لابتوب

[royal-rose]

سلام

أبي أشتري لابتوب
بس م اعرف ع اي أساس أختار أو ع أي أساس أعرف الأفضل

ف أبي تفيدوني بآرائكم و اقتراحاتكم بناءً ع خبرتكم و معرفتكم ف هالمجال

أبي لابتوب عملي و مو معقد و استعماله سهل و سعره مناسب
رخيص و قوي ع قولتهم


​

 

[Alkene]

كان عندي لاب توب توشيبا استخدمت حق 5 سنوات كان وايد زين بدون مشاكل لكن في اخر سنة و نص صار له مشكلة في البتري و ما كان يستحمل اني استخدمه بدون ما يكون على الجارج و كان عنده مشكلة في السيدي دايرف. لما رحت اشتري لاب توب جديد كنت ادور على توشيبا, بس مال المحل راواني انه اكثر اللي مشترينه مرجعينه لأن فيه مشاكل. الحين اقل من سنه عندي HP بدون مشاكل. عادتا على نهاية شهر 8 - بداية شهر 9 المحلات يسوون عروض مال العودة للمدرسة و تخفيضات على الاب توب.

 

[Noise-X]

سلام

أبي أشتري لابتوب
بس م اعرف ع اي أساس أختار أو ع أي أساس أعرف الأفضل

ف أبي تفيدوني بآرائكم و اقتراحاتكم بناءً ع خبرتكم و معرفتكم ف هالمجال

أبي لابتوب عملي و مو معقد و استعماله سهل و سعره مناسب
رخيص و قوي ع قولتهم
​

اللابتوب بشكل عام مناسب إذا كانت الحاجه تستدعي استخدام الكمبيوتر في اماكن مختلفة،
لكن كأداء و عمر و سعر فالكمبيوتر العادي افضل ..
وملاحظة بسيطة بتري اللابتوب يتحمل شغل متواصل في حدود 5-8 ساعات وعمره في حدود 3-5 سنوات بعدين تضعف وتخترب << أمر طبيعي يعني

الطريقة الافضل عشان اذا بتشترين لابتوب تتأكدين من مواصفاته ..
عادة المحلات ما يكتبون كل المواصفات بالتفصيل بس تقدرين تطلعينها من موقع شركة اللابتوب ..
بعدين تتأكدين من كل قطعة هل هي مناسبة للإستخدام المطلوب لو لا ..
القطع المهمة في الجهاز :
1) processor : اللي هو المعالج أو (عقل الكمبيوتر) اهم قطعة في الكمبيوتر،
وغالباً ما تكون من شركة intel من و الأنواع المشهورة ليها:
i3 - الاقل اداء ويصلح للإستخدام بسيط ( اوفس / تصفح .. )
i5 - اداء متوسط و يصلح للإستخدام المتوسط ( فوتوشب / تعديل فيديو / .. )
i7 - اداء عالي ويصلح للإستخدام المتقدم ( 3d / gaming / .. )
طبعاً هذا عشان التحليل البسيط ..
لمعرفة التفاصيل بشكل ادق انصح تبحثون عن نوع البروسسر في موقع intel وتشوفون مواصفاته اللي من اهمها:
- clock speed : اللي هو الرقم اللي يجي صوب البروسسر مثل ( 2.1GHz ) وهذا نقدر نقول بشكل بسيط سرعة المعالج.
- cores# : عدد الأنوية ( النواة اللي تعالج البيانات ) في i3 يجي نواتين و i5/i7 نواتين أو اربع، يعني لما يكون عندنا معالج سرعته 2.1 و يحتوي على 4 انوية بيكون مجمل السرعة 2.1 × 4 = 8.4GHz

* في اشياء ما شرحتها لكونها تجي بشكل افتراضي وي البروسسر .. اذا تبون تعرفون عنهم كزيادة معلومات بشرحهم بعد

2) RAM : او الذاكرة العشوائية، فائدتها ان لما نفتح ملف فهو ينسخ إلى الـ ram بشكل مؤقت لكونها اسرع من الهارسك في التعامل وي البيانات و البروسسر يتعامل وياها بشكل مباشر. فكل ما زادت مساحة الرام كان افضل و عادة تكون من 4 - 12 GB.
النوع المنتشر والمستخدم بكثرة -رخيص وقوي- هو ddr3.
* ملاحظة: حجم الـ ram يعتمد على المعالج بعضهم حده يتعامل وي 8GB فلو حطينا ليه 12GB فهو بيستخدم بس 8GB.

3) Hard disk : وحدة التخزين للجهاز، عادة في الابتوبات الجديدة تجي بمساحة 500GB أو 1TB.
النوع المشهور للتخزين هو HDD - رخيص وقوي - و في نوع جديد اللي هو SSD - اسرع في نقل البيانات بشكل كبير لكن اغلى - و النوع الثاني ما يحطونه إلا حسب الطلب لحد الآن.

4) Graphics : معالج الرسومات وعادة تكون مهمة في الإستخدام المتوسط و المتقدم ..
في الإستخدام البسيط فهي تجي داخلية (Integrated Graphics) وي البروسسر - في الإصدارات الجديدة من شركة intel - لكون الإستخدام البسيط ما يتعامل وي الرسوميات بشكل كبير وتقدرون تشوفون خصائصها من موقع intel، اما الخارجية (External Graphics) فيستخدمونها للإستخدام المتوسط و المتقدم وتجي من شركات ثانية اشهرها AMD و NVIDIA .. ولمعرفة الخصائص تشوفون موقع كل شركة.

5) مميزات إضافية - قد يكون مو كلها موجودة أو تختلف في العدد - :
منفذ CD/DVD
منافذ USB - منافذ USB3.0 افضل من USB2.0 -
مقاس الشاشة
البتري
Wireless & Bluetooth
نظام التشغيل - اجدد واحد windows 10 -
منفذ card reader - حق ميموري الكاميرات -
web cam
speakers
microphone
touch screen

فبتكون المقارنة في هذي الأمور و الأفضل ان تختارون المناسب للإستخدام، لأن بعض الأشياء الغير ضرورية يمكن ترفع السعر بشكل كبير مع انها ما بتستخدم في الواقع.

بالنسبة عن الشركات DELL / HP / LENOVO / .. ما اعطيها اهمية بداك الزود، اذا تبين تشوفين عيوب الجهاز بحثي في النت عن المشاكل في اسم الابتوب - مثال على الأسم ( Dell Inspiron 15 3000 Series ) - .
شكل اللابتوب تقدرين تشوفينه من موقع الشركة أو المحل نفسه يعرضون الأنواع اللي عندهم فتقدرين تشوفين الوزن و الدزاين وهي الأمور الخارجية، اما للأسعار تأكدي اكثر من محل لما تحصلين الأفضل بينهم، و الفرق يجي في حدود ( 5 - 20 دينار ) ويمكن السعر نفسه في كل المحلات.

 

[الألماسة]

افضل نوعين سمعت عنهم توشيبا و ديل DELL
لابتوبي DELL زيين يمكن عندي من 5 سنوات
سعره ما اذكر لان من زمان بس ما تذكر كان غالي يمكن بحدود مئتين و شوي

 

[yagmur]

أني لابتوبي LENOVO من 2011 عندي اياه للحين
بس مرة اخترب البتري وشريت جديد ..وماعانيت من مشاكل فيه

وعندي لابتوب ثاني جديد مو من زمان يمكن سنتين 3
ما كنت استخدمة بس الحين واجد استخدمه ومريح جدا بالاستعمال DELL
ماعرف نوعهم ولا اسعارهم للاسف

 

[أمواج]

حاليًا في بالي آخذ لابتوب جديد لأن لابتوبي صار شايب ومشاكله كثرت وما يتحمل برامج التخصص

في بالي أهم شي الرام والبروسسور .. فحطيت في بالي عالأقل الميموري 4GB والبروسسور i5/i7

الحجم ما ابغي صغير كلش .. شي يناسب .. والشركة ما أدري كل شخص رشح شركة غير

السعر في بالي بين 200 - 300 مو في بالي أزيد

استخدامي أغلبه للجامعة وللتصفح والفيديو .. مو ألعاب ولا تصميم

حاليًا اطلعت على كذا محل وشفت المواصفات ومن هالقبيل بس ما قررت

أفكر أهتم بالميموري أكثر من البروسسور .. i5 ممكن يكفيني .. بس الميموري أحتاجه للبرامج الكبيرة أزيد

@Noise-X

بما انك مثل التخصص وعندك خبرة .. عندكم اقتراحات بهالخصوص ؟

 

[_ALI_]

حاليًا في بالي آخذ لابتوب جديد لأن لابتوبي صار شايب ومشاكله كثرت وما يتحمل برامج التخصص

في بالي أهم شي الرام والبروسسور .. فحطيت في بالي عالأقل الميموري 4GB والبروسسور i5/i7

الحجم ما ابغي صغير كلش .. شي يناسب .. والشركة ما أدري كل شخص رشح شركة غير

السعر في بالي بين 200 - 300 مو في بالي أزيد

استخدامي أغلبه للجامعة وللتصفح والفيديو .. مو ألعاب ولا تصميم

حاليًا اطلعت على كذا محل وشفت المواصفات ومن هالقبيل بس ما قررت

أفكر أهتم بالميموري أكثر من البروسسور .. i5 ممكن يكفيني .. بس الميموري أحتاجه للبرامج الكبيرة أزيد

@Noise-X

بما انك مثل التخصص وعندك خبرة .. عندكم اقتراحات بهالخصوص ؟

حسب خبرتي ، توشيبا الكل يمدحه و انا استخدمه شخصيا للسنة الرابعة و ما واجهتني أي مشاكل فيه ما عدا البتري (حاليًا ما يشتغل لأكثر من 20 دقيقة)
و هذه مواصفات جهازي و كان قبل 4 سنين صعب أحصل لابتوب البروسسر الخاص به i5 أو i7 بسعر أقل من 300

 

[_ALI_]

...

تعليق بسيط نسيت أكتبه ، حاولي تاخذين اللابتوب بنظام 32-bit
لأن أكثرية البرامج تشتغل على نظام 32 ، أما نظام 64 فاحتمال يتعبش لان مو كل البرامج تشتغل عليه

 

[yasserebr]

بالعكس نظام 64 Bit هو الاظور و الافضل و معظم برامج 32 Bit تشتغل على 64 Bit

 

[_ALI_]

بالعكس نظام 64 Bit هو الاظور و الافضل و معظم برامج 32 Bit تشتغل على 64 Bit

صحيح أطور و أفضل ، بس لي تجربة شخصية مع بعض البرامج تشتغل على نظام 32 و ما تشتغل على نظام 64 و هذا شيء غير محبب بالنسبة لي

 

[Noise-X]

حاليًا في بالي آخذ لابتوب جديد لأن لابتوبي صار شايب ومشاكله كثرت وما يتحمل برامج التخصص

في بالي أهم شي الرام والبروسسور .. فحطيت في بالي عالأقل الميموري 4GB والبروسسور i5/i7

الحجم ما ابغي صغير كلش .. شي يناسب .. والشركة ما أدري كل شخص رشح شركة غير

السعر في بالي بين 200 - 300 مو في بالي أزيد

استخدامي أغلبه للجامعة وللتصفح والفيديو .. مو ألعاب ولا تصميم

حاليًا اطلعت على كذا محل وشفت المواصفات ومن هالقبيل بس ما قررت

أفكر أهتم بالميموري أكثر من البروسسور .. i5 ممكن يكفيني .. بس الميموري أحتاجه للبرامج الكبيرة أزيد

@Noise-X

بما انك مثل التخصص وعندك خبرة .. عندكم اقتراحات بهالخصوص ؟

حق استخدام عادي وإلى الوندوزات الجديدة (8.1/10) البروسسر على الأقل 1GH ..
يعني لو تحصلين بروسسر i5 أو i7 بسرعة 2GH واجد تمام " طبعاً في الأستخدام الكلي بتوصل السرعة في حدود 3GH - على حسب نوعية البروسسر -
يكون البروسسر من الجيل الخامس أو الرابع على الأقل " الاصدارات القديمة يصرفون كهربا اكثر ".
الأفضل يكون البروسسر 64 bit و النظام بعد " جميع البرامج تشتغل عليه + بعض البرامج ما تشتغل إلا على 64 bit "
* حسب الإستخدام اللي قلتينه ما احس بيفرق اذا كان i7 او i5 " كونهم متقاربين من ناحية الأداء في المستوى المتوسط "

الرام على الأقل 2GB إذا البروسسر 64bit .. و الرام ممكن تتغيرينها بعد فترة اذا حسيتنها قليلة .. وتكون في حدود 4 أو 6 تمام
حجم الابتوب يجي على حسب مقاس الشاشة - كل ما كبرت الشاشة زاد السعر -، ما انصح تكون الشاشة لمس
الأغلب يجون بمقاس 15 inch " طول القطر " حتى لو صار 14 /13 احسها مناسبة

الشركات، بالنسبة ليي استخدم DELL حالياً وما اواجه مشاكل من ناحية توفير درايفرات للابتوب، بس البتري تعب بعد كراف 3 سنوات
وشركة lenovo انها تمام بعد - رخيص وقوي -، باقي الشركات مو متأكد منها.

* إحتمال كبير تجي وي هالنوعية من الابتوبات external graphic card وتكون في حدود 1 أو 2 GB
* الأسعار المفروض لدي المواصفات بتكون في حدود 200 - 260
* احين فترة العوودة للمدارس فبتكون عروض عليهم ويمكن تنزل شغلات جديدة السوق.

في حال اخذتين لمحة عن الاجهزة المعروضين و في بالش مميزات معينة تقدرين تحصرين الإختيار بشكل مبدئي،
بعدين تشوفين مواصفات كل جهاز بشكل تفصيلي من النت وتختارين الأفضل و الانسب.

 

[أمواج]

رحم الله والديك اخوي @Noise-X
احس رتبت في بالي شنو آخذ وكنت شوي مشوشة
شكرا جزيلا

 

[_ALI_]

ما انصح تكون الشاشة لمس

نقطة لفتت انتباهي في ردك و حبيت اعرف سببها كوني كنت افكر مستقبلا بشراء لابتوب يدعم اللمس
طبعا بحثت في قوقل عن بعض الاسباب و لكن حبيت آخر رايك بعد عن هذه النقطة و ليش ما تنصح باللمس

 

[Lil-H]

أفكر أهتم بالميموري أكثر من البروسسور ..

اهتمي بالبروسسور اكثر لان الرام بسهولة جدا تبديله/تزيده في المستقبل لو حاسه انك محتاجة اكثر

 

[المهندس عبدالله]

اهتمي بالبروسسور اكثر لان الرام بسهولة جدا تبديله/تزيده في المستقبل لو حاسه انك محتاجة اكثر

على حسب في ويش بتستخدمه يفضل انه تهتم بالثنين بس اذا استخدام خفيف تهتم بالبروسسير.. حق العاب برامج 3D وجدي الرام+ البروسسير...

 

[Noise-X]

نقطة لفتت انتباهي في ردك و حبيت اعرف سببها كوني كنت افكر مستقبلا بشراء لابتوب يدعم اللمس
طبعا بحثت في قوقل عن بعض الاسباب و لكن حبيت آخر رايك بعد عن هذه النقطة و ليش ما تنصح باللمس

الابتوب بشكل عام مومال استخدام لمس ..
يمكن يكون مفيد في بعض الشغلات، بس من ناحية توافق البرامج وجدي مو الكل يشتغل فيها اللمس بصورة صحيحة.
خلافاً عن السعر
اذا تبي جهاز لمس عندك اجهزة tablet