الجدول ينزلونه لش أول كورس بالمواد اللي تحتاجينها ليه. في البداية يمكن ما تقدرين تحذفين مواد لأن ممكن إذا حذفتين مادة أول فصل يكون عدد الساعات أقل من المسموح. فاللي تقدرين تسوينه تضيفين مادة - ما تحتاج متطلب سابق - وممكن بعدين تحذفين مادة أخرى.
وخيار تبديل السكاشن بكون متاح أيضا.
هذي نبذة عن الوضع بشكل عام. في حالتش اعتمادش على تبديل السكاشن بما يتناسب مع وقتش.. فاللي عليش تتابعين المقاعد الشاغرة لما تبدأ المرحلة الأخيرة للتسجيل عشان تشوفين أي سكاشن تقدرين تبدلين ليها، في حال توافر مقاعد - ونادرا ما تتوافر للعلم فقط - .
طبعا لازم اللي بتبدلين ليه ما يتعارض وي مادة ثانية، فممكن تحتاجين تحذفين وتضيفين في المواد و - بحركة صاروخية - .
على حد علمي الدفعة الجديدة ما يكون ليها تسجيل بالحضور الشخصي اللي يتم من خلاله الآد جير، بس ذكروا الأعضاء في مواضيع سابقة إن يصير لذلك تأكدي.. في هذه الحالة تقدرين تتفاهمين وياهم وينزلون لش.
اللعام.. بعض الطلبة اللي حولوا تخصصاتهم بعد نتائج القبول ما نزلت ليهم الجداول لين ما بدأ الفصل، فراحوا للتسجيل ينزلون ليهم وأعتقد خلوهم يختارون السكاشن اللي يبونها، بس مو لكل المواد بعد.
بما معناه جربي تروحين وتشوفين.
