استفسار عن تخصص الهندسة الكيميائية

[سيد دندون]

سلام عليكم ..

طلبة الهندسة الكيميائية

اذا ما عليكم امر .. ابي منكم تزوزدوني بمعلومات شاملة عن التخصص

- ايجابيات و سلبيات

- الدكاترة ومقدار الشغل في المقرر

- مستقبل ما بعد الدراسة

و أي معلومات عندكم عن التخصص

شكراً مقدماً لكل من بيساعدني

 

[نور المنامة]

أهلا ..
اني ماعندي فكرة شاملة.. بس توني من ساعة قاعدة اتناقش مع مهندس في ألبا..
سألته عن الهندسة الكيميائية.. يبدو إنه مستقبل هالتخصص محدود و ضيق .. بحيث باقي تخصصات الهندسة باب الوظيفة مفتوح بشكل أوسع..
خصوصا البنات المتخرجات من هالتخصص يكون مكانهم مختبر المدارس في وزارة التربية..
بس أني مؤمنة بشغلة إن الواحد يدرس الشي اللي يحبه بس يفكر بواقعية مهما كان حبه للتخصص..

الله يوفقك يارب

 

[المشاكس الحبوب]

ليش اخترت الهندسة الكيميائية؟؟؟

ماهو السبب؟؟؟ شنو تعرف عن طبيعة الدراسة؟؟؟ شنو تعرف عن طبيعة عملك؟؟؟ شنو افكارك المستقبلية في التوسع في مجالك؟؟ ماهو مشروعك الخاص لو حبيت تفتح لك؟؟؟ هل مستعد للتغرب خارج البلد؟؟؟

جاوب على هذه الاسئلة واذا قدرت تجاوب عليها بكل احترافية وثقة فانت في المسار الصحيح

لان في ناس يختارون التخصص على اساس انه مطلوب في السوق او لان هم يفكرون ان هو مثل الكيمياء وتجارب ولانهم كانوا يحبون الكيمياء بالمدرسة

كلش غلط

اختار التخصص اللي تقدر تبدع فيه وتعطي فيه

حاليا اكثر تخصصين اجوف انهم مطلوبين المدنية والميكانيكية

ان كنت في السابق اتمنى اتخصص في الهندسة الكيميائية بس لانها مطلوبة وابي شغل في بابكو ومعاش عالي

اللحين اضحك على روحي لان المعايير اللي وضعتها لاختيار التخصص غلط

فاتمنى تفكر باحترافية قبل ماتختار التخصص واتصل في وزارة العمل واسالهم عن اكثر التخصصات المطلوبة في السوق حاليا او الى بعد خمس سنوات

ناس كثير دخلوا التخصص وفشلوا فيه للاسف

الله يوفقك وين ماكان اختيارك

 

[جنون الخدمة]

عن نفسي أولاً متخرج من العلمي لذلك ميولي علميه ومن هذا السبب اتجاهي كان للهندسة .. طيب والحين ويش الا بدرسه في الهندسة ؟؟؟ عمي تخرج وولد عمي يدرس وثنينهم هندسة كيميائية فسألتهم عن هذا التخصص الزبدة الا توصلت ليها انه مطلوب في عدة شركات كبار + بعض الاماكن الوزارية !! وحسيت اني اميل لهذا التخصص .. والحين خللصت اول فصل ومعدلي فوق الـ 3

 

[maa9502]

just like the pervious

looool
​