آسك مي !!

[مسافر]

اي شيء لحم

ع الكمبيوتر تفضل شاشة لو ثنتين للاستخدام؟

 

[c o d e]

اي شيء لحم

ع الكمبيوتر تفضل شاشة لو ثنتين للاستخدام؟

استعمل وحدة
جربت قترة ثنتين ولأن resolution الثانية مو لهناك ، رجعت على ١

فلسفتك في الحياة ، معتقد أو حكمة أو شي تؤمن فيه

 

[مسافر]

كما تدين تدان + الدنيا دوارة



نفسه

 

[بَتُول]

الله ياخذ و يعطي ..

متى تتوقف عن المحاولة ؟

 

[قمَر]

ويش دراني
اقعد أحاول أحاول
أقول خلاص بوقف وأرد أحاول
مو بسهولة أوقف يعني
والشي يعتمد على غلاوة الشي عندي
أو الشخص ممكن..

نفس السؤال

 

[علي البلادي]

ما ادري واجد لو لا
بس مؤخرا صرت استخدمه في التحليل واجد
يعني اذا شي ما فهمته أساله وأتناقش وياه فيه
+ أستخدمه أيضا لأغراض تعليمية للشغل يعني "أني معلمة"

اذا كنت جوعان
وش أول أكله تخطر في بالك؟

ماذا تقرأ الآن؟

 

[قمَر]

قلعة هاول المتحركة

نمطك: حلويات أو موالح؟
حط لينا صورة شي تحبه من النمط المفضل لك

 

[غريبة الدار]

قلعة هاول المتحركة

نمطك: حلويات أو موالح؟
حط لينا صورة شي تحبه من النمط المفضل لك

نمط يعني شلون يمكن ما فهمت صح
بس اميل ل الحلويات أكثر

الصوره من 2025 شهر أبريل
وتحديدا عندي ميل ل صنع الحلويات الصحيه بدون سكر أبيض مكرر وان كان ولا بد فتكون قليلة السكر
الكيكه من صنع ايدي ومن مكوناتها موز وزبدة فول سوداني مع الشكولاته

نفس السؤال

 

[بَتُول]

أميل للموالح و المقبلات و السلطات أكثر إذا يعتبر نمط يعني

و من نمطي أني أفضل الأكل الجاهز و خصوصًا وقت الدوام
عشان جدي التسوق في حاضنات الطعام أخف وطئة على ضمري الصحي

الملف المرفق حلوو يستحق التجربة إذا جفتونه

يومكم المفضل في الأسبوع ؟ و ليش ؟

 

[c o d e]

أميل للموالح و المقبلات و السلطات أكثر إذا يعتبر نمط يعني

مشاهدة المرفق 31578

و من نمطي أني أفضل الأكل الجاهز و خصوصًا وقت الدوام
عشان جدي التسوق في حاضنات الطعام أخف وطئة على ضمري الصحي

الملف المرفق حلوو يستحق التجربة إذا جفتونه

يومكم المفضل في الأسبوع ؟ و ليش ؟

كل الأيام خير وبركة

لو كنت مسؤل عن فريق أو أفراد ، أو ادارة حساب او قناة ، ومطلوب تخليه active ومتفاعل ، وش بتسوي

 

[safanoor2]

ادرس الفريق اولا واعرفهم زين اعرف قدراتهم وشنو نقاط قوتهم ونقاط ضعفهم وبعدين اشوف الشيء المطلوب مني أسويه مع هذا الفريق واخلي خطة قدر الامكان تناسب الجميع من أجل أن يعمل الجميع وياي بدون ملل وبشغف لجتى ننهي المطلوب وأن لا أضغط عليهم كثيرا وأن أعمل أنا أيضا معهم ليس مجرد أوامر وتوجيهات فرضا الفريق وتفاعلهم معي هو اللي بيخلي الفريق يكون نشيط ويكمل الشغل في وقت أسرع



لما اتخرجتون هل اتوظفتون سريع؟ إذا كان لا ويش سويتون إلى أن حصلتون الوظيفة؟

 

[قمَر]

تميت سنة ..
ما اعتبرها متأخر يعني
عشت حياتي في هالسنة عادي

نفس السؤال

 

[بَتُول]

سنة و نص تقريبًا ..
زرت الإمام الرضا ع
اشتغلت خلالها فصل دراسي معلمة في معهد و بداية الفصل الثاني الله فرجها علي و جت الكورونا وتوقفت الدراسة
انحجرنا في البيت كم شهر و ابدعنا في الفعاليات
تعرضت لوعكة صحية
جا محرم و صفر و فتحنا في البيت حسينية
و خذيت ٤ أشهر تدريب أون لاين كمنسقة برامج في شركة تدريب ..
كانت أيام حافلة الحمدلله

في أي مرحلة عمرية حاليًا ؟ و شلون قاعدين تعيشونها ؟

 

[safanoor2]

ما بعد الجامعة وقاعدة على اعصابي واحاتي الوظيفة


نفس السؤال

 

[قمَر]

معلمة في مدرسة ابتدائية للبنين
الوضع حلويات يعني والصبيان حياتي كلها

نفس السؤال؟

 

[مسافر]

موظف في هيئة حكومية

احب اروح الدوام القروب ونيس اللي ويايي مع التحفظ على البعض

نفسه

 

[قمَر]

جاوبته

يوم كنت في المدرسة
كنت تحب المدرسة أو لا؟

 

[مسافر]

جاوبته

يوم كنت في المدرسة
كنت تحب المدرسة أو لا؟

لا

بس كنت شوية شاطر

موقف ماتنساه

 

[غريبة الدار]

كثيره هي المواقف

بس بذكر هذا يمكن لأنه أكثر موقف جرحني وخلاني احط بخاطري

اعتقد قبل سنتين كان مولد الزهراء لو شي غير وصلني اعلان احتفال في احد المأتم القريبه خذيت ولدي في العربه ورحت اتمشى وصلت ودخلت قعدت بس خلوني اغير مكاني ثلاث مرات بدون ما اذكر التفاصيل والأسباب عقب ولدي قام طلع يستكشف المكان الحوش ومرافق المآتم (اعتقد كان عمره سنتين ازيد لو أقل ) وطبعا اني وراه و ومعاه لا يأذي روحه أو يكسر شي بالغلط

احدى الأخوات شافت حركة ولدي وأنه مو قاعد ف تقول لي: تدخلين الغرفه واقفل عليكم ؟

معقوله يعني جايه ماتم عشان تقعدني بروحي في غرفه ويا ولدي وتحبسنا !!
خذيت ولدي ومشيت عنهم وقلت ل روحي هي بعد المره الاولى والآخيره اللي اروح هالماتم

نفسه

 

[بَتُول]

واجد ..
بس إذا بذكر أقدم موقف و أشد تأثير ..
لما كنت في ابتدائي أو أصغر مو ذاكرة ..
بس كنت قاعدة مع قريباتي إلا أكبر مني
و كنت أحاول أشاركهم السوالف بسذاجة بس يعني سكتوني لأني صغيرة و لا تتكلمين في سوالف كبار

ما كان هو الموقف الوحيد سواء منهم أو من (كبار) غيرهم
بس يعني هو الموقف الأوضح في ذاكرتي و مثل ما الخط الفاصل

وبس من يومها و لفترة جدًا طويلة ما قمت (أسولف) وياهم أو ويا أي شخص أكبر مني لأني كنت اعتبره تصرف خاطئ ..
و صار عندي شخصيتين: وحدة ثرثارة تقول الأكو و الماكو ( نفس هذي المشاركة ) و الثانية ساعات تنسى إنه لها صوت

بس المميزات إني لجأت للكتابة و المذكرات من سن صغيرة و لما كبرت صرت أؤمن أنه كل طفل يستحق إنه تسمع (سالفته) و يشاركك الحديث ..

شنو الرأي أو وجهة النظر إلا كنت تقول إنه مستحيل يتغير و تغير عقب ؟