موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

يا أهل العلم.. علموني!!

تاريخ التسجيل
5 أكتوبر 2008
المشاركات
5
المجموعة
أنثى
التخصص
الكيمياء
السلام عليكم أخواني وأخواتي..


أولا أسأل الله انه يوفقكم كلكم في دراستكم..


ثانيا عندي استفسار بسيط لكنه مهم جدا بالنسبه لي ولمستقبلي..


أنا خريجة بكالريوس كيمياء سعودية.. وراغبه اني أواصل دراسه وأحصل على الماجستير..

للأسف كليتي الي تخرجت منها مسكره باب القبول لمدة سنوات قادمه والجامعه الوحيده الموجوده بالمنطقة الشرقية الي أنا ساكنه فيها ما عندها برامج ماجستير للكيمياء فقط للرياضيات والفيزيا.. يعني من جد بلشه..

أنا حاليا على رأس العمل يعني موظفه وحلم الماجستير ما يفارقني..

الله يوفقكم.. أبي منكم تعلموني اذا أقدر أقدم على جامعة البحرين .. لأنها الوحيده الي عندها برنامج الماجستير للكيمياء على ما أعتقد.. وشنو هي المتطلبات؟؟


ولكم مني الشكر الجزيل مقدما.


أختكم.
​
 
هلا والله اختي
انا توني اول سنـــه وما عندي خبرة
بس ان شالله راح اسال احد يعرف بهالامووور واردلك خبر
 
جزاج الله خير اختي بنت وايل ماقصرتي.. يكفيني انج رديتي علي

الله يوفقج حبيبتي ومشكوره
 
اختي الكيماائية
للاسف مالقيت اي افاادة حول هالمووضووع
ولكن اعرف وحدة اخذت ماجسيتير في تخصص علوم الحيااة في جاامعة الخليج العربي ومادري اذا في ماجستير كيمياء في هالجاامعه
 
يابعد عمري يارب يوفقج ويسخر لج كل أمورج

بالنسبه لجامعة الخليج انا شفت موقعهم ماعندهم ماجستير علوم حياة.. يمكن أضافوه وماحدثوا الموقع..

عموما ألف ألف ألف شكر لج..
 

و عليكم السلام و رحمة الله و بركاته

على حسب علمي الشخصي المتواضع
إن برامج الماجستير في كلية العلوم
متوفرة لتخصص الرياضيات :mellow:

و عقب ما فتحوا برامج ماجستير لتخصصات ثانية هالسنة
على ما أذكر للحقوق و لكلية إدارة الأعمال :rolleyes2:
و ما أتذكر نهائيا أحد تكلم عن برامج ماجستير يديدة في كلية العلوم :mellow:

طبعا موقع الجامعة جداً متواضع :bleh:
و موقع كلية العلوم كذلك :nosweat:
مثلا تخصص الفيزياء الطبية ما ضافوه للبرامج
بس ممكن يفيدج و تتواصلين معاهم أختي
من خلال الايميل أو التلفون :icon30:

موقع كلية العلوم
http://www.sci.uob.edu.bh/ara/index.html

و إذا قدرت باجر بروح اسأل إذا فاتحين ماجستير كيميا أو لا
و إن شاء الله برد لج خبر :smile:
بالتوفيق إن شاء الله :shiny:

​
 

السلام عليكم و رحمة الله و بركاته

بعد سؤال أهل التخصص :rolleyes2:
تبين إن مافي ماجستير كيميا في جامعة البحرين حالياً :smile:

و يمكن احتمال السنة الياية يكون موجود
مجرد احتمال :rolleyes2:

و إذا بغيتي تتاكدين أكثر ممكن تتصلين بالقسم :smile:
و تستفسرين أكثر :smile:
ممكن يفتحون الكورس الياي :rolleyes2: محد يدري

بالتوفيق إن شاء الله
و عذراً على التقصير :blushing:
​
 
متمرده .. مادري شلون أشكرج.. ياعل ربي يوفقج دنيا وآخره ويجزاج كل خير

يلا.. ميخالف أحاول مكان ثاني مع انه صعب حيل..

مشكورين كلكم ماقصرتوا ...

وادعوا لي يتحقق حلمي بيوم من الأيام
 

السلام عليكم و رحمة الله و بركاته

بعد سؤال أهل التخصص :rolleyes2:
تبين إن مافي ماجستير كيميا في جامعة البحرين حالياً :smile:

و يمكن احتمال السنة الياية يكون موجود
مجرد احتمال :rolleyes2:

و إذا بغيتي تتاكدين أكثر ممكن تتصلين بالقسم :smile:
و تستفسرين أكثر :smile:
ممكن يفتحون الكورس الياي :rolleyes2: محد يدري

بالتوفيق إن شاء الله
و عذراً على التقصير :blushing:
​

جزاج الله خير
 

الكيميائية

العفو اختي حاضرين
و ربي يوفقج و تحصلين اللي تبينه :rolleyes2:
و رب العالمين ما يسوي الشي إلا و فيه الصلاح :smile:
و إن شاء الله نسمع منج في يوم ان حققتي حلمج :rolleyes2:

جزاج الله خير
جميعا يارب :shiny:

​
 
عودة
أعلى أسفل