الحصول على الرغبة السابعة

[Fatima97]

السلام عليكم '' تقدمت بطلب الالتحاق بالجامعة هذا العامو معدلي 91.8 "" تفاجأت بنتيجة القبول وهي حصولي على الرغبة السابعة :سياحة: "" رغباتي الاربع الاولى كلها كانت في كلية العلوم الصحية "" مع العلم اني حصلت بعثة سياحة ورفضتها ووقعت على الرفض اشلون الجامعة تعطيني هالتخصص وهوه اساسا مو رغبتي

شلون اتصرف وانا هالرغبة كلش مو رغبتي واني خريجة علمي بعد"" الرجاء المساعده

 

[إيقاع]

بمجرد تحصلين بعثة في جامعة البحرين حتى لو رفضتينها.. يقبلونش في نفس التخصص.
بس في فرصة للتحويل حاليا، تابعي حساب @uob_students ع الانستغرام يحط عن هالأمور. بالتوفيق.

 

[المهندس محمود]

التخصص إلي تحصلينه كبعثة هو إلا تنقبلين فيه في الجامعة

 

[Fatima97]

انزين ويش الحل انا اصلا رفضت البعثة وما ابي التخصص واصلاً هو ماكان خياري في البعثة

 

[Fatima97]

هل الجامعة تفتح السبت - قسم التسجيل -

 

[مارد المصباح]

انا لله وانا اليه راجعون ... كالعادة يمارسون سياسة الاقصاء والتمييز في البعثات والمنح

بس في امكانش خيو تقدمين على طلب تحويل التخصص وان شاء الله يقبلونش في التخصص الا حابة تدرسينه

​

وأضاف أن المتقدمين بطلب الالتحاق بالجامعة في فترة التقدم، وتنطبق عليهم الشروط، ولم يجد أسماءهم ضمن المقبولين، عليهم مراجعة عمادة القبول والتسجيل لاستكمال مستنداتهم، إن كانوا لا يزالون راغبين في الدراسة في جامعة البحرين، وسوف يُنظر في إمكانية قبولهم.

وستتيح الجامعة للطلبة إمكانية إبداء رغبتهم في تغيير التخصصات التي قبلوا فيها من خلال استمارة يتم ملؤها إلكترونياً بعد أن يقوم الطالب بتثبيت القبول، بحيث تتم الاستفادة من المقاعد الشاغرة نتيجة عدم رغبة بعض الطلبة في تثبيت قبولهم.

http://www.alwasatnews.com/4737/news/read/1020282/1.html


اهم شيء ما تستسلمين ،عليش تكافحين وتتحملين الظلم ومن صبر ظفر ​

 

[ـآإنيـــن ~.]

درسي اول كورس مواد مشتركه انج ماث عربي اسلامك وبعدها حولي مايروح عليش الكورس ولاتخسرين المواد لٱنه بعادلونهم لش بعدين

 

[الألماسة]

اتوقع مثل دفعتنا يعطونكم فرصة حق الي يبي يغير تخصصه ف الموقع قبل الدوام بناء ع ثلاث رغبات و انتي و حظش ف التغيير
يخصصون يومين بس تابعي الحساب الي كتبته الاخت ايقاع حق اتابعين التواريخ اول باول

 

[Fatima97]

شكراً للكل على الرد بس مو مستعدة نفسياً اخذ مواد مشتركة ومن هذا الكلام لأني ابي ابدأ دراسة مباشرة مو آخذ مواد مشتركة وأنتظر رحمتهم يحولوني أو لا

الحين علشان أطلب تغيير التخصص لازم أثبت القبول أول وأدفع بعد؟ وهل تخصصات كلية العلوم الصحية موجودة في جدول تغيير التخصص لأني شفت شرح في اليوتيوب ومافي تخصصات كلية العلوم الصحية ؟

 

[المهندس عبدالله]

شكراً للكل على الرد بس مو مستعدة نفسياً اخذ مواد مشتركة ومن هذا الكلام لأني ابي ابدأ دراسة مباشرة مو آخذ مواد مشتركة وأنتظر رحمتهم يحولوني أو لا

الحين علشان أطلب تغيير التخصص لازم أثبت القبول أول وأدفع بعد؟ وهل تخصصات كلية العلوم الصحية موجودة في جدول تغيير التخصص لأني شفت شرح في اليوتيوب ومافي تخصصات كلية العلوم الصحية ؟

صراحة ما اذكر عدل بس بي وقت يفتحون فيه باب تغيير التخصص من الموقع.. اعتقد لازم تثبتين القبول قبل بداية الفصل يعني لو ما غيرو تخصصش منوقت لازم تثبتين القبول.. اذكر بعد انه الطلاب كانو ما يداومون عقب سبوع يمكن طلع ليهم التحويل بس عادي في أمل ولا تحبطين روحش خل عندش أمل وإن شاء الله ما بصير اله الخير

 

[مارد المصباح]

شكراً للكل على الرد بس مو مستعدة نفسياً اخذ مواد مشتركة ومن هذا الكلام لأني ابي ابدأ دراسة مباشرة مو آخذ مواد مشتركة وأنتظر رحمتهم يحولوني أو لا

الحين علشان أطلب تغيير التخصص لازم أثبت القبول أول وأدفع بعد؟ وهل تخصصات كلية العلوم الصحية موجودة في جدول تغيير التخصص لأني شفت شرح في اليوتيوب ومافي تخصصات كلية العلوم الصحية ؟

اما تنسحبين من جامعة البحرين وتقدمين في جامعات اخرى >واعتقد هذا خيار سيء جدا خصوصا وان ما باقي شيء على الدراسة للسنة الجديدة بالاضافة الى ان جامعات عديدة شهادتهم ما تعادل قوة شهادة جامعة البحرين

2. او تقبلين الدراسة في التخصص الحالي -سياحة- >وهذا راح يكون خيار مناسب في الحالات الاضطراية

3. او تقدمين على طلب التحويل قبل فترة بدء الدراسة > وهذا الخيار الانسب

من رايي ان تجربين تقدمين على تحويل التخصص قبل بداية الدراسة ،وان شاء الله يقبلون طلبش وتدرسين في التخصص الا حابتنه ،وفي حالة لا سمح الله ما قبلوا طلب التحويل فعليش تصبرين وتجتازين 9 ساعات دراسية على الاقل وتقدمين على طلب التحويل وان شاء الله راح يقبلونه

مثل ما قلت لش خيو لا تستسلمين او تتحبطين لان هذا الا هم يبونه ،يبون يحطمون الجيل الجديد المتحمس والمندفع ،واحنا ما لازم ننهزم ونقدم لهم اهدافهم على طبق من ذهب !
لازم نكافح ونصر على بلوغ اهدافنا وتذكري خيو >> ما ضاع حق وراءه مطالب + طال الزمان او قصر الشعب سوف ينتصر

*واذا حبيتين تقدرين تتواصلين مع بعض الطلاب الا عاشوا مشكلتش سابقا -انظلموا في البعثات- وكافحوا واليوم الحمد لله يدرسون التخصص الا يحبونه ​

 

[مـزن]

خبري إن إذا قبلتين البعثة تنقبلين في نفس التخصص في الجامعة

اللعام طلع لي بعثة في كلية العلوم الصحية
رفضتها ،، عقب حصلت الرغبة الأولى في الجامعة
ما أدري يمكن فيه اختلاف حسب الكلية أو شي غير

شسمة ،، مثل ما قالوا لج ثبتي القبول الحين و طلبي تحويل تخصص
و موفقة :wink:

 

[jori]

هو من ترفضين البعثة تتحول منحه فاذا ماحولوش من البداية

ان تقبلين تاخذين مواد مشتركه اقلتها 3 مواد عشان يصير 9 كردت
وبعدين تتحولين بسهولة مهما كان المعدل

فإذا صارت منحه اجراءات التحويل سهله بس البعثة لا احتمال يفرضون تخصصات معينه

 

[المهندس عبدالله]

رفيقي كان عنده بعثة سياحة حولها منحة بس كان عليه يقبل التخصص في الجامعة أول بعدين حول تخصصه إلى هندسة.. فأتوقع أغلب الضن أنه لازم تقبلين أحين وتثبين القبول كخطوة أولية

 

[Z.E.E.Z]

شلون جذي المفروض لما ترفضين البعثةاللي من الوزاره .. دايركت تتحول لمنحة بتخصص ثاني اللي بيطلع ليش ف الجامعه ..
راجعيهم قبل الدوام احسن
قوود لك

 

[Prince.11]

السلام عليكم '' تقدمت بطلب الالتحاق بالجامعة هذا العامو معدلي 91.8 "" تفاجأت بنتيجة القبول وهي حصولي على الرغبة السابعة :سياحة: "" رغباتي الاربع الاولى كلها كانت في كلية العلوم الصحية "" مع العلم اني حصلت بعثة سياحة ورفضتها ووقعت على الرفض اشلون الجامعة تعطيني هالتخصص وهوه اساسا مو رغبتي

شلون اتصرف وانا هالرغبة كلش مو رغبتي واني خريجة علمي بعد"" الرجاء المساعده

هذا شيء مو غريب على جامعة البحرين و وزارة التربية بشكل عام ..
أعرف ناس مثل الشيء، ابعدوّ عنهم رغباتهم في كلية العلوم الصحية مع انّ معدلاتهم كانت في الـ90 ..
وأجبروهم على دراسة أشياء ثانية مثل اكاونت او هندسة او غيرها ..

بس الحل الوحيد و الي يناسب وضعش ..
هو انش تقدمين على تحويل التخصص قبل بداية الدوام ..

لانة اذا ابتدأ الدوام وانتين على تخصص سياحة راح يكون امامش خيارين ..

1- تنجبرين في التخصص و تواصلين فيه .
2- تاخذين المواد المشتركة " عرب - تاريخ - حقوق - اسلامك " عشان تجتازين الـ12 ساعة و هي أحد شروط التخصص ..

ف الأفضل حاليًا تقدمين على تحويل التخصص .. واعتقد النتايج راح تطلع قبل الدوام بكم يوم ..
يعني ما راح تطول ..

 

[أبو الجسمي]

برايي قرار حذف البعثة خطأ ليتعظ غيرش لا لتحسيرش ايتها الاخت فانتين قد تجهلين بعض الأمور أو لم تستشيري الكثير .. لأن دامش مجدة بتاخذين مواد مشتركة وبتمشين إن شاءالله وتقدرين تحولين لأن الجامعة تسمح بتحويل التخصص ..

عموما أنصحش الحين تحاولين مع الجهة المختصة بتحويل تخصصش واذا ما رضوا وانتين لحيتين عليهم باعتباره حقش وقلتين لهم قصتش وما رضوا..
فانتين إن شاءالله أقوى وتاخذين المشترك وتحولين وتدرسين تخصصش . .
واهني المنتدى عندش مشرفين معروفين ومعتبرين بساعدونش ان شاءالله..

 

[أبو الجسمي]

هل يسمح لها أخوي بالتحويل أصلا في هالفترة؟!
لان التحويل عادة يكون في الفصول وخصيصا في وسط الفصول في موعد يحدده التسجيل ..

برايي قرار حذف البعثة خطأ ليتعظ غيرش لا لتحسيرش ايتها الاخت فانتين قد تجهلين بعض الأمور أو لم تستشيري الكثير .. لأن دامش مجدة بتاخذين مواد مشتركة وبتمشين إن شاءالله وتقدرين تحولين لأن الجامعة تسمح بتحويل التخصص ..

عموما أنصحش الحين تحاولين مع الجهة المختصة بتحويل تخصصش واذا ما رضوا وانتين لحيتين عليهم باعتباره حقش وقلتين لهم قصتش وما رضوا..
فانتين إن شاءالله أقوى وتاخذين المشترك وتحولين وتدرسين تخصصش . .
واهني المنتدى عندش مشرفين معروفين ومعتبرين بساعدونش ان شاءالله..

 

[المهندس عبدالله]

برايي قرار حذف البعثة خطأ ليتعظ غيرش لا لتحسيرش ايتها الاخت فانتين قد تجهلين بعض الأمور أو لم تستشيري الكثير .. لأن دامش مجدة بتاخذين مواد مشتركة وبتمشين إن شاءالله وتقدرين تحولين لأن الجامعة تسمح بتحويل التخصص ..

عموما أنصحش الحين تحاولين مع الجهة المختصة بتحويل تخصصش واذا ما رضوا وانتين لحيتين عليهم باعتباره حقش وقلتين لهم قصتش وما رضوا..
فانتين إن شاءالله أقوى وتاخذين المشترك وتحولين وتدرسين تخصصش . .
واهني المنتدى عندش مشرفين معروفين ومعتبرين بساعدونش ان شاءالله..

حق الدفعة الجديدة يصير يغيرون قبل الدراسة بجم يوم

 

[Ms.Angel]

بعد كلام الاعضاء ماعندي اضافه للمساعده بهالخصوص
لكن خارج نطاق المشكلة اللي تواجها اختنا
اللي اشوفه من تويتر و المنتدى وبقية البرامج
ان في طلبه تخصصاتهم تُعطى لأشخاص هم اساساً مو قابلين فيها ورغباتهم تخصصات ثاني و العكس صحيح !
فالخلل مو بس التمييز وما شابه
الخلل في نظام توزيع الطلبه لتخصصاتهم !
في دفعاتنا واللي قبلهم كان النادر شخص فالثمانين و فوق ينعطى رغبته السابعه او ال 12 !!
وبهالدفعه الجديده لاحضت انهم مستعدين يطبقون نظام و يحلون مشكلة التحويل قبل لا الجامعه تفتح لكن بنفس الوقت محد راضي عن تخصصه وكأنما التوزيع صاير عشوائي واذا مو عاجبك روح الجامعه وانذل عشان تحصل على اللي تبيه !!

بصراحه يؤلمني اشوف طلبه بهالمستوى ومتفوقين وما يحصلون على رغباتهم
او على الاقل تخصصات تكون مشابهة او مقاربه لرغابتهم عشان يتقبلونها على الاقل وهذا دليل على التوزيع العشوائي
ناهيك عن التعب اللي يتعبونه عشان البعثات وبعدين تتحطم احلامهم ويرفضونها بأديهم عشان يدرسون رغباتهم

انشالله تنحل مشكلتش اختي
وحاولي قبل كل خطوة تتخذينها تسألين قبل اصحاب الخبرة عشان ما تضيع عليش الفرص

وموفقه انشالله