استفسار

[hussain.f]

السلام عليكم
المعذرة ..
في موقع الجامعة كاتبين تاريخ 10\9 تنزل الجدول الدراسي
وأخر موعد تسليم اوراق المنحة للوزارة تاريخ 7\9 !
وفي شروط المنحة كاتبين يبغون نسخة من تسديد الرسوم الدراسية للفصل الاول !!

 

[Prince.11]

السلام عليكم
المعذرة ..
في موقع الجامعة كاتبين تاريخ 10\9 تنزل الجدول الدراسي
وأخر موعد تسليم اوراق المنحة للوزارة تاريخ 7\9 !
وفي شروط المنحة كاتبين يبغون نسخة من تسديد الرسوم الدراسية للفصل الاول !!

في إرشادات الجامعة موجود بعض التعليمات المهمة وهي بالنسبة للطلبة المبتعثين خصوصًا ..

اذا طلعت النتائج بكرة الساعة 4 العصر ..
راح تطلع رسالة القبول " رسالة القبول عبارة عن اسمك ومعلوماتك و التخصص الي انقبلت فيه " ..
هذ الرسالة تطبعها و توديها الى الوزارة او الى أي جهة ابتعاث ..
طبعًا لازم تثبت قبولك عشان تكون رسمياً انت طالب في جامعة البحرين ..

شلون تثبيت القبول ؟؟

بعد ما تطلع لك رسالة القبول ..
اضغط موافق عشان تنتقل الى الخطوة الثانية ..
الخطوة الي بعدها و هي تثبيت القبول ..

اذا كان الطالب مبتعث مجرد يضغط ابروف " Approve " ..
خلاص يتثبت قبوله " حتى لو ما شاف الجدول " ..
احنا قاعدين الحين نمشي في تثبيت القبول الجدول خله على صوب الحين ..
عقب هالخطوة خلاص انت ثبت قبولك و انهيت كل شيء ..

بعدها راح تشوف جدولك في اليوم المعلن عنه ..


أتمنى وضحت الصورة ..
الشرح على السريع ..

 

[hussain.f]

اي عدل كلامك ..
بس انا حصلت منحة مو بعثة
رسالة القبول حتى باجر اقدر اطلعه
المشكلة في رصيد الرسوم الدراسية الي يبغونة الوزارة في التاريخ المحدد الي ذكرتها فوق .

 

[ms.zanoob 95]

اخوي حتى لو كنت منحة اول ما يطلع القبول لازم تتبع الخطوات وبالنسبة لتثبيت قبولك في الجامعة = دفع رسوم المواد الدراسية وبما انك منحة الاكيد انك ما راح تكون تمهيدي مباشرة تخصص واحتمال ينزل جدولك بالمواد جاهز ويا القبول علشان تدفع مرة وحدة وبالنسبة لتاريخ 10/9 ف اتوقع هذا يخص اذا كنت راح تسوي تغييرات على الجدول او بتضيف مواد ثانية غير اللي نزلوها لك وتدفع قيمة المواد الاضافية

طبعا هذا على حسب ايام دفعتنا كان جدولنا بارز مع القبول واللي بعثات مجرد تثبيت واللي منح يدفعون وبعدها اخر تسجيل مجرد تغييرات بسيطة الا اذا الجامعة غيرت هالنظام بس الاكيد ان تثبيت القبول هو نفسه الدفع وبجذي راح يكون عندك رصيد الدفع قبل وان شاء الله يكون كلامي صحيح

موفقين

 

[Prince.11]

اي عدل كلامك ..
بس انا حصلت منحة مو بعثة
رسالة القبول حتى باجر اقدر اطلعه
المشكلة في رصيد الرسوم الدراسية الي يبغونة الوزارة في التاريخ المحدد الي ذكرتها فوق .

مثل ما قالت الأخت ..
يعني شنو تثبيت القبول ؟ يعني دفع الرسوم ..

اذا طلعت نتائج القبول ..
راح تتبع خطوات الدفع ..

بمعنى آخر .. اليوم العصر راح تطلع نتائج الدفعه ..
تتبع الخطوات المذكورة في موقع الجامعة ..

راح تصل الى مرحلة تثبيتى القبول ..
بما انك منحة.. راح تدفع عادي حالك حال الطلبة الي على حسابهم ..

الرصيد الي راح يطلع لك من بوابة الحكومة الالكترونية تبع الدفع ..
لازم تطبعه، و توديه الوزارة في الوقت المحدد لكم..

ما عليك من الجدول في هالوقت .. عليك من عملية الدفع ..
لانة عملية الدفع = تثبيت القبول ..

بما انك منحة يعني ما عندك اورنتيشن ( تمهيدي ) ..
يعني اول فصل راح يكون عندك أمّا 5 مواد = 120 دينار ..

أو راح يكون عندك 4 مواد = 96 ..

يعني راح تدفع بدون ما تشوف جدولك ..
وتاريخ 9/10 راح يطلع لك الجدول عشان التعديل بس ..

وضحت الصورة اخي ؟!

 

[hussain.f]

يعطيكم العافية وشكرا