شرح بامثلة عملية لفكرة ECON140-PRICE CEILING & PRICE FLOOR

[مارد المصباح]

السلام عليكم والرحمة ...

هذا شرح دار بيني وبين الاخت @7aneen سابقا ،وبسبب الانتقال الى برمجية المنتدى الجديدة ،ما نقدر نوصل لمكان الشرح السابق
وبناء على طلب احد الاخوات حبيت انقل النقاش او الشرح الى موضوع حتى يستفيد منه الجميع


*شرحي بكون في الردود بشكل مباشر ،بينما ردود الاخت @7aneen بتكون موجودة في الردود على شكل اقتباس ​

 

[مارد المصباح]

If Pc > P*, it has no effect because Pc cannot control the market forces
from reaching the equilibrium

اولا يعني شنو price ceiling ؟ يعني الحكومة تجي وتقول هذا "اعلى" سعر ممكن تبيعون به هالسلعة >مثلا خلنا نفترض ان السلعة هي البيبسي

تجي الحكومة تقول اعلى سعر مسموح للبرادات تبيعه هو 200 فلس
واحنا equilibrium في البحرين اصلا بربية ونص
معناتها سعر التوازن "equilibrium" اقل من price ceiling صح ؟

انزين لو البراد الا صوب بيتكم راح وزيد سعره وخلاه بربيتين "لان مكسمم برايس" وهو يقول انا بربح زيادة نص ربية في كل قوطي

انتين وش بتسوين ؟ هل بتشترين من عنده ؟
بتقولين غالي ولا منه فايدة

،بروح للبراد الثاني وبشتري منه بربية ونص

انزين في هالحالة هل البراد استفاد شيء ؟ هل هذا السعر "الربتين" قدر يؤثر على العرض او الطلب في السوق ؟ ولا شيء بيتغير صح ؟


******
انزين لو الحكومة جت وقالت اعلى سعر تبيعون فيه البيبسي هو ربية وبس

لو البراد الا صوب بيتكم قرر يبيعه بأعلى سعر ،ببيعه بجم ؟ بكون مجبور يبيعه بربية

انزين انا متعود اشتريه بربية ونص ،واحصله هالمرة بربية بس

يعني الحين مصروفي الشهري مثلا يكفي اشتري ازيد من قوطي >يعني تغيير السعر من ربية ونص الى ربية غير في ال Qd صح ؟
واذا غيرت Qd وصارت ازيد من Qs يعني البيبسي الا في البرادات بخلص واحنا رايحين جايين نقول له عطنا بيبسي

Qd > Qs ⇒ shortage



لهسبب نقول If Pc > P*, it has no effect because Pc cannot control the market forces
from reaching the equilibrium



واضح ؟
اذا في اي شيء مو واضح او بعدش مو فاهمتنه قولي عشان اعيد شرحه ،او انتقل للنقطة الثانية​

 

[مارد المصباح]

اي اوكككككيه ههههههه الحين فهمته ..
سهل طلع ,
و اني اخذ من عندي شكثر وقت

ننتقل ل الي عقبه

>يلا عاد صدق روحه الحين

انزين ... نكمل الحين ونروح للنقطة الثانية
طبعا هذه النقاط اعتقد اتطرقت ليها في الشرح


�� If Pc > P*, it has no effect because Pc cannot control the market forces
from reaching the equilibrium
قلنا السبب ببساطة لان لو كان اعلى فاحنا بنقدر نشتري البيبسي من اي برادة ثانية وخل هالنص ربية الزيادة تنفعه

�� For a price ceiling to be effective, the price must be below market
equilibrium price (P*)

فيعني عشان يكون له تاثير مثل ما قلت لازم يكون السعر اقل من الequilibrium وبالنتيجة راح يزيد الطلب واجد

�� If Pc < P* it has effect on market forces. Market forces cannot reach

خف علينننا ماردوه
انزين دا فهمتنه الحين

شكرا لكم

equilibrium ⇒ Qd > Qs ⇒ shortage

​

 

[مارد المصباح]

انزين الحين نجي الى price floor


اول شيء يعني شنو price floor ؟
يعني هذا اقل سعر ممكن للتجار يبيعون هالسلعة ابه ،واذا واحد باعها باقل معناتها خالف تعليمات الحكومة

انزين هالمرة خل نفترض ان السلعة هي تلفون ايفون ،ولنفترض ان سعر الايفون في السوق 300 دينار >طبعا اقصد الequilibrium


وجت الحكومة وقالت اقل سعر مسموح فيه بيع الايفون هو 250 دينار ... انزين الحين المحل يقول في خاطره اقل شيء 250 دينار ،يعني لو بعت بـ 300 دينار مو مشكلة وبحصل فايدة في كل تلفون 50 دينار

-تروحين للمحل تسألينه بجم الايفون ؟ يقولش 300 دينار

-بيا اني عميل سو دسكاونت يلا

-لا ارباب اخر سعر 300 دينار ،ما في جانس سوي دسكاونت زيادة
-بتشترين منه ؟ دايركت بتقولين له خل هالايفون عندك ...
-تروحين للمحل الثاني الا بعد عارضنه ب300 دينار



انزين ليش ب300 ومحد يبيع باقل ؟
لان بكل بساطة دام يقدر يبيعه ب300 دينار والسوق متقبل هالمبلغ يعني هو مستفيد صح ؟
ليش يروح وينزل السعر ؟ عشان يربح اقل يعني

انزين معناتها شنو صار ؟
معناتها دام Pf < P* ما استفدنا شيء لان المحلات بتبيع بسعرها الاصلي لان بتربح اكثر

ولهذا السبب نقول :
If Pf < P* it has no effect on market forces
because Pf cannot control the market forces
from reaching the equilibrium



واضح ؟
اذا في اي شيء مو واضح او بعدش مو فاهمتنه قولي عشان اعيد شرحه ،او انتقل للنقطة الثانية​

 

[مارد المصباح]

��If Pf > P*, it is effective on market forces.
Market cannot reach equilibrium ⇒ Qs > Qd
⇒ surplus.


انزين بس دي النقطه ما فهمتها ^

يعني النقطة الاولى واضحه صح ؟ الحين بننتقل للحالة الثانية >الا سألتيني عنها

*****


انزين .. لو جت الحكومة وقالت اقل سعر تبيعون ابه ايفون هو 350 دينار

المحلات بتنزهق وبتقول يا سلاااام ... نقدر نزيد اسعارنا 50 دينار مقارنة بقبل ،ونقول للكستمر لا والله دي الزيادة من الحكومة

-تروحين للمحل تسألينه بجم الايفون ؟ يقولش 350 دينار

-بيا اني عميل سو دسكاونت يلا ،ثانيا ليش ب350 ؟ اني جايه قبل جم يوم وانت قايل ب300 يا الشلاخ

-لا ارباب اخر سعر 350 دينار ،ما في جانس سوي دسكاونت ،هذه زيادة من حكومة

-بتشترين منه ؟ دايركت بتقولين له خل هالايفون يخيس عندك انت والحكومة

-تروحين للمحل الثاني الا بعد عارضنه ب350 دينار


انزين ليش ب350 ومحد يبيع باقل ؟
لان بكل بساطة دام يقدر يبيعه ب350 دينار ويعني هو مستفيد في كل تلفون 50 دينار صح ؟
ليش يروح وينزل السعر ؟ عشان يربح اقل يعني ،خصوصا ان حجته قوية هالمرة ترى الزيادة من الحكومة مو مني فلا تعورون راسي

ثانيا لو لو لو فكر محل يعرضه بسعر اقل من 350 دينار ،الحكومة مباشرة بتشوف شغلها وياه ،يعني حتى هو ما عنده صلاحية اصلا ينقصنا في السعر

انزين والحل ؟ اني قدرت اجمع بس 300 دينار ،واحين المحلات كلها تبي تبيعه عليي ب350

خلاص عجل شكلي بشتري ليي جلكسي لو تلفون غير ،لان هالتلفون واجد غالي عليي ولا اقدر اشتريه​

 

[مارد المصباح]

انزين معناتها شنو صار ؟
معناتها دام *Pf > P يعني المحلات بتستغل الزيادة "وراح تكون مجبورة" ترفع اسعارها

يعني اني والاشخاص الا مثل حالتي ما يقدرون يشترون تلفون ب350 دينار ما بياخذون هالتلفون وبروحون يدورون ليهم واحد غيره ارخص من 350

يعني المحلات بتعرض الايفون ب350 دينار بس الناس ما راح تشتريه قد قبل صح ؟
يعني الكستمر بصيرون اقل من قبل

ولهذا السبب نقول :
If Pf > P*, it is effective on market forces.
Market cannot reach equilibrium ⇒ Qs > Qd
⇒ surplus.

واضح ؟
اذا في اي شيء مو واضح او بعدش مو فاهمتنه قولي عشان اعيد شرحه


​

هو شوي يفر المخ
بس اوكيه واصل

شنو بالضبط الا ما فهمتينه ؟
حتى اوضحه اكثر

��If Pf > P*, it is effective on market forces.

Market cannot reach equilibrium ⇒ Qs > Qd

⇒ surplus.

هي النقطه ما وضحت عدل ..
بقول لك الا فهمته اني

يقول لك اذا كان اقل سعر تفرضه الحكومه مثلا 350 ..
هني البائع ما يقدر يخفض السعر لان ممنوع
بس طبعا يقدر يزيده
لو افترضنا ان سعر التوازن كان 300 ..

هني احنا ما تقدر نوصل للتوازن
فشلون يصير

effective on market forces ؟

فالمفروض يصير غير فعال .. لان ما يقدر يوصل للتوازن

او يمكن اني هني التبس عندي معنى

effective
اني فهمته ان عشان يوصل للمثاليه ( المثاليه = سعر التوازن )

 

[مارد المصباح]

كلامش صح ،بس المقصود ب effective ان يحدث تأثير في السوق
يعني لما سووا هالحركة ما تغير ال demand و ال supply ؟
اذا أثر فيهم يعني هو effective له

واذا الحكومة تبي تخلي السوق متوازن ،لازم هي تروح وتشتري الsurplus من السوق

وضحت الفكرة لو للحين ؟


​

بصير تأثير على السوق صح ..
بس شلون هالتغيير ؟

الكميه المعروضه بتكون اكبر من الكميه المطلوبه
بصير عدنا فائض
فاذا الحكومه تبي تغطي هالفائض
تروح تشتريه
صح ؟

التغيير من كان السوق متوازن ،الحين صار فائض
اي كلامش صح

وضحت الفكرة 100% لو للحين تحسين في شيء مو واضح ؟

​

وضحت 100 %

 

[7aneen]

اتذكر شرح لي هالنقاط و بالفعل جت في التست
و الحمد لله اخذت فل مارك

#شكراً_مارد @مارد المصباح
ادري جت متأخره

 

[AAU]

ممتاز ما شاء الله بالتوفيق للجميع

 

[زهراء هانوم]

شرح ممتاز يعطيكم العافية

 

[Account Teacher]

أحسنت