مشكلة اللغة الإنجليزية | إيجاد حلول

[إيقاع]

بسم الله الرحمن الرحيم
اللهم صلِّ على محمد وآل محمد وعجل فرجهم يا الله يا كريم

السلام عليكم ورحمة الله وبركاته

>> كأني بقول بيان ؟ بيان لو زهراء ؟ المهم ما علينا من هالمقدمة التلطيفية

اللغة الإنجليزية مشكلة تواجه عدد كبير من الطلبة، في المدرسة وفي الجامعة.. فما الحل يا ترى ؟
أعرف القراءة حل.. مشاهدة الأفلام حل... ووو لكن هل سبق وطبقتون هذه الحلول ؟ ما مدى نجاحها ؟
أفتح الموضوع على أمل نوجد حل جماعي كل اللي يعانون من هذه المشكلة يستفيدون منه.


شاركونا بكل تجاربكم، اقتراحاتكم، أفكاركم.. وأي شي يخطر على بالكم.. بشكل عام كطلبة جامعيين، وبشكل خاص في القصة التالية :

ممكن أحد يتساءل شنو دافعي من وراء هالموضوع ؟ أنا أواجه حاليا مشكلة حقيقية.. لا تتعلق بي بالدرجة الأولى.
عندي أخ صغير في الصف السادس الإبتدائي.. طبعا شاطر وذكي وما أقول هالكلام لأنه أخويي " حتى وإن كان ذكي لأن أخويي #التواضع "
بس هو متعقد من اللغة الإنجليزية نوعا ما.. لأن اللي يعرفه فيها لحد الآن تقريبا " ولا شي " والفصل اللي طاف جاب درجة مو حلوة فيه، صحيح بعده إبتدائي ودرجاته مو مهمة، لكن الموضوع خلاه يصير عصبي من ينجاب طاري الإنجليزي واشوي ويصيح ، حتى قام يقول لي : أنا خلاص بدرس عربي في الجامعة وبطلع الأول .. - حتى اللي يدرسون عربي عندهم مقررات انجليزي - لا ؟ :mellow: يه

بالنسبة للمعاهد السنعة " اللي مدرسينهم أجانب " رافض رفض قاطع يروحهم، عشانه خايف يصير " مسبه " هناك ومو راضي يقتنع إنه اشوي اشوي بيتعلم، يقول يتعلم أول بعدين يروح ، والمعاهد " اللي مو سنعة " راح يمكن اثنين لو ثلاثة ما استفاد شي .

مؤخرا اقترحت عليه إني أعلمه.. واستانس واجد وتحمس ، طبعا طبعا أخته الكبيرة بتعلمه شلون ما يستانس
بس.. شلون بعلمه وأساسا مستوايي مو قوي، ولا حتى متوسط بعد :tears:
الشي اللي ما أبيه يصير.. إنه يكبر وعنده هذا الهاجس وهذا القلق - مثلي -


بالعربي: أحتاج حلول ليي، وليه، وللي يحتاجهم

بانتظاركم
وبالتوفيق للجميع

 

[رَحِيــلْ ،]

جَمِيل..

بالنسبة ليي مثل المشكلة تقريبًا ، إنجليزيتي مو لهذاك الزّود
صحيح إنها تمشيني بسلام في مقرراتي الثلاثة،
ولكن، إذا ما كنت بحاول أطور إنجليزيتي للـ A
فعلى الأقل أطورها كعلم من العلوم ، كنوع من الأدب أو كَشيء من المعرفة ، نظرًا للحاجة إليها في الحياة مهما يكون!
عمومًا ، الموضوع مو رحيل حاليًا ،
بالنسبة ليي إذا احتجت وما فهمت عدل من الدكتور، أو أمبي أطّلع أكثر.. أرجع لبعض الكتب، ووممكن أرجع للانترنت أحيانًا .
وكاقتراح، بالإمكان الحصول على بعض الكتب التأسيسيّة للإنجليزية
على سبيل المثال ، لا أعلم إن كان أقل أو أكثر أو يساوي المستوى المطلوب لأخوش الصغير أو حتى إليش
- بالإمكان الرجوع لكتاب اسمه : English vocabulary in use
وفيه مثله يتبع القواعد : English grammar in use
أسلوبه مبسط، مدعم ببعض الصور إن تطلب الأمر،
يقدَر الواحد يدرس منه حتّى ذاتي لأنَّ طريقة الشرح سهلة وواضحَة، ما أحس فيها مفردات صعبة..
يوضّح الاستخدام الصحيح للكلمة أو الجملة أو القاعدة، في بعض الأحيان ينبّه إن هذا الاستخدام خطأ
إضافةً يوفّر بعض التدريبات بعد كل درس، وموجودة الأجوبة في النهاية .
هذا حاليًا اللي أقدر أقترحه..



​

 

[Blue Castle]

عليكم السلام و رحمة الله و بركاته
مثل ما ذكرتين الأفلام و القراءة هي أحد الحلول الشائعة لهالمشكلة بس ما تناسب الكل على الاقل كبداية لانه بكون مو عارف اساساً ويش قاعد يقرأ بالإضافة انه بيطيح في بعض الإشكالات خصوصاً في لقرمر و ال ار ريغيلر فريب يعني على سبيل المثال انا سابقاً اذا اشوف كلمة find و found ما ادري انهم نفس الفعل بس هذا مضارع و هذا ماضي . كبداية أقترح انش تبدين اياه بجمل بسيطة تكون بس في المضارع و تكون مربوطة بالواقع إلي يعيشه على سبيل المثال : " My mother clean my room " ، " My father go to supermarket " و اشياء ممثالة بالإضافة خليه يزيد مصلحاته بالإنجلينزي على سبيل المثال الاشياء الي تستخدمونها في البيت كبداية بعدين الاشياء الي برا البيت ، اغراض البرادة و بالترديج شوي شوي يزيد مصطلحاته ، اذا شفتين ان عنده كمية معقولة بالنسبة لسنه من المصطلحات تقدرين تبدأين تعلمينه شلون يحول الجمل من المضارع إلى الماضي و انتبهي لسالفة الريغيلر فيرب و ار ريغلير فيرب و فهميه سالفتهم من البداية ، تقدرين تستخدمين هذا البرنامج الموجود في google play اسمه " English Irregular Verbs" عشان تعلمينه ال ار ريغيلر فيرب منهم ، بس الافضل كبداية تبدين اياه الريغيلر فيرب الي تحويلها الى الماضي يكون في النهاية "ed" و اذا تعود تعلمينه ال ار ريغيلر ، بعد هذا تقدرين تبدين تبدين اياها في لقرمر شوي شوي على سبيل المثال في الاسئلة متى يستخدم did أو do أو does و نستخدم كل واحد لاي بروناون و في الكلام في زمن و و تواصلين على هالطريقة بالتدريج في لقرمر بحيث انه يتعلم و في نفس الوقت يزيد مصطلحاته من الاشياء حوله أو حتى الكلامات الغريبة الي تنقال قدامه في الصف او من الافلام ، إضافة إلى هذا الشي دائماً حاولي تتكلمين اياه بالإنجلينزي صح ان لغتنا هي العربي و البيت بكون كامل يتكلم هاذي اللغة بس على الاقل الي يعرفون انجلينزي خل يتكلمون اياه هو بالتحديد بالانجلينزي بحيث تكون اللغة عنده شيء عادي و اذا شفتينه تطور اشوي في الإنجلينزي تقدرين تخلينه يدخل هذا الموقع هو عبارة عن شات مع روبوتات بحيث انه يقدر يتكلم اياهم كتابةً و هو يردون عليه هذا رابط الموقع :
http://www.tolearnenglish.com/free/celebs/alice.php
اذا شفتين ان لغته قاعدة تتطور تقدرين تشوفين كتب تحتوي قصص فصيرة بالإنجلينزي بحيث انه يقراهم و يبحث في المفردات الي ما يعرفها هذا الشي تقدرين تروحين لكتب بلفل اكبر اشوي يعني تحتوي قصص بحدود صفحة إلى صفحتين و نص تحصلين هالكتب في المكتبات مثل المكتبة الوطنية في مدينة عيسى أو حتى بعض المكتبات الي تبيع كتب و روايات

 

[المهندس عبدالله]

اممم شي حلو تبين تساعدين اخوش احييش على هل خطوة الرائعة...
يوم كنت صغير كانت امي تعلمني كل شي كنت استانس واجد لين تدرسني اله الانجليزي و العرب.... هي سبب لي عقدة للين ما صرت في الثنوي...واجد تحجيت عن دكرياتي
المهم اهم شي انه يتعلم مفردات و بعدين قرمر و رايتنق و الريدنق هي امور مقدور عليها... هو المشكلة مو من اخوش التعليم في المدارس فاشل حده... اقترح تراوينه رسوم بالانجليزي
تعلمينه جيفه يقول شي بالانجليزي... استخدمي طريقة المقارنة واجد تنفع... ادا عنده اجهزة ذكية تابلت نزلي ليه كتيبات مال اطفال حق يقراهم بنفسه... اهم شي تقوين ثقته بلغته... و احسن طريقة هي التفاعل وياه... حاولي تجيبين امثلة تجدب انتباهه.....
ما ادري في اشياء واجد علميه خطوة بخطوة...لا تنتقلين لموضوع ثاني بسرعة خلش وياه في موضوع معين لمدة معينه مثلا يومين او اسبوع عشان تركز الفكرة في مخه...
بنسبة للكتب لا تدرسينه مباشرة منهم حاولي تبسطين الموضوع او تقسمينه عشان يصير سهل عليه..

بتوفيق

 

[إيقاع]

@Blue Castle @رَحيل @المهندس عبدالله

شكرا جزيلا على تفاعلكم، ونصائحكم القيمة.. إن شاء الله أعمل بها.

اليوم كان أول حصة لينا والحمد لله كانت تجربة إيجابية ، إن شاء الله نستمر على هذا النحو وأفضل.
أجمل ما في الأمر إن أخويي الثاني - اللي عادي تقتله بس ما تخليه يتعلم شي - تحمس للموضوع بعد وقال يبي يتعلم ويانا وكان يبيني أعيد له درس اليوم.. بس ماقدر صراحة فخليتهم يساعدون بعض في اللي عطيتهم اليوم وتشجعوا أكثر

أكثر شي أسعدني، يقولون لي: إذا صرتين معلمة طلابش بيستانسون وبحبون المادة
>> أخجلوني حتى لو كان نفاق على خفيف #ماتغلبهم_في_المجاملات_إذا_كانت_لمصلحتهم

 

[Blue Castle]

@Blue Castle @رَحيل @المهندس عبدالله

شكرا جزيلا على تفاعلكم، ونصائحكم القيمة.. إن شاء الله أعمل بها.

اليوم كان أول حصة لينا والحمد لله كانت تجربة إيجابية ، إن شاء الله نستمر على هذا النحو وأفضل.
أجمل ما في الأمر إن أخويي الثاني - اللي عادي تقتله بس ما تخليه يتعلم شي - تحمس للموضوع بعد وقال يبي يتعلم ويانا وكان يبيني أعيد له درس اليوم.. بس ماقدر صراحة فخليتهم يساعدون بعض في اللي عطيتهم اليوم وتشجعوا أكثر

أكثر شي أسعدني، يقولون لي: إذا صرتين معلمة طلابش بيستانسون وبحبون المادة
>> أخجلوني حتى لو كان نفاق على خفيف #ماتغلبهم_في_المجاملات_إذا_كانت_لمصلحتهم

عفواً

 

[yagmur]

ما شاء الله ردود بعض الاعضاء ممتازة
إضاافة =) :
اللغة سهلة واسهل من اللغة العربية
من خلال متابعة الافلام و القراءة - و الاستماع الى الاخبار و البرامج الاجنبية تفيد واااجد
أني واجد كانو يقولون لي كلة اسمعي اغاني عشان لغتش تتقوى للاحسن بس اني ماحب حياتي كلها اغاني
فاسمع للاخبار =) ...
في استاد ودكتور اعرفهم للحين يسمعون للاخبار اليومية والبرامج ... الواحد لازم دايما يتابع ويسمع عشان لغته تتطور للاحسن والافضل
اني لو على طول اقرا كتب و اسمع مثل قبل ... كان الحين لغتي اقوى بواجد
بس كلش ابتعدت عن هالامور
واللي يحب يطور القواعد يقدر يشتري كتب واااجد تفيد عندي كم كتاب بس مو داكرة الاسماء
في عضوة دكرت اسماء كتب جفتهم من قبل زينين ويفيدون صراحة ...
ادا تبين لغتش تصير أفضل مارسي اللغة ولا تهملينها ... شوي شوي بتجوفين روحش احسن من قبل ... كل شيء يحتاج وقت
اييي صح الدكشنري احسة مهم =)
بالتوفيق

 

[UOB-DESIGNER]

خليه يكتب فقرات بالعربي ..وبعدين يترجمها بلإنكليزي

عقب الترجمة خليه يحفظها ..وعقب ما يحفظها خليه يلقها قدامش وقدام الأهل..مرة مرتين ...جدي بتتطور لغته