قرار حذف امتحان المدتيرم !

[Ms.Angel]

سلام عليكم

بداية هالكورس اعتقد الكل لاحظ ان اغلب المواد صار فيها
test 1
test 2
بدل المدتيرم

هل انتوا مع او ضد تنفيذ هالقرار

عن نفسي احسه زين لبعض المواد و سيء لمقررات ثانية
ومشكله ضيق الوقت وزحمة المواد صعبه شوي للبعض

حبيت اشوف راي الطلبه هني بخصوص هذا الشي ​

 

[MisS Soft]

هذا القرار موجود عندنا من زمان في الآتي تي
له ايجابياته وله سلبياته
الايجابيات ان الدرجات تتوزع .. ف الي مخربط في تست يقدر يعوض في الثاني
وسلبياته هي الضغط يعني طول الكورس نقدم امتحانات ما نوقف !!!
تخيلوا يعني الناس تدرس للفاينل واحنا للحين ندرس لتست 2
اختي كانت تدرس ماث .. وتخيلوا فيه عندهم مواد في كلية العلوم 3 تستات !!!

اني اخذت مواد مدتيرم واحد ومواد تستين
اشوف مواد المدتيرم اريح بوااجد
اقدم المدتيرم وارتاح للفاينل تقريبا

القرار الجديد بخصوص تحديد اسبوع للامتحانات هو المشكلة
يعني امتحاناتنا كلها بتصير ورا بعض ! شلون ندرس ؟
هذا اذا ما صار عندنا امتحانين في يوم
والدكتورة اليوم تقول عادي تقدمون امتحانين في يوم اهمشي مو مثل الوقت
لا بالله فلحنا ناوية تجننا هالجامعة قبل ما نتخرج
يعني استعدوا للصدمات
​

 

[2013]

هالقرار توني ادري عنه من انستقرام ومن المنتدى هني محد من دكاترتنا قال لينا عن هالشي!

ايجابياته انه الواحد يقدر يعوض درجاته ومابيخسرها بسرعه باﻻضافة الى انه لكل تست بيكون بس جبترين وهذا الشي احسن من 4 جباتر ويا بعض

بس السلبيات انه بننضغط واااجد مو بس تستات وفي كوزات بعد!! يعني جم مرة بنقدم اختبارات في الفصل الواحد!

 

[Blue Castle]

سلام عليكم

بداية هالكورس اعتقد الكل لاحظ ان اغلب المواد صار فيها
test 1
test 2
بدل المدتيرم

هل انتوا مع او ضد تنفيذ هالقرار

عن نفسي احسه زين لبعض المواد و سيء لمقررات ثانية
ومشكله ضيق الوقت وزحمة المواد صعبه شوي للبعض

حبيت اشوف راي الطلبه هني بخصوص هذا الشي ​

عليكم السلام
هذا الشي صار في الايتي من فصلين ، انلغى الميدتيرم و صار بداله تست 1 و 2 ، طبعاً الشي له سلبياته و إيجابياته ، من الإيجابيات انه الطالب يدخل الفاينل و عنده فكره عن طريقة اسئلة الفاينل بنسبة 70% على الاقل ، من سلبياته ان عادةً اول فصول المقررات تكون مجرد بيسك ففي الميدتيرم سابقاً دائماً كانت الدرجات أفضل من درجات مجموع التستين لانه محتوى الميدتيرم خفيف بالإضافه الى ان الطالب بس يخلص ميدتيرم يبقى عليه لكوزات الاسايمنتات ، الفاينل ، بس في التستين نخلص من تست 1 بعد شهر أو أقل نقدم تست 2 بالإضافة ان بعض المقررات غالباً يكون المطلوب لتست 2 محتوى كبير أو دسم فقليل الي يجيبون فل مارك او اقل اشوي ، و حسب إلي صادني أكثر من مرة أقدم تستين 2 في نفس اليوم و الفرق بينهم ساعة و شي بالكثير

 

[روح فاطمة]

أني اشوف التستات افضل

فبدل ما تروح طاقتنا بس ف المدتيرم
يكون الجهد موزع طول الكورس
والكمية أقل للتستات نقدر نركز اكثر من اذا كمية كبيرة

حتى لو ورا بعض
ع الاقل الكمية اقل

لان المدتيرم بعد نفس الشي غالبا يكونون ورا بعض
بس كميته اكبر

 

[إيقاع]

وكيم 101 صار ليه 3 تستات !
مادري إذا في مواد بعد كانت تستين صاروا 3.
الشي ضايقني في الحقيقة.. بس إن شاء الله يكون هالتغيير صلاح وخير للطلبة.

 

[طالبة جامعية11]

مع .. لانه الطالب يقدر يعوض و المحتوى في التست بيكون اقل

 

[yagmur]

اني احب سالفة التستات لان ساعات مادرس لتست 1 فالشيء ما يخسرني وااجد درجات
واضمن درجات اكثر

ادا مدتيرم ساعات اتورط و ياثر على درجتي النهائية كامل .. فاتضايق ..

هو زين بس في مواد ماليها داعي تستين -

اني عندي مادة كانو 3 تستات الدكتورة صارت الكوندنيتر وصار تستين فقط الحمدلله

=) اللي عندهم 6 مواد الله يساعدهم على هالقرار .

 

[♥ Smile]

اي شي يمشي الحال اهم شي خل نتخرج بس

​

 

[sanabsy 15]

اي شي يمشي الحال اهم شي خل نتخرج بس

توش صغيرة يا بتي ..​

 

[كادي]

اني هالخبر شوي صدمني ،، اول شي استنكرت الشي وماحبيته لكن عقب يوم جفت المتيريال حق كل مادة حسيت ان هالفكرة ممكن ان تخفف علينا شوي ,,
لكن ف نفس الوقت بننضغط واجد خصوصا ان بيصير عندنا كويزات واسايمنتات بعد :/
اني قلت حق دكتور مادة وحدة ان يكنسلون الكويزات افضل ،، قال ان بيجوف يعني وجدي وبيتغير التقسيم كليا
وكل شي ان شاء الله بيكون خيرة لينا
موفقين

 

[Ruthless]

صحيح أنه ضغط ولكن أفضل على أساس ينجبر الطالب أنه براجع أول بأول وما يخلي المادة تولي بعد الميدتيرم.

 

[ahmedi16]

طبعاً هذا ثاني فصل لي في الجامعة ،، و أول فصل في كلية البزنس ،،

الفصل اللي فات في كلية التطبيقي كان موجود في كل المواد TEST 1, TEST 2 , FINAL وبعض المواد كان فيها كويزات وبعضهم لا ،،

بالنسبة لي احس وايد احسن من الميد تيرم ،، من ناحية توزيع الدرجات و من ناحية المادة تخف لآني حسب اللي شفته الجبتر اللي يدخل في TEST 1 خلاص ما يدخل في TEST 2 و الفاينل ،، يعني المادة تكون أخف ،،

والله يكون بالعون ويسهل علينا إن شاء الله

 

[7aneen]

اني استانست بالقرار
لان بيخفف الضغط علينآ
يعني بدل ما ندرس 4 جباتر مره وحده
ندرس جبترين جبترين ( تست 1 \ تست2 )
جدي بعد .. عشان اذا نقصنا في تست .. نعوض في الثاني​

 

[Prince.11]

مع دخولي الجامعة صادفت ان اغلب المقررات يوجد فيها هذا النظام ..
عدى بعض المقررات المشتركة او المقررات النادرة في التخصص ..

على العموم، القرار اذا اخذناه من الجانب الايجابي راح نلاقيه ..
في مصلحة الطالب في الاول ولاخير ، بغض النظر عن كل شي ثاني ..

نظام الامتحاناين او التستين راح يعطي فرصة للطالب بالتعويض اول شيء ..
راح يعطي فرصة للدكتور ان يساعد الطالب في الدرجات والتعويض ..

راح يخفف " نوعاً ما " المراجعة في الامتحان النهائي باعتبار ..
ان في نصف المقرر تقريباً تم الامتحان فيه ، فمراجعته راح تكون سريعة "تقريباً" ..

يعني خل ناخذ الامور بإيجابية راح نلاقي الموضوع جداً في مصلحة الطالب ..

يمكن من جانب آخر البعض يشتكي من ازدحام في الامتحانات ..
او ضغط في المواد وغيره من الامور الي تضغط الطالب ..

انا اتصور هذ الامور طبيعية كطالب جامعي ..
والحياة الجامعية مافيها راحة في تصوري ..

يعني طلاب الثانوية يحصلون على ضغط امتحانات وبحوث وو ..
فما بالك بطالب جامعه وضغوط الجامعة اكيد تكون اكبر ..

فمن وجهة نظر شخصية ومتواضعة ..
اشوف قرار التستين 90% في مصلحة الطالب ..


ولو يعيدون النظر كذلك في بعض المقررات الدسمة والطويلة ..
وياخذون قرار شجاع بحذف كمية المنتصف سيكون ممتاز ..

 

[zakiya]

آآبدا ما عجبني وين الي بريح الطالب ؟؟

كل تست يقول للثاني ادا في امك خير حل !

و الشي ثاني ادا انت رسبت في تست 1 وين التعويض في تست 2 ؟

وزحمه ترى بكوووون يعني بروجكتات وكدا وفاينل ؟

أين مصلحت الطالب ؟؟؟ :tears:

 

[المهندس عبدالله]

انا اشوف تست واحد اريح لي بس ما اشوف اي ضرر في تستين اصلا احلا شي كله امتحانات
صدق ضغط ريبورتات و هومورك و تستات و كويزات بس في وقت لكل هل اشياء
يمكن أغلب الطلبة يواجهون مشكلة في تنظيم الوقت ....
بس هي المشكلة ما تعتبر مشكلة اساسية الطالب يقدر يتغلب عليها... أقصد أن الطالب يقدر يطور من نفسه بحيث يواجه كل هل ضغوطات
و في النهاية بشكل عام الحياة كلها ضغوطات الحل الوحيد "حين لا تجد من يسمع صوتك" وهي هو الحال انك تتأقلم ويه الوضع

 

[منامي]

نظام التستين هلاك حق طلبة الهندسة ..

 

[3looy2jz]

نظام التستين لحد الان حلو بالنسبة للفايننس والمنيجمنت,
للاسف البي اي اس مافيه تستين معنه المادة ثقيلة وتستين بيكون اريح واسهل,
MKT264 ,المادة اللعينه اول تست 3 جباتر وامتحان طويل عدل عدل وثاني تست بعد 3 جباتر
والفاينل 4 جباتر يعني مادة وحدة ندرس لها 10 جباتر وكل جبتر اطول من الثاني (ظلم من قلب).

لو كل تست فقط جبترين ويكون 20-10 ملتبل جويس و2 ايسي جان تمام هالنظام,
لكن كل تست 40 ملتبل جويس و5 ايسي ماينحلون الا بطلعة الروح خلنا على مدتيرم واحد احسن لينه.​

 

[بَتُول]

مع و ضد

صحيح إنه تتوزع الدرجات و تكون المادة المدروسة أخف , بس ماكو راحة ماكو

الله ييسر