موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

مشكلة دكآترة FIN في موآد لفل 4 !!

  • بادئ الموضوع بادئ الموضوع x0x0x
  • تاريخ البدء تاريخ البدء

x0x0x

Well-Known Member
تاريخ التسجيل
4 مايو 2012
المشاركات
3,361
المجموعة
ذكر
الدفعة الدراسية
معلومة خاصة
الكلية
كلية ادارة الاعمال
السسسسسسسسسسسسسلآم عليكم ورحمة الله وبركآته





بدش ف المووضوع دآيركت ، مثل ما تشووفون طلبة الفاينسس مواد لفل 3 و 4 داكترتنا زفففت مافي الا دكتورين او 3 الي زينين والباقي تعباااااااانييييييييييين من قلب !!!



هالكورس المفترض كورس ما قبل التخرج فما ابي اعفس الدنيآ :)


عندي هالموآد الي متوهق ويآهم !



fin425 ويآ برساد : يدش يسولف ويا روحه ويضحك ويكلم اول صفتين وبس والطلبة كل واحد ف صوب الي يلعب الي يضحك والي والي !!

والحل شنسوي ؟ ، نبي نصايح الي ماخذين المادة معه !!!




fin424 ويآ شارما : يدش يبطل اول سلايد ويسولف بروحه كل شوي داش موضوع ولا ندري شنو يبي يقول !!

والحل شنسوي ؟ ، نبي نصايح الي ماخذين المادة معه !!!



fin331 ويآ عاشور : يدش سسيده يبطل السلايدات ويحاول يحاول يشرح كجزء نظري ولا عملي ميييييح ولا ينفهم شي !!

والحل شنسوي ؟ ، نبي نصايح الي ماخذين المادة معه !!!



+



الموآد ذلين مجرد حضور بس اسجله واطلع ولا ادري شسالفه !!



اي نصآئح :nosweat:
​
 
نصيحة 425 برساد حاول تفهم شرحة و حل الكلكوليشن اللي يعطيم إياه اقصد المسائل والتيبي للدوائر و 424 شارما انا ما ادري ويش أقول الك لان هو اييب من المنول سلوشن و الكلموليشن المسائل على حسب اللي أقول ابه ترى شرحه كلش ما ينفهم و331 ترى عاشور يعطي نظري و كلكوليشن النظري اتعب مال المادة يمبي الك تحفظه و الكلكوليشن هو يعطي بركتس اكوسشن على الكلكوليشن حله وافهم طريقة الحل لان الكلكوليشن معقد مال المادة شوي وبالتوفيق
 
  • Like
التفاعلات: x0x0x
شارما
العملي : ادرس البروبلم الي يسويها معاكم بالكلاس بعد كل جبتر
النظري : حاول تشوف البوك سليوشن من عند احد .. الأسئله كوبي بست منه في الإمتحان

هذا الا اقدر افيدك فيه : )
 
  • Like
التفاعلات: x0x0x
شكرآ لكم


ننتظر باقي الردود :nosweat:
 
اني قبل مدة كنت مفكرة اكتب موضوع عن قسم الفايننس بس انت سبقتني

الحين بغض النظر عن شلون تدرس ليهم السؤال الي يطرح نفسه لمتى جدي؟ لمتى قسمنا ازفت قسم في الجامعة؟ الطلبة يتخرجون و لو تسألهم سؤال سخيف في الفايننس ما يعرفونه

صراحة اني مستغربة ليش الطلبة ساكتين عن الموضوع يعني هل عشان انهم يعطون درجات بالهبل؟ ترا والله مو اهم شي الدرجات ادا انتون متخرجين و ماتعرفون شي عن تخصصكم

الدكاترة كلهم هنود و مأساة و شرحهم زفت و خصوصا الي ذكرتهم (براساد ، شارما ، سامبا ، بورا و الخ من الي نسيتهم)
اني اعرف ان في الجامعة الطالب لازم يعتمد بجزء كبير على روحه
بس لما الواحد يدش المحاضرة و يطلع و هو مو مستوعب و لا 1% من الي في المحاضرة اهني الخلل من الدكتور

ترا واجد اعرف طلبة يطوفون مواد لفل 4 ب B و فوق و هم ما يدرون شي عن المادة
اني اجوف لازم نتحرك على الموضوع و نجمع اسامي الطلبة و نوديهم القسم عشان نقشعهم من الجامعة لأن مصخوها
​
 
اني قبل مدة كنت مفكرة اكتب موضوع عن قسم الفايننس بس انت سبقتني

الحين بغض النظر عن شلون تدرس ليهم السؤال الي يطرح نفسه لمتى جدي؟ لمتى قسمنا ازفت قسم في الجامعة؟ الطلبة يتخرجون و لو تسألهم سؤال سخيف في الفايننس ما يعرفونه

صراحة اني مستغربة ليش الطلبة ساكتين عن الموضوع يعني هل عشان انهم يعطون درجات بالهبل؟ ترا والله مو اهم شي الدرجات ادا انتون متخرجين و ماتعرفون شي عن تخصصكم

الدكاترة كلهم هنود و مأساة و شرحهم زفت و خصوصا الي ذكرتهم (براساد ، شارما ، سامبا ، بورا و الخ من الي نسيتهم)
اني اعرف ان في الجامعة الطالب لازم يعتمد بجزء كبير على روحه
بس لما الواحد يدش المحاضرة و يطلع و هو مو مستوعب و لا 1% من الي في المحاضرة اهني الخلل من الدكتور

ترا واجد اعرف طلبة يطوفون مواد لفل 4 ب B و فوق و هم ما يدرون شي عن المادة
اني اجوف لازم نتحرك على الموضوع و نجمع اسامي الطلبة و نوديهم القسم عشان نقشعهم من الجامعة لأن مصخوها
​

أأيدش بكل كلمة قلتينها... شنسوي بدكتور يعطي درجات؟ وجم درجة بيعطي اصلا 5 درجات او 10 ؟ انزين وبعدين؟ شنو استفاد الطالب وشنو فهم!
واجد تقهر هالسالفة يعني البزنس واجد فيها دكاترة ممتازين مافي اﻻ الفايننس جدي!! لو نحسب الدكاترة الزينة جم بيطلعون؟ 3 او 4 يمكن انزين وباقي المواد اﻻ مايدرسونها هالدكاترة شيسوي الطالب!
ترى واجد طلبة فكروا يدشون بانكنق اند فايننس بس السبب اﻻ خلاهم يتراجعون انه مافي دكاترة فايننس عدلة!! يعني الواحد يشيل التخصص من باله بسبب دكاترة!

في الوضع الحالي مافي اﻻ اﻻعتماد على النفس والدراسة الذاتية مافي حل غير للأسف
 
عاشور حاليا اخد عنده وااجد يركض و العملي الا يمبي ليه تركيز مو قاعد يشرحه عدل ,للاسف مافتحت المادة للحين فمااقدر افيد في شي ,نصيحتي اطبع النوتات و اكتب لو كلمة من الا يقوله.

اما بالنسبة الى دكاترة الفايننس من اسوء الدكاترة في الكلية مو الكل في جم دكتور/ة اوك, لدرجة كل مواد الفايننس الا خديتهم درستهم ذاتي من الكتاب افهم الا يدور في المقرر ابروحي ,الدكاترة مو متمكنين من المواد نهائيا و مايساعدون في الشرح . تخصص يمبي ليه فهم كفاية و اتعب الدراسة الذاتية و للاسف درجات المواد الباقية اعلى من مواد تخصصي.

اتمنى يجوفون حل لقسم الفايننس صراحة:sad_1:
 
فعلا دكاترة الفايننس لفل 4 تحديد من أسوء الدكاترة
سؤال عليه ألف علامة استفهام : الدكتور شريف تورين و الدكتورة بتول و الدكتورة سوماثي ليش ما يدرسون مواد لفل 4؟!
بتول تدرس سكشن واحد fin411 و أكثر من سكشن ل fin220 و شريف تورين ما يدرس الا fin220 و سوماثي fin320 و fin221

بتول و شريف و سوماثي من أفضل دكاترة القسم ليش ما يدرسون مواد لفل 4 الأكثر تخصصية من لفل 2 و 3 ؟!!
 
فعلا دكاترة الفايننس لفل 4 تحديد من أسوء الدكاترة
سؤال عليه ألف علامة استفهام : الدكتور شريف تورين و الدكتورة بتول و الدكتورة سوماثي ليش ما يدرسون مواد لفل 4؟!
بتول تدرس سكشن واحد fin411 و أكثر من سكشن ل fin220 و شريف تورين ما يدرس الا fin220 و سوماثي fin320 و fin221

بتول و شريف و سوماثي من أفضل دكاترة القسم ليش ما يدرسون مواد لفل 4 الأكثر تخصصية من لفل 2 و 3 ؟!!

اني برايي هدا مو هو الحل
ترا مهما يكون د. بتول و د. شريف و سوماثي يظلون 3
مو معقولة بيقدرون يدرسون 11 مادة فايننس و كل السكاشن
و لا تنسى مواد الفايننس المشتركة بين الكلية ساعات يوصلون 10 سكاشن

الحل انهم يستبدلون هالدكاترة الفاشلين بدكاترة بدالهم زينيين او ع الاقل مقبولين يعني نستوعب و لو 50% من الي يقولونه
و الي يقهر في الموضوع الدكاترة الي مو اوكي كلهم هنود يعني كله عقد يقدرون يكنسلونه او ما يجددونه ادا انتهى
مو نفس الدكاترة البحرينيين صعب تشيلهم من الجامعة بما انهم مواطنين

​
 
كلام سليم اختي نارسست

+100000000

الجامعة لو تبي تجيب دكاترة عدلة تقدر بس راح يطالبون برواتب اعلى وامتيازات اعلى

الفايننس تخصص عميق ومال عباقرة بجد بس اتكلم عن اللي فاهم 100 %

مو اللي رايح كاش الشسمة وجاي يتطنطح مستانس :tongue343:

وفعلا مخرجات الفايننس في جامعة البحرين ضعيفة باستثناء

اللي ياخدون دروس خصوصية او متفوقين او شغالين على نفسهم

والدروس الخصوصية مكلفة وموشرط بعد ينجزون فيها

بالنسبة لدكاترة الهنود ياخذونهم لان رخيص وقوي :RpS_scared:

الهنود بكل مكان رخيص وقوي

بس للاسف كنت اتمنى في لجنة رقابة على تقييم اداء الدكاترة ومحاسبتهم على التقصير

الاساس المدرسين في المدارس واجد منهم تعابة وتجي الجامعة تجوف اتعس واتعس

حقيقة يصيبك احباط واكتئاب وتكره الدراسة وتحس نفسك تقضي سنوات على الفاضي

انا عن نفسي مقهوووووووووووور على دكاترة الجامعة في كل الكليات

واجد منهم خمام في كل شيء الاماندر ولااعلم كيف اصبحوا دكاترة حقيقة

دكتور الاكونت ح.خ. من الاردن هذا شنو مستفيدين منه

دكتور الاكونت ع.ج من مادري وين وش مستفيدين

القائمة تطول وتطول

تعبنا وتخرجنا ولكن للاسف كل سلفي ضرب سلفي

حقيقة ما اشعر في قرارة نفسي متمكن من تخصصي 100%

فاهم وراح احصل وظيفة لاخلاف في ذلك

ولكن كانت امنيتي ان ابقر على المحاسبة بقرا

ولكن انشاء الله سوف اتوج تجاربي ومجهودي في نيل

اعلى مراتب الشهادات الاحترافية

اما الشهادات الاكاديمية فوجهة نظري انها بالية وبالامكان شراؤها

ختاما

الحل في يد الجامعة

اذا اهما يبون يجوفون حل راح يحلون الموضوع

1- اقالة جميع الدكاترة التعبانين في الجامعة :



والله شنهو فايدة التقييم اللي يوزعونه كل فصل واحنا نتعب نفسنا ونقيم من 1 الى 5

في الاونة الاخيرة ماعور راسي ولا اقيم احد وامشي من السكشن بدون تعبير لهالورقة البالية

ونصيحتي لكم ياطلاب وطالبات لحد يتعب نفسه في التفكير ولحد يقيمهم ويفضل الخروج الجماعي بمجرد دخول موزع الاوراق

كحركة استنكارية لهذه المهزلة والسخافة.

لان الاوراق ياخذونها ويقطونها في الزبالة بدون النظر لها وكلامي من مصدر موثوق وعالي المستوى بالجامعة
والله على مااقول شهيد

ولكن هو مجرد اجراءات ديكورية فقط

2- تكوين لجنة من مجلس التعليم العالي تقوم بتقييم جميع الدكاترة ومحاسبتهم على التقصير .

3- حبذا بعد عمل انتخابات لاختيار الدكاترة المرغوبين لتدريس مقررات معينة

وفي الكثير الكثير من الحلول

بس مدام الفساد مستشري فنقول على الدنيا السلام

وجعتوا مصاريني وقلبي من الصبح
 
أأيدش بكل كلمة قلتينها... شنسوي بدكتور يعطي درجات؟ وجم درجة بيعطي اصلا 5 درجات او 10 ؟ انزين وبعدين؟ شنو استفاد الطالب وشنو فهم!
واجد تقهر هالسالفة يعني البزنس واجد فيها دكاترة ممتازين مافي اﻻ الفايننس جدي!! لو نحسب الدكاترة الزينة جم بيطلعون؟ 3 او 4 يمكن انزين وباقي المواد اﻻ مايدرسونها هالدكاترة شيسوي الطالب!
ترى واجد طلبة فكروا يدشون بانكنق اند فايننس بس السبب اﻻ خلاهم يتراجعون انه مافي دكاترة فايننس عدلة!! يعني الواحد يشيل التخصص من باله بسبب دكاترة!

في الوضع الحالي مافي اﻻ اﻻعتماد على النفس والدراسة الذاتية مافي حل غير للأسف

كلامك أختي سليم 100% كحل مثالي
و لكن في الوضع الحالي و كالعادة متوقع الجامعة تتعذر بالميزانية ! فأضعف الحلول انقاذ مواد لفل 4 التخصصية مع العلم بأن
مواد لفل 2 و 3 في دكاترة جيدين منهم سارة البلوشي و مهدي ميلي و المناعي

و فعلا في الوضع الحالي الإعتماد على النفس بنسبة 100% و لكن المصيبة إذا الدكتور امتحاناته من الفضاء و شرحه سيء !
 
المصيبة الثانية عدد من الدكتارة الممتازين في القسم طلعوا من الجامعة
منهم الوصابي و روزولين و حاليا لبنى الخليفة ...و السبب مجهول !
 
مثل ما قال احد الاخوان لفل 3 فیه دچاتره جیچین مثل چکتورئ سارا و سوماثي و الدكتور مهدي ميلي .. هؤلاء كان جدد قبل فصلين ..

الدكاتره الهنود , الجامعه ملتزمين معاهم بعقد .. يقرون يشيلونهم بالراحه لكن هناك مبالغ تعويضية فبدل دفعها ,, يدرس و يكملمدة العقد ،، و الطامه الكبرى أذا تجدد العقد ..

و ترا طاقم الدكاتره قاعد يتغير كل فصل دكتورين او ثلاثه جدد و جفت هالشيء في تخصصي الفاينيس و تخصص الاكاونتينغ .. بسبب الاعتمادية الامريكية الجديدة للجامعة


برساد أخذت من عنده الفصل اللي راح ، و بنفسه قال هاذي أخر سنه له في الجامعة ..
طاقم الدكاتره يتغير و هالهنود ليس سوى اختيارات للادارة السابقه لقسم الفاينيس

المشكله في أختيار الدكاتره .. و جعلهم يبقون في الجامعه و اعطاءهم امتيازات .. هذا يمكن يكلف علا الميزانيه اللي مادري وين ترووح
بس الفائدة الكبيرة راح تكون للطلبة من الناحية الاكاديمية و العلمية ...

أتذكر دكتور طاهر طياشي ,, من اروع الدكاتره اللي درسوني في الجامعه و اعتبره من أكفاءهم .. تدخل المحاضره تفهم كل شيئ .. نعم يكتب و طريقته قديمه في الشرح ( الكتابه كل شيء على السبورة ) لكنها تخلي الطالب يفهم و يكون على الطريق الصحيح للدراسه .. و لكن لم يكمل سنه واحده و راح

أتمنى القسم يجلب مثل هالكفاءات اللي تشبه دكتور طاهر و دكتور مهدي ميلي ..
الشيئ الوحيد المؤسف بأن الجامعه كانت تفخر بقسم الفاينيس و الأن هذا القسم يعتبر الاسوأ و لا يزال في انحدار
,, رغم السلبيات هناك بعض الايجابيات اللي ذكرتها مسبقا أتمنى تكون الأمل للدفعات الموجوده و القادمة
​
 
أتمنى تكون الأمل للدفعات الموجوده و القادمة


اي و اني لهالسبب كتبت ردي السابق
اني عن نفسي مو مستفيدة ولا شي لو غيروا الدكاترة لأن هالكورس عندي آخر مادتين فايننس و بخلص مواد الفايننس كامل
بس الهدف من هالحجي كله هو الدفعات القادمة
ما نبيهم يمرون باللي مرينا فيه :/
​
 
وعليكم السلام ورحمة الله وبركاته

انا بالنسبة لي نظرتي الشخصية بخصوص الدكاتره المذكورين مختلفة عن معظم الاخوة اهني, اعتقد الردود تحتوي على تضخيم في اظهار الدكاتره بشكل سلبي جدا
انا ادرس عند تقريبا كل دكتور تم ذكره, نعم مستواهم ليس بذاك المستوى من الابداع في الشرح, لكن مو معناته ان ولا كلمة يقولونها فيها فائدة!, لا ابدا على العكس, انا شخصيا بدأت اراجع في الايام الاخيرة كاستعداد مني للتستات القادمة, وعند كل نقطة امر عليها في السلايدات او الكتاب وانا اراجع اتذكر تعليقات الدكتور عليها واضافاته في الشرح, وتفيدني جدا في الفهم واستيعاب الدروس..., وطبعا انا مو الاستثناء الوحيد عن البقية, اعتقد فيه غيري ايضا مثلي, يعطون انتباههم وتوجههم للدكتور, لا الى تأففات ونفخات التضجر والتململ الصادرة من كل صديق وزميل معانا في السكشن, ومن ثم تنتقل العدوى اليي شخصيا!...
الدكاتره بكل بساطة شخصياتهم ما بين الضعيفة والغير كايرزماتيه, ضعيفة مثل سامبا, ضعيف السمع ويعطي توجهه لشخصين بدون تركيز لباقي جوانب السكشن, وهادئة ساكنة بدون facial expressions الا ما ندر مثل شارما وبراساد, مع كلام متواصل غير منقطع طوال المحاضرة بنبرة صوت واحده ما تتغير. وللاسف هذا مو من النوع اللي معظم الاخوة الزملاء يطيب لهم الاستماع له, الاخوة الزملاء يريدون شخص حاضر يتتبع كل حركاتهم وتعابير وجههم ويعلق عليها ويدلعهم ويمازحهم ويضحكهم حتى يبقيهم حاضرين مركزين في المحاضرة والا, والا بينامون, وفعلا وجدت اثنين من الزملاء ينامون!, او بيتمللون ويلعبون في التلفونات او يسولفون, المهم لازم يسلي نفسه ما يعرف للهدوء.... يتملل ! يا بنام يا بلعب وبسولف..

لا والله الدكاتره شرحهم فيه فائدة, وايا يكن فيما يخص سلبياتهم, في الوقت الحالي من يريد التأقلم, لازم يطور من نفسه بحيث يقدر يميز ويش المهم من الكلمات اللي يلقيها كل دكتور في اثناء المحاضره فيسجلها في دفتره, وبشكل سريع, وهذا ما يكون الا بالتحضير قبل المحاضرة, الدكتور ما راح يشدد على النقاط المهمة في نبرة صوته ويكررها ثلاث وخمس مرات ولا راح يكتبها على السبورة, انت تلقفها واكتبها حتى تستفيد منها اثناء المراجعة, وان شاء الله تكون هناك استفادة...
 
حاليا أنا مع سامبا ف 425 و 426 , في فايننس 425 شرحه زين و ينفهم له و الأمثلة اللي يحلها وايد مفيدة خصوصا إن المادة عملية , بس 426 الدكتور صراحه تعبان و كلش مو متمكن من المادة
 
عودة
أعلى أسفل