csc 103

[Msha3r Ensan]

السلام عليكم

بغيت أسأل عن مادة CSC 103

ويش يستخدمون من برنامج و اي إصدار و منهو أحسن دكتور و من ثم من بعده

و بغيت النوتات مال أحسن دكتور

يقولون صعب فحبيت أجهز روحي قبل

 

[ولد الديرة]

عليكم السلام ورحمة الله
يستخدمون بعضهم برنامج الفيجول بيسك
واغلب شي اشوف يستخدمون كمبايلر اسمه dev
بالنسبة للمادة سهل وماعليك من الي يقول لك صعب

الدكاترة الممتازين
نهله المرزوقي
وفيصل القائد
وفي واجد زين
انا درسة عند دكتور راكيش تمام بعد ونوتاته مضبوطة بس محاضرة ممله

 

[Alkene]

السلام عليكم

بغيت أسأل عن مادة CSC 103

ويش يستخدمون من برنامج و اي إصدار و منهو أحسن دكتور و من ثم من بعده

و بغيت النوتات مال أحسن دكتور

يقولون صعب فحبيت أجهز روحي قبل

أنا اخذته ويه نهلة المرزوقي, بالنسبة لي كانت ممتازة
بس كأنه هل الفصل ما تدرس المقرر...
اهو مو صعب لكن يحتاج لدكتور يشرح عدل
توه قبل أسبوع جفت نوتاتي و قطيتهم بره قلت ما بحتاجهم #خسارة
في البداية المقرر سهل لكن على اخر جبترين يصير شوي صعب و يخربط
بشكل عام مو صعب!

 

[Msha3r Ensan]

اله أعرفه حتى الآن دكتور ياسر الخطيب و دكتورة نهلة المرزوقي زينين

بس حبيت أعرف مواضيع الكتاب على الأقل

أنا عندي كتاب فيه أقل من 1000 صفحة بشوي و فيه 12 جبتر بس مادري ويش المطلوب و ويش اله مو مطلوب

كتاب c++ بس مو مال الجامعة

 

[Alkene]

اله أعرفه حتى الآن دكتور ياسر الخطيب و دكتورة نهلة المرزوقي زينين

بس حبيت أعرف مواضيع الكتاب على الأقل

أنا عندي كتاب فيه أقل من 1000 صفحة بشوي و فيه 12 جبتر بس مادري ويش المطلوب و ويش اله مو مطلوب

كتاب c++ بس مو مال الجامعة

أنا ما استخدمت الكتاب، لأن النوتات اللي عطتنه كانت كافية و ممتازة للدراسة.

اذا تبي تبدأ تدرس من الحين اظن في بوربوينتس اهني في الموقع تقدر اتشوفهم.

شخصياً ما أظن تحتاج تبدأ و تدرس من الحين لعدة أسباب: للحين ما نزل الجدول للفصل الجاي فماتعرف متى بكون وقت الإمتحان، يمكن يتعارض مع مقرر ملزم انه تاخذه الفصل الجاي او مقرر خاص بتخصصك. او يمكن ما تحصل السكشن اللي تبي (من ناحية الوقت و الدكتور و المقاعد الشاغرة). يمكن يكون المقرر شي جديد و وله مرة سامعين عنه او دارسينه من قبل لكن مو صعب بدرجة انك تحتاج لمراجعتها يومياً خلال الفصل او قبل بداية الفصل.

 

[إيقاع]

شخصياً ما أظن تحتاج تبدأ و تدرس من الحين

على العكس، إذا كان عنده وقت وما بأثر على دراسته حاليا فأنصح بشدة أن يطلع على المادة خاصة في حال كانت جديدة عليه، عن لا يضيع فيها بعدين مع تزاحم المواد الأخرى.
حتى لو ما أخذها الفصل الجاي ما أعتقد يضر إنه يطلع عليها.

 

[إيقاع]

+ الأخ كما هو واضح تخصصه هندسة مدنية، وحسب الخطة الجديدة هذا المقرر مهم جدا ياخذه الفصل الجاي لأنه يفتح مواد، فله أولولية في ترتيب الجدول.

 

[المهندس عبدالله]

+ الأخ كما هو واضح تخصصه هندسة مدنية، وحسب الخطة الجديدة هذا المقرر مهم جدا ياخذه الفصل الجاي لأنه يفتح مواد، فله أولولية في ترتيب الجدول.

عادي، يقدر ينزل المواد مال لفل 2 بدون هل مادة بس بكون عليه أصعب.

 

[إيقاع]

عادي، يقدر ينزل المواد مال لفل 2 بدون هل مادة بس بكون عليه أصعب.

اللي أعرفه من بنات دفعتنا 2014 تخصص هندسة مدنية: الفصل الأول اللعام تغيرت الخطة وصارت المادة تفتح مواد.

بس كونه تخصصك أيضا، أنت أدرى.
أعتذر في حال قلت معلومة خاطئة.

 

[المهندس عبدالله]

اللي أعرفه من بنات دفعتنا 2014 تخصص هندسة مدنية: الفصل الأول اللعام تغيرت الخطة وصارت المادة تفتح مواد.

بس كونه تخصصك أيضا، أنت أدرى.
أعتذر في حال قلت معلومة خاطئة.

معلوماتش صح، بس الطلبة يقدرون يخرقون هل قانون بسهولة وواجد قامو ينزلون مواد قبل المواد اله تفتحها.

 

[Msha3r Ensan]

كلام الأخ المهندس عبد الله صحيح

المهم

أنا ألحين أنا تمهيدي و ما نزلت حتى مواد مشتركة كنت متردد و فاضي و بخصوص مواد الحاسوب على أيام المدرسة أنا تمام فيهم

بس يوم أخذنا برنامج الفيجوال كان الأستاذ ما يشرح عدل و يضيع الوقت ساعات فضطريت إني أجوف اله ويايي و شرح ليي اله ما فهمته

أما بخصوص الجامعة فحبيت إني أطلع لأني أخاف ما أفهم كلشي عدل إنجليزيتي مو ذاك الزود في اورينتيشن افهم من 50 بالمية إلى 70 إلى كلام الدكتورة

أتمنى تطرحون شرح الدروس كلها إذا موجودة و تمارين و أمثلة و غيرها هالمادة حاسب إليها حساب عدل متردد أنزلها الفصل الجاي او لا

 

[Msha3r Ensan]

أو بضطر إني بدور و لازم اقرأ الردود و في صفحات النقاش عشان احصل اله امبيه و لكم جزيل الشكر

 

[المهندس عبدالله]

أو بضطر إني بدور و لازم اقرأ الردود و في صفحات النقاش عشان احصل اله امبيه و لكم جزيل الشكر

عزيزي، الحياة الجامعية تطلب أنك تبحث بنفسك، المادة تتكلم عن الـ C++ دور في اليوتيوب شوف الكتاب الدراسي من المكتبة مالت المنتدى، تعلم جيفه تخدم نفسك، أنا أقدر أضيع وقتي وأشرح لك، لكن ما بتستفيد شي، فالأحسن أنك تدور على الشي بنفسك وتعطيه من وقتك الخاص وصدقني ما بتندم

 

[Msha3r Ensan]

امبين إني بتعب 189 صفحة

كأني أمبي أشيل شعرة من عجين فيه مثل كأن جذي او مشابه ما اتذكره حرفياً

 

[Msha3r Ensan]

أول شي بنصب البرنامج على لاب توب بس محتار بين فيجوال و Dev C++ compiler

 

[إيقاع]

امبين إني بتعب 189 صفحة

كأني أمبي أشيل شعرة من عجين فيه مثل كأن جذي او مشابه ما اتذكره حرفياً

راجع المكتبة الجامعية فيها نوتات وامتحانات سابقة وما إلى ذلك.
إذا في أسئلة ما عرفت تجاوبها أو أمور ما فهمتها.. استخدم تقنية البحث اللي يوفرها المنتدى إذ من المحتمل جدا إنها موجودة في المناقشات.

 

[Noise-X]

أول شي بنصب البرنامج على لاب توب بس محتار بين فيجوال و Dev C++ compiler

استخدم برنامج dev

بالنسبة عن مذاكرة المادة .. المكتبة الجامعية تكفي وتوفي ( شروح / تمارين / امتحانات )،
مواضيع النقاشات و الدراسة الجماعية هدفها المساعدة .. فما اعتقد بتستفيد من المساعدات وانت لحين ما بديت.

 

[Blue Castle]

@Msha3r Ensan
بالنسبة للكومبايلر فالأثنين ما يفرقون عن بعض بالنسبة لهذا المقرر فالافضل هو انك تستخدم ال Dev C++ لانه اخف
بالنسبة لدروس المقرر المتعلقة بالبرمجة فتقدر تتطلع على الملف المرفق فيه معظم الدروس المطلوبة بالإضافة الى استخدامات مكتبة ال iomanip
دروس المقرر الثانية هي ال Numbering System و ل Flowchart هالدرسين ما تحتاجهم في البرمجة فالافضل تأجلهم الى لين تاخذ المقرر بس ما فيهم شيء سهلين
حالياً ما في شرح للمقرر بس اذا احتجت اي شيء تقدر تسأل و ان شاء الله الاعضاء ما بيقصرون

 

[Msha3r Ensan]

مشكورين و جزاكم الله كل الخير

حملت نوتات مال دكتور فيصل القائد بس مو كامل و بدور في اليوتيوب شرح حق الدروس

هاي إنجان نطقطق في هالبرنامج شوي

 

[المهندس محمود]

معلوماتش صح، بس الطلبة يقدرون يخرقون هل قانون بسهولة وواجد قامو ينزلون مواد قبل المواد اله تفتحها.

هذا القانون غير قابل للاختراق،
الأدق أن القسم لم يطبق الخطة الجديدة تماماً وبصورة كلية على دفعة ٢٠١٤ وما بعدها.