استفسار ( شهادة حسن سيرة وسلوك ) هام جدا :-

[منبع الآداب]

السلام عليكم
حبيت استفسر منكم اخواني ، انا محتاج شهادة حسن سيرة وسلوك ، والحين النسخ الأصلية عطيتهم الجامعة لأن طلبوا نسخ اصلية ، ولما اتصلت للجامعة حق استفسر يقولون ماسلمتنا شي !!! ولاعندنا شي !! وانا متأكد عاطنهم الشهادة !! ساعدوني رحم الله والديكم . ابغي بالضبط وتكونون متأكدين وين اروح اطلع نسخة ؟! ويمكن بعد اطلع وياهم جم نسخة من الشهادة الثانوية مالت التخرج . المشكلة ان بطاقتي السكانية والاليسن ضايعين بس ماادري . ارجوكم الا عنده معلومة ول شي ، محتاجنهم بآسرع وقت.، ومو عارف شاسوي .


ومشكورين

 

[Prince.11]

المفروض تكون عندك نسخ من كل شهادة استلمتها من الثانوي ..
على كل الاحوال ..

الحين اذا تبي هالاشياء الجامعة ما راح تعطيك اياهم ..
اوردي ما تدري عنهم اصلاً ..

تقدر تخرجهم من الوزارة ..

 

[♥ Smile]

عزيزي حسن سير وسلوك تطلعها من مركز الشرطه التابع لمنطقتكم

وثاني شي ترا شهاده حسن سير وسلوك تنتهي اعتقد في ثلاث اشهر بس

يعني كل ثلاث اشهر تحتاج تطلع وحده ان احتجت

فـالنسخه الي تبيها من الجامعه حالياً اكيد مر عليها اكثر من ثلاث شهور ماتستفيد منها

تروح مركز الشرطه ( التابع لمطقتكم ) يطلعونها لك الشهاده في غضون اسبوع لعشره ايام

ويتصلون لك اتجي تستلمها

اما الشهايد تقدر تاخذهم اصليين من وزاره التربيه بدينار واحد اعتقد يجي لونهم اصفر على ذهبي

 

[♥ Smile]

والبطاقه الذكيه تقدر تدش موقع الجهاز المركزي للمعلومات
وتختار بدل فاقد وتملي بياناتك وتاخذ موعد

اما الليسن فتروح المرور