طالبة توجيهي تسألكم عن تخصص الحقوق

[بنت البحرين 999]

السلام عليكم ورحمة الله وبركاته انه
احين طالبة ف التوجيهي اخر سنة لي
وفي المسار العلمي
وان شاء الله اذا كملت ودي ادرس حقوق
ف جامعة البحرين ودي احد يعطيني معلومات كافية عن كلية الحقوق وجم لازم معدلي التراكمي
وعن الاسعار وهل المواد صعبة وله سهلة وهل يوجد
انجليزي وايد؟؟
وبالاضافة بغيت اعرف اذا كملت دراسة الحقوق هل يمكن ان اصير ضابطة ؟؟؟
وراح اكون شاكره لكم مقدماً

 

[hamano_90]

السلام عليكم ورحمة الله وبركاته انه
احين طالبة ف التوجيهي اخر سنة لي
وفي المسار العلمي
وان شاء الله اذا كملت ودي ادرس حقوق
ف جامعة البحرين ودي احد يعطيني معلومات كافية عن كلية الحقوق وجم لازم معدلي التراكمي
وعن الاسعار وهل المواد صعبة وله سهلة وهل يوجد
انجليزي وايد؟؟
وبالاضافة بغيت اعرف اذا كملت دراسة الحقوق هل يمكن ان اصير ضابطة ؟؟؟
وراح اكون شاكره لكم مقدماً

الله يهداج لو داشة أدبي بيصير لج أسهل علشان تحاولين تييبن أفضل من معدل العلمي
على العموم
من شروط القبول في الجامعة
لازم مجموعج التراكمي ما يقل عن 70% وهاذي في كل التخصصات مو بس الحقوق
وفي امتحان قدرات لاااازم تجتازينه
وبعدين في امتحان للإنجليزي واذا ما نجحتي فيه بيعطونج كورس تمهيدي حق تقوية اللغة عندج
وهالكورس وايد سهل ومادة وحده بس
وبعدين سواء نجحتي فيه والله لا
الكورس اللي عقبة تدشين تخصصج للحقوق
انا ليلحين مادرست تخصصي لاني كنت في التمهيدي
لكن من الفصل الياي بادش في تخصصي
بس أعتقد المواذ واايد سهلة مقارنة بالتخصصات الثانية
وبحكم اني درست في مصر (شريعة وقانون)
فأعتقد الحقوق من أسهل التخصصات
ومجال التوظيف بعد الحقوق وااااسعة
وكتب هذي التخصص من أرخص الكتب في الجامعة
ومجموع سعر الكتب في الفصل الأول ما يتعدى الـ(26 ) دينار
واذا تخرجتي في مجال ان تقدمين حق ضابط (بس ما أعرف التفاصيل شلون راح تكون السالفة)
أتمنى انج استفدتي
وأي معلومة انا حاااظر

وأهلن فيج في جامعة البحرين مقدما ​

 

[بنت البحرين 999]

مشكور اخوي وماقصرت
وعساك ع القوة

 

[ام البراء]

برد لج على الأشياء الي ماذكرها زميلنا
انا طبعا سنه ثانيه بالحقوق
و هالتخصص وايد حلو وطبعا في مواد انجليزي لحد الحين عددهم10 والمعدل لازم مايقل عن 2
وبالتوفيق

 

[حبر فوق الزناد]

غلط كلامك أخوي

الله يهداج لو داشة أدبي بيصير لج أسهل علشان تحاولين تييبن أفضل من معدل العلمي

بالعكس العلمي سهل وما يبغي له شي إلا الإنتباه أول بأول .. والتركيز في الحل
أختي صاحبة الموضوع هالموضوع بيفيدش
https://www.uob-bh.com/forum/showthread.php?t=1887
وهذا
https://www.uob-bh.com/forum/showthread.php?t=3058

 

[قلب بحرينيه]

السلام عليكم ورحمة الله وبركاته


اختي انت نفس رغبتي

واذا درستي حقوق وخلصتي وتروحين تقدمين

حق ظابطه ياخذونج وبدون واسطه بعد

هذي اللي الحين آنه آدرس عشانه ^_^

 

[hamano_90]

غلط كلامك أخوي
بالعكس العلمي سهل وما يبغي له شي إلا الإنتباه أول بأول .. والتركيز في الحل

أول مرة أجوف واحد يقولي علمي سهل !!
وقولي شدخل الكيميا والفيزيا والأحياء في الحقوق
تخصص الأدبي أقرب للحقوق من العلمي بلا شك

 

[قلب بحرينيه]

أول مرة أجوف واحد يقولي علمي سهل !!
وقولي شدخل الكيميا والفيزيا والأحياء في الحقوق
تخصص الأدبي أقرب للحقوق من العلمي بلا شك

اي والله

شدخلهم في الحقوق !!!

بس العلمي مجالاتـــه أوسع

لكن الادبي أجرب وبوايد يمكن الادبي يهيء اللي بيدخل للحقوق

واللي يدخل علمي علشان يتخصص تخصص أقرب للأدبي غلطان

لان احتمال وااااااااايد عود ما اييب نسبه بعكس اللي يدخل ادبي

آحسه أسهل مسار

 

[ام البراء]

انا احس ان العلمي اسهل من الادبي وصج فيه كيميا واحياء وفيزياء بس يجيبون فيه معدلات اكثر
وصج ان الادبي اقرب للحقوق بس اكثر الداشين علمي عشان التخصصات كلها مفتوحه له

وكل واحد حسب رغبته

>>>>>لا تغيرون الموضوع _ علمي وادبي وادبي وعلمي>>>>>


والله يوفق الجميييع

 

[بحريني والروح نجدية]

سأكتب موضوع له علاقة بذلك انشالله قريبا !

 

[بنت البحرين 999]

شكرا لكم
بس صح العلمي مو صعب واايد
بس يبي له الواحد يركز عدل

 

[amna ahmed]

اي و ترى بعد الي يدش علمي يبدع في كل شي و بعدين وايد حقوقين عندنا تخرجوا من علمي كيم و حييا و فيز و ريض

 

[amna ahmed]

و منهم انا (احم احم)