استفسار creadt a

[ahmad_aboadbau]

استفسار creadt a

سلام عليكم ...

انا سنة اولى .. ممكن اعرف شمعنى creadt a

وكيف اقدر احصلها ؟ وكم رح ترفع بالمعدل ؟

 

[_ALI_]

بامكانك الاستفادة من مواضيع و مشاركات الاعضاء السابقة بخصوص هذا الموضوع من خلال هذا الرابط
https://www.uob-bh.com/forum/search/7474/?q=a+كردت&o=date&c[title_only]=1&c[node]=29

 

[قمَر]

وعليكم السلام
- هي عبارة عن درجة A تنحط في كشف الدرجات تبعك
كأنك دارس مقرر وجايب فيه A
- تحصلها من خلال المشاركة في فعاليات الجامعة
المهرجانات والمعارض والنوادي وما إلى ذلك
- هي عبارة عن مقدار ساعة وحدة
يعني كأنك دارس مقرر بساعة وحدة بس
أما مقدار رفع المعدل فيعتمد على معدلك وعدد الساعات اللي أنت مجتازنها
فيعني إذا كنت سنة أولى مو نفس إذا وصلت سنة رابعة
وإذا كنت مجتاز 15 ساعة مو نفس إذا مجتاز 95
يعني كل ما أخذتها في البداية بيكون تأثيرها على معدلك أقوى
وطبعًا بما إنها ساعة وحدة فشي طبيعي ما راح يكون تأثير كبير نفس المقررات اللي بـ3 ساعات

 

[ahmad_aboadbau]

تمام فهمتك .. وين بقدر اسجل فيهم ؟

 

[قمَر]

تمام فهمتك .. وين بقدر اسجل فيهم ؟

تقدر تسجّل في النوادي نفسها
يعني شوف وين موقع النادي وروح اسألهم عن تفاصيل التسجيل
مثلًا نادي الشطرنج يصير في الآداب قريب من حمام الشباب وانت بكرامة
طبعًا ما أدلي كل النوادي
فممكن لو حطيت موضوع مثلًا استفسار عن هالشي بالتحديد بتلاقي رد
ونفس الشي بخصوص المشاركة في الفعاليات مثل العيد الوطني وغيره

أذكر في ناس كانوا يشاركون في يوم التهيئة
مجرد يوزعون أجياس على المستجدين
أو يردون على بعض استفسارتهم
وفي محاضرات يسوونها في الجامعة خارج نطاق الدراسة
أذكر لما كنت سنة أولى شاركت وي مشرفة كليتنا
وأعتقد لكل كلية في مشرف أو مشرفة
يكونون مسؤولين عن الفعاليات اللي تصير باسم الكلية
كان المطلوب منا إن نروح ليها ونقعد وياها
نساعدها في الشغلات اللي تبيها منا >> هي تحدد شنو تبي
مثلًا تخلينا نوزع إعلانات، نلصقها في ممرات الكلية
أذكر كان تقول لازم نشتغل مدة 30 ساعة عشان نحصل الـA كردت
ولكن لانشغالي بالدراسة ما قدرت أستمر وياها للنهاية

عمومًا مادري إذا في أحد يقدر يفيدك بالضبط أو لا
بس إذا ما حصلت شي مفيد روح اسأل في الجامعة