون عندك ريدنغ ورايتنق وغيرها من هذه الامور ..
ولا ننسى لازم تكون لغتك قوية جداً عشان تقدر تواصل الدراسة

بالنسبة للعمل الشيء الرئيسي بكون مدرس
وعندك بعدين الترجمة او الاذاعة (الاعلام) والاشغال الثانوية

بالنسبة للدراسة ف كلية المعلمين سنة وحدة للتوظيف كمدرس
اول مرة اسمع ابها، مادري اذا اهي فقط ف الانجليزي او في كل التخصصات

وموفق اخي .. ​

 

[mj9566]

تخصص اللغة الانجليزية راح يشمل كل الامور بالاضافة انك راح تدرس شعر ومسرحيات وقصص وتتعلم كيف تحللها مثلا تستخرج صور الجمالية او المغزى او الهدف وايضا هالتخصص يطور اللغة عندك يعلمك من الاساس لي النهاية وايضا يشرح لك اللغة من كل جوانبها ونواحيها وانت لو بغيت تاخذ تخصص فرعي عندك ترجمة مترجم او عندك لغة فرنسية او دراسات امريكية وغيرها .. ولكل تخصص فرعي مميزاته تقدر تصير مترجم في كذا مكان المترجمين مطلوبين في اكثر من مكان واحد واللغة الفرنسية تقدر حتى تشتغل في السفارة الفرنسية مثلا لو كان عندك طموح عالية او مدرس لغة فرنسية دام صارو يعطون طلاب المدارس والدراسات الامريكية لها مميزاتها في السفارات الامريكية وعلى العموم اماكن كثيرة تحتاج لغة انجليزية للتوظيف وخبرة حتى لو قليلة .. بس التخصص يبيله احد يقرأ كتب ويحب القراءة او عادي عنده لان لو ماتقرآ شوي بتتبهدل .. اتمنى افدتك