مناقشة التسجيل الاول للفصل الدراسي الثاني 2016-2015

[مارد المصباح]

السلام عليكم ورحمة الله وبركاته

مناقشة التسجيل الاول للفصل الدراسي الثاني 2016-2015



-توزيع الدفعات-

طريقة التسجيل

****

[ روابط مهمة ]


موقع التسجيل الإلكتروني

الجدول الدراسي

المقاعد الشاغرة

****

قسم هيئة التدريس
*للإطلاع على آراء الطلبة حول الدكاترة


بالتوفيق جميعا ​

 

[الفـيـلـسـوف]

متى نسجل ؟
ليش في التسجيل الأول و التسجيل الثاني .. ؟

 

[المهندس عبدالله]

متى نسجل ؟
ليش في التسجيل الأول و التسجيل الثاني .. ؟

وثالث بعد
بنسبة لطلبة التمهيدي بنزلون لكم جدول هم، وفي التسجيل الثاني أو الثالث ما أذكر، بخلونكم تعدلون

 

[مارد المصباح]

متى نسجل ؟
ليش في التسجيل الأول و التسجيل الثاني .. ؟

متى نسجل ؟

هاليومين ان شاء الله راح ينزل جدول توزيع الدفعات ،وعموما التسجيل ببدي للمتوقع تخرجهم اول في تاريخ 6-12-2015 وبعدها بكون التسلسل حسب الدفعات من الاقدم للاجدد

واقعا في 3 فترات للتسجيل
التسجيل الاول : في منتصف الفصل تقريبا ،وتقدر تقول ان الفكرة منه هو تحديد رغبات الطلاب المبدئية في المواد >>يعني مثلا يمكن يفتحون 10 سكاشن هيستوري ،بس طلاب واجد محتاجين يسجلونه فيفتحون تالي سكاشن اضافية

التسجيل الثاني : يكون بعد ما تطلع نتايج المواد -نهاية الفصل- ،وهذا تقدر تقول ان يتم فيه تصحيح اختيار المواد فلو طالب ما نجح هذا الفصل في متطلب لمادة الكورس الجاي راح تنحذف من عنده ،وبالتالي بتكون في فرصة لطلاب غير ان ينزلون هالمادة + في حالة اضافة سكاشن للمواد

التسجيل الثالث : يكون قبل بداية الفصل الجديد -الا تسجل موادك اليه- ،وهذا بمثابة القرار النهائي الى جدولك + دفع رسوم المواد حتى يتثبت لك الجدول رسميا + في حالة اضافة سكاشن للمواد

ليش في التسجيل الأول و التسجيل الثاني .. ؟

*بما انك اول فصل واورينتيشن فجدول الفصل الجاي بكون الك جاهز ان شاء الله من التسجيل ،اللهم تالي تقدر تعدل الاوقات "اذا في مجال" او تحذف مقرر مثلا​

 

[M.M.A.A.]

للعلم بس؛ جدول ترتيب الدفعات حطوا على الموقع:
http://www.uob.edu.bh/pages.aspx?module=advs&id=889&SID=1

 

[victory]

آخر كورس دراسي الحمدلله بس للحين ما في داك الاحساس

 

[Mohammed_13]

ويش هالجانس ماصار يوم تسجيلنا إلا الاحد

 

[2013]

هالمرة مانقدر نجيك المواد نفس الفصول الا طافت ؟؟ ببرنامج او موقع iuob شي جدي

اذا اجرب حتى مواد هالكورس مايطلعون!

 

[مارد المصباح]

هالمرة مانقدر نجيك المواد نفس الفصول الا طافت ؟؟ ببرنامج او موقع iuob شي جدي

اذا اجرب حتى مواد هالكورس مايطلعون!

حسب كلام الشباب في التسجيل الا فات ان غيروا بعض الشغلات في الرابط فالطريقة ما عادت تنفع للاسف

 

[أمواج]

كم ساعة / مادة تتبقى عالطالب عشان ينحسب من المتوقع تخرجهم ؟
وهل اذا الطالب أخذ مادة وبعيدها بسبب أخذ F تنحسب مع ساعاته ؟

 

[_____طالب_____]

كم ساعة / مادة تتبقى عالطالب عشان ينحسب من المتوقع تخرجهم ؟
وهل اذا الطالب أخذ مادة وبعيدها بسبب أخذ F تنحسب مع ساعاته ؟

اذا باقي ليه اقل من 21 ساعه واذا جاب F هالفصل تنضاف الى الساعات الباقيه ليه يعني مثلا اذا واحد باقي عليه 20ساعه فهو من ضمن المتوقع تخرجهم بس اذا رسب هالفصل في مادة بو3ساعات فتبقى عليه 23ساعه مايصير ضمن المتوقع تخرجهم بس هالسالفة تصير في التسجيل الثاني والثالث اما الحين للحين ماطلعت النتايج يعني اذا اقل من 21 ساعه من المتوقع تخرجهم

ان شاء الله ينفهم الشرح

 

[ambitious32]

متى بينزل هالجدول ؟؟
على اخر فصل بيذلونا

 

[qassoomy]

نزل الجدول وهذه الرابط

http://www.online.uob.edu.bh/cgi/enr/schedule2.class_schedule?progtype=1&cyer=2015&csms=2

 

[مارد المصباح]

نزل الجدول وهذه الرابط

http://www.online.uob.edu.bh/cgi/enr/schedule2.class_schedule?progtype=1&cyer=2015&csms=2

الرابط اوردي موجود في الموضوع من قبل ​

 

[الطالبة]

عادي يكون في الصيفي ترينغ مع مادتين؟

 

[UOB-DESIGNER]

جماعة...انا الكورس الجاي من المتوقع تخرجهم..وحسابuobstudent يقولون اتواصلوا مع قسم التسجيل ..فقالوا اىتسجيل بيفتحونه 4 العصر...يعني عقب ما ينتهي دوام الموظفين...عا السؤال الا يحتاج الى اجابة..الحين دلين الموظفين في ايام التسجيل يبقون للساعة 4 لو يهربون؟

 

[المهندس عبدالله]

JAWAD MOHAMED ALSAIE
Dr. Akil Dakhil
Dr. Safwan Arekat
Dr. Mohamed Al-hilo

أيهو أحسن حق PHYCS102

 

[Blue Castle]

عادي يكون في الصيفي ترينغ مع مادتين؟

نارداً ما الطلبة يحصلون شركة تقبل انهم ياخذون مادة ايا لتريننق ، بس مادتين شيء مستحيل تقريباً لان لو فرضنا ان المادتين MW فيومين ما بتداوين او بتداومين نص اليوم او اقل و لو كان UT مثل الشي ، و اذا كان مادة UT و مادة MW فكل يوم بتتاخرين على الاقل ساعتين غير زحمة الطريق فصعب ان شركة تقبل بهذا الشيء

 

[Blue Castle]

جماعة...انا الكورس الجاي من المتوقع تخرجهم..وحسابuobstudent يقولون اتواصلوا مع قسم التسجيل ..فقالوا اىتسجيل بيفتحونه 4 العصر...يعني عقب ما ينتهي دوام الموظفين...عا السؤال الا يحتاج الى اجابة..الحين دلين الموظفين في ايام التسجيل يبقون للساعة 4 لو يهربون؟

لا دوام موظفين التسجيل بس الى الساعة 2

 

[إيقاع]

JAWAD MOHAMED ALSAIE
Dr. Akil Dakhil
Dr. Safwan Arekat
Dr. Mohamed Al-hilo

أيهو أحسن حق PHYCS102

الحلو