امتحان السياقة

[معمر]

السﻻم عليكم عندي بعض الاسئلة بخصوص الامتحان
هل الريوس يكون على جهة اليسار
اذا نجحت داخل المدرسة يطلعوني من اي بوابة الي مقابل الدوار الصغير
سيارة الامتحان القير مالها يختلف عن قير السيارة الي اتعلم فيها
احد يشرح لي

 

[Blue Castle]

السﻻم عليكم عندي بعض الاسئلة بخصوص الامتحان
هل الريوس يكون على جهة اليسار
اذا نجحت داخل المدرسة يطلعوني من اي بوابة الي مقابل الدوار الصغير
سيارة الامتحان القير مالها يختلف عن قير السيارة الي اتعلم فيها
احد يشرح لي

عليكم السلام
بالنسبة للرويس على كيف الممتحن هو يقرر اذا يسار او يمين بس أكثر شي يمين
بالنسبة للبوابة الي تطلع منها غالباَ يطلعون من البوابة الي تدخل منها المدرسة بس البعض من البوابة الثانية
بالنسبة للغير لا ما يختلف و لاشي الفرق بسيط كلش بعض سيارة المدربين قدم فيكون الغير 5 تبديلات و ريوس ، بالنسبة لمال الامتحان تيدا جدد نوعاَ ما صاير 6 تبديلات و الريوس هو السابعة صاير على صوب بس لا تتخوف من هذا الشي كلش عادي ما يفرق
نقطة اخيرة سيارة المدرب سيدة تضربها سلف لا تدوس كلج و لا شي ، سيارة الامتحان اذا بتشغلها لازم تدوس الكلج كامل بعدين تضرب سلف او ما بتشتغل و بالتوفيق إنشاء الله

 

[مارد المصباح]

+ معلومة ثانية
سيارة المدرب من تقط القير في الريوس تقدر ترجع ،بينما بس سيارة الممتحن في نفس الحبة مكان ما تحط ايدك على القير ، اول ترفعها وتالي تقدر توديه ريوس > قول للمدرب مالك يشرح لك هالنقطة ،مع ان بعض الممتحنين ينبهونك على هالشي من البداية بس الافضل تكون عارف هالشي حتى لا ترتبك
بالتوفيق ان شاء الله
​

 

[sanabsy 15]

عليكم السلام،

مسار الامتحان يكون بيد المرور،

بالنسبة للقير، يكون أخف من سيارة المدرب بواجد .. لكن ما فيه اختلاف كبير إلا إنه خفيف يعني التبديلة تكون خفيفة .. ومثل الشي الكلج .. قبل لا تمشي تحسس الكلج والبريك عشان تاخذ عليهم

بالتوفيق​

 

[زَ.]

امم اني قير سيارة مدربي كان نفس قير الامتحان

هذا شكله، ترفعه من النص (صوب الرصاصي) بصبعتين وتسحبه يسار تالي فوق بيروح ريوس، اما اذا تسحبه نفس الشي يسار فوق بدون ماترفعه فبيروح رقم 1

 

[معمر]

شكرا على ردودكم

بس ياليت تشرحين اكثر يا اخت زينب

اذا وديته يسار فوق بروح قير واحد
واذا وديته يسار تحت بيروح قير اثنين

وبعدين اذا سيدة فوق بيروح قير 3
واذا سيدة على تحت بيروح قير 4

وبعدين يمين فوق بيروح قير 5
ويمين تحت بيروح الريوس

فاي جهة يصير الريوس في سيارة الامتحان

 

[زَ.]

شكرا على ردودكم

بس ياليت تشرحين اكثر يا اخت زينب

اذا وديته يسار فوق بروح قير واحد
واذا وديته يسار تحت بيروح قير اثنين

وبعدين اذا سيدة فوق بيروح قير 3
واذا سيدة على تحت بيروح قير 4

وبعدين يمين فوق بيروح قير 5
ويمين تحت بيروح الريوس

فاي جهة يصير الريوس في سيارة الامتحان

الريوس في الامتحان ، جفت شلون توديه على الواحد؟ يسار فوق صح ، الريوس بيكون نفس الشي بس زيادة عليه ترفع القير فلبداية، يعني ترفع القير وتوديه يسار فوق، واذا كنت مو فاهم ، اول ماتركب سيارة الامتحان قول للممتحن شلون اوديه ريوس؟ بيعلمك هو

 

[نونوتكعيب]

ممم في حركه تفكك من معاناه الريوس
لو تلاحظ عند الباركات ترى في اشارات مثلا خط على الطوف ، حصى يمين او يسار البارك ، قراش خضر
جرب وانت تتدرب تاخذ لك قياس وانت ترجع خل اشاره من هالاشارات توصل عند جتفك ، اذا وصلت لجتفك هني لف السكان ودخلها بالبارك

اذا مافهمت علي مب ضروري مابي اخربطك

وان شاءالله تنجح من اول تراي وعقبال البقيه