ITCE250 - ITCE202 للفصل الدراسي الأول 2015 - 2016

[lvliss.roze]

والحل يعني


احد يتعطف علنا

 

[عبير البنفسج]

احنا ما شرحت لينا دكتورتنا الا التحويل من اي بيس الى الدسمل و من الدسمل الى اي بيس

لأن الخميس كانت غايبة ... ان شاء الله احد يشرحه ليكم

و اذا من اليوم للأحد محد شرحه لكم و احنا شرحوه لنا بشرحه ليكم ولا يهمكم

 

[commander2020]

شباااااااااب شخباركم ان شاء الله زينيين

بحكيلكم معاناتي ف هالمادة انا اول مرة انزلها و الله يستر

الحين انا كنت سكشن 1 كان يدرسنا مهمت كبابا و الله من اول سكشن خفت يحل مسائل غلط و لما نيجي نصححلو افففففف نقول ياريت ما صححنا
بعد ما خلص الوقت قالنا " انا اول مرة ادرس هالمادة" يعني طبعا ماعندة خبرة ف هالمادة
قلت لازم اغير السكشن رحت ثاني يوم ع التسجيل و غير رحت سكشن 5 الي كانت تدرسو دكتورة آمال جيت ثالث يوم عشان احضر مع دكتورة آمال الا احصل دكتور مهمت هو الي بيدرس
قعدت معاة لين ما خلص المحاضرة بس و الله كانت معااااااااااانااااااااااااااااااة 5 دقايق قاعدين نصححلو سؤال واحد بسس افففف

ف سألتو قالي حصل كلاش ف المواعيد و بدل ويا دكتورةآمال الحين اهيا سكشن 1 و هوا سكشن 5

ف الحين ما اعرف شسوي ارجع احول مرة ثانية سكشن 1 ولا خليني مع مهمت و اعاااااني مع العلم انا ابي ارفع المعدل ب اي طريقة


مسامحة طولنا عليكم
اي و بعد ياريت يا شباااااب ترفعو نوتات المحاضرات​

 

[عبير البنفسج]

انصحك و بشدة انك تبدل اذا كان في مجال

 

[commander2020]

انصحك و بشدة انك تبدل اذا كان في مجال

طب تنصحيني اروح لمين آمال ولا عادل ؟؟

 

[عبير البنفسج]

بصراحة عادل ما حضرت عنده اني بس من الي اسمعه اجوف ان امل احسن

معنها بعد سريعة و شوي شديدة لكن ينأخذ شي من على السبورة

 

[commander2020]

شوي شديدة لكن ينأخذ شي من على السبورة

هههههههههههههههههههه

اوكي

ان شاء الله التسجيل يقببل انو اغير السكشن مرة ثانية

 

[حيدرية حسينية]

يمكن كلامكم صح واني ما لاحظت بس إن شاء الله شرحه يتحسن مع الوقت ويصير أبطأ مع انه قال انه الكتاب فيه تفصيلات ما ليها داعي واني احس ان اللي شرحه لحد الحين مال سي اس 101 يمكن من جدي حسيت روحي فاهمة عليه
هو بس هالأسبوع ما بيدرسنا بس قولوا ان شاء الله اللي يجينا يكون احسن منه مو ادمر اسمع دكتور مؤيد ودكتورة حصة أوكي

 

[عبير البنفسج]

ماذكر انه عطانه مخططات ..

واظنه كمل من الباينري اريثمتك !

اليوم شرحت لينا الدرس و قالت لينا نحل السؤال ....

اهني قصدهم ان ما يصير من هكسا الى بيس 4 على طول لازم تمرين بمراحل عشان توصلينه لبيس 4

يعني اول شي تحولينه من هكسا الى باينري و بعدين من باينري الى دسمل و آخر شي من دسمل الى بيس 4

 

[عبير البنفسج]

والحل يعني


احد يتعطف علنا

في الطرح لازم تخلين كل دجت تحتها دجت من الرقم الثاني عشان ما تتخربطين

بعدين تنقصين عادي اما اذا جاش مثلا 0-1 ما تقدرين فتتسلفين من عند الي وراها

و بتصير 10 هذي مو عشرة هذي عبارة عن واحد صفر و هي عبارة عن رقم 2 في الباينري

ف2 ناقص 1 بتصير واحد ... اعتقد هذي الفكرة الي ما وصلتكم

 

[مس كيوت]

في الطرح لازم تخلين كل دجت تحتها دجت من الرقم الثاني عشان ما تتخربطين

بعدين تنقصين عادي اما اذا جاش مثلا 0-1 ما تقدرين فتتسلفين من عند الي وراها

و بتصير 10 هذي مو عشرة هذي عبارة عن واحد صفر و هي عبارة عن رقم 2 في الباينري

ف2 ناقص 1 بتصير واحد ... اعتقد هذي الفكرة الي ما وصلتكم

مشكوورة عبير .. عالتوضيح ..

اني احين مدري اشفيني اتدوده في تحويل البوينتات... من اشوف رقم فيه بوينت اتخرع =(

 

[commander2020]

السلام عليكم

مشكور لنصيحتك اخت عبير تم التحويل اليوم و الحمد لله

اليوم و الحمد لله و لأول مرة ف هذي المادة اطلع فاهم و كاتب شي لالالا اشياء ادرس منها

و الله آمال زينة و شرحها اوكي بس شكلها بتحب الكويزات كتييييييييييير و تعصب ازا ما فهمنا عشان كدة طلعت فاهم اليوم

 

[commander2020]

اليوم شرحت لينا الدرس و قالت لينا نحل السؤال ....

اهني قصدهم ان ما يصير من هكسا الى بيس 4 على طول لازم تمرين بمراحل عشان توصلينه لبيس 4

يعني اول شي تحولينه من هكسا الى باينري و بعدين من باينري الى دسمل و آخر شي من دسمل الى بيس 4

اختي عبير اعتقد انك غلطانة او يمكن تكون طريقتك صح بس طويلة

لأن اليوم قالتلنا و حلت ويانا سؤال نفسو

هيا اول شي بتحول ل بايناري بعدين علي طول ل بيس 4 ( بالجمع كل 3 ديجيت )

​

 

[commander2020]

مشكوورة عبير .. عالتوضيح ..

اني احين مدري اشفيني اتدوده في تحويل البوينتات... من اشوف رقم فيه بوينت اتخرع =(

ههههههههههههه

كنت ف موقفك بس فهمتها اليوم بس من اتأكد منها اكون اكيد ف حلها رح اقولك ان شاء الله

و علي فكرة هيا سهلة مش بدرجة الصعوبة الي انتي فاكراها​

 

[عبير البنفسج]

مشكوورة عبير .. عالتوضيح ..

اني احين مدري اشفيني اتدوده في تحويل البوينتات... من اشوف رقم فيه بوينت اتخرع =(

العفو ...

على العموم البوينتات اسهل شي في الدرس و طريقتهم مافيها ذرة تعقيد

و ان شاء الله العصر او الليل بنزل ليكم ملف بتستفيدون منه واااااااجد في هالدرس بالكامل

بس لأن بحط وياه اسئلة الكتاب و طريقة حلها عشان يكون الملف شامل الشرح + التمارين

اختي عبير اعتقد انك غلطانة او يمكن تكون طريقتك صح بس طويلة

لأن اليوم قالتلنا و حلت ويانا سؤال نفسو

هيا اول شي بتحول ل بايناري بعدين علي طول ل بيس 4 ( بالجمع كل 3 ديجيت )

​

اي احنا بعد قالت لينا ...

بس الطريقتين تقدر تسويهم و هي نفس ما انتا قلت طويلة

بس دامك مو في امتحان اني افضل تستخدم الطويلة عشان يكون انك تسوي براكتس على

جميع التحويلات .. اما في الامتحان صح تقدر بس تحولها للباينري و بعدين للبيس 4

بس انتبه ان ال4 هي عبارة عن 2 اس 2 يعني لازم يكون لكل رقمين مو 3

ال3 للأوكتل لأن الأوكتل عبارة عن 2 اس 3 من جذي التحويل بكون 3 ارقام

 

[CE . Student]

وجااااان يجيبون لييناا مهمت اليووم , متى يخلص هالاسبوع ونفتك ويجيبون عادل كمال
مافهمت شي صراحة !!

أحس روحي مضيعة كلش كلش ..

ياريت احد يشرح ليي او يحط نوتات !

مو فاهمه الا الـ Number system الجزء اللي شرحة عادل كمال ..
اما اللي شرحه مهمت اليوم مادري ويش سالفته

​

 

[عبير البنفسج]

بحطه ليكم الليل

 

[Sayed Hussain]

وجااااان يجيبون لييناا مهمت اليووم , متى يخلص هالاسبوع ونفتك ويجيبون عادل كمال
مافهمت شي صراحة !!

أحس روحي مضيعة كلش كلش ..

ياريت احد يشرح ليي او يحط نوتات !

مو فاهمه الا الـ Number system الجزء اللي شرحة عادل كمال ..
اما اللي شرحه مهمت اليوم مادري ويش سالفته

​

مهمت اليووم
أول مرة اطلع من المحاضرة و انا مو فاهمنها
اسلوبه غريب,, يتكلم بروحه , يقول 35 سنةو هو يدرس
انا فهمت ليه اللي في البداية, بس بعدين
3611 code مادري جم,, مادري وش قال

انا بعدين بقعد اطالع في الدرس, و بجوف وش يطلع عندي
​

 

[عبير البنفسج]

هههههههههههه

الله يساعدكم عليه صراحة اني من جفت اسمه ما ارتحت ليه ....

الي يبي النوتات اني نزلتهم

https://www.uob-bh.com/forum/downloads.php?do=file&id=1037

فيهم شروحات اني كاتبتنهم لروحي عشان اسهل على روحي اذا ما فهمتونهم و تبون اشرحهم مو مشكلة

لكن عاد باجر لأني الحين بنام

تصبحون على خير

 

[CE . Student]

هههههههههههه

الله يساعدكم عليه صراحة اني من جفت اسمه ما ارتحت ليه ....

الي يبي النوتات اني نزلتهم

https://www.uob-bh.com/forum/downloads.php?do=file&id=1037

فيهم شروحات اني كاتبتنهم لروحي عشان اسهل على روحي اذا ما فهمتونهم و تبون اشرحهم مو مشكلة

لكن عاد باجر لأني الحين بنام

تصبحون على خير

مشكورة ماتقصرين ..

وانتين من اهله ..
​