ڪرسـيـے اڷـآعٺراف .. ~

[إيقاع]

[MENTION=30516]وماذا بعد؟![/MENTION]
النغز - النغزة موجودين في الفصحى بس بمعنى مختلف.
وأيضا ليهم عدة معاني مثل الغيبة والدغدغة، تنعرف حسب السياق.
وفي النغزة.. الألم اللي يجي فجأة إن صح التعبير، مثل اللي يكون في البطن.
ممكن أيضا تحمل نفس المعنى المتداول مش متأكدة لكن.. يعني لو قلنا فلان نغز علان. أعتقد تركب.. بس في نفس الوقت يمكن ينفهم منها اغتابه.

أما الكلمة المرادفة بالمعنى اللي تبينه.. حاليا مو خاطر في بالي شي حقيقة.

على فكرة.. أني قلت كلمة مو سؤال، إلا إذا تبين توصلين ليي نغزة بطريقة ما شي ثاني

 

[رَحِيــلْ ،]

أما الكلمة المرادفة بالمعنى اللي تبينه.. حاليا مو خاطر في بالي شي حقيقة.

يمكن تعريض، تلميح مثلًا ؟


#تدش_عرض_على_كيفها #بره_بره

 

[رَحِيــلْ ،]

بعض الأسئلة السريعة..

- ما هي أسوأ العادات اللي تسوينها وتأملين بالتخلص منها قريبًا أو مستقبلًا؟
- هل تقبلين الزواج من غير الجامعي؟
- شنو طريقتش المُعتادة في الدّراسة؟ وهل تبين تغيرينها وتطورينها وشلون؟
- اسم صبي / بنيّة تحبينه؟
- شنو هي أكثر الهوايات / الممارسات اللي تحبين تسوينها وبشدّة؟
- هل أنتِ:
* انطوائيّة؟
* صبورة؟
* صادقة؟
* محبوبة؟
* خجولة؟
- رأيش في رَحِيــلْ ، ؟

وبس هذا آخر سؤال
​

 

[غريبة الدار]

سلام عليكم
واخيرا قعدتين على الكرسي
1- اتحبين الجامعة ؟

2- تخصص الفيزياء كان رغبتش الأولى ؟ شنو رغبتش الثانية ؟

3- بما أنه احنا في شهر الله وهالشهر يصير اعلانات وموسم للمسلسلات ويصير منافسة ومسابقات شاركتين في مسابقات ؟ وبعد في أشياء اتابعينه لو لا ؟ اذا اي شنو اللي اتابعينه ؟

4-( ان لم تكن ذئبا أكلتك الذائب) مع أو ضد وش رايش في هي المقولة ؟؟

5- بما انها اجازة العيد قربت بتسافرين ؟ اذا بتسافرين اتروحين وترجعين بالسلامه

6- وش يكون رداش للأوام الفضولين اللي ما تعرفينهم ولا يعرفونش ويجون يسألونش كم عمرش من وين وغيره من الأسئلة الخاصه اللي مالي داعي يعرفونها .............الخ

7- اتفضلين أكل البيت لو المطاعم ؟

8- من المواد اللي اتحبينها ؟ من المواد اللي تكرهينها ؟

9- كونش طالبة جامعية بعد التخرج إن شاءالله بتشتغلين لو لا ؟

10- لونش المفضل ؟

11- تاريخ ميلادش ؟

12- خبر تتمنين تسمعينه احين ؟

13- ترتيبش بين أخوانش وأخواتش ؟عندش توأم ؟

14- عندش ليسن ؟

15- شنو يخطر في بالش لين قالت ليش
ساعة :
دي جي إسلامي :
ورده:
بحر:
مريم:

16-من الأشياء اللي ندمتين عليه ؟

17- لو صرتين وزيرة التربية والتعليم وش بتسوين وش بتغيرين ؟

18- لو أعطيش مليون دينار وش بتسوين فيها ؟

19- وش رايش في الموضوع ؟

20- واخير رايش في zanobah ? من زمان أبي أسألش السؤل بس شوي شوي لا اتفشليني هني قدام الكل تقدرين اتردين خاص

و بس هي اللي عندي إن شاء الله ما أزعجتش بسألتي

 

[مارد المصباح]

1. شلون تحكمين على الشخص ؟

2. عقب 10 سنوات شلون تشوفين روحش ؟

3. انتين من النوع اللي يحب يرفه عن روحه على طول لو تفضلين قعدة البيت اكثر ؟

4. اشياء تحسينها تعدل مزاجش و تخلي نفسيتش تكون مرتاحة ؟

5. اي شهر من شهور السنة تفضلين ؟ و ليش ؟

6. تحبين القراءة ؟ اذا اي شنو الا تحبين تقرينه عادة ؟

7. تحبين الطبخ ؟ شنو تعرفين تطبخين ؟

8. قرار ندمتين عليه ؟

9. مبين عليش تعصبين من بعض الاسئلة ليش ؟
*يعني ما احسها اسئلة محرجة وفكرة هذا الموضوع اصلا ان الاعضاء يسالون

10. رايش في مارد المصباح بكل صراحة "سلبيات-ايجابيات" ؟
​

 

[بَتُول]

١)و ماذا بعد ؟
شنو القصة وراء هذا الاسم !

٢) قبل ١٠ سنوات ، شنو كانت أحلامش و أهدافش .. هل حققتينها ؟

٣) اختصري حياتش ف جملة وحدة.

٤) إذا كان شخص أكبر منش و له هيبة و مكانة عالية .. و ارتكب خطأ ما ، شلون تقدرين تواجهينه؟

٥) هل غيرت الجامعة من شخصيتش ، للأفضل أو الأسوء ؟

٦) مع إني مو مرتاحة للسؤال بس بقوله
شنو رايش ف بَتُول ؟؟

 

[غريبة الدار]

اتحبين الحلويات ؟

بما أن ما عندش ليسن بتأخذينه لو اتخافين وما اتفكرين فيه ؟

قالتين انش بتشتغلين كونش تخصص فيزياء احس انه صعب عدناه في البحرين اتحصلين على وضيفة في هالمجال الا اذا بتصيرين معلمة
عادي عندش تشتغلين في وظيفه مو في مجال تخصصش ؟

لو جاش عرض الراتب زين والشروط المطلوبة متوفره عندش بتقبلين الحين مو مستقبلا يعني تدرسين وتشتغلين بتقبلين بالوظيفة ؟ ولو خياروش بين اكمال الدراسة والشغل وش تختارين ؟

قعدتين وي شخص عمره 70 أو أكبر لمدة ساعة وش بتقولين خلال ه الساعة شنو المواضيع اللي بتتكلمين فيها وياه لو بتسكتين ؟

ب النسبه لسؤال 11 ما طلبت السنه ولا كان قصدي كم عمرش اليوم والشهر وما كان مجرد فضول فقط يمكن أجيب ليش هديه أو على الأقل انتظر اذا جا اليوم أقول ليش كل عام وأنتين بخير كانت متردده أسأل وفعلا نفس ما قالتين حسيت بالتناقض بس الموضوع أساسه جدي أسأله

اقتراح ودش لو يطبقونه في الجامعة ؟

ساعات نلتقي في ناس ما يعرفونه وعلشان يبون يتأكدون من مرحلتنا العمرية يسألون أي صف ؟ يجيش هالسؤال لو لا ؟


أنتين قالتين تبين أسأله وبعد قالتين تعالوا مجدد
فاتشجعت اني أسألش

 

[لغز العيون]

[MENTION=22124]رَحيل[/MENTION]

ليش نام الموضوع و ما اخترتون عضو جديد

 

[المهندس عبدالله]

حسب اله فهمته انش تدرسين فيزياء صح؟
1. وش رايش بالفيزياء بشكل عام؟ وبشكل خاص هل تحسينه ممتع لو لا؟
2. تعتقين انه اله تدرسينه كافي ولا لا؟ "يعني ما تحسين انه قاعدين يخشون عنكم اشياء مو قاعدين يعلمونكم اياها؟"
3. أيهو الأصل في العلوم "الكيمياء أم الفيزياء أم الأحياء أم الرياضيات"؟ و ليش؟
4. إذا في طالب يحب الفيزياء ويبغي يدرسها بس تخصصه مو فيزياء وما يبي يغير تخصصه تعتقدين يقدر يدرسها بروحه خصوصاً أحين المحاضرات والشروحات منتشرة في الإنترنت(خصوصاً عن الفيزياء حتى وصلو إنهم يخلون سلسلة عن "string theory")؟
5. ويش الفرق بين تخصص الفيزياء (pure physics) و الفيزياء التطبيقية (applied physics) يعني ساعات بعض الجامعات تشوف يسوون أكثر من مقرر كلهم نفس المضمون بس يكتبون في التعريف انه هي بيور وهي ابلايد وهي ويه ما أدري ويش؟
6. تفكرين تدرسين ماستر؟ ويش دافعش؟
7. تعتقدين الفيزياء معادلات وأرقام لو فرضيات ونظريات؟
8. نصيحتش لواحد مهووس بالفيزياء ؟

هي اله في بالي من أسئلة
خدي وقتش نبي اجابات شافية مو كل مرة نلاقي طلاب فزكس حق نسئلهم

 

[المهندس عبدالله]

حسب اله فهمته انش تدرسين فيزياء صح؟

#صح
1. وش رايش بالفيزياء بشكل عام؟ وبشكل خاص هل تحسينه ممتع لو لا؟
#الفيزياء علم جميل يدعو للتأمل يخلي الإنسان يدرك العالم الفيزيائي من حوله ويفسر ليه الأشياء
#اي أحسه ممتع يعتمد ع العقل
2. تعتقين انه اله تدرسينه كافي ولا لا؟ "يعني ما تحسين انه قاعدين يخشون عنكم اشياء مو قاعدين يعلمونكم اياها؟"


#لحد الآن درست 3 مقررات واحس أنها بس مقدمة فإني اتوقع أن في السنوات القادمة المفروض يعطونا الأشياء الجديدة .
#أشرار إذا خشو شي ��

3. أيهو الأصل في العلوم "الكيمياء أم الفيزياء أم الأحياء أم الرياضيات"؟ و ليش؟
الرياضيات لغة
الكيمياء والاحياء علمين متشابكين في بعض يعني البناء الضوئي كمثال
الفيزياء شيء غير ملموس لكنه مرئي
مثل الحركة
فأصل العلوم هو
.
.
.
ما أدري ��
يمكن ما في أصل
4. إذا في طالب يحب الفيزياء ويبغي يدرسها بس تخصصه مو فيزياء وما يبي يغير تخصصه تعتقدين يقدر يدرسها بروحه خصوصاً أحين المحاضرات والشروحات منتشرة في الإنترنت(خصوصاً عن الفيزياء حتى وصلو إنهم يخلون سلسلة عن "string theory")؟

# هو اني جربت اطالع فيديو هات القليل منها الي لاحظته الشرح نفس ما يشرح الدكتور واحس تساعد
للعلم شكلي بطالع عشان اتعلم طرق مختلفة ولان دكتور الفصب الجاي مو لهناك

5. ويش الفرق بين تخصص الفيزياء (pure physics) و الفيزياء التطبيقية (applied physics) يعني ساعات بعض الجامعات تشوف يسوون أكثر من مقرر كلهم نفس المضمون بس يكتبون في التعريف انه هي بيور وهي ابلايد وهي ويه ما أدري ويش؟

#ما أدري صراحة بس التطبيقية أحس فيها أشياء عملية

6. تفكرين تدرسين ماستر؟ ويش دافعش؟

#اي ؛ أكون م خترعة

7. تعتقدين الفيزياء معادلات وأرقام لو فرضيات ونظريات؟
#فرضيات ونظريات
الرياضيات معادلات وأرقام
8. نصيحتش لواحد مهووس بالفيزياء ؟


# ادرسها واستمتع
هي اله في بالي من أسئلة
خدي وقتش نبي اجابات شافية مو كل مرة نلاقي طلاب فزكس حق نسئلهم

الصراحة شعرت بالخجل لأن اجاباتي لا شيء واكتشفت اني لزمن اعرف عن تخصصي أكثر وشعرت اني مهملة
و لزمن مو بس اعتمد ع الي يعطونا ايها الجامعة لزمن ادرس من مصادر اخرى شكرا لك :انحناء احترام مثل اليابانيين:

وتعال مجددا

لهدرجة أسئلتي غزيرة تره هي أسئلة عامة .. جان بسئلش عن ميكانيكا الكم اي هو تخصصكم اول شي بشكل سطحي بعدين بتردون تدرسون هل أشياء بشكل معمق
يالله عن خاطري اخر سؤال..ويش تعرفين عن ميكانيكا الكم؟(ما يحتاج تتحسسين من الموضوع بتدرسونها سنة ثالثة )

 

[المهندس عبدالله]

[MENTION=30516]وماذا بعد؟![/MENTION]
اي هي اشياء بسيطة كلش

 

[سيما]

نايم الموضوع ههههههه​

 

[لغز العيون]

نايم الموضوع ههههههه​

أي
الحين لازم تختار العضو اله بعدها
[MENTION=30516]وماذا بعد؟![/MENTION]

 

[إيقاع]

بعد التفكير.. من قبل حطيتون طالبة فيزياء.
إيقاع ما صارت على الكرسي
أشللللللخ

 

[رَحِيــلْ ،]

اني اختار ؟ لو ارشح

أني أجوف اختاري أحسَن،
لأن لين بناخذ على الترشيحات الموضوع أوردي نايم فللين ما الناس ترشّح ضاع الوقت، مو بس الوقت حتى الأيام

 

[المهندس عبدالله]

أني أجوف اختاري أحسَن،
لأن لين بناخذ على الترشيحات الموضوع أوردي نايم فللين ما الناس ترشّح ضاع الوقت، مو بس الوقت حتى الأيام

يالا اختاري خل الموضوع يتحرك

 

[رَحِيــلْ ،]

يالا اختاري خل الموضوع يتحرك

مو أني اللي أختار، [MENTION=30516]وماذا بعد؟![/MENTION] هي اللي تختار
وإذا ما جت يصير خير

 

[رَحِيــلْ ،]

اكو بسوي

@Mr. Chemist

بانتظار قبول الدّعوة..

 

[Alkene]

بانتظار قبول الدّعوة..

دعوة شنو؟

 

[Alkene]

بانتظار قبول الدّعوة..

توه الحين عرفت شالسالفة بس مو شرط اجاوب على كل الأسئلة